پچھلے دنوں عالمی مدنی مرکز فیضان مدینہ کراچی میں  جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی سے عرب شریف سے تشریف لائے ہوئے الشیخ عبد الباسط محمد حفظہ اللہ اور عادل دیری سمیت دیگر عاشقان رسول نے ملاقات کی۔

جانشین امیر اہلسنت نے انہیں خوش آمدید کہا اور عاشقان رسول کو عرب ممالک میں دعوت اسلامی کے دینی کاموں کی دھومیں مچانے کا ذہن دیا۔اس کے علاوہ دیگر امور پر گفتگو بھی ہوئی۔

عرسِ اعلیٰ حضرت رحمۃ اللہ علیہ اور استقبال ماہ میلاد کے سلسلے میں دعوت اسلامی کے زیر اہتمام21 ستمبر 2022ء کو بنگلہ دیش کے علاقے نرائن گنج شیخ رسل پارک، پیکپارہ پول جم خانہ، صدر میں محفلِ نعت کا انعقاد کیا گیا جس میں عاشقان رسول کی بڑی تعداد نے شرکت کی۔

محفل نعت کا آغاز تلاوت قرآنِ مجید اور نعت رسول ﷺ سے کیا گیا جبکہ مبلغین دعوت اسلامی نے سیرت ”اعلیٰ حضرت رحمۃ اللہ علیہ“ کے موضوع پر سنتوں بھرا بیان کیا اور شرکا کو ہر دم مسلک اعلیٰ حضرت سے وابستہ رہنے، آپ رحمۃ اللہ علیہ کی تعلیمات سے استفادہ حاصل کرنے کی ترغیب دلائی۔

آخر میں ماہ ربیع النور کی آمد کی خوشی میں ”مرحبا یا مصطفےٰ ﷺ“ کے نعرے بھی لگائے گئے۔

عرسِ اعلیٰ حضرت رحمۃ اللہ علیہ اور استقبال ماہ میلاد کے سلسلے میں دعوت اسلامی کے زیر اہتمام21 ستمبر 2022ء کو بنگلہ دیش کے شہر سید پور کی مقامی مسجد میں سنتوں بھرے اجتماع کا انعقاد کیا گیا جس میں علاقے کے اسلامی بھائیوں کی بڑی تعداد نے شرکت کی۔

مبلغ دعوت اسلامی نے سیرتِ ”اعلیٰ حضرت رحمۃ اللہ علیہ“ کے موضوع پر سنتوں بھرا بیان کیا اور شرکا کو دامن رضا کے ساتھ جڑے رہنے اور آپ رحمۃ اللہ علیہ کی تعلیمات سے استفادہ حاصل کرنے کی ترغیب دلائی۔

آخر میں ماہ ربیع النور کی آمد کی خوشی میں ”مرحبا یا مصطفےٰ ﷺ“ کے نعرے بھی لگائے گئے۔

گزشتہ روز دعوت اسلامی کے ڈسٹرکٹ نگران مولانا وقار مدنی ، شعبہ رابطہ برائے شخصیات  کے ذمہ دار عمران اکبر عطاری اور ڈویژن ذمہ دار غلام ابرار عطاری نے ڈیرہ غازی خان میں چیف آفیسر بلدیہ جواد الحسن گوندل سے ملاقات کی اور چیف آفیسر کے عہدے کے تعینات پر مبارک باد پیش کی ۔

ذمہ دار اسلامی بھائی نے دعوت اسلامی کے دینی کاموں کے بارے میں تعارف پیش کیا بالخصوص سیلاب زدگان کی امداد کے حوالے سے شعبہ FGRF کی خدمات کے حوالے سے گفتگو کی ۔

چیف آفیسر جواد الحسن گوندل نے دعوت اسلامی کی خدمات کو سراہا اور ذمہ داران کو ہر ممکن تعاون کی یقین دہانی کروائی۔(رپورٹ: شعبہ رابطہ برائے شخصیات ڈی جی خان ڈویژن ، کانٹینٹ: محمد مصطفی انیس) 

