الحمدللہ عزوجل !30 اگست 2022 ءبروز منگل شعبہ مدرسۃ المدینہ بالغات اور شعبہ قاعدہ ناظرہ کورسز کے تحت سن 2021،2020،2019ء میں تکمیل قرآن کرنے والی طالبات کے لئے پاکستان کے مختلف بڑے شہروں میں 13 مقامات پر ’’ تقسیمِ اسناد اجتماع ‘‘ کا انعقاد ہوا ۔

صاحبزادیِ عطار سلمہا الغفار ، نگران عالمی مجلس مشاورت، اراکین عالمی مجلس مشاورت ، نگران پاکستان اور دیگر پاکستان سطح کی ذمہ دار اسلامی بہنوں کی بھی خصوصی شرکت رہی اور ان کے ذریعے طالبات کو اسناد پیش کرنے کا سلسلہ ہوا۔

ان اجتماعات میں پاکستان بھر کے مختلف شہروں مثلا کراچی، لاہور ،ملتان، فیصل آباد، اسلام آباد، ہری پور، بلوچستان، وغیرہ میں تقریباً 1125 اسلامی بہنیں جن میں اہم سطح کی ذمہ داران، مدرسات ، طالبات اور ان کی سرپرستوں نے شرکت کی ۔

رکن شور ی و نگران پاکستان ابو رجب حاجی شاہد عطاری نے بذریعہ مدنی چینل اجتماعی طور پر سنتوں بھرا بیان کیا۔ بعدازاں نگران باجیوں نے بھی اصلاحی مدنی پھول بیان کئے جن سے اسلامی بہنوں کی جانب سے اچھی اچھی نیتوں کا سلسلہ بھی رہا ۔

اجتماع کے اختتام پر شعبہ ذمہ داران اور مدرسات کی حوصلہ افزائی کے لئے نگران اسلامی بہنوں کے ذریعے تحائف کا بھی سلسلہ ہوا۔اس موقع پر مدرسات نے نئے مقامات پر مدرسۃ المدینہ بالغات کا آغاز کرنے اورمزید کورسز کروانے کی اچھی اچھی نیتوں کا اظہار کرتے ہوئے دعوت اسلامی کی ترقی اور تعلیم قرآن کو مزید عام کرنے کا عزم بھی کیا ۔آخر میں اجتماع میں شریک اسلامی بہنوں کی جانب سے سیلاب زدگان کے لئے ڈونیشن بھی جمع کروائے گئے ۔

آج 1 ستمبر  2022ء بروز جمعرات انسٹیٹیوٹ آف اسلامک ایجوکیشن، مرکزی جامعۃ المدینہ فیضان مدینہ کراچی میں جاری ”تحقیقی مقالہ نگاری کورس“ کا آٹھواں سیشن منعقد ہوا۔

اسلامک ریسرچ سینٹر المدینۃ العلمیہ کے ریسرچ اسکالر و رائٹر مولانا راشد علی عطاری مدنی نے تحقیقی مقالہ اور کتب لکھنے کے شائقین کے لیے 20ایسے اہم ترین پوائنٹس پر گفتگو کی کہ جن کے سیکھنے سے ہفتوں اور مہینوں کی محنت بچ جاتی ہے۔

آج کے سیشن میں زیرِ بحث آنے والے اہم عنوانات

٭ ان 20 اہم باتوں کو نہ سیکھنے سے کیا پریشانیاں لاحق ہوتی ہیں؟ ٭ مقالہ یا کتاب لکھ لی اب فونٹ تبدیل کرنا چاہتے ہیں لیکن سارے میں کیسے کریں؟ ٭فہرست بنانی ہےلیکن وقت بہت لگ رہا ٭فہرست بنالی تھی لیکن کچھ مواد بڑھایا یا کم کیا اب پھر نئے سرے سے بنانی پڑے گی ٭بارڈر لگایا تھا، اچھا نہیں لگا، اب بدلا ہے تو مواد بھی آگے پیچھے ہوگیا ٭کتاب یا مقالہ ایک سے زیادہ فائلوں میں ہے، اکٹھا کیسے کروں؟ ٭ہر بار ہیڈنگ کے لیے فونٹ، سائز اور جگہ سیٹ کرنا ٭میرے پاس مقالہ ٹھیک تھا دوسرے کے کمپیوٹر میں سب بگڑ گیا ٭لائنوں یا لفظوں کے درمیان اسپیس کا مسئلہ سمجھ نہیں آرہا ٭احادیث، شخصیات یا شہروں وغیرہ کے نام یا کتابوں کے نام، سَن یا حروف تہجی کے اعتبار سے سیٹ کرنے ہیں، وغیرہ وغیرہ

پریشان بالکل نہ ہوں، ”پرہیز علاج سے بہتر ہے“ پر عمل کرتے ہوئے مقالہ، کتاب، مضمون یا کچھ بھی لکھنے سے پہلے چند اہم چیزیں سیکھ لیں، ان شاء اللہ ان میں سے کوئی پریشانی نہ ہوگی، بلکہ اور بھی بہت سارے کام منٹوں کے اندر ہوجائیں گے

