پچھلے دنوں گجرات میں چوہدری ظہور الٰہی کی سالانہ برسی پر دعوت اسلامی کے ذمہ داران نے شرکت کی اور مرحوم کے ایصال ثواب کے لئے قرآن خوانی و دعائے مغفرت کی گئی ۔

اس موقع پر شعبہ رابطہ برائے شخصیات گجرات کے ڈسٹرکٹ ذمہ دار حاجی ضیاءالرحمن عطاری ودیگر ذمہ درانِ دعوتِ اسلامی اور وزیر اعلیٰ پنجاب چوہدری پرویز الہی ، ایم این اے حسین الٰہی، چوہدری وجاہت الٰہی، ایم پی اے رضوان ، ڈی پی او سید غضنفر، ڈی ایس پی سٹی پرویز گوندل، ڈپٹی کمشنر شہزاد کنگ، کمشنر گجرات احمد کمال مان، سابقہ ڈپٹی کمشنر طارق علی بسرا اور دیگر سیاسی و سماجی شخصیات بھی موجود تھیں۔(رپورٹ: رابطہ برائے شخصیات ڈسٹرکٹ گجرات، کانٹینٹ:محمد مصطفی انیس)

پچھلے دنوں شعبہ فیضان آن لائن اکیڈمی دعوتِ اسلامی کے تحت پاکستان بھر کے شفٹ ناظمین اور خادمین کے لئے آن لائن ٹریننگ سیشن منعقد ہوا جس میں رکنِ شعبہ فیضان آن لائن اکیڈمی مولانا غلام الیاس عطاری مدنی نے برانچ فیضانِ مدینہ کراچی سے بذریعہ آن لائن تربیت کی۔

معلومات کے مطابق مبلغِ دعوتِ اسلامی نے”S methodology 5“ کے موضوع پر شرکا کی تربیت کی جبکہ نگرانِ شعبہ مولانا یاسر رضا عطاری مدنی نے بھی برانچ فیضان مدینہ گجرات سے بذریعہ آن لائن مختلف مفید مدنی پھول دیئے۔

دورانِ ٹریننگ سیشن شعبے کے کاموں کو ترتیب دینے، صفائی اور دیگر کاموں کا معیار بنانے نیز اسے برقرار رکھنے کے حوالےسے مختلف نکات بیان کئے گئے۔(رپورٹ:علی حمزہ عطاری شب و روز ذمہ دار فیضان آن لائن اکیڈمی، کانٹینٹ:غیاث الدین عطاری)

پاکستان کے شہر لاہور میں دعوتِ اسلامی کے تحت لوگوں کے درمیان نیکی کی دعوت عام کرنے اور انہیں راہِ خدا عزوجل کا مسافر بنانے والے ذمہ داران کی تربیت کے لئے مدنی مرکز فیضانِ مدینہ جوہر ٹاؤن لاہور میں مدنی مشورے کا انعقاد ہوا جس میں ٹاؤن نگران اسلامی بھائیوں کی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے اسلامی بھائیوں کی تربیت کی اور انہیں 12 دینی کاموں کو بڑھانے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

عاشقانِ رسو ل کی دینی تحریک دعوت اسلامی دنیا بھر میں مختلف شعبہ ہائے زندگی سے تعلق رکھنے والے افراد کی تربیت کرتی رہتی ہے۔اسی سلسلے میں پچھلے دنوں مدنی مرکز فیضانِ مدینہ جوہر ٹاؤن لاہور میں سنتوں بھرا اجتماع منعقد کیا گیا جس میں شخصیات سمیت کثیر اسلامی بھائیوں نے شرکت کی۔

لوگوں کو علمِ دین سیکھانے اور اُن کی دینی و اخلاقی تربیت کرنے کے لئے ہر ہفتے بعد نمازِ عشاء عالمی مدنی مرکز فیضانِ مدینہ کراچی میں مدنی مذاکرے کا انعقاد کیا جاتا ہے جس میں کراچی کے عاشقان ِ رسول بالمشافہ جبکہ دیگر شہروں اور بیرونِ ملک سے کثیر اسلامی بھائی بذریعہ مدنی چینل شریک ہوتے ہیں۔

24 ستمبر 2022ء بروز ہفتہ عالمی مدنی مرکز فیضانِ مدینہ کراچی میں مدنی مذاکرہ کا انعقاد کیا گیا جس میں امیرِ اہلِ سنت دامت بَرَکَاتُہمُ العالیہ نے عاشقانِ رسول کی تربیت و رہنمائی کرتے ہوئے انہیں خوش گوار مدنی پھولوں سے نوازا۔

رکنِ مرکزی مجلسِ شوری حاجی یعفور رضا عطاری نے اقبال ٹاؤن کے علاقے سبزہ زار میں عاشقان رسول کےہمراہ بذریعہ مدنی چینل مدنی مذاکرے میں شرکت کی اور امیرِ اہلِ سنت دامت بَرَکَاتُہمُ العالیہ کے علم و حکمت سے بھرے فرامین سنے۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

پچھلے دنوں گوجرانوالہ ڈویژن  نارووال شہر میں حضرت پیر سید بابا شہسوار گیلانی قادری شمس غوث علیہ رحمہ کے مزار شریف پر ڈسٹرکٹ ذمہ دار اور ڈویژن ذمہ دار نے حاضری دی اور سجادہ نشین پیر سید اظہرالحسن شاہ گیلانی صاحب سے ملاقات کی۔

