حرام کمانا اور کھانا اللہ پاک کی بارگاہ میں سخت نا پسندیدہ ہے اور احادیث میں اس کی بڑی سخت وعیدیں بیان کی گئی ہیں، ان میں سے 4 احادیث درج ذیل ہیں:

احادیث مبارکہ:

1۔ جو بندہ مالِ حرام حاصل کرتا ہے، اگر اُس کو صدقہ کرے تو مقبول نہیں اور خرچ کرے تو اُس کے لیے اس میں برکت نہیں اور اپنے بعد چھوڑ کر مرے تو جہنم میں جانے کا سامان ہے۔ اللہ تعالیٰ برائی سے برائی کو نہیں مٹاتا، ہاں نیکی سے برائی کو مٹا دیتا ہے۔ بے شک خبیث کو خبیث نہیں مٹاتا۔ (مسند امام احمد، 2/ 33، حدیث: 3672)

2۔ اللہ تعالیٰ نے اُس جسم پر جنت حرام فرما دی ہے جو حرام غذا سے پلا بڑھا ہو۔ (کنز العمال، 2 / 8، حدیث: 9257)

3۔ تاجدارِ رسالت ﷺ نے حضرت سعد سے فرمایا: اے سعد! اپنی غذا پاک کر لو! مستجابُ الدعوات ہو جاؤ گے، اس ذاتِ پاک کی قسم جس کے قبضۂ قدرت میں محمدﷺ کی جان ہے! بندہ حرام کا لقمہ اپنے پیٹ میں ڈالتا ہے تو اس کے 40دن کے عمل قبول نہیں ہوتے اور جس بندے کا گوشت حرام سے پلا بڑھا ہواس کے لئے آگ زیادہ بہترہے۔ (معجم الاوسط، 5 / 34، حدیث: 6495)

4۔ سرکارِ دوعالم ﷺ نے ایک شخص کا ذکر کیا جو لمبا سفر کرتا ہے،اس کے بال پَراگندہ اور بدن غبار آلود ہے اور وہ اپنے ہاتھ آسمان کی طرف اٹھا کر یا رب! یارب! پکار رہا ہے حالانکہ اس کا کھانا حرام، پینا حرام، لباس حرام، اور غذا حرام ہو پھر اس کی دعا کیسے قبول ہو گی۔ (مسلم، ص506، حدیث:1015)

اللہ پاک نے قرآن مجید میں ارشاد فرمایا: یٰۤاَیُّهَا الَّذِیْنَ اٰمَنُوْا لَا تَاْكُلُوْۤا اَمْوَالَكُمْ بَیْنَكُمْ بِالْبَاطِلِ (پ5، النساء:29) ترجمہ: اے ایمان والو! باطل طریقے سے آپس میں ایک دوسرے کے مال نہ کھاؤ۔حضور اکرم ﷺ کا ارشاد ہے: لوگوں پر ایک ایسا زمانہ آئے گا کہ آدمی پروا نہیں کرے گا کہ اس مال کو کہاں سے حاصل کیا ہے حلال سے یا حرام سے؟(بخاری، 2/7، حدیث: 2059) چوری، ڈاکہ، غصب، خیانت، رشوت، شراب، سنیما، جوا، سٹہ، ناچ، گانا، جھوٹ، فریب، دھوکا بازی، کم ناپ تول، بغیر کام کئے مزدوری اور تنخواہ لینا، سود وغیرہ یہ ساری کمائیاں حرام و ناجائز ہیں۔ جس شخص نے حرام طریقوں سے مال جمع کیا اور مر گیا تو اس کے وارثوں پر یہ لازم ہے کہ اگر انہیں معلوم ہو کہ یہ فلاں فلاں کے اموال ہیں تو ان کو واپس کر دیں اور نہ معلوم ہو تو کل مالوں کو صدقہ کردے جان بوجھ کر حرام مال کو لینا جائز نہیں۔

