29 اگست 2023ء بروز منگل نیوسوسائیٹیز ڈیپارٹمنٹ دعوتِ اسلامی کے تحت ساہیوال میں ڈویلپرز اجتماع  بنام”تجارت کورس“ ہوا جس میں کالونی مالکان، فیکٹری مالکان، چیمبر آف کامرس کے موجودہ صدر کاشف ریاض، 2 ایکس صدر ، عاصم رفیق اور محمد وسیم سمیت دیگر ڈویلپرز نے شرکت کی۔

اس اجتماعِ پاک میں دعوتِ اسلامی کی ڈاکومنٹری کے علاوہ دعوتِ اسلامی کو مساجد تعمیر کرواکر دینے کے حوالے سےمبلغِ دعوتِ اسلامی نے وہاں موجود شرکا اسلامی بھائیوں کی ذہن سازی کرتے ہوئے وقت اور مال کے ذریعے دین کی خدمت کرنے کی ترغیب دلائی۔بعدازاں سوال و جواب کا بھی سلسلہ رہا۔

یومِ دعوتِ اسلامی  کے موقع پر دارالمدینہ کے تمام کیمپسز میں اجتماعات منعقد کئے گئے۔ طلبہ نے یومِ دعوت ِ اسلامی کی مناسبت سے اپنے یونیفارم پرخوبصورت بیجز بھی لگائے۔

طلبہ نے اسمبلی میں کلام دعوت ِاسلامی پڑھااور مدنی پرچم لہرایا۔اسمبلی میں 12دینی کاموں کی ترغیب بھی دلائی گئی ۔ اس موقع پر اجتماع بھی ہوا جس میں طلبہ نے قرأت،نعت اور بیانات کئے۔

دعوتِ اسلامی کے حوالے سے کوئز مقابلہ بھی ہوا۔طلبہ نے شکرانے کے نوافل ادا کئے۔اس موقع پر طلبہ اور سرپرستوں نے اپنے تأثرات بھی دیئے۔ (رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

اَلحمدُ لِلّٰہ!عاشقانِ رسول کی دینی تحریک دعوتِ اسلامی کے مبلغین نے دنیا کے تقریباً 195 ممالک میں سے کم و بیش 109 ممالک میں سفر کر کے دینِ اسلام کا پیغام پہنچایا جبکہ ڈیجیٹل سروسز کے ذریعے دین اسلام کا پیغام تقریبا 164 ممالک میں پہنچا ہے۔ دنیا کے ہر برِّ اعظم( Continent) کے مختلف ممالک میں دعوت اسلامی وہاں کے قوانین کے تحت رجسٹرڈ بھی ہے اور وہاں کے قوانین کو پیشِ نظر رکھتے ہوئے خوب دین متین کا کام سر انجام دے رہی ہے ۔ان تمام ممالک میں کام کرنے والوں کو شیخِ طریقت، امیر اہل سنت، حضرت علامہ مولانا محمد الیاس عطّاری قادری دامت بَرَکَاتُہمُ العالیہ کا عطا کردہ ایک مدنی مقصد جوڑے ہوئے ہے کہ ”مجھے اپنی اور ساری دنیا کے لوگوں کی اصلاح کی کوشش کرنی ہے“ مختلف ممالک میں دعوت اسلامی کے تحت 11 ہزار 383 دفاتر میں کام ہوا اور 52 ہزار580 اجیر (Employees)، لاکھوں رضاکاران(Volunteers) اورکروڑوں منسلکین و محبین نے دین اسلام کی خوبصورتی سے اپنی زندگی کو مہکایا۔ مجموعی طور پر تقریباً 80 سے زائد شعبہ جات نے دینِ متین کی اس خدمت میں اپنا حصہ ملایا۔ مختلف ممالک سے لئے گئے اعداد و شمار کے مطابق چند اہم شعبہ جات کی کارکردگی پیش خدمت ہے۔

اسلامی بھائیوں کے دینی کام

ماہ جون 2023

الحمد للہ مبلغین دعوت اسلامی و عاشقان رسول صلَّی اللہ علیہ واٰلہٖ وسلَّم نے اس سال بھی دینی کاموں میں خوب بڑھ چڑھ کر حصہ لیا اور مسلمانوں میں دینی درد اور عمل کا جذبہ بڑھاتے ہوئے انہیں دینی کاموں میں شامل کیا۔ جون 2023 (1 ماہ) میں مختلف ممالک سے لی گئی کارکردگی درج ذیل ہے۔

نوٹ: درج بالا کارکردگی ایک ماہ (جون 2023) کی ہے۔ اس کے علاوہ اس سال (2023ء) میں اسلام قبول کرنے والوں کی تعداد 8 ہزار 353 ہے۔

نوٹ: دعوتِ اسلامی کی دینی و فلاحی کاموں سے باخبر رہنے کے لئے ہر ماہ شب و روز کی جانب سے جاری ہونے والے نیوز لیٹر کا مطالعہ کریں۔