پچھلے دنوں  دعوت اسلامی کے ذمہ داران خیبر پختونخواہ میں ہوم ڈیپارٹمنٹ پرائیوٹ محمد اسحاق قریشی سے ملاقات کی او ر دعوت اسلامی و شعبہ FGRF کی خدمات کا تعارف پیش کیا ۔

اس کے علاوہ ملک بھر میں سیلاب سے متاثر افراد کے لئے دعوت اسلامی کی فلاحی خدمات بالخصوص خیبر پختونخواہ میں امدادی کاموں کے حوالے سے آگاہ کیاجس پر محمد اسحاق قریشی نے دعوت اسلامی کی خدمات کو سراہا اور بھر پور تعاون کی یقین دہانی کروائی ۔(رپورٹ: احمد رضا المدنی ، مجلس رابطہ برائے شخصیات پشاور ڈویژن ، کانٹینٹ: محمد مصطفی انیس) 

17 ستمبر 2022ء  بروز ہفتہ دعوت اسلامی کے دینی کاموں کے سلسلے میں صوبائی ذمہ دار پنجاب لیاقت علی عطاری نے دورہ حدیث شریف فیضان مدینہ جوہر ٹاؤن ، لاہور طلباء کے درمیان سنتوں بھرا بیان کیا جس میں شعبہ رابطہ برائے شخصیات کی اہمیت و افادیت کے حوالے سے گفتگو کی جس پر طلباء نے شعبہ رابطہ برائے شخصیات کے کام کے لئے خود کو پیش کیا۔

اس کے علاوہ ڈپٹی چیف کارپوریشن ، لاہور عامر سہیل بٹ کے والد کے انتقال پر ان سے ملاقات کی اور دعائے مغفرت کی ۔(رپورٹ: عظیم رضا عطاری فرحان عطاری شعبہ رابطہ برائے شخصیات لاہور ، کانٹینٹ: محمد مصطفی انیس) 

دعوت اسلامی شعبہ FGRF کے تحت ملک بھر میں مختلف مقامات پر پودے لگارہی ہے اور ساتھ ہی عاشقان رسول کو پودا لگانے کا ذہن بھی دیتی ہے اسی سلسلے میں پچھلے دنوں گوجرانوالہ میں دعوت اسلامی کے ذمہ داران نے ٹکٹ ہولڈر ایم این اے میاں طارق پی ٹی آئی کے گھر پر ملاقات کی ، ذمہ داراسلامی بھائی نے انہیں دعوت اسلامی کا تعارف اور اس کی خدمات کے بارے میں بتایا نیز دعوت اسلامی کے تحت ہونیوالے ہفتہ وار سنتوں بھرے اجتماع و مدنی مذاکرے میں شرکت کی دعوت دی جس پر انہوں نے اچھی نیّتوں کا اظہار کیا۔

اس موقع پر ذمہ داران اور میاں طارق نے ملکر شجرکاری بھی کی ۔(رپورٹ: محمد احسان عطاری ، کوآرڈینیشن ڈیپارٹمنٹ ڈسٹرکٹ گوجرانوالہ، کانٹینٹ: محمد مصطفی انیس) 

گزشتہ روز پشاور میں دعوت اسلامی کے تحت سیلاب متاثرین کے لئے مرکزی امدادی کیمپ لگایا گیا جس میں پاکستان کے سابقہ وزیر قانون عارف یوسف خان ، متحدہ امن کمیٹی کے رکن ہارون خان ، اسسٹنٹ کمشنر پشاور جنید شاہ اور مختلف سیاسی و سماجی شخصیات ومیڈیا سے تعلق رکھنے والے افراد نے وزٹ کیا ۔

اس موقع پر شخصیات نے دعوت اسلامی FGRF کے تحت ہونیوالے فلاحی کاموں کا جائزہ لیا اور ان کے نظم و ضبط و کوششوں کو سراہاتے ہوئے بھر پور تعاون کی یقین دہانی کروائی ۔(رپورٹ: شعبہ رابطہ برائے شخصیات ، کانٹینٹ: محمد مصطفی انیس)