خلاصہ کلام یہ ہے کہ مسلمانوں کو لازم ہے کہ ہمیشہ مال حرام سے بچتا رہے کہ حدیث شریف میں ہے: مال حرام جب حلال مال میں مل جاتا ہے تو مال حرام کو بھی برباد کر دیتا ہے اس زمانے میں لوگ حلال حرام کی پروا نہیں کرتے یہ قیامت کی نشانیوں میں سے ایک نشانی ہے لیکن بہرحال ایک مسلمان کے لئے حلال و حرام میں فرق کرنا فرض ہے۔

اللہ تعالیٰ سے دعا ہے کہ ہمیں حرام رزق کمانے اور کھانے سے محفوظ رکھے اور ہمیشہ حلال رزق کے ذریعے اختیار کرنے کی توفیق عطا فرمائے۔ آمین بجاہ خاتم النبین ﷺ

رزق حلال اللہ تعالیٰ کی عظیم نعمت اور سبب برکت ہے جبکہ حرام کھانا عذاب الٰہی کو دعوت دینا اور خود پر قبولیت کے دروازے بند کرنا ہے۔ قرآن کریم میں حلال کھانے کے ساتھ ساتھ حرام سے بچنے کا بھی حکم دیا گیا ہے، جیسا کہ ارشاد فرمایا: یٰۤاَیُّهَا النَّاسُ كُلُوْا مِمَّا فِی الْاَرْضِ حَلٰلًا طَیِّبًا ﳲ وَّ لَا تَتَّبِعُوْا خُطُوٰتِ الشَّیْطٰنِؕ-اِنَّهٗ لَكُمْ عَدُوٌّ مُّبِیْنٌ(۱۶۸) (پ 2، البقرۃ: 168) ترجمہ کنز الایمان: اے لوگو! جو کچھ زمین میں حلال پاکیزہ ہے اس میں سے کھاؤ شیطان کے راستوں پر نہ چلو بے شک وہ تمہارا کھلا دشمن ہے۔

لقمۂ حرام کا وبال: لقمۂ حرام کے وبال سے متعلق حضرت عبداللہ بن عباس رضی اللہ عنہ نے فرمایا: اللہ تعالیٰ اس کی نماز قبول نہیں فرماتا جس کے پیٹ میں حرام لقمہ ہو۔ (احیاء العلوم، 2/115)

ایک بزرگ رحمۃ اللہ علیہ نے فرمایا: بیشک انسان ایک ایسا لقمہ کھاتا ہے جس کی وجہ سے اس کا دل بگڑ جاتا ہے جیسے کھال بگڑ جاتی ہے پھر اپنی حالت پر کبھی نہیں آتا۔ (احیاء العلوم، 2/116)

حضرت سہل بن عبد اللہ تُستَری رحمۃ اللہ علیہ فرماتے ہیں:جو شخص حرام کھاتا ہے وہ چاہے یا نہ چاہے اور اسے علم ہو یا نہ ہو اس کے اعضاء گناہوں میں مبتلا ہو جاتے ہیں اور جب حلال کھانا کھاتا ہے تو اس کے اعضاء فرمانبردار ہو جاتے ہیں اور اسے اعمال خیر کی توفیق دی جاتی ہے۔ (احیاء العلوم، 2/116)

حرام کمانا اور کھانا اللہ کی بارگاہ میں سخت ناپسندیدہ ہے اور احادیث میں اس کی سخت وعیدیں بیان کی گئی ہیں، ان میں سے چند درج ذیل ہیں:

فرامینِ مصطفیٰ:

1۔ جو بندہ مال حرام حاصل کرتا ہے، اگر اس کو صدقہ کرے تو قبول نہیں اور خرچ کرے تو اُس کے لیے اُس میں برکت نہیں اور اپنے بعد چھوڑ کر مرے تو جہنم میں جانے کا سامان ہےـ اللّہ تعالیٰ برائی کو برائی سے نہیں مٹاتا، ہاں نیکی سے برائی کو مٹا دیتا ہےـ بےشک خبیث کو خبیث نہیں مٹاتا۔ (مسند امام احمد، 2/ 33، حدیث: 3672)