انٹرنیشنل افئیرز آفس(دعوتِ اسلامی)

عاشقانِ رسول کی  دینی تحریک دعوت ِاسلامی کے تحت فیضانِ قران مسجد ڈیفینس فیز6 میں غسلِ میت و کفن کورس ہواجس میں شعبہ کفن دفن ذمہ دار اسلامی بھائی نے مقامی ذمہ داران کے ساتھ اہلِ علاقہ کو غسل میت دینے کا طریقہ سکھایا نیز کفن کاٹنے و پہنانے کا پریکٹیکل طریقہ بھی سکھایا۔(رپورٹ:شعبہ کفن دفن کراچی سٹی، کانٹینٹ:رمضان رضا عطاری)

دعوتِ  اسلامی کے تحت 31 اگست 2023ء بروز جمعرات مدنی مرکز فیضانِ مدینہ حیدرآباد میں میٹ اپ ہوا جس میں سندھ بھرسے 12 ماہ کے مدنی قافلوں میں سفر کرنے والے عاشقان رسول نے شرکت کی ۔

رکنِ شوریٰ حاجی قاری ایاز عطاری نے اسلامی بھائیوں کی دینی و اخلاقی اعتبار سے تربیت کی۔بعدازاں صوبائی ذمہ دار شعبہ 12 ماہ مدنی قافلے کے ذمہ دار علی حسن عطاری نے شرکا سے دینی کاموں کی کارکردگی کا جائزہ لیا اور انہیں آئندہ کے لئے اہداف دیئے۔

علاوہ ازیں انفرادی کوشش کر کے زیادہ سے زیادہ عاشقان رسول کو مدنی قافلے میں سفر کروانے کا ذہن دیا اور مختلف علاقوں میں 12 دینی کاموں کو مضبوط کرنے کے حوالے سے مدنی پھول دیئے۔( کانٹینٹ:رمضان رضا عطاری)

دعوتِ  اسلامی کے شعبہ مدنی کورسز کے زیرِ اہتمام 31 اگست 2023ء کو جامع مسجد بہار مدینہ فیروز والہ لاہور میں سیکھنے سکھانے کےحلقے کا انعقاد ہوا جس میں مقامی اسلامی بھائیوں نے شرکت کی۔

مبلغ دعوتِ اسلامی محمد مستقیم عطاری نے اسلامی بھائیوں کو تیمم کے متعلق معلومات فراہم کیں اور نماز کا مکمل پر یکٹیکل طریقہ سکھایا نیز اذکارِ نماز سے متعلق بتایا جبکہ 2 ستمبر 2023ء ہفتے کو یومِ دعوت اسلامی کے موقع پر ہونے والے مدنی مذاکرے میں اپنی شرکت کو یقینی بنانے کی دعوت دی ۔ (کانٹینٹ:رمضان رضا عطاری)

بروز بدھ 30اگست 2023ء  کو شالیمار گارڈن بہادرآباد میں FGRF دعوت اسلامی کے تحت شجرکاری کا سلسلہ ہوا جس میں کراچی سٹی شعبہ رابطہ برائے شخصیات کے ذمہ دار حاجی یعقوب عطاری نے ڈسٹرکٹ ذمہ دار حاجی ذکی عطاری اور کراچی سٹی پلانٹیشن ذمہ دار کامران عطاری کے ہمراہ ایم کیو ایم کے مرکز بہادرآباد سے متصل پارک کا دورہ کیا۔

اس موقع پر ذمہ داران نے پارک میں سینئر ڈپٹی کنوینر ایم کیو ایم پاکستان ڈاکٹر فاروق ستار اور ممبر رابطہ کمیٹی زاہد منصوری سمیت اراکینِ رابطہ کمیٹی این سی او سی کے ساتھ پارک میں پودے لگائے اور ملک و قوم کی سلامتی کے لئے دعائے خیر کروائی۔ دعوت اسلامی کی پلانٹیشن کی کاوشوں پر ڈاکٹر فاروق ستار اور ان کی ٹیم نے خوشی کا اظہار کرتے ہوئے اچھے تاثرات دیئے۔(رپورٹ: محمد زکی عطاری ڈسٹرکٹ ذمہ دار شعبہ رابطہ برائے شخصیات ایسٹ ڈسٹرکٹ کراچی،کانٹینٹ:رمضان رضا عطاری)

پچھلے دنوں  دعوتِ اسلامی کے شعبہ جامعۃُ المدینہ بوائز جوہانسبرگ ساؤتھ افریقہ کے طلبہ کے درمیان میٹ اپ کا انعقاد کیا گیا جس میں مرکز ی مجلسِ شوریٰ کے رکن حاجی محمد امین عطاری نے فیضانِ مدینہ کراچی سے بذریعہ انٹرنیٹ ’’ایک ذمہ دار کو کیسا ہونا چاہئے‘‘ کے موضوع پر آن لائن بیان فرمایا۔

