گزشتہ روز شعبہ رابطہ برائے حکیم دعوتِ اسلامی کے تحت نگران شعبہ حکیم محمد حسان عطاری  نے دیگر ذمہ دار اسلامی بھائیوں کے ہمراہ بدین اور حیدرآباد کا دورہ کیا جس میں حکما سے ملاقاتیں کیں ۔

دورانِ جدول حکیم محمد حسان عطاری نے حکیموں سے ملاقاتیں کیں اور ان کے درمیان سیکھنے سکھانے کے حلقے لگائے جس میں انہیں نیکی کی دعوت پیش کرتے ہوئے ہفتہ وار سنتوں بھرے اجتماع میں شرکت کرنے اور مدنی مذاکرہ دیکھنے کا ذہن دیا ۔

علاوہ ازیں نگران شعبہ نے ڈویژن ذمہ داران کا مدنی مشورہ لیا اور اس میں ذمہ داران کو 12 دینی کاموں میں اضافہ کرنے سے متعلق ترغیب دلائی ۔(کانٹینٹ:رمضان رضا عطاری)

دعوتِ اسلامی کےتحت مدرسۃ المدینہ بوائزاڈا چھبیل میں سیکھنے سکھانے کے حلقے کا انعقاد ہوا  جس میں مدرسۃ المدینہ کے بچوں اور قاری صاحبان نے شرکت کی ۔

نگران ٹاؤن مشاورت حق نواز عطاری نے قاری صاحبان و بچوں کی دینی و اخلاقی اعتبار سے تربیت کی اور انہیں واہگہ ٹاؤن میں 09 ستمبر2023ء کو ہونے والے مدنی مذاکرے میں شرکت کی دعوت دی جس میں رکن شوری حاجی یعفور رضا عطاری کی خصوصی تشریف آوری ہوگئی۔(کانٹینٹ:رمضان رضا عطاری)

شعبہ رابطہ  برائے شخصیات دعوتِ اسلامی کے زیرِ اہتمام شعبے کے ذمہ دار اسلامی بھائیوں نے تحصیل قصور میں ایس پی انویسٹی گیشن شاہد محمود سے ملاقات کی۔

اس موقع پر شعبہ رابطہ برائے شخصیات کے ذمہ داران نے ایس پی انویسٹی گیشن کو دعوت اسلامی کا تعارف کروایا اور ان کے ساتھ ملکر شعبہ ایف جی آر ایف کے تعاون سے تھانہ کے باغیچہ میں پودے لگائے جس پر انہوں نے دعوت اسلامی کی خدمات پر بھلے تاثرات کا اظہار کیا۔(رپورٹ: خلیل احمد عطاری تحصیل قصور شعبہ رابطہ برائے شخصیات ،کانٹینٹ:رمضان رضا عطاری)

پچھلے دنوں دعوتِ اسلامی کے شعبہ رابطہ  برائے شخصیات کے ذمہ دار اسلامی بھائیوں نے ڈی جی خان ڈویژن میں سابق گورنر پنجاب سردار ذوالفقار علی خان کھوسہ سےملاقات کی ۔

دورانِ ملاقات ذمہ داران نے سردار ذوالفقار علی خان کھوسہ کو دنیا بھر میں ہونے والے دعوت اسلامی کے دینی کاموں کے متعلق بتایا جس پر انہوں نے خوشی کا اظہار کرتے ہوئے دعوت اسلامی کے 42سال مکمل ہونے پر مبارک باد دی اور اچھے تاثرات پیش کئے۔(رپورٹ: شعبہ رابطہ برائے شخصیات ،کانٹینٹ:رمضان رضا عطاری)

خدمتِ دین ، اشاعتِ دین اور قراٰنِ کریم کی تعلیمات کو عام کرنے  کے 42 سال مکمل ہونے پر 2 ستمبر 2023ء کو پاکستان سمیت بیرونِ ممالک میں یومِ دعوتِ اسلامی بھرپور انداز سے منایا گیا۔

تفصیلات کے مطابق یومِ دعوتِ اسلامی پربرمنگھم ویسٹ مڈلینڈز یوکے میں ڈیجیٹل بل بورڈز اور ڈیجیٹل ایڈوان(Digital Billboard and Digital Advan displayed) لگائے گئے ۔

دعوتِ اسلامی کے تحت  3 ستمبر 2023ء کو کھجی گراؤ نڈ ناظم آباد کی نورانی مسجد میں کفن دفن کورس کا انعقاد ہوا جس میں ٹاؤن ذمہ دار نعیم عطاری شعبہ کفن دفن اور نورانی مسجد کے نمازی اسلامی بھائیوں کی شرکت ہوئی۔

