اِسلامی تاریخ میں بے شمار ایسی شخصیات گزری ہیں جنہوں نے اپنے اوصاف اورمساعی جمیلہ کی بدولت دین اسلام کی ایسی خدمت  کی کہ آج بھی ان کے نقوش واضح طور پر محسوس کئے جاسکتے ہیں۔ امام اہل سنت ،اعلی ٰ حضرت امام احمد رضا خان رحمۃ اللہ علیہ بھی ایسی ہی ایک شخصیت ہیں۔ آپ رحمۃ اللہ علیہ نےاپنی تحریر، تقریر اور کردار کے ذریعے ملت کی رہنمائی کی اور مشرق و مغرب کواپنا گرویدہ بنایا۔

22ستمبر 2022ءبروزجمعرات دارالمدینہ انٹرنیشنل اسلامک اسکول سسٹم میں عرس اعلی ٰ حضرت رحمۃ اللہ علیہ کے موقع پریوم رضا منایا گیا۔ اس موقع پر کیمپس کو خوبصورتی سے سجایا گیا۔یوم رضا کی مناسبت سے انٹرکیمپس میں مقابلہ جات بھی منعقد ہوئے۔ان میں طلبہ کے درمیان حسن ِ قرأت ، نعت رسول ﷺ، بیان اور معلومات اعلی حضرت رحمۃ اللہ علیہ کے مقابلے ہوئے۔ ان بیانات میں طلبہ نے اعلی ٰ حضرت رحمۃ اللہ علیہ کی سیرت کے مختلف گوشوں پر روشنی ڈالی۔ اساتذہ کرام نے طلبہ کی تربیت کرتے ہوئے انہیں بزرگان دین کی تعلیمات پر عمل کرنے کی تلقین کی۔ بعدازاں کامیاب طلبہ میں انعامات تقسیم کئے گئے۔ (رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:رمضان رضا عطاری)

عاشقانِ رسول کی دینی تحریک دعوتِ اسلامی کے زیرِ اہتمام مولانا محمد ظہیر عباس عطاری مدنی (ڈویژن گوجرانوالہ ذمہ دار) کی مولانا پیر سیّد مزمل عمرکاظمی قادری صاحب (خطیب منڈی بہاؤالدین) سے ملاقات ہوئی۔

دورانِ ملاقات مولانا محمد ظہیر عباس عطاری مدنی نے انہیں دعوتِ اسلامی کے مختلف شعبہ جات کے ذریعے دنیا بھر میں ہونے والے دینی کاموں کے بارے میں بریفنگ دی جس پر انہوں نے دعوتِ اسلامی کی کاوشوں کو سراہا۔

علاوہ ازیں ذمہ دار نے مولانا پیر سیّد مزمل عمرکاظمی قادری صاحب کو دعوتِ اسلامی کے شعبہ مکتبۃالمدینہ کی مطبوعہ ”ماہنامہ فیضانِ مدینہ“ تحفے میں پیش کیا۔(رپورٹ: شعبہ رابطہ بالعلماء، کانٹینٹ:غیاث الدین عطاری) 

شعبہ رابطہ بالعلماء دعوتِ اسلامی کے تحت پاکستان کےگاؤں دھول رانجھا ضلع منڈی بہاؤالدین میں ذمہ داران نے جامعہ صدیقیہ رضویہ نوریہ للبنین و للبنات کے مہتمم مولانا ظہور احمد نقشبندی صاحب سے ملاقات کی۔

اس موقع پر ڈویژن گوجرانوالہ کے ذمہ دار مولانامحمد ظہیر عباس عطاری مدنی نے انہیں دعوتِ اسلامی کے دینی و فلاحی کاموں کے بارے میں بتایا جس پر انہوں نے خوشی کا اظہار کیا۔بعدازاں ذمہ دار نے مولانا ظہور احمد نقشبندی صاحب کو دعوتِ اسلامی کا ”ماہنامہ فیضانِ مدینہ“ تحفے میں دیا۔(رپورٹ: شعبہ رابطہ بالعلماء، کانٹینٹ:غیاث الدین عطاری)

