3 ستمبر 2022ء بروز ہفتہ سیلاب زدگان کی خیر خواہی، غم خواری  اور دینی امور کے سلسلے میں دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے ذمہ داراسلامی بھائیوں کے ہمراہ ڈیرہ غازی خان پنجاب کے قریب بستی گامن والا کا دورہ کیا۔

اس دوران رکنِ شوریٰ نے دعوتِ اسلامی کے فلاحی شعبے FGFR کے اسلامی بھائیوں کے ساتھ سیلاب سے متأثرہ لوگوں کی خیر خواہی کرتے ہوئے اُن کے لئے دعائے خیر فرمائی جس پرلوگوں نے دعوتِ اسلامی کا شکریہ ادا کیا۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے بانی و امیر حضرت علامہ مولانا محمد الیاس عطار قادری دامت بَرَکَاتُہمُ العالیہ تحریری کاموں کے لئے بیرونِ ملک تشریف لے گئے۔

بیرونِ ملک روانگی سے قبل امیرِ اہل سنت نے عاشقانِ رسول کے نام ویڈیو پیغام جاری فرمایا جس میں ان کا کہنا تھا کہ ”الحمدللہ میں اس وقت ایئرپورٹ کی طرف جارہا ہوں، باہر ملک روانگی ہے، دعا کیجیئے میں بعافیت سفر کروں اور بعافیت کراچی واپس آکر ربیع الاول شریف کا چاند کراچی میں دیکھوں کہ بار مدنی مذاکرے اِن شآءَ اللہ مسلسل کرنے ہیں، اِن شآءَ اللہ “

بیرونِ ملک پہنچنے کے بعد امیرِ اہلِ سنّت نے ایک اور ویڈیو کلپ جاری کیا جس میں فرمایا کہ میں خیر و عافیت سے عرب امارات پہنچ چکا ہوں۔

بیرونِ ملک روانگی سے قبل امیرِ اہلِ سنت نے سچل گوٹھ کراچی میں FGRF کی جانب سے لگائے گئے امدادی کیمپ کا دورہ کیا اور وہاں ہونے والے امدادی کاموں کا جائزہ لیا۔ امیراہلِ سنت نے اس موقع پر سیلاب اور بارشوں سے پریشان حال پاکستانیوں کے لئے دعائے عافیت کی۔

علم حدیث کی اشاعت وترویج کا سنہری سلسلہ محدثین کی شبانہ روز محنت کے نتیجے میں پوری دنیا تک پھیلا اور ہر گزرتے زمانے کے ساتھ علما حدیث رسول کی اشاعتی خدمت کو اپنا قیمتی سرمایہ سمجھتے رہے۔یہی وجہ ہے آج متلاشیان حدیث کو احادیث کے بارے میں جتنی بھی معلومات ہیں وہ سب محدثین کی مرہون منت ہے کہ جن کی لازوال مساعی جمیلہ سے احادیث کی گرانقدر کتابوں کی اشاعت کے سلسلے جاری وساری ہیں اور اس سلسلے کی ایک کڑی مکتبۃ المدینہ دعو ت اسلامی کی احادیث پر مشتمل مطبوعہ کتابیں بھی ہیں۔

بانیِ دعوت اسلامی، امیر اہلسنت دامت بَرَکَاتُہمُ العالیہ نے سنت رسول کی تبلیغ کا بیڑا اٹھایا اور اپنے نعرہ ”مجھے اپنی اورساری دنیا کے لوگوں کی اصلاح کی کوشش کرنی ہے‘‘ سے پوری دنیا میں سنت رسول کا پرچار کیا۔امت کو سنت رسول کے سانچے میں ڈھالنے، حضور علیہ الصلاۃ و السلام کی محبت سے سرشار، گم کردہ راہ کو راہ حق پر گامزن اور سیرتِ رسول محتشم کی اداؤ ں سے امت کو آگاہ کرنے کے لئے مقبول زمانہ کتاب ’’فیضان سنت‘‘ متعارف کروائی اور یہ سلسلہ بڑھتا چلاگیا۔آج بے شمار تحقیق شدہ کتابیں دعو ت اسلامی کے اشاعتی ادارے مکتبۃ المدینہ سے چھپ (Publish) کر افادۂ عام کے لئے جگمگارہی ہیں۔