ڈسٹرکٹ ایسٹ ذمہ دار عزیر عطاری نے شرکا کو غسل میت دینے کی فضیلت و اہمیت بیان کی نیز غسل میت دینے اور نمازِ جنازہ وتدفین کا طریقہ سکھایا۔مزید کفن کی لمبائی اور چوڑائی کے بارے میں بتاتے ہوئے کفن کاٹنےاور پہنانے کا عملی طریقہ بھی سمجھایا۔(کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے شعبہ کارکردگی کی جانب سے 04 ستمبر 2023ء کو عزیز بھٹی ٹاؤن لاہور میں مدنی مشورہ ہوا جس میں سب ٹاؤن اور یوسی نگران اسلامی بھائیوں نے شرکت کی۔

مدنی مشورے میں محمد ندیم عطاری نے’’ اخلاقیات اور عقائد‘‘ کے موضوعات پر اسلامی بھائیوں کو مدنی پھول دیئے نیز12 دینی کاموں کی کارکردگی کا جائزہ لیتے ہوئے ہرہر یوسی میں تہجد اجتماع کرنے، 12 ستمبر2023ء کو شخصیات اجتماع رکھنے اور 15 ستمبر کو مدنی قافلے کے لئے مدنی مرکز فیضانِ مدینہ کراچی روانہ ہونے والی اسپیشل ٹرین کے لئے بھر پور کوشش کرنے کے اہداف دیئے۔(کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت 2 ستمبر 2023ء بروز ہفتہ فیصل آباد کے لیاقت ٹاؤن  ABC روڈ نزد جامع مسجد شفیع اعظم میں ایک اسلامی بھائی کی رہائش گاہ پر سیکھنے سکھانے کا حلقہ لگایا گیا جس میں تاجران، شخصیات اور ذمہ داران سمیت دیگر عاشقانِ رسول کی شرکت رہی۔

معمول کے مطابق حلقے کا آغاز تلاوتِ کلامِ پاک اور نعت شریف سے کیا گیا جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے وہاں موجود اسلامی بھائیوں کی تربیت و رہنمائی کی۔

دورانِ تربیت نگرانِ پاکستان مشاورت حاجی محمد شاہد عطاری نےشرکا کو سنتِ نبوی صلی اللہ علیہ و سلم پر عمل کرنے کا ذہن دیتے ہوئے انہیں اپنے چہروں اور سروں پر داڑھی شریف و عمامہ شریف سجانے کی ترغیب دلائی۔

اس موقع پر نگرانِ پاکستان مشاورت حاجی محمد شاہد عطاری نے بعض اسلامی بھائیوں کے سروں پر عمامہ شریف باندھا اور شخصیات نے داڑھی شریف رکھنے کی نیتیں کیں۔آخر میں نگرانِ پاکستان مشاورت حاجی محمد شاہد عطاری نے اختتامی دعا کروائی نیز اسلامی بھائیوں نے اُن سے ملاقات بھی کی۔(رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

21 اگست 2023ء بروز جمعرات عاشقانِ رسول کی دینی تحریک دعوتِ اسلامی کے تحت اسٹیٹ نگران اور کاؤنسل نگران اسلامی بہنوں کا مدنی مشورہ ہوا جس میں دیگر اسلامی بہنوں کی بھی شرکت رہی۔

21 اگست 2023ء بروز جمعرات عاشقانِ رسول کی دینی تحریک دعوتِ اسلامی کے تحت اسٹیٹ نگران اور کاؤنسل نگران اسلامی بہنوں کا مدنی مشورہ ہوا جس میں دیگر اسلامی بہنوں کی بھی شرکت رہی۔

نیوزی لینڈ میں دعوتِ اسلامی کے تحت اسلامی بہنوں کے درمیان ہونے والے دینی کاموں کے سلسلے میں نگرانِ اسلامی بہنوں کے مدنی مشورے کا انعقاد کیا گیا جس میں مختلف سطح کی ذمہ داران کی شرکت رہی۔

تفصیلات کے مطابق دورانِ مدنی مشورہ دینی کاموں کا جائزہ لیا گیا اور ان میں درپیش مسائل کے حل پر کلام کیا گیا جبکہ ذمہ دار اسلامی بہنوں نے مکتبۃا لمدینہ للبنات کی کارکردگی اور اس کے اسٹاک کے حوالے سے بھی گفتگو کی۔

میلبرن کی اسلامی بہنوں کے درمیان ہونے والے دعوتِ اسلامی کے دینی کاموں کا فالو اپ لینے کے لئے گزشتہ روز مختلف شعبہ جات کے تحت دینی کام کرنے والی ذمہ دار اسلامی بہنوں کا مدنی مشورہ ہوا۔

معلومات کے مطابق اس مدنی مشورے میں فیضانِ ویک اینڈ اسلامک اسکول سسٹم گرلز ، فیضانِ ویک اینڈ اکیڈمی گرلز اور شعبہ فیضانِ اسلام کے دینی کاموں کے حوالے سے مختلف موضوعات پر کلام کیا گیا۔

مزید ذمہ دار اسلامی بہنوں نے میلبرن میں جامعۃ المدینہ گرلز کھولنے، گجراتی لینگویج کی مبلغہ اور معلمہ تیار کرنے کے متعلق تبادلۂ خیال کیا ۔