دعوتِ اسلامی کے مختلف مدنی کاموں  میں سے ایک کام رابطہ بالعلماء بھی ہے جس کے مدنی کاموں میں علمائے اہل سنت سے ملاقا تیں کرنا ،انہیں دعوتِ اسلامی کا تعارف پیش کرنا اور مکتبۃالمدینہ کی کتابیں تحفے میں پیش کرنا ہے۔ اسی سلسلے میں ریجن فیصل آباد اور رکن زون نےجامعہ محمدیہ ساہیوال کا دورہ کیا جس میں مولانا مفتی غلام رسول ربانی صاحب (صدر مدرس جامعہ محمدیہ) سے ملاقات ہوئی اور ان کو مختصر فتاویٰ اہلسنت کتاب اور ماہنامہ فیضانِ مدینہ بھی پیش کیا۔

گزشتہ دنوں دعوتِ اسلامی کی مجلس رابطہ کے تحت مولانا ظہیر خان چشتی قادری امام خطیب و جامع مسجد لوھاراں والی مسجد کی جامعۃالمدینہ کالاباغ میں تشریف آوری ہوئی جہاں انہوں جامعۃ کا دورہ کیا اور اساتذۂ کرام سے ملاقات کی۔ ناظم صاحب نے انہیں جامعۃ المدینہ کا تعارف پیش کرتے ہوئے تعلیمی سرگرمی سے متعلق آگاہی فراہم کی۔ اس موقع پر انہوں نےمدنی مرکز فیضانِ مدینہ کالا باغ کا وزٹ بھی کیا۔

 پچھلے دنوں دعوتِ اسلامی کی مجلس توقیت کے نگران اور مجلس رابطہ بالعلماء کے ذمہ داران نے ماڈل ٹاؤن لاہور میں واقع جامعہ رضویہ میں حاضری دی اور وہاں کے ناظم صاحب سے ملاقات کی۔ جامعہ رضویہ کے طلبۂ کرام میں سنّتوں بھرے اجتماع کا سلسلہ بھی ہوا جس میں نگرانِ مجلس و ماہرِ علمِ توقیت مولانا وسیم عطاری نے سنّتوں بھرا بیان کیا اور شرکا کو دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے علمِ توقیت کے متعلق کی جانے والی خدماتِ دعوتِ اسلامی سے آگاہ کیا۔