اسی طرح مکتبۃ المدینہ کے شانہ بشانہ دعوتِ اسلامی کی دینی، علمی، روحانی، اصلاحی اور تنظیمی خدمات وثمرات کو آئی ٹی ڈیپارٹمنٹ (I T Department) ڈیجیٹلائزیشن (Digitalization ) کے ذریعے پوری دنیا کے مسلمانوں تک عام کررہاہے۔لاکھوں عاشقان رسول آئی ٹی ڈیپارٹمنٹ کی پیش کردہ موبائل ایپلی کیشنز (Mobile Applications) سے مستفید ہورہے ہیں۔چنانچہ قراٰن و تفسیر ِقراٰن، علم فقہ اور بے شمار علمی ایپلی کیشنز کے بعد آئی ٹی ڈیپارٹمنٹ دعوت اسلامی ایک اور سنگ میل کو عبور کرتے ہوئے علما،خطبا، طلبا Islamic Scholar , Researchers, اور خاص طور پر علمِ حدیث سے شغف رکھنے والے عاشقانِ رسول کے لئے ’’ فیضان حدیث موبائل ایپلی کیشن‘‘ متعارف کررہا ہے۔

آئی ٹی ڈیپارٹمنٹ کی پیش کردہ یہ ایپلی کیشن ’’فیضان علم حدیث‘‘ کی ڈیجیٹلائزیشن ( Digitalization ) اشاعتی خدمت ہے۔یہ ایپلی کیشن مجموعہ کُتُب احادیث کا وہ خوبصورت گلدستہ ہے جس میں محدثین کے علمی شہ پارے (بخاری ومسلم ، ترمذی وابو داؤد، ابن ماجہ و سنن نسائی اورمشکٰوۃ المصابیح وغیرہ) عنقریب مہکتے نظر آئیں گے۔

’’فیضان حدیث موبائل ایپلی کیشن‘‘ کا آغاز کُتُب احادیث کی جامع کتاب مشکٰوۃ المصابیح اور اس کی شرح مرأۃ المناجیح سے کیا جارہا ہے۔مشکٰوۃ شریف جو فن حدیث میں ’’عالم کورس‘‘ یعنی درس نظامی کی وہ جامع کتاب ہے جس میں کثیر احادیث کا ذخیرہ موجود ہے۔عرب و عجم میں موجود بیشتر دینی ادارے میں مشکٰوۃ شریف کا درس دیا جاتا ہے۔اسی اہمیت کے پیش نظر آئی ٹی ڈیپارٹمنٹ دعوت اسلامی ہر عاشقانِ رسول خواہ وہ طلبہ ہو یاعلما، عام ہو یا خاص تمام شائقینِ حدیث کےلئے یکساں مفید کتاب مشکٰوۃ شریف کو اس کی شرح مرأۃ المناجیح کے ساتھ پیش کرکے امت ِمسلمہ کو ”فیضانِ حدیث موبائل ایپلی کیشن“ کا تحفہ پیش کررہاہے۔

مفسِّرِ شہیر، حکیم الا ُمت، مفتی احمد یار خان نعیمی علیہ رحمۃ اللہ الغنی کے رشحات قلم سے لکھی ہوئی حدیث کی شرح مرأۃ المناجیح شرح مشکٰوۃ المصابیح کی آٹھ جلدوں کے پھولوں سےآراستہ اور علمی جواہر سے مزین و منور اس اپیلی کیشن میں احادیث کی ترتیب کو اسلوب کتاب کے مطابق رکھا گیا۔ اس ایپلی کیشن میں حدیث کی ترتیب کتاب وائز اور ابواب وائز ہو گی۔یوں ایپلی کیشن میں موجود کسی بھی حدیث کی کتاب میں سرچنگ کرنا ناصرف آسان ہوگا بلکہ موضوع کی تلاش بھی ممکن ہوگی۔

