عاشقانِ رسول کی دینی تحریک دعوتِ اسلامی کے تحت گزشتہ روز راجا رانی مارکی، ستیانہ روڈ فیصل آباد میں اجتماعی طور پر ہفتہ وار مدنی مذاکرہ دیکھنے کا اہتمام کیا گیا۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کے ہمراہ سیاسی و سماجی شخصیات، ذمہ داران اور عاشقانِ رسول کی کثیر تعداد موجود تھی۔

مدنی مذاکرے کے بعد نگرانِ پاکستان مشاورت حاجی محمد شاہد عطاری نے وہاں موجود اسلامی بھائیوں کو مدنی پھولوں سے نوازا اور دعوتِ اسلامی کے 12 دینی کاموں میں شمولیت اختیار کرنے کا ذہن دیا۔آخر میں نگرانِ پاکستان مشاورت حاجی محمد شاہد عطاری نے دعا کروائی اور اسلامی بھائیوں سے ملاقات بھی کی۔(رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

نثار کالونی مین بازار محمد علی ہاؤسنگ سکیم میں ذیشان عطاری کی رہائش گاہ پر دعوتِ اسلامی کے زیرِ اہتمام سیکھنے سکھانے کا حلقہ لگایا گیا جس میں تاجران و شخصیات اور ذمہ داران سمیت دیگر عاشقانِ رسول نے شرکت کی۔

حلقے میں شریک اسلامی بھائیوں کی تربیت کے لئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے شرکا کو سنتِ نبوی صلی اللہ علیہ و سلم پر عمل کرنے بالخصوص اپنے چہروں اور سروں پر داڑھی شریف و عمامہ شریف سجانے کا ذہن دیا۔

حلقے کے اختتام پر نگرانِ پاکستان مشاورت حاجی محمد شاہد عطاری نے بعض اسلامی بھائیوں کے سروں پر عمامہ شریف بھی باندھا جبکہ دیگر اسلامی بھائیوں نے داڑھی شریف رکھنے کی نیتیں کیں۔

دعوتِ اسلامی کے مختلف ایونٹس بالخصوص  25 صفر المظفر اور 12 ربیع الاول 1445ھ کو ہونے والے اجتماعات کے حوالے سے مدنی مرکز فیضانِ مدینہ فیصل آباد میں پچھلے دنوں سٹی ذمہ دار اسلامی بھائیوں کا مدنی مشورہ ہوا جس میں فیصل آباد ڈسٹرکٹ نگران، فیصل آباد سٹی نگران اور ٹاؤن ذمہ دار اسلامی بھائیوں کی شرکت ہوئی۔

نگرانِ پاکستان مشاورت و رکنِ مرکزی مجلسِ شوریٰ حاجی محمد شاہد عطاری نے دورانِ مدنی مشورہ ہر ذیلی حلقے میں 12 محافلِ میلاد منعقد کروانے نیز سوسائٹیز میں بھی محافلِ نعت کا انعقاد کرنے کے متعلق گفتگو کی۔

اسی طرح نگرانِ پاکستان مشاورت حاجی محمد شاہد عطاری نے گلیوں اور محلوں سجانے کے ساتھ ساتھ عاشقانِ رسول کو مدنی قافلوں میں سفر کروانے کا ذہن دیا۔

علاوہ ازیں نگرانِ پاکستان مشاورت حاجی محمد شاہد عطاری نے شرکائے مدنی مشورہ کو قیمتی مدنی پھولوں سے نوازا۔(رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

عاشقانِ رسول کی  دینی تحریک دعوتِ اسلامی کی جانب سے ہر سال کی طرح اس سال بھی 25 صفر المظفر 1445ھ کوپاکستان کے 10مقامات پر عالم کورس اور تخصصات مکمل کرنے والے طلبائے کرام کےلئے دستارِ فضیلت اجتماع منعقد ہونے جارہا ہے۔

ان شاء اللہ کریم بمطابق 11ستمبر بروزپیر 2023 ء کوکراچی،حیدرآباد،ملتان،فیصل آباد،اوکاڑہ،لاہور،گجرات،سیالکوٹ،گجرانوالہ اور اسلام آباد میں pm 9:15 پر اجتماع کا آغاز ہوجائے گا۔