2۔ اللہ تعالیٰ نے اُس جسم پر جنت حرام فرمادی ہے جو حرام غذا سے پلا بڑھا ہو۔ (مسند امام احمد، 2/33، حدیث:3672)

3۔ تاجدارِ رسالت ﷺ نے حضرت سعد رضی اللہ عنہ سے ارشاد فرمایا: اے سعد! اپنی غذا پاک کر لو! مستجابُ الدعوات ہو جاؤ گے، اُس ذاتِ پاک کی قسم جس کے قبضۂ قدرت میں محمد ﷺ کی جان ہے! بندہ حرام کا لقمہ اپنے پیٹ میں ڈالتا ہے تو اُس کے 40 دن کے عمل قبول نہیں ہوتے اور جس بندے کا گوشت حرام سے پلا بڑھا ہو اُس کے لیے آگ زیادہ بہتر ہے۔(معجم اوسط، 5/ 34، حدیث: 6495)

4۔ سرکار دو عالم ﷺ نے ایک کا ذکر کیا جو لمبا سفر کرتا ہے، اُس کے بال پَراگندہ اور بدن غبار آلود ہے اور وہ اپنے ہاتھ آسمان کی طرف اٹھا کر یارب! یارب! پکار رہا ہے حالانکہ اس کا کھانا حرام، پینا حرام، لباس اور غزا حرام ہو پھر اُس کی دعا کیسے قبول ہو گی۔ (مسلم، ص506، حدیث:1015)

اللہ پاک سے دعا ہے کہ ہمیں شریعت کے حرام کردہ ہر طریقے سے مال کمانے اور کھانے سے بچائے۔ مالِ حرام کے وبال سے اس کی نحوست سے بچائے۔ آمین بجاہ خاتم النبیین ﷺ

ماہ ہفتہ وار اجتماع کے لئے بھرپور کوششیں جاری۔ الحمداللہ عزوجل ڈیرہ اسماعیل خان کے علاقے وانڈا ڈھوڑ چشمہ میں 14دسمبر 2023ء کو ہفتہ وار اجتماع منعقد ہوا جس میں ذمہ داران کی کوششوں سے اسٹوڈنٹ ، ٹیچرز و مقامی اسلامی بھائیوں کی پہلے سے زیادہ بڑی تعداد نے شرکت کی ۔

صوبائی نگران قاری اشفاق عطاری نے ” قبر سے اٹھنے کا ہولناک منظر“ کے موضوع پر بیان کیا اور شرکائے اجتماع کو قبر و آخرت کی تیاری کا ذہن دیا۔ذکر ،دعا اور صلوٰۃ و سلام پر اختتام ہوا۔(رپورٹ: حسنین عطاری ، کانٹینٹ:رمضان رضا عطاری مدنی )

دعوتِ اسلامی کے  شعبہ مدنی کورسز کے تحت13 دسمبر 2023ء سے حسنین اکیڈمی لاہورمیں 7 دن کا فیضانِ نماز کورس کا سلسلہ جاری ہے۔

کو رس میں موجود اسلامی بھائیوں کو نماز کے فرائض سیکھانے کے ساتھ ساتھ سنتیں و آداب سکھانے کا سلسلہ رہا اور اسٹوڈنٹس کو عملی طور پر نماز کا طریقہ بھی کروایا گیا ۔(رپورٹ: محمد منور عطاری ،راوی ٹاؤن ذمہ دار شعبہ مدنی کورسز، کانٹینٹ:رمضان رضا عطاری مدنی )

پچھلے دنوں  دعوتِ اسلامی کے رابطہ برائے میڈیکل ڈیپارٹمنٹ کے زیرِ اہتمام فیصل آباد ڈویژن میں ذمہ دار اسلامی بھائیوں نے مجاھد اور دیگر اسپتالوں میں نیشنل اور ملٹی نیشنل کمپنیوں کے افراد سے ملاقاتیں کیں ۔