دورانِ بیان حاجی امین عطاری نے طلبۂ کرام کو دعوتِ اسلامی کے 12 دینی کاموں کو کرنے کے حوالے سے تربیت دی اور انہیں ہفتہ وار سنتوں بھرے اجتماع میں شرکت کرنے اور مدنی مذاکرہ دیکھنے کا ذہن بھی دیا ۔) کانٹینٹ:رمضان رضا عطاری) 

دعوتِ اسلامی کے تحت    فیضانِ مدینہ سکھر میں مدنی مشورے کا انعقاد ہوا جس میں سکھر ڈویژن کےجامعۃ المدینہ ومدرسۃ المدینہ بوائز کے ناظمین، شعبہ ڈونیشن بکس اور فنانس ڈیپارٹمنٹ کے ڈویژن ذمہ داران نے شرکت کی۔

معلومات کے مطابق رکنِ شوری ٰقاری حاجی ایاز عطاری نے مدنی مشورے میں اسلامی بھائیوں سے شعبہ جات میں ہونے والے دینی کاموں کی کارکردگی کا جائزہ لیا اور انہیں یوم دعوت اسلامی پر ہونے والے مدنی مذاکرے کی بھر پور تیاریاں کرنے کا ذہن دیا جس پر انہوں نے نیک خیالات کا اظہار کیا۔) کانٹینٹ:رمضان رضا عطاری)

شعبہ رابطہ بالعلماء  دعوتِ اسلامی کے تحت سرکاری ڈویژن گوجرانوالہ کے ذمہ دار محمد ظہیر عباس عطاری مدنی نے ڈویژن ذمہ دار ثناءُ اللہ عطاری کے ساتھ منڈی بہاؤالدین میں صاحبزادۂ حافظ پیر محمد طارق مسعود رضوی صاحب (مہتمم جامعہ بتول زہرا بنات الاسلام کدھر شریف) پیر محمدابو بکر حیدر رضوی صاحب( مہتمم جامعہ غوثیہ رضویہ) اورصاحبزادہ ٔ پیر سید محمد قمر رضا سیالوی صاحب (مہتمم جامعہ حسینیہ قمریہ تعلیم القرآن بھیکھو موڑ ) سے ملاقاتیں کیں۔

دورانِ ملاقات ذمہ د اران نے علمائے کرام کو دعوت ِاسلامی کے ملک و بیرون ملک میں ہونے والے دینی، اصلاحی اور فلاحی کاموں کے متعلق بتایا جس میں بالخصوص کنز المدارس بورڈ کے حوالے سے تفصیلی معلومات فراہم کیں۔

اس پر علما نے دعوتِ اسلامی کی دینی کاوشوں کو سراہتے ہوئے خوشی کا اظہار کیا۔آخر میں ظہیر عباس عطاری مدنی نے انہیں ماہنامہ فیضانِ مدینہ کا خصوصی شمارہ بنام فیضان علم و عمل پیش کیا۔(رپورٹ:شعبہ رابطہ بالعلماء، کانٹینٹ:رمضان رضا عطاری)

دعوتِ اسلامی کے زیرِ اہتمام شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس عطاری مدنی نے گوجرانوالہ مفتی محمد نعیم اختر نقشبندی مجددی (مہتمم دارالعلوم حبیبیہ رضویہ کامونکی ڈسٹرکٹ ) اور مولانا قاری محمد حنیف چشتی صاحب ( مہتمم جامعہ چشتیہ رضویہ ضیاء القرآن راہوالی ) سے ملاقات کی ۔

دورانِ ملاقات ظہیر عباس عطاری مدنی نے علمائے کرام کو دعوت اسلامی کے بیرون ممالک میں ہونے والے دینی، اصلاحی اور فلاحی کاموں کے حوالے سے آگاہ کیا اور انہیں ماہنامہ فیضانِ مدینہ کا خصوصی شمارہ ’’فیضان علم و عمل‘‘ تحفے میں پیش کیا جس پر انہوں نے اچھی اچھی نیتیں کیں۔(رپورٹ:رابطہ بالعلماء، کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے  تحت تحصیل نگران مولانا محمد شہباز عطاری مدنی نے مولانا توقیر عطاری مدنی کے ہمراہ اسسٹنٹ کمشنر ملک وال شاہد سے ملاقات کی۔

دورانِ ملاقات مولانا شہباز عطاری مدنی نے اسسٹنٹ کمشنر ملکوال شاہد کو دعوت اسلامی کے تحت اب تک کی گئی شجرکاری کے بارے میں بتایا اور انہیں آنے والے دنوں میں یوم دعوت اسلامی پر ہونےو الے مدنی مذاکرے میں شرکت کی دعوت دی اور ماہنامہ فیضان مدینہ کا خصوصی شمارہ تحفے میں پیش کیا جس پر انہوں نے خوشی کا اظہار کرتے ہوئے خدماتِ دعوت اسلامی کو سراہا۔( کانٹینٹ:رمضان رضا عطاری)