فیضانِ حدیث موبائل ایپ کی دیدہ زیب خصوصیات :

•فیضانِ حدیث موبائل ایپلی کیشن کے خوبصورت سر ورق پر مرأۃ المناجیح شرح مشکٰوۃ المصابیح کی آٹھ ضخیم جلدیں،

•ہر جلد پر کلک کرنے سے موضوعات کی فہرست،

•ہر موضوع کے تحت ذکر کردہ ابواب کی تفصیل ،

•باب الحدیث پر کلک کرنے سے باب میں موجود تمام احادیث ترتیب وار ترجمہ کے ساتھ عیاں ،

•حدیث کے ترجمہ پر کلک کرنے سے عربی متنِ حدیث ، ترجمۂ حدیث اور شرح ِحدیث ایک ساتھ اسکرین پر ذوق مطالعہ کےلئے،

•عربی متن اعراب اور بغیر اعراب کے ساتھ پڑھنے کی سہولت،

•حدیث ، ترجمہ یا شرح میں الفاظ سرچنگ کےلئے مختلف انداز،

•حدیث نمبر، لفظ بلفظ، مختلف الفاظ اور مکمل جملہ سرچ کرنے کا جدید طریقہ،

•سرچ کردہ الفاظ کی فہرست،

•اور شیئرنگ کی سہولت

’’فیضان علم حدیث موبائل ایپلی کیشن‘‘ آئی ٹی ڈیپارٹمنٹ دعوت اسلامی کی تفسیر ِقراٰن کے بعد دوسری بڑی علمی خدمت ہے۔یہ ایپلی کیشن جدید سرچنگ ، خوبصورت لے آؤٹ ، کُتُبِ حدیث کی ترتیب اوراردو یونی کوڈ فاؤنٹ (ٹیکسٹ رائٹنگ اسٹائل) کے علاوہ بہت ساری خوبیوں کے ساتھ مزین۔یہ ایپلی کیشن نہ صرف اہلِ علم حضرات کے لئے کار آمد ہوگی بلکہ عام مطالعہ ٔحدیث کے شائقین بھی اس ایپلی کیشن سے مستفید ہو سکیں گے۔

حضور تاجدارِ ختم نبوت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : اللہ عَزَّوَجَلَّ اس شخص کو تروتازہ رکھے جس نے ہم سے کوئی حدیث سنی پھر اسے یاد کر لیا یہاں تک کہ اسے ( دوسروں تک) پہنچا دیا۔( ابو داود ، کتاب العلم ، باب فضل نشر العلم ، ۳ / ۴۵۰ ، حدیث : ۳۶۶۰ )

آئی ٹی ڈیپارٹمنٹ دعوت اسلامی آپ کی خدمت میں یہ اپیلی کیشن آپ کے علمی استفادہ کےلئے پیش کررہاہے۔آپ تمام عاشقانِ رسول حدیث پر عمل کرتے ہوئے رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی باتیں خود پڑھیں، یاد کریں اور دوسروں تک شیئر کریں۔

For downloading

https://play.google.com/store/apps/details?id=com.dawateislami.islam.sunnah.hadees

دعوتِ اسلامی کے شعبہ رابطہ برائے تاجران کے تحت پچھلے دنوں مرکزی مجلسِ شوریٰ کے رکن حاجی یعفور رضا عطاری کی سیالکوٹ میں سیال ایئر لائن کے چیئرمین فضل جیلانی سے ملاقات ہوئی۔

دورانِ ملاقات رکنِ شوریٰ نے انہیں دعوت اسلامی کا تعارف کرواتے ہوئے عالمی سطح پر ہونے والی خدمات کے بارے میں بریفنگ دی جس پر چیئرمین فضل جیلانی نے دعوتِ اسلامی کی کاوشوں کو سراہا اور اپنی نیک خواہشات کا اظہار کیا۔