لکھنے سے پہلے کرنے والے20 اہم ترین کام

٭سب سے پہلے پیج طے کرلیں ٭پیج سیٹ کرلیں ٭پیج کا بارڈر بھی بنالیں ٭لے آؤٹ آٹو کرلیں ٭لے آؤٹ کی سیٹنگ کرکے ٹیمپلیٹ فائل بنالیں ٭کتاب میں جتنی اقسام کی ہیڈنگ ہیں اتنی اسٹائل شیٹس بنالیں ٭نارمل کے لیے بھی اسٹائل شیٹ طے کرلیں ٭صفحہ نمبر اور ہیڈر ، فُٹَر بنالیں اور انکے لیے الگ اسٹائل شیٹ رکھیں ۔

29 اگست 2022ء کو دعوت اسلامی کے زیر اہتمام کینیا نیروبی میں مختلف اسلامی بھائیوں کے گھروں پر دینی حلقوں کا سلسلہ ہوا جن میں اہل خانہ اور مقامی اسلامی بھائیوں نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے مدنی پھول ارشاد فرمائے اور شرکا کو دینی کاموں میں شرکت کرنےکی ترغیب دلائی۔ آخر میں اسلامی بھائیوں نے جانشین امیر اہلسنت سے ملاقات کی۔

اس موقع پر اراکین شوریٰ حاجی امین قافلہ عطاری اور حاجی فاروق جیلانی عطاری بھی موجود تھے۔

29 اگست 2022ء کو جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی سے کینیا نیروبی میں قائم پاکستانی ایمبیسی کے ڈپٹی کمشنر محمد جنید خان نے ملاقات کی۔

جانشین امیر اہلسنت نے نیکی کی دعوت پیش کی اور دعوت اسلامی کے تحت دنیا بھر میں ہونے والے دینی و فلاحی کاموں کا تعارف پیش کرتے ہوئے انہیں بھی تعاون کرنے کی ترغیب دلائی۔

اس موقع پر اراکین شوریٰ حاجی امین قافلہ عطاری اور حاجی فاروق جیلانی عطاری بھی موجود تھے۔

31 اگست 2022ء بروز بدھ   ذمہ داران دعوت اسلامی نے سابق مشیر وزیر اعلی پنجاب خواجہ احمد حسان سے ان کے آفس میں ملاقات کی۔

تفصیلات کے مطابق ذمہ داران نے انہیں دینی تحریک دعوت اسلامی کے دینی و فلاحی کاموں کے حوالے سے معلومات فراہم کیں اور مدنی مرکزی فیضانِ مدینہ جوہر ٹاؤن جمعہ کے دن وزٹ کی دعوت پیش کی۔

خواجہ احمد حسان نے یوم دعوت اسلامی کے لئے پیغام ریکارڈ کروایا اور سیلاب زدگان میں دعوت اسلامی کے کردار کو سراہا ۔ اس کے علاوہ چیئرمین CDA اسلام آباد کیپٹن عثمان کے اہل خانہ نے اسلامی بہنوں کی تربیت گاہ کا وزٹ کیا۔(رپورٹ: شعبہ رابطہ براے شخصیات عطاری خواجہ سلیم اقبال ٹاؤن ڈسٹرکٹ لاہور ، کانٹینٹ:رمضان رضا عطاری)

دعوت  اسلامی کے شعبہ رابطہ برائے شخصیات کے تحت بروز بدھ 31 اگست 2022ء کو بورڈ آف روینیو سندھ سیکریٹریٹ میں شجرکاری کی گئی جس میں بقاءاللہ انڑ، سینئر ممبر بورڈ آف روینیو سندھ ، جاوید حسین بخش سومرو سیکریٹری اوریار محمد بوزدار، ڈپٹی سیکریٹری نے پودے لگائے۔

سینیئر ممبر نے مدنی چینل کو اپنے تاثرات بھی ریکارڈ کروائے۔ اس موقع پر 21 گریڈ کے ریٹائرڈ افسر خان محمد مہر بھی موجود تھے۔(رپورٹ: شعبہ رابطہ براے شخصیات عطاری مجلس کراچی ، کانٹینٹ:رمضان رضا عطاری)

دعوت  اسلامی کے تحت 31اگست2022ء کو سیلاب متاثرین کیمپ پر ڈپٹی کمشنر غلام قادر تالپور، ایڈیشنل ڈپٹی کمشنر جاوید شر، اسسٹنٹ کمشنر ذولفقار سومرو مختیارکار فیصل گجر اور اعلیٰ افسران کی آمد ہوئی۔

کیمپ میں موجو د ذمہ داران نے انہیں حالیہ سیلاب و بارش کی وجہ سے ہونے والی تباہی پر دعوت اسلامی کے شعبہ FGRF کی جانب سے مسلمانوں کی مدد کے لئے کئے جانے والے اقدامات پر بریفنگ دی جس پر انہوں نے ان کاوشوں کو سراہا ہوئے اچھے جذبات ظاہر کئے۔ (رپورٹ: اویس عطاری ڈسٹرکٹ ویسٹ2، کانٹینٹ:رمضان رضا عطاری)