دورانِ ملاقات ذمہ داراسلامی بھائی نے دعوت اسلامی کے دینی اور فلاحی کاموں کا تعارف کروایا اور 20 دسمبر بروز بدھ کو ہونے والے میڈیکل ڈیپارٹمنٹ سے وابستہ افرادکے اجتماع میں شرکت کرنے کی دعوت دی جس پر شخصیات نے اجتماع میں شرکت کرنے کی اچھی نیتوں کا اظہار کیا۔(رپورٹ:شاھد عطاری ڈویژن ذمہ دار رابطہ برائے میڈیکل ڈیپارٹمنٹ ڈویژن فیصل آباد، کانٹینٹ:رمضان رضا عطاری)

دعوتِ اسلامی کے مدرسۃ المدینہ بالغان ڈیپارٹمنٹ  کی جانب سے 13 دسمبر 2023ء کو کراچی عالمی مدنی مرکز فیضانِ مدینہ میں مدنی مشورہ

ہوا جس میں سٹی ذمہ دار قاری محمد حسان رضا عطاری ،ڈویژن 2 کے ڈسٹرکٹ ذمہ داران ،قاری محمد احسن عطاری،قاری محمد حارث عطاری مولانا قاری عبدالباسط عطاری مدنی اور معاون قاری عبدالوکیل عطاری شریک ہوئے۔

نگران ڈویژن 2 حاجی رضا عطاری مدنی نے ڈویژن 2 کے مدرسۃ المدینہ بالغان کی 3 ماہ کی کارکردگی کا جائزہ لیا اور ہر ذیلی حلقے میں مدرسۃ المدینہ بالغان لگانے ، شرکا کی تعداد بڑھانے کے حوالے سے ذہن دیا نیز شعبے کے تحت بھر پور انداز میں ماہِ ہفتہ وار اجتماع منانے کے انداز پر کلام ہواجس پر اسلامی بھائیوں نے اچھی اچھی نیتیں کیں۔(کانٹینٹ: ڈسٹرکٹ ذمہ دار عبدالباسط عطاری مدنی شعبہ مدرسۃ المدینہ بالغان، کانٹینٹ:رمضان رضا عطاری)

14 دسمبر2023 ء  بروز جمعرات جمادی ٰالاخریٰ 1445ھ کا چاند دیکھنے کے لئے پاکستان کے مختلف علاقوں میں عاشقان رسول نے چاند دیکھنے کا اہتمام کیا۔

اس سلسلے میں عالمی مدنی مرکز فیضان مدینہ کراچی میں شعبۂ اوقات الصلوٰۃ کے تحت چاند دیکھنے کا اہتمام کیا گیا ۔ نگران شعبہ مولانا وسیم عطاری ا ور دیگر اراکین نے تخصص فی التوقیت کے طلبہ کے ساتھ چاند کی رؤیت کا اہتمام کیا۔(کانٹینٹ:رمضان رضا عطاری)

دعوتِ اسلامی  کے شعبہ فیضانِ مدینہ مدنی مراکز کے تحت ڈویژن ڈیرہ اسماعیل خان خیبرپختونخوا میں مدنی مشورے کا انعقاد کیا گیا جس میں ناظم الامور فیضان مدینہ، ائمہ فیضان مدینہ، جامعۃ المدینہ بوائز کے ناظمین سمیت دیگر متعلقہ مدنی عملے اور تحصیل نگران اسلامی بھائی نے شرکت کی ۔

مدنی مشورے میں مولانا عبدالستار عطاری مدنی، زمان عطاری مدنی، فرمان عطاری مدنی،قاری محمد زاھد نواز عطاری سمیت دیگر ذمہ داران نے مدنی مراکز کی آبادی کاری ، 12دینی کام و دیگر انتظامی معاملات، ہفتہ وار اجتماع اور تعمیرات کے حوالے سے اسلامی بھائیوں کی تربیت کی ۔(رپورٹ: قاری محمد زاھد نواز عطاری،کانٹینٹ:رمضان رضا عطاری)