دنیا بھر میں لوگوں کو حافظِ قراٰن، عالمِ باعمل اور مفتیِ اسلام بنانے والی عاشقانِ رسول کی دینی تحریک دعوتِ اسلامی کے تحت پچھلے دنوں شعبہ رابطہ بالعلماء کے ذمہ داران نے صاحبزادہ پیر عمار سعید سلیمانی صاحب (مہتمم جامعہ سلیمانیہ رضویہ مانگٹ شریف ) اور مولانا محمد عرفان حیدر ظہوری صاحب (سینئر مدرس جامعہ سلیمانیہ رضویہ مانگٹ شریف) سے ملاقات کی۔

دورانِ ملاقات شعبے کے گوجرانوالہ ڈویژن ذمہ دار مولانا محمد ظہیر عباس عطاری مدنی نے انہیں دعوتِ اسلامی کے تحت بیرونِ ملک میں ہونے والے دینی کاموں کے حوالے سے بریفنگ دی۔

اس کے علاوہ ڈویژن ذمہ دار نے انہیں دارالافتاء اہلسنت ایپ اور مواقیت الصلاۃ ایپ کے بارے میں آگاہی دی نیز عاشقانِ رسول کے جامعات میں ہونے والے کورسز کے متعلق بتایا۔بعدازاں صاحبزادہ پیر عمار سعید سلیمانی صاحب اور اور مولانا محمد عرفان حیدر ظہوری صاحب کو دعوتِ اسلامی کا ”ماہنامہ فیضانِ مدینہ“ تحفے میں پیش کیا گیا۔(رپورٹ: شعبہ رابطہ بالعلماء، کانٹینٹ:غیاث الدین عطاری)

24 ستمبر 2022ء بروز ہفتہ ڈونیشن سیل ڈیپارٹمنٹ دعوتِ اسلامی کے تحت رکن ِ مرکزی مجلسِ شوریٰ حاجی محمد فاروق جیلانی عطاری نے کراچی کے تمام سپروائزر کا مدنی مشورہ لیا جس میں ڈسٹرکٹ و شعبہ ذمہ داران، معاونین اور گھریلو صدقہ بکس کےاسلامی بھائیوں نے شرکت کی۔

اس دوران رکنِ شوریٰ نے اسلامی بھائیوں کی کارکردگی کا جائزہ لیتے ہوئے انہیں دعوتِ اسلامی کے 12دینی کاموں میں عملی طور پر حصہ لینے کا ذہن دیا اور کہا کہ ہمیں اپنے شعبے کو اونر شپ کی طرح چلانا ہے۔مزید رکنِ شوریٰ نے ڈونیشن سیل ذمہ داران کے ساتھ مل کر ماہانہ اور ہفتہ وار ڈونر بنانے نیز ان کو مضبوط کرنے کا ذہن دیا۔

آخر میں رکنِ شوریٰ حاجی محمد فاروق جیلانی عطاری نے نمایاں کارکردگی والے اسلامی بھائیوں کے درمیان تحائف تقسیم کئے اور اُن کی حوصلہ افزائی کی۔اس موقع پر کراچی سٹی کے رکن حاجی سیّد شفیق الرحمٰن عطاری بھی موجود تھے۔(رپورٹ:محمد ارشد ہارون عطاری کراچی سٹی معاون ، کانٹینٹ:غیاث الدین عطاری)

گزشتہ دنوں لودہراں میں دعوت اسلامی کے ذمہ داران نے ضلعی میلاد کمیٹی کاسالانہ مشاورتی اجلاس (ادارہ نورالاسلام زیر سرپرستی پیر ریاض الدین ثانوی ) میں شرکت کی ۔