31اگست 2022ء  سیلاب متاثرین کیمپ ڈسٹرکٹ کورنگی میں کمشنر کراچی اقبال میمن، ڈپٹی کمشنر کورنگی علی زیدی، ایڈیشنل ڈپٹی کمشنر کورنگی نواز کلہوڑ ا،اسسٹنٹ کمشنر کورنگی فاروق سومرو اسسٹنٹ کمشنر لانڈھی مونس احمد، ایس ایس پی کورنگی فیصل بشیر میمن اور اعلیٰ افسران کی آمد کا سلسلہ رہا۔

غلام محبوب عطاری نے شخصیات کو کیمپ کا وزٹ کروایا اور سیلاب زدگان کے لئے شعبہ FGRF کی کاوشوں کو بتایا جس پر انہوں نے دعوت اسلامی کی خدمات کو سراہتے ہوئے فلاحی کام میں اپنے تعاون کی یقین دہانی کروائی ۔ (رپورٹ: غلام محبوب عطاری ، کانٹینٹ:رمضان رضا عطاری) 

30 اگست 2022ء بروز منگل پنجاب پاکستان کے ضلع لودھراں میں شعبہ رابطہ برائے شخصیات کے ذمہ دار اسلامی بھائیوں کی DHO ڈاکٹرکیپٹن( ر) عثمان خان سےملاقات ہوئی۔

اس دوران ذمہ دار محمدآصف عطاری نے انہیں دعوت اسلامی کے مدنی مرکزفیضان مدینہ شجاع آباد کی تعمیرات کےحوالےسے بریفنگ دی اور اس کا وزٹ کرنے کی دعوت پیش کی جس پر انہوں نے دعوت قبول کرتے ہوئے اپنی نیک خواہشات کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

شعبہ رابطہ بالعلماء سرکاری ڈویژن گوجرانوالہ کے ذمہ داران کی قاری مولانا محمد اکرم نقشبندی الحسینی صاحب  مدرس جامعہ حسینیہ حافظ آباد سے ملاقات ہوئی۔

دعوتِ اسلامی کے بیرون ممالک اور پاکستان میں ہونے والے دینی اور سماجی کاموں کے حوالے سے آگاہ کیا نیز انہیں مدنی مرکز فیضان مدینہ وزٹ کی دعوت پیش کی۔ آخر میں قاری صا حب کو ماہنامہ فیضان مدینہ تحفے میں پیش کیا۔ اس ملاقات پر قاری صاحب نے اظہار مسرت کیا۔ (کانٹینٹ:رمضان رضا عطاری)

شعبہ روحانی علاج دعوتِ اسلامی کے تحت پنجاب پاکستان کے شہر وہاڑی کی جامع مسجد بلال میں 3 دن پر مشتمل (27، 28 اور 29 اگست2022ء) روحانی علاج کورس منعقد کیا گیا جس میں ذمہ داران کی کثیر تعداد نے شرکت کی۔

معلومات کے مطابق مبلغِ دعوتِ اسلامی نے کورس میں شریک ذمہ داران کی تربیت کرتے ہوئے تعویذات لکھنے، دم کرنےنیز کاٹ کرنے کا طریقہ اور اس کی چند ضروری احتیاطیں بیان کیں۔

مزید مبلغِ دعوتِ اسلامی نے شرکائے کورس کو شعبے کے دینی کاموں کے متعلق نئی اپڈیٹس سے آگاہ کیا اوردعوتِ اسلامی کے 12 دینی کاموں کو اخلاص کے ساتھ کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:سمیر علی آفس ذمہ دار، کانٹینٹ:غیاث الدین عطاری)

شعبہ روحانی علاج دعوتِ اسلامی کے تحت سوساں روڈ فیصل آباد کے مدنی مرکز فیضانِ مدینہ میں 3 دن پر مشتمل (27، 28 اور 29 اگست2022ء) روحانی علاج کورس منعقد کیا گیا جس میں ذمہ داران سمیت دیگر اسلامی بھائیوں نے شرکت کی۔

تفصیلات کےمطابق اس کورس میں مبلغِ دعوتِ اسلامی نے ذمہ داران کی تربیت کی نیز تعویذات لکھنے کے حوالے سے اُن کی ذہن سازی کی جبکہ دم کرنے/کاٹ کرنے کا طریقہ اور اس کی چند ضروری احتیاطیں بھی بیان کیں۔

بعدازاں مبلغِ دعوتِ اسلامی نے کورس میں شریک اسلامی بھائیوں کو شعبے کے دینی کاموں کے متعلق نئی اپڈیٹس سے آگاہ کیا اوردعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ:سمیر علی آفس ذمہ دار، کانٹینٹ:غیاث الدین عطاری)