12 دسمبر 2023ءخانقاہ شریف فیضان مدینہ میں نگران بہاولپور ڈویژن ڈاکٹر حافظ عبدالرؤف عطاری اور ڈسٹرکٹ نگران حاجی اعجاز عطاری نے ڈسٹرکٹ بہاولپور کے تحصیل نگران وذمہ داران کا مدنی مشورہ فرمایا جس میں سابقہ کارکردگی کا جائز لیتے ہوئے 12 دینی کام بالخصوص ہفتہ وار اجتماع میں حاضری کو مضبوط کرنے ، ماہنامہ فیضان مدینہ کی  بکنگ اور دسمبر 2023ءمدنی قافلوں کے حوالے سے اہداف دیئے۔(رپورٹ: احمدرضا عطاری ڈویژن میڈیا ڈیپارٹمنٹ، کانٹینٹ:شعیب احمد عطاری) 

13 دسمبر2023ء بہاولپور فیضان مدینہ میں نگران بہاولپور ڈویژن ڈاکٹر حافظ عبدالرؤف عطاری نے مجلس کنسٹرکشن ڈیپارٹمنٹ کے ذمہ داران کا مدنی مشورہ فرمایا جس میں بہاولپور ڈویژن کے تعمیراتی پروجیکٹ کے سے متعلق مسائل پر گفتگو کرتے ہوئے اس کے حل کے حوالے  سے جائزہ لیا اور حاضرین کو اہداف دیئےاور12 دینی کام بالخصوص ہفتہ وار اجتماع میں حاضری کو مضبوط کرنے ، ماہنامہ فیضان مدینہ کی بکنگ اور دسمبر2023ء مدنی قافلوں کے حوالے سے اہداف دیئے۔(رپورٹ: احمدرضا عطاری ڈویژن میڈیا ڈیپارٹمنٹ، کانٹینٹ:شعیب احمد عطاری)

دعوت اسلامی کے شعبے میڈیا ڈیپارٹمنٹ کے تحت پنڈی گھیب شہر میں نیکی کی دعوت کا سلسلہ ہواجس میں پرنٹ اور الیکٹرانک میڈیا سے وابستہ صحافیوں نے شرکت کی۔

ڈسٹرکٹ ذمہ دار نے ایوب خان صدر الیکٹرانک میڈیاکوہ نور نیوز،مدثر عزیز نوائے وقت،حنیف بھٹی ایکسپریس میڈیا گروپ ،ملک افتخار ڈیلی اساس،آصف صابری پی ٹی وی اورعامر سلطان ڈیلی پنڈی ٹو دےسے ملاقات کی۔

میڈیا ڈیپارٹمنٹ ڈسٹرکٹ ذمہ دار نے صحافيوں کو دعوت اسلامی کے تحت ہونے والے دینی اور فلاحی کاموں سے آگاہ کرتے ہوئے مبلغ دعوت اسلامی نے صحافيوں کے درمیان امیراہلسنت دامت برکاتہم العالیہ کے رسائل تقسیم کیے۔(رپورٹ: ڈسٹرکٹ ذمہ دار محمد سلیم سلیمی عطاری، کانٹینٹ:شعیب احمد عطاری)

شعبہ کفن دفن دعوت اسلامی کے زیر اہتمام 08-12-2023ءکو کراچی جناح ٹاؤن دھوراجی فیضان مشتاق مسجد میں شعبہ کفن دفن کی جانب سے سیکھنے سیکھانے کا سلسلہ  ہوا جس میں فیضان مشتاق مسجد کے اسلامی بھائیوں سمیت دیگر عاشقان رسول نے شرکت کی ۔

کفن دفن کے حوالے سے گفتگو کرتے ہوئے ڈسٹرکٹ ذمہ دار عزیر عطاری نے شرکا کو غسلِ میت کا طریقہ بتایا اور کفن کاٹنے و پہنانے کے حوالے سے اُن کی تربیت کی۔

آخر میں ڈسٹرکٹ ذمہ دار نے شعبہ کفن دفن کا تعارف کرواتے ہوئے پلے اسٹور پر موجود ایپلی کیشن ڈاؤن لوڈ کروائی اور دعوتِ اسلامی کے دینی و فلاحی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ: شعبہ کفن دفن،کانٹینٹ:شعیب احمد عطاری)