آخر میں رکنِ شوریٰ نے چیئرمین فضل جیلانی کوشعبہ مکتبۃ المدینہ دعوتِ اسلامی سے شائع ہونے والی کتابیں تحفے میں پیش کیں۔(رپورٹ:شعبہ رابطہ برائے تاجران ، کانٹینٹ:غیاث الدین عطاری)

دعوتِ اسلامی کے زیرِاہتمام پچھلے دنوں مولانا نواز عطاری مدنی (نگران شعبہ 12 دینی کام جامعۃ المدینہ پاکستان) نے جامعۃ المدینہ خانیوال کا دورہ کیا جہاں انہوں نے ناظمین اور اساتذۂ کرام کے درمیان مدنی مشورہ کیا۔

دورانِ مدنی مشورہ نگرانِ شعبہ نے شعبے کی سابقہ کارکردگی کا جائزہ لیتے ہوئے آئندہ کے اہداف طے کئے جس پر اساتذۂ کرام نے اچھی اچھی نیتیں کیں۔

بعدازاں نگرانِ شعبہ مولانا نواز عطاری مدنی نے جامعۃالمدینہ بوائز کے طلبۂ کرام کے لئے سیکھنے سکھانے کا حلقہ لگایا جس میں انہوں نے دعوتِ اسلامی کے 12 دینی کاموں کے متعلق گفتگو کی اور طلبۂ کرام کو بڑھ چڑھ کر دینی کاموں میں حصہ لینے کا ذہن دیا۔

اس موقع پر ملتان، بہاولپور اور ڈیرہ غازی خان کے 12 دینی کام ذمہ دار مولانا ندیم عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے کے تحت یکم ستمبر 2022ء بروز جمعرات عصری علوم درجات شعبہ جامعۃا لمدینہ بوائز کے تعلیمی ذمہ دار اسلامی بھائیوں کا بذریعہ زوم مدنی مشورہ ہوا۔

اس مدنی مشورے میں حاجی مولانا گل رضا عطاری مدنی (نگران مجلس تعلیمی امورجامعۃ المدینہ بوائز) نے تعلیمی حوالے سے اہم امور پر کلام کیا جبکہ عصری علوم درجات کے نصاب، نصاب کی آوٹ لائن نیز ششماہی امتحانات کے متعلق گفتگو کی جس پر ذمہ داران نے اپنی اپنی رائے پیش کی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

گزشتہ روز دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے لاہور پاکستان کے مدنی مرکز فیضانِ مدینہ جوہر ٹاؤن میں جڑانوالہ سے آئے ہوئے عاشقان رسول کے درمیان میٹ اپ کیا۔

اس دوران رکنِ شوریٰ حاجی یعفور رضا عطاری نے عاشقانِ رسول کی تربیت کرتے ہوئے مختلف موضوعات پر گفتگو کی اور انہیں دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پیارے آقاﷺ کی امت کی خیر خواہی کا جذبہ رکھنے والی عاشقانِ رسول کی عالمگیر تحریک دعوتِ اسلامی کے فلاحی شعبے FGRF کے تحت سیلاب زدگان کی امداد کے لئے جمع کئے گئے راشن، رقم اور ضروریاتِ زندگی کا سامان پاکستان کے مختلف شہروں میں روانہ کیا جارہا ہے۔

معلومات کے مطابق دعوتِ اسلامی کے مدنی مرکز فیضانِ مدینہ جوہر ٹاؤن لاہور میں قائم امدادی کیمپ میں رکنِ مرکزی مجلسِ شوریٰ حاجی یعفور رضا عطاری نے ایک پریس کانفرنس کی جس میں انہوں نے میڈیا سے گفتگو کرتے ہوئے دعوتِ اسلامی کی جانب سے ہونے والی امداد کے بارے میں بیان دیا۔رکنِ شوریٰ نے میڈیا سے گفتگو کرتے ہوئے دعوتِ اسلامی کی فلاحی خدمات سمیت عالمی سطح پر ہونے والی دینی خدمات کے بارے میں بھی بتایا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