دعوتِ اسلامی نے جہاں اسلامی بھائیوں کے بچوں کو اسلامی تعلیمات سے آگاہ کر نے کے لئے مدرسۃالمدینہ بوائز قائم کئے ہیں وہیں عاشقانِ رسول کی بچیوں کی دینی و اخلاقی تربیت کرنے کے لئے مدرسۃالمدینہ گرلز کا بھی قیام کیا ہے۔

پچھلے دنوں پنجاب پاکستان کے علاقے مزنگ لاہور میں واقع اسلامی بہنوں کے مدنی مرکز فیضانِ صحابیات میں شعبہ مدرسۃالمدینہ گرلز کی ناظمات کے لئے نشست کا انعقاد کیا گیا۔

دورانِ نشست دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے پردے میں موجود اسلامی بہنوں کے درمیان سنتوں بھرا بیان کرتے ہوئے اُن کی تربیت کی اور انہیں مدنی پھولوں سے نوازا۔ (رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری ) 

20 ستمبر 2022ء بروز منگل ترکی سے آئے ہوئے فضیلۃ الشیخ عبدالباسط المحمد اور فضیلۃ الشیخ عادل الدیری نے عالمی مدنی مرکز فیضانِ مدینہ کراچی میں قائم شعبہ ائمہ مساجد کے آفس کا وزٹ کیا۔

اس دوران انہوں نے دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی سمیت دیگر اسلامی بھائیوں سے ملاقات کی جبکہ رکنِ شوریٰ نے انہیں شعبہ ائمہ مساجد و امامت کورس کا تعارف کروایا جس پر عبدالباسط المحمد اور عادل الدیری نے خوشی کا اظہار کیا نیز شعبے کے ذمہ داران کی کاوشوں کو سراہا۔

بعدازاں دعوتِ اسلامی کے شعبہ جات بالخصوص شعبہ ائمہ مساجد و امامت کورس کی ترقی و عروج کے لئے دعائے خیر کا سلسلہ رہا۔

(رپورٹ:‫محمد عابد عطاری مدنی معاون رکن شوری حاجی محمد عقیل عطاری مدنی، کانٹینٹ:غیاث الدین عطاری )

دعوتِ اسلامی کے تحت 21 ستمبر 2022ء بروز بدھ فیصل آباد پولیس چوکی گلفشاں کالونی جھنگ روڈ میں سیکھنے سکھانے کا حلقہ لگایا گیا جس میں پولیس چوکی کے اسٹاف سمیت ASI رانا رضوان جاوید نے شرکت کی۔

اس موقع پر شعبے کے میٹروپولیٹن ذمہ دار محمد شیراز عطاری مدنی نے حلقے میں شریک اسلامی بھائیوں کو نمازِ جنازہ کے چند ضروری مسائل بتائے اور نزع کی حالت میں کی جانے والی چند احتیاطیں سمیت تلقین کا طریقہ سکھایا۔(رپورٹ:شعبہ کفن دفن، کانٹینٹ:غیاث الدین عطاری )

یومِ اعلیٰ حضرت اور استقبالِ ماہ میلاد کے سلسلے میں 21 ستمبر 2022ء بروز بدھ بعد نماز عشا ءشاہی بازار حیدرآباد کی جامع مسجد شاہی میں سنتوں بھرے اجتماع کا انعقاد کیا گیا جس میں علاقے کے اسلامی بھائیوں نے کثیر تعداد میں شرکت کی۔

اجتماع کا آغاز تلاوتِ قراٰنِ پاک اور نعتِ رسولِ مقبول ﷺ سے کیا گیا جبکہ مبلغِ دعوت اسلامی نے سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی نیز ماہ میلاد کی خوشی میں عاشقانِ رسول نے نعرے بھی لگائے۔

آخر میں ٹاؤن نگران و حیدرآباد سٹی کے نگران محمد سہیل عطاری نے دعا کروائی۔(رپورٹ:محمد شان عطاری شعبہ مدنی چینل عام کریں ٹاؤن مشاورت، کانٹینٹ: غیاث الدین عطاری )