مبلغ دعوت اسلامی نے شرکاء سے سنتوں بھرا بیان کیا اور دعوت اسلامی کے تحت ہونیوالے اجتماعات میں شرکت کی دعوت دی اس موقع پر امیدوار ایم ۔پی ۔اے ۔ منیجنگ ڈائریکٹر ایئر سیال مہر محمد اشرف سیال ، سابق سٹی ناظم وشہید کانجو گروپ حاجی ملک غلام نازک آرائیں اور مختلف سیاسی و سماجی شخصیات سمیت میڈیا نمائندگان نے شرکت کی ۔(رپورٹ: مجلسِ رابطہ ڈسٹرکٹ لودہراں ، کانٹینٹ:محمد مصطفی انیس) 

ربیع الاول کی آمد اور جلوس میلاد کے سلسلے میں پچھلے دنوں دعوت اسلامی کے ذمہ داران پاکستان کے شہر چنیوٹ میں ڈپٹی کمشنر چنیوٹ آفس میں ڈپٹی کمشنر چنیوٹ  محمد فاروق رشید ، ایڈیشنل ڈپٹی کمشنر ریونیو عمران عصمت پنوں، ایڈیشنل کمشنر جنرل الطاف حسین انصاری، اسسٹنٹ کمشنربھوآنہ مہتاب احمد خان، اسسٹنٹ کمشنر چنیوٹ بلال بن عبدالحفیظ، اسسٹنٹ کمشنر لالیاں کامران اشرف، ڈی ایس پی سٹی فضل عباس ہرل اور دیگر افسران سے ملاقات کی جس میں جلوس میلاد کے اجتماعات و راستوں کی صفائی ، سیکیورٹی اور دیگر معاملات پر گفتگو ہوئی ۔(رپورٹ: اویس رضاعطاری ، عبدالحفیظ عطاری ڈسٹرکٹ چنیوٹ / ڈویژن فیصل آباد ، کانٹینٹ:محمد مصطفی انیس) 

دنیا بھر میں زیادہ سے زیادہ  مساجد بنانے، انہیں آباد کرنے اور لوگوں کو نیکی کی دعوت دینے کے لئے دعوتِ اسلامی کے ذمہ داران کوشش کرتے رہتے ہیں جس کے نتیجے میں سیکڑوں مسجدیں قائم کی جا چکی ہیں اور لاکھوں لوگ گناہوں بھری زندگی سے توبہ کر کے اسلامی تعلیمات کے مطابق اپنی زندگی گزار رہے ہیں۔

22 ستمبر 2022ء بمطابق 25 صفرالمظفر 1444ھ بروز جمعرات عرسِ اعلیٰ حضرت کے موقع پر پاکستان کے شہر ملکوال ضلع منڈی بہاؤ الدین میں دعوتِ اسلامی کے تحت5 مرلے کی زمین پر ”جامع مسجد فیضانِ اعلیٰ حضرت“ کا سنگ بنیاد رکھا گیا۔

اس موقع پر ڈویژن ذمہ دار گوجرانوالہ مولانا محمد شہباز عطاری مدنی نے ”مسجد کی تعمیرات کی اہمیت و فضیلت“ کے موضوع پر سنتوں بھرا بیان کیا جس میں دعوتِ اسلامی کے ذمہ داران اور اہلِ محلہ کے کثیر اسلامی بھائی شریک ہوئے۔(رپورٹ: پراپرٹی اینڈ کنسٹرکشن ڈیپارٹمنٹ ، کانٹینٹ:غیاث الدین عطاری)

25 ستمبر 2022ء  کو کہروڑ پکا میں دعوتِ اسلامی شعبہ رابطہ برائے شخصیات ملتان ڈویژن کےذمہ دارفدا علی عطاری کے ہمراہ ذمہ داران نے وفاقی وزیر مملکت برائے داخلہ عبد الرحمٰن خان کانجواور سابق صوبائی ٹکٹ ہولڈر و امیدوار MPA سعد خورشید خان کانجو سے ملاقات کی ۔