2ستمبر2022ء  بروز جمعہ یوم دعوتِ اسلامی کے موقع پرشیخِ طریقت امیرِ اہلسنت حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہ کی ترغیب پرسیلاب زدگان کی خیر خواہی اور غم خواری نیز دینی امور کے حوالے سے رکنِ مرکزی مجلسِ شوریٰ حاجی محمد عقیل عطاری مدنی نے ذمہ دار اسلامی بھائیوں کے ہمراہ 3 دن کے مدنی قافلے میں سفر کیا۔

یہ مدنی قافلہ پنجاب پاکستان کے شہر ڈیرہ غازی خان کی جامع مسجد خیر الواریٰ پہنچا جہاں شرکائے مدنی قافلہ کی تربیت کے لئے سیکھنے سکھانے کا حلقہ لگایا گیا جس میں رکنِ شوریٰ نے سنتوں بھرا بیان کرتے ہوئے عاشقانِ رسول کی فکر آخرت کے حوالے سے ذہن سازی کی۔

رکنِ شوری نے دورانِ بیان دعوت اسلامی کی دینی خدمات بالخصوص فلاحی شعبے FGFR دعوتِ اسلامی کی جانب سے پیارے آقاﷺ کی دکھیاری امت کے لئے مختلف مواقع پر کی جانے والی خدمات اور موجودہ سیلاب سے متاثرین افراد کی خیر خواہی کے بارے میں بتایا۔ مزید رکنِ شوریٰ نے مدنی قافلے کے شرکا کو دعوت اسلامی کے دینی ماحول سے ہمیشہ وابستہ رہنے کی ترغیب دلائی۔(کانٹینٹ:غیاث الدین عطاری)

یکم ستمبر 2022ء بروز جمعرات دعوتِ اسلامی کےتحت منعقد ہونے والے عظیم الشان اجتماع میں نگرانِ پاکستان مشاورت حاجی محمد شاہد عطاری نےسنتوں بھرا بیان کیا۔

تفصیلات کے مطابق مدنی مرکز فیضان مدینہ موہری روڈ کھاریاں میں دعوتِ اسلامی کے زیرِ اہتمام عظیم الشان اجتماع منعقد کیا گیا جس میں مرکزی مجلسِ شوریٰ کے اراکین حاجی محمد اسد عطاری مدنی، حاجی محمد اظہر عطاری اور ذمہ داران سمیت قرب و جوار سے کثیر عاشقان رسول نے شرکت کی ۔

دعوتِ اسلامی کی مرکزی مجلسِ شوریٰ کے رکن و نگران ِپاکستان مشاورت حاجی محمد شاہد عطاری نے پیارے آقا ﷺ کی امت کے ساتھ خیر خواہی اور دعوت اسلامی کی دینی خدمات کے حوالے سے سنتوں بھرا بیان کرتے ہوئے بتایا کہ ہماری دعوت اسلامی کس طرح دینِ متین کی سربلندی کے لئے کام کر رہی ہے۔

مزید دعوت اسلامی کے فلاحی شعبے FGFR نے پیارے آقاﷺ کی دکھیاری امت کی کن کن مواقع پر خدمات سر انجام دی ہیں اس حوالے سے نگرانِ پاکستان مشاورت نے اسلامی بھائیوں کی ذہن سازی کی نیز FGFR کے ساتھ مل کر سیلاب زدگان کی مدد کرنے کا ذہن دیا۔

اسی طرح نگرانِ پاکستان مشاورت نے یوم دعوت اسلامی کے موقع پر عاشقانِ رسول کو 3 دن کے مدنی قافلے میں سفر کرنے کی ترغیب دلائی۔علاوہ ازیں نگران پاکستان مشاورت حاجی محمد شاہد عطاری نے رقت انگیز دعا کروائی اور صلوٰۃ و سلام بھی پڑھا۔اجتماع کے اختتام پر شخصیات سمیت دیگر عاشقانِ رسول نے نگران پاکستان مشاورت سے ملاقات کی اور انہیں مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

