دعوتِ اسلامی کےشعبہ رابطہ بالعلماء سرکاری ڈویژن گوجرانوالہ کے ذمہ دار مولانامحمد ظہیر  عباس عطاری مدنی نے گجرات میں صاحبزادہ ٔپروفیسر سید ریاض حسین صاحب (شیخ الحدیث مانچسٹر مسلم کالج یوکے، مہتمم الجامعۃالاسلامیہ اسرارالعلوم باگڑیانوالہ ) پیر سید کلمۃ اللہ شاہ قادری صاحب (ناظم اعلیٰ جامعہ عربیہ غوثیہ کیرانوالہ سیداں) اور مولانا محمد جمیل اعظمی صاحب (مدرس الجامعۃ الاشرفیہ) سے ملاقاتیں کی ۔

دورانِ ملاقات مولاناظہیر عباس عطاری مدنی نے تینوں علمائے کرام کو دعوت اسلامی کے ملک و بیرون ممالک میں ہونے والے دینی، اصلاحی اورفلاحی کاموں کے حوالے سے آگاہ کیا اور انہیں ماہنامہ فیضان مدینہ ستمبر2023ء کے شمارے تحفے میں پیش کئے جس پر پروفیسر سید ریاض حسین شاہ صاحب ،سید کلمۃ اللہ شاہ قادری صاحب اور مولانا محمد جمیل اعظمی صاحب نے خدمات دعوت کو سراہتے ہوئے اپنے بھلے جذبات کا اظہار کیا۔(کانٹینٹ:رمضان رضا عطاری)

30 اگست 2023ء بروز بدھ ملک نیپال کی ڈویژن پوکھرا (Pokhara)میں دعوتِ اسلامی کے زیرِ اہتمام محفلِ نعت کا انعقاد کیا گیا جس میں مقامی اسلامی بہنوں سمیت ذمہ داران کی بھی شرکت ہوئی۔

محفل کے آغاز میں تلاوتِ کلامِ پاک کی گئی اور نعت خواں اسلامی بہن نے حضور پُر نور حضرت محمد صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد نیپال دورے پر موجود نگرانِ وعالمی مجلسِ مشاورت اسلامی بہن نے بیان کیا جس میں انہوں نے دنیا کی مذمت اور آخرت کی تیاری کرنے کا ذہن دیا۔

اس کے علاوہ نگرانِ عالمی مجلسِ مشاورت اسلامی بہن نے وہاں موجود اسلامی بہنوں کو مدرسۃ المدینہ بالغات میں داخلہ لینے اور فیضانِ شریعت کورس کرنے کی ترغیب دلائی جس پر انہوں نے اچھی اچھی نیتوں کا اظہار کیا۔بعدازاں شرکائے محفل نے نگرانِ عالمی مجلسِ مشاورت سے ملاقات بھی کی۔

عاشقانِ رسول  کی دینی تحریک دعوت اسلامی کے شعبہ رابطہ برائے ہومیوپیتھک کے زیرِ اہتمام حیدرآباد میں مدنی مشورے کا انعقاد ہوا جس میں ڈویژن ذمہ داران نے شرکت کی ۔

نگران مجلس ڈاکٹر آصف عطاری نے اسلامی بھائیوں سے شعبے کے سابقہ دینی کاموں کی کارگردگی کا جائزہ لیا اور انہیں مزید آئندہ کے لئے اہداف دیئے جس پر ذمہ دار ان نے شرکت کی ۔ (کانٹینٹ:رمضان رضا عطاری)

پچھلے دنوں  دعوت اسلامی کے شعبہ تعلیم اور ایف جی آر ایف کےتحت جنت السندھ زرعی یونیورسٹی ٹنڈوجام میں شجرکاری کا سلسلہ ہوا جس میں مبلغ دعوت اسلامی ثوبان عطاری نے ڈین فیکلٹی ڈاکٹر منظور ابڑو کے ساتھ پلانٹیشن کا آغاز کیا۔

ڈین فیکلٹی منظور ابڑو کے ساتھ یونیورسٹی کے 15سے زائد پروفیسرز اور 250سے زیادہ اسٹوڈینٹس نے شعبہ ایف جی آرایف کے تعاون سے پودے لگائے۔