اس ملاقات میں 29 ستمبر2022ء کودعوت اسلامی کے تحت کہروڑپکا میں ہونیوالے عظیم الشان سنتوں بھرے اجتماع میں شرکت کی دعوت پیش کی نیز دعوت اسلامی کی دینی وفلاحی خدمات کے حوالےسےبھی انہیں بریف کیا اور ماہنامہ فیضان مدینہ انہیں تحفےمیں پیش کیا۔(رپورٹ: مجلسِ رابطہ دعوتِ اسلامی ڈسٹرکٹ لودہراں ، کانٹینٹ:محمد مصطفی انیس) 

پچھلے دنوں دعوت اسلامی کے کوآرڈینیشن ڈیپارٹمنٹ کے تحت ذمہ داران نے سیکریٹری ہیلتھ بلوچستان حافظ محمد طاہر سے ملاقات کی ، اس ملاقات میں ذمہ داراسلامی بھائی نے دعوت اسلامی شعبہ  FGRF کی جانب سے سیلاب زدہ اضلاع میں امدادی کاموں کے ساتھ ساتھ اب تک لگائے جانے والے فری میڈیکل کیمپ کے حوالے سے گفتگو کی اور آئندہ فری میڈیکل کیمپ لگانے کے حوالے سے بھی اہداف دیئےجس کو سیکریٹری ہیلتھ بلوچستان نے سالانہ نے خوب سراہا۔

اس موقع پرصوبائی ذمہ دار شعبہ FGRF ذوالفقار علی عطاری بھی موجود تھے۔(رپورٹ: محمد وقار عطاری کوآرڈینیشن ڈیپارٹمنٹ دعوت اسلامی بلوچستان، کانٹینٹ:محمد مصطفی انیس) 

دعوتِ اسلامی کے زیرِ اہتمام 24 ستمبر 2022ء بروز  ہفتہ عالمی مدنی مرکز فیضان ِ مدینہ کراچی میں تربیتی سیشن منعقد ہوا جس میں بیرونِ ملک سے آئے ہوئے جامعۃالمدینہ بوائز کے اساتذۂ کرام و طلبۂ کرام نے شرکت کی۔

دورانِ سیشن مرکزی مجلسِ شوریٰ کے رکن حاجی محمد عقیل عطای مدنی نے ”امامت کی اہمیت“ کے موضوع پر سنتوں بھرا بیان کرتے ہوئے شرکا کی تربیت و رہنمائی کی۔

اس موقع پر شعبہ ائمہ مساجد کے ذمہ دار (بیرون ملک) مولانا شعبان عطاری مدنی اور یوکے ذمہ دار حافظ رفاقت عطاری بھی موجود تھے۔(رپورٹ:شعبان عطاری مدنی ، کانٹینٹ:غیاث الدین عطاری)

22 ستمبر 2022 بروز جمعرات سینئر سپرنٹنڈنٹ سعید میمن نے حیدرآباد میں قائم آن لائن قراٰن و سنت کی  تعلیم دینے والا دعوت اسلامی کا شعبہ فیضان آن لائن اکیڈمی کی برانچ کلاتھ مارکیٹ کا وزٹ کیا۔

اس موقع پر رابطہ برائے شخصیات کے اسلامی بھائیوں نے انہیں دعوتِ اسلامی کے دیگر شعبوں کے متعلق بریفنگ دی جبکہ شفٹ ناظم مولانا جنید زم زم عطاری مدنی نے شخصیت کو شعبہ فیضان آن لائن اکیڈمی کا تعارف کروایا نیز اس شعبے کےذریعے دنیا بھر میں دینِ اسلام کی خدمت کے بارے میں بتاتے ہوئے فیضان آن لائن اکیڈمی کے تحت ہونے والے مختلف کورسز کا مختصر تعارف پیش کیا۔

آخر میں سینئر سپرنٹنڈنٹ سعید میمن نے دعوت اسلامی کی کاوشوں کو سراہا اور شعبہ فیضان آن لائن اکیڈمی کے حوالے سے اپنی نیک خواہشات کا اظہار کیا۔(رپورٹ:علی حمزہ عطاری شب و روز ذمہ دار فیضان آن لائن اکیڈمی، کانٹینٹ:غیاث الدین عطاری)