دوران ملاقات صوبائی ذمہ دار انعام عطاری نے انہیں دعوت اسلامی کے شعبہ جات بالخصوص شعبہ مزارات اولیاء کا تعارف کروایا اور ماہنامہ فیضان مدینہ پیش کیا جس پر انہوں نے دعوت اسلامی کی دینی خدمات کو سراہتے ہوئے اچھے جذبات کا اظہار کیا۔(رپورٹ: رپورٹ دانیال عطاری پاکستان مشاورت آفس ،کانٹینٹ:رمضان رضا عطاری) 

دعوت  اسلامی کے شعبہ مزاراتِ اولیاء کے تحت صوبائی ذمہ دار مولانا یاسر مدنی نے دینی کاموں کے سلسلے میں کے پی کے کا دورہ کیا جہاں حضرت عبدالشکور ملنگ بابا اور حضرت پیر سید عبدالقدوس شاہ علیہ الرحمہ کے مزارات پر حاضری دیں۔

زائرین سے ملاقات کی ا ورانفرادی کوشش کرتے ہوئے انہیں دینی تحریک دعوت اسلامی کی دینی خدمات کے حوالے سے معلومات دیں اور ہفتہ وار سنتوں بھرے اجتماع میں شرکت کرنے نیز مدنی مذاکرہ دیکھنے کی ترغیب دلائی۔ اس کے علاوہ شعبہ مزاراتِ اولیاء کا تعارف کروایا۔

ساتھ ساتھ مزار شریف میں سیکھنے سکھانے کے حلقے کا انعقاد کیا گیا جہاں مدرس کورس کے طلبہ نے شرکت کی۔ مبلغ دعوت اسلامی نے سنتوں بھرا بیان کیا اور شرکا کو شعبہ مزارات اولیاء پر دینی کام کرنے کے حوالے سے مدنی پھول پیش کئے۔ (رپورٹ: رپورٹ دانیال عطاری پاکستان مشاورت آفس ،کانٹینٹ:رمضان رضا عطاری)

ہفتہ وار اجتماع ، عالمی مدنی مرکز فیضانِ مدینہ کراچی میں  اسپیشل پرسنز (گونگے، بہرے اور نابینا افراد) نے شرکت کی۔ اس موقع پر اسپیشل پرسنز اوور سیز ذمہ دار محمد علی عطاری نے اسپیشل پرسنز کے درمیان اشاروں کی زبان میں سنتوں بھرے بیان کی ترجمانی کی اور انہیں دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔

بعدازاں شرکا کے لئے سیکھنے سکھانے کے حلقے کا سلسلہ بھی ہوا جس میں انہیں دینی کام کرنے کے بارے میں ٹریننگ دی گئی جس پر انہوں نے اچھی اچھی نیتوں کا اظہار کیا۔(رپورٹ: اسپیشل پرسنز ڈیپارٹمنٹ، کانٹینٹ:رمضان رضا عطاری)

22 ستمبر 2022ء کو رضائے مصطفی مسجد  کے ہفتہ وار اجتماع میں اسپیشل پرسنز کی شرکت ہوئی اس اجتماع کی اشاروں کی زبان میں ترجمانی ڈسٹرکٹ ذمہ دار شاہد عطاری نے کی۔ آخر میں سیکھنے سیکھانے کا حلقہ بھی ہوا جس میں مبلغ دعوت اسلامی نے شرکا کی دینی و اخلاقی اعتبار سے تربیت کی۔(رپورٹ: اسپیشل پرسنز ڈیپارٹمنٹ، کانٹینٹ:رمضان رضا عطاری)

دعوت ا سلامی کے زیر اہتمام پچھلے دنوں آفندی ٹاؤن حیدر آباد فیضان مدینہ میں اسپیشل پرسنز ڈیپارٹمنٹ کا مدنی مشورہ ہوا جس میں ڈویژن ذمہ دار ان نے شرکت کی۔

صوبائی ذمہ دار اسپیشل پرسنز سندھ عابد عطاری نے دینی کاموں کی سابقہ کارکردگی کا جائزہ لیا اور مدنی مذاکرہ دیکھنے ، ہفتہ وار سنتوں بھرے اجتماع میں آنے کا ذہن دیا جس پر اسلامی بھائیوں نے اچھی اچھی نیتوں کا اظہار کیا۔(رپورٹ: اسپیشل پرسنز ڈیپارٹمنٹ، کانٹینٹ:رمضان رضا عطاری) 

دعوت اسلامی  کی جانب سے ڈسٹرکٹ چنیوٹ میں نابینا افراد میں مدنی حلقہ ہوا جس میں غلام مصطفی عطاری نے ڈویژن ڈیف ذمہ دار ارسلان عطاری کے ہمراہ اسپیشل پرسنز کی دینی واخلاقی اعتبار سے تربیت کی۔

بعدا زاں تحصیل لالیاں میں گونگے بہرے اسپیشل کے ڈیف کلب میں مدنی حلقہ ہوا جس میں سنتیں اور آداب بتائی گئیں نیز نگران مجلس سید عمیر ہاشمی عطاری کے شیڈول کے حوالے سے تبادلہ خیال بھی کیا گیا۔(رپورٹ: اسپیشل پرسنز ڈیپارٹمنٹ، کانٹینٹ:رمضان رضا عطاری)

پچھلے دنوں    دعوت اسلامی کے زیر اہتمام تحصیل جنڈ میں اسپیشل پرسنز کے اسکول میں سیکھنے سیکھانے کا حلقہ لگایا گیا جس میں بدر عطاری نے بچوں کو ماں باپ کا ادب کرنے اور روزانہ 313 بار درود پاک پڑھنے سے متعلق سیکھایا۔ (رپورٹ: اسپیشل پرسنز ڈیپارٹمنٹ، کانٹینٹ:رمضان رضا عطاری)