تلاوت و نعت کے بعدpm 9:30 بجے عالمی مدنی مرکز فیضانِ مدینہ کراچی سے مرکزی مجلسِ شوریٰ کے نگران مولانا حاجی محمد عمران عطاری مدظلہ العالی ’’علم ِدین‘‘ کے موضوع پر سنتوں بھرا بیان فرمائیں گے جس کو مدنی چینل پر لائیو نشر کیا جائے گا۔

pm10:45پر دستارِ فضیلت کا آغاز ہوگا جس میں دس مقامات پر موجود علمائے کرام ومفتیانِ کرام اور اراکینِ شوریٰ مذکورہ مقامات پر موجود ایک ہزار 555طلبائے کرام کے سروں پر درس نظام کی تکمیل و تخصصات مکمل کرنے کی خوشی میں مبارک باد پیش کرتے ہوئے عمامہ شریف کا تاج سجائیں گے۔(کانٹینٹ:رمضان رضا عطاری)

دعوتِ اسلامی کے تحت  ایک بار پھر یومِ رضا و استقبالِ ربیع الاول کے سلسلے میں 10ستمبر2023ء بروز اتوار کاربازار گراؤنڈ11-D نیو کراچی میں گراؤنڈ اجتماع کا انعقاد ہونے جارہا ہے ۔

اس اجتماع پاک کا آغاز پاکستانی وقت کے مطابق رات 9:30 بجے تلاوتِ قرآنِ پاک ونعت رسول مقبول صلی اللہ علیہ وسلم سے ہوگاجس میں خصوصی بیان مرکزی مجلسِ شوریٰ کے نگران مولانا حاجی محمد عمران عطاری مدظلہ العالی فرمائیں گے ۔

واضح رہے کہ! یہ اجتماع مدنی چینل پر براہِ راست نشر کیا جائے گا۔کراچی میں موجود عاشقانِ رسول سے گراؤنڈ اجتماع میں مدنی پرچموں کے ساتھ شرکت کی مدنی التجا ہے اور دیگر شہر وں و ممالک کے اسلامی بھائیوں سے بذریعہ مدنی چینل اجتماع پاک کی نشریات کو ملاحظہ کرنے کی درخواست ہے ۔( کانٹینٹ:رمضان رضا عطاری)

دعوت اسلامی کے زیرِ اہتمام  3ستمبر2023ء بروز اتوارتحصیل مرید میں شعبہ جات کے تحصیل ذمہ داران کا ظہر تاعصر مدنی مشور ہ ہوا جس میں شعبہ عشر، شعبہ اصلاح اعمال، شعبہ مدنی قافلہ، شعبہ رابطہ برائے شخصیات کے تحصیل ذمہ دار نے شرکت کی۔

مدنی مشورے میں نگران تحصیل مشاورت قاسم عطاری نے 12 دینی کام کرنے کے متعلق اسلامی بھائیوں کو مدنی پھول دیئے نیز آئندہ کے لئے اہداف بھی فراہم کئے جس پر انہوں نے اچھے خیالات کااظہار کیا۔(رپورٹ:زوہیب عطاری،کانٹینٹ:رمضان رضا عطاری)

شعبہ کفن دفن دعوت اسلامی کے تحت 2 دسمبر 2023ء کوعالمی مدنی مرکز فیضانِ مدینہ کراچی میں غسلِ میت اور کفن دفن کورس ہوا جس میں مختلف مقامات سے آئے ہوئے مدنی قافلے کے اسلامی بھائیوں کی شرکت ہوئی۔

شعبہ کفن دفن ڈسٹرکٹ ایسٹ کے ذمہ دار عزیر عطاری نے شرکائے مدنی قافلہ کو غسل میت دینے اورکفن کاٹنے/ پہنانے کا طریقہ سکھایا نیز تدفین سے متعلق دینِ اسلام کی تعلیمات سے آگاہ کیا جس پر اسلامی بھائیوں نے اچھی اچھی نیتیں کیں۔ (کانٹینٹ:رمضان رضا عطاری)