یکم ستمبر 2022ء بروز جمعرات لوگوں کی دینی و اخلاقی تربیت کرنے کے لئے عاشقانِ رسول کی دینی تحریک دعوتِ اسلامی کے زیرِا ہتمام پنجاب پاکستان کے شہر خانیوال میں قائم مدنی مرکز فیضانِ مدینہ میں ہفتہ وار سنتوں بھرے اجتماع کا انعقاد کیا گیا جس میں مقامی اسلامی بھائیوں کی کثیر تعداد نے شرکت کی۔

اس اجتماعِ پاک میں مرکزی مجلسِ شورٰی کے رکن حاجی محمد عقیل عطاری مدنی نے سنتوں بھرا بیان کیا اور وہاں موجود اسلامی بھائیوں کی دینی و اخلاقی تربیت کی اور انہیں دعوتِ اسلامی کے دینی ماحول سے وابستہ رہتے ہوئے اسلامی تعلیمات کے مطابق زندگی گزارنے کا ذہن دیا۔(کانٹینٹ:غیاث الدین عطاری)

دعوت اسلامی پہلے دن سے ہی پاکستان بھر میں بارش اور  سیلاب سے متاثرہ علاقوں میں بڑھ چڑھ کر امدادی سرگرمیاں کررہی ہے۔دعوت اسلامی کا عزم ہے کہ متاثرین کی نہ صرف کھانے، پینے کی اشیاء کے ذریعے مدد کرنی ہے بلکہ ان کے گھروں کو بھی تعمیر کرنا ہے اور ساتھ ساتھ ان کے کاروبار کو بھی بحال کرنا ہے۔

شیخ طریقت، امیر اہلسنت علامہ محمد الیاس عطار قادری دامت بَرَکَاتُہمُ العالیہ کی ترغیب کے بعد اسی سلسلے کو آگے بڑھاتے ہوئے 2 ستمبر 2022ء کو ”یوم دعوت اسلامی“ کے موقع پر صرف شہر کراچی سے کھانے، پینے اور دیگر سامان سے لدے200 سے زائد ٹرک کو شرکائے قافلہ کے ہمراہ سندھ کے متاثرہ علاقوں کی جانب روانہ کیا گیا۔ نہ صرف کراچی بلکہ پنجاب سے بھی سامان سے بھرے سینکڑوں ٹرک ڈیرہ اسماعیل خان، بالائی علاقے بحرین، کلام اور سوات وغیرہ کی طرف مدنی قافلے کے ہمراہ روانہ ہوئے۔ اس کے ساتھ ساتھ سامان کا بہت بڑا قافلہ جنوبی پنجاب بھی پہنچا ہے۔

ایسے دشوار گزار علاقے جہاں پہنچنا بہت مشکل ہے ان علاقوں میں سامان کو مستحقین تک پہنچانے کے لئے پاکستان آرمی اور پاکستان نیوی FGRF کی مدد کررہی ہے اور بذریعہ ہیلی کاپٹر متاثرین کو کھانا پہنچایا جارہا ہے۔

اس کے علاوہ FGRF ، 3 ستمبر 2022ء کو ائیر فورس کے ساتھ C-130 جہاز کے ذریعے سامان لے کر جیکب آباد Air baseپہنچے گاجہاں سے پھر ان شاءاللہ دیگر شہروں میں امدادی سامان تقسیم کیا جائیگا۔

FGRF کی امدادی سرگرمیوں کا دوسرا مرحلہ یہ ہے کہ متاثرین کے گھروں کو بھی تعمیر کیا جائیگا۔ جنوبی پنجاب ڈیرہ غازی خان، تونسہ شریف اور اطراف کے علاقوں میں اللہ کے فضل و کرم سے پانی اترنے کے بعد متاثرین اپنے گھروں کے طرف روانہ ہونا شروع ہوگئے ہیں۔ FGRFنے ان علاقوں میں گھروں کی بحالی کے لئےبھی کام شروع کردیا ہے۔