ذمہ داران نے اسٹوڈنٹس و پروفیسرز کے ہمرہ ای فیکلٹی کراپ پروٹیکشن، فیکلٹی ایگریکلچر انجینئرنگ ، فیکلٹی سوشل سائنس اور فیکلٹی DVMمیں پودے لگائے ۔اس موقع پر یونیورسٹی سے وابستہ عملہ بھی شریک رہا۔(رپورٹ:ریجن ذمہ دارجنید عطاری، کانٹینٹ:رمضان رضا عطاری)

ملک نیپال کے صوبہ لومبینی(Lumbini Province) میں قائم ڈویژن بھیرہوا(Bhairahawa) میں مدنی مشورے کا انعقاد ہوا جس میں مقامی ذمہ دار اسلامی بہنوں کی شرکت رہی۔

تفصیلات کے مطابق دینی کاموں کے سلسلے میں نیپال دورے پر موجود نگرانِ عالمی مجلسِ مشاورت اسلامی بہن نے اس مدنی مشورے میں دعوتِ اسلامی کے تحت نیپال میں ہونے والے دینی کاموں کا جائزہ لیا اور آن لائن فیضانِ شریعت کورس کروانے پر مشاورت کی۔مدنی مشورے کے آخر میں اسلامی بہنوں نے نگرانِ عالمی مجلسِ مشاورت اسلامی بہنوں سے ملاقات کی۔

شعبہ رابطہ برائے وکلا   دعوت اسلامی کے تحت مؤرخہ 6 ستمبر 2023ء بروز بدھ عالمی مدنی مرکز فیضانِ مدینہ کراچی میں رکنِ شوریٰ حاجی یعفور عطاری نے کراچی سٹی کے ڈسٹرکٹ ذمہ داران کا مدنی مشورہ فرمایا۔

اس دوران رکنِ شوریٰ نے شرکائے مشورہ کو مدنی پھول دیئے اور ماہ ربیع الاوّل کے دوران مختلف بار ایسوسی ایشن میں اجتماع میلاد کے انعقاد کے حوالے سے اہداف دیئے جبکہ باہمی مشاورت سے یہ طے پایا کہ 19 اور 20ستمبر2023ء کو رکنِ شوری حاجی یعفور عطاری مختلف بار ایسوسی ایشن میں اجتماع میلاد میں سنتوں بھرا بیان فرمائیں گے۔(رپورٹ: محمد صہیب یوسف عطاری ایڈووکیٹ،کانٹینٹ:رمضان رضا عطاری)

صوبہ لومبینی(Lumbini Province)، نیپال کے ڈویژن بھیرہوا(Bhairahawa) میں عاشقانِ رسول کی دینی تحریک دعوتِ اسلامی کے زیرِ اہتمام31 اگست 2023ء بروز جمعرات سنتوں بھرے اجتماع کا انعقاد کیا گیا جس میں مقامی اسلامی بہنوں کی شرکت رہی۔

اجتماعِ پاک کے آغاز میں تلاتِ قراٰن کی گئی اور نعت خواں اسلامی بہن نے حضور صلی اللہ علیہ و سلم کی بارگاہ میں نذرانۂ عقیدت پیش کیا جبکہ نگرانِ عالمی مجلسِ مشاورت اسلامی بہن نے آخرت کی تیاری کے حوالے سے بیان کیا۔

دورانِ بیان نگرانِ عالمی مجلسِ مشاورت اسلامی بہن نے اجتماع میں شریک اسلامی بہنوں کی تربیت و رہنمائی کرتے ہوئے انہیں درست قراٰنِ کریم پڑھنے کا ذہن دیا۔اجتماع کے اختتام پر شرکا اسلامی بہنوں نے نگرانِ عالمی مجلسِ مشاورت اسلامی بہن سے ملاقات کی۔

پچھلے دنوں اِیتھوپین شیخ احمدذاکر القادری کی دیگر ایتھوپین شخصیات کے ساتھ مدنی  مرکزفیضانِ مدینہ نیروبی تشریف آوری ہوئی جہاں ذمہ دارانِ دعوت اسلامی نے انہیں خوش آمدید کہا اور فیضانِ مدینہ میں موجود شعبہ جات کا وزٹ کروایا ۔