2 ستمبر 2023ء کو یوم دعوت اسلامی کے موقع پر پاکستان مشاورت آفس کے ذمہ داراسلامی بھائیوں کا مدنی مشورہ ہوا  جس میں نگرانِ پاکستان مشاورت حاجی محمد شاہد عطاری نے دعوت ِاسلامی کی دینی و دنیاوی خدمات کے بارے میں بتایا ۔

علاوہ ازیں نگران پاکستان مشاورت نے ذمہ داران کو دعوتِ اسلامی کے ساتھ وابستہ رہنے کے بارے میں ذہن دیا اوراپنے قیمتی مدنی پھولوں سے بھی نوازا۔ (کانٹینٹ:رمضان رضا عطاری)

دعوت اسلامی کے زیرِ اہتمام 31 اگست 2023ء  بروز جمعرات مدنی مرکز فیضانِ مدینہ ماڈل ٹاؤن کرم پورروڈ نزدپرانا ٹول ٹیکس میلسی میں ہفتہ وار سنتوں بھرے اجتماع کا انعقاد کیا گیا جس میں مقامی عاشقانِ رسول اور ذمہ داران نے شرکت کی ۔

رکنِ شوریٰ ونگرانِ پاکستان مشاورت حاجی محمد شاہد عطاری نے ’’جہنم کے کانٹے ‘‘ کے موضوع پر بیان کیا اور شرکا کوعلمِ دین سیکھنے،مدنی قافلوں میں سفر کرنے نیز دینی کاموں میں حصہ لینے کی ترغیب دلائی۔ (کانٹینٹ:رمضان رضا عطاری)

شعبہ  فیضان آن لائن اکیڈمی بوائز کے شفٹ ناظمین کا سالانہ اجتماع فیضان مدینہ جی 11 اسلام آباد میں ہوا ۔اجتماع کے 3دن مختلف سیشنز ہوئے ۔

تیسرے دن کنزالمدارس بورڈ کے نمائندے مولانا بلال عطاری مدنی نے شرکائے اجتماع کو فیضان آن لائن اکیڈمی کے طلبہ کی کنزالمدارس بورڈ میں کارکردگی کی کیفیت پر تبادلہ خیال کیا اور اس میں مزید بہتری لانے کے لئے مدنی پھول دیئے جس پر اسلامی بھائیوں نے اچھی اچھی نیتوں کا اظہار کیا۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

پچھلے دنوں شعبہ فیضان آن لائن اکیڈمی  بوائز کے تحت 3 دن پر مشتمل شفٹ ناظمین کا سالانہ اجتماع مدنی مرکز فیضانِ مدینہ جی 11 اسلام آباد میں ہوا جس میں مختلف سیشنز ہوئے اور شرکا کی تربیت کے لئے مختلف ٹرینرز کا انتظام کیا گیا ۔

اجتماع کا آخری سیشن شرکا کی اچھی کارکردگی پر تحائف کی تقسیم پر مشتمل تھا ۔ تحائف تقسیم کرنے سے قبل نگران مجلس فیضان آن لائن اکیڈمی بوائز مولانا یاسر عطاری مدنی اور نگران مجلس فیضان آن لائن اکیڈمی گرلزمولانا سید غلام الیاس عطاری مدنی نے اسلامی بھائیوں سے 3دن میں جو سیکھا اس کو اپنی زندگی میں نافذ کرکے شعبے میں بہتری لانے کے حوالے سے کلام کیا اور اس کے بعد اچھی کارکردگی والے اسلامی بھائیوں میں تحائف تقسیم کئے۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے شعبہ فیضان آن لائن اکیڈمی بوائز کے زیرِ اہتمام 27اگست 2023ء کو مدنی مرکز فیضانِ مدینہ G11اسلام آباد میں شفٹ ناظمین کے درمیان ٹریننگ سیشن کا سلسلہ ہوا ۔

ٹریننگ سیشن میں پروفیشنل ٹرینر سر سمیع عطاری نے ’’positive thinking‘‘ کے موضوع پر اسلامی بھائیوں کی تربیت کی اور اس کے فوائد بھی بتائے۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)