دورانِ گفتگو اسلامی بھائیوں نے شیخ احمدذاکر صاحب کو دعوت اسلامی کا تعارف پیش کیااور انہیں دنیا بھر میں ہونے والے دینی کاموں کے متعلق بتایا جس پر وہ دعوت اسلامی کے دینی کاموں پر خوش ہوئے اور انہوں نے دعا ئے برکت فرمائی۔

ساتھ ساتھ شیخ احمدذاکر صاحب نے مبلغین سے کینیا اور ایتھوپیا میں موجود ایتھوپین کمیونٹی کو بھی دعوتِ اسلامی سے وابستہ کرنےکی نیت کا اظہار کیا۔( کانٹینٹ:رمضان رضا عطاری)

لاہور داتا صاحب رحمۃ اللہ علیہ کے 980 عرس کے موقع پر خیر خواہی اُمّت کے جذبے کے تحت دعوتِ اسلامی میڈیکل ڈیپارٹمنٹ کے تحت عاشقان رسول کے لئے تینوں دن فری میڈیکل کیمپ لگایا گیا۔

اس موقع پر کنسلٹنٹ اور سینئر ڈاکٹرز نے اپنی خدمات پیش کیں اور زائرین کوفری چیک اَپ کے ساتھ فری میڈیسن بھی دیں۔(رپورٹ: شمشیر علی عطاری مدنی میڈیکل ڈیپارٹمنٹ لاہور،کانٹینٹ:رمضان رضا عطاری)

تبلیغِ دین اور خدمتِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت 29 اگست 2023ء  بروز منگل بنبھور ڈویژن کی خواتین میں نیکی کی دعوت عام کرنے والی ذمہ داران کا آن لائن مدنی مشورہ منعقد کیا گیا۔

نگرانِ پاکستان مجلسِ مشاورت اسلامی بہن نے ذمہ دار اسلامی بہنوں سے گفتگو کرتے ہوئے کارکردگی شیڈول کی وصولی ، دینی کاموں کے فوائداور سفرِ شیڈول کی اہمیت پر کلام کیا۔

واضح رہےاس مدنی مشورے میں صوبہ سندھ کی نگران اور بنبھور ڈویژن و ڈسٹرکٹ کی ذمہ داران سمیت دیگر سطح کی اہم ذمہ دار اسلامی بہنیں بھی شریک تھیں ۔

قراٰن کی خدمت کرنے اور دینِ اسلام کی باتیں بتانے والی عاشقانِ رسول کی دینی تحریک دعوت اسلامی کے تحت 29 اگست 2023ء  بروز منگل مظفر آباد ڈویژن کا آن لائن مدنی مشورہ منعقد ہوا۔

معلومات کے مطابق اس مدنی مشورے میں صوبہ کشمیر کی نگران اور مظفر آباد ڈویژن و ڈسٹرکٹ کی ذمہ داران سمیت دیگر اسلامی بہنیں موجود تھیں۔

نگرانِ پاکستان مجلسِ مشاورت اسلامی بہن نے اسلامی بہنوں کے 8 دینی کاموں پر کلام کرتے ہوئے دینی کاموں کی بروقت انٹری کرنے پر ذمہ دار اسلامی بہنوں کی تربیت و رہنمائی کی۔

اس کے علاوہ نگرانِ پاکستان مجلسِ مشاورت اسلامی بہن نے طے شدہ شیڈول بنانے اور ماہانہ مدنی مشورے لینے سمیت مختلف موضوعات پر ذمہ دار اسلامی بہنوں کی ذہن سازی کی ۔ 

29 اگست 2023ء  بروز منگل دعوتِ اسلامی کے تحت پونچھ ڈویژن کی ذمہ داران کا آن لائن مدنی مشورہ ہواجس میں صوبہ کشمیر کی نگران اور پونچھ ڈویژن و ڈسٹرکٹ کی ذمہ دار اسلامی بہنوں کی شرکت ہوئی ۔

شرکائے مدنی مشورہ کی تربیت کے لئے راولپنڈی شہر سےنگرانِ پاکستان مجلسِ مشاورت اسلامی بہن نے بذریعہ انٹرنیٹ احساس ِذمہ داری کے حوالے سے گفتگو کرتے ہوئے اسلامی بہنوں کو مدنی پھولوں سے نوازا۔