گزشتہ روز   بہاولپور ڈویژن ہارون آباد میں دعوت اسلامی کی طرف سے قائم کردہ سیلاب زدگان کیمپ پر DSPحسن گل ، Sho افضل بابر، CTD چوہدری عمران، سابق ایم پی اے میاں عبدالواحد اور مختلف صحافیوں نے وزٹ کیا۔

شعبہ رابطہ کے ذمہ دار اسلامی بھائیوں نے انہیں دعوت اسلامی اور امیر اہل سنت دامت برکاتہم العالیہ کی دینی خد مات کے حوالے سے معلومات فراہم کیں جس پر انہو ں نے خدمات دعوت اسلامی سراہتے ہوئے اظہار مسرت کیا ۔(رپورٹ: محمد راشد عطاری ، کانٹینٹ:رمضان رضا عطاری)

دعوتِ اسلامی کے زیرِ اہتمام لوگوں کو دینِ اسلام کی تعلیمات سے آگاہ کرنے کے لئے ہر جمعرات پاکستان کے مختلف شہروں میں کثیر مقامات پر ہفتہ وار سنتوں بھرے اجتماع کا انعقاد کیا جاتا ہے۔

یکم ستمبر 2022ء بروز جمعرات لاہور پاکستان کے علاقے سوڈیوال میں ہفتہ وار سنتوں بھرے اجتماع کا انعقاد کیا گیا جس میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا۔

دورانِ بیان رکنِ شورٰی حاجی یعفور رضا عطاری نے دعوتِ اسلامی کی دینی خدمات کے حوالے سے گفتگو کرتے ہوئے وہاں موجود اسلامی بھائیوں کو دینی ماحول میں رہتے ہوئے اسلامی تعلیمات کے مطابق زندگی گزارنے کا ذہن دیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

یکم  دسمبر 2022ء کو لودہراں میں شعبہ رابطہ برائے شخصیات ملتان ڈویژن کےذمہ دارکی ایڈیشنل ڈپٹی کمشنرجنرل فرازاحمداعوان سےان کے آفس میں ملاقات کی۔

اس دوران ذمہ داران نے دعوت اسلامی کےتحت سیلاب متاثرین کےحوالےسےریلیف کاموں پرانہیں بریف کیااور امدادی کیمپ پروزٹ کی دعوت جوانہوں نےقبول کی۔ ہاتھوں ہاتھ ساتھ آکرامدادی کیمپ کاوزٹ کیا۔ بعدازاں ڈپٹی کمشنر نے ذمہ داران کی حوصلہ افزائی کی اور دعوتِ اسلامی کی کوششوں کوسراہا۔(رپورٹ: ڈسٹرکٹ لودہراں ، کانٹینٹ:رمضان رضا عطاری) 

پچھلے  دنوں میٹرو پولیٹن فیصل آباد کے مدنی مرکز فیضان مدینہ میں دیوان آف پاکپتن شہزادہ گنج شکر، دیوان حامد مسعود فاروقی چشتی،(زیبِ سجادہ نشین دربار عالیہ حضرت بابا فرید الدین مسعود گنج شکر پاکپتن شریف) صاحبزادہ سید مظہرالزماں مہدی چشتی نظامی، خلیفہ مجاز پیر طلحہ مزمل چشتی اور دیگر عقیدت مندان کی آمد ہوئی۔

نگران مجلس اور صوبائی ذمہ دار شعبہ مزارات اولیاء نے انہیں دعوت اسلامی کے مختلف شعبہ جات کا تعارف اور فیضان آن لائن اکیڈمی کا وزٹ کروایا نیز دعوت اسلامی کے 41 سال مکمل ہونے پر مدنی چینل کو اپنے تاثرات بھی ریکارڈ کروائے۔

اس کے علاوہ شخصیات نے فیضان مدینہ میں سیلاب زدہ علاقوں کے لئے لگائے گئے کیمپ کا وزٹ کیا اور دعائے خیر کی۔بعدازاں ذمہ داران نے محرم الحرام میں عرس بابا فرید الدین گنج شکر رحمۃ اللہ علیہ موقع پر دعوت اسلامی کی جانب سے ہونے والی دینی کاموں کے بارے میں آگاہی دی۔(رپورٹ: شعبہ رابطہ برائے شخصیات میٹرو پولیٹن و ڈویژن فیصل آباد ، کانٹینٹ:رمضان رضا عطاری)

دعوت  اسلامی کے شعبہ رابطہ برائے شخصیات کے تحت ڈسٹرکٹ شیخوپورہ کے ذمہ داران نے ڈسٹرکٹ جیل شیخوپورہ میں سپرنٹنڈنٹ جیل کے ہمراہ شجرکاری کرتے ہوئے پودا لگایا اور جیل میں دعوت اسلامی کے شعبہ FGRF کی طرف سے 200 پودے دئے ۔

اس کے علاوہ ذمہ داران نے MOU سائن کروایا جس کی وجہ سے اب مکمل ذمہ داری ڈسٹرکٹ جیل شیخوپورہ کی ہے کہ پودوں کو درخت بننے تک دیکھ بھال کریں۔ (رپورٹ: شعبہ رابطہ برائے شخصیات ڈسٹرکٹ شیخوپورہ لاہور ڈویژن، کانٹینٹ:رمضان رضا عطاری)

یکم ستمبر 2022ء بروز جمعرات صوبۂ پنجاب پاکستان کے شہر ملتان کی شاہ رکنِ عالم کالونی میں قائم دعوتِ اسلامی کے مدنی مرکز فیضانِ مدینہ میں ایک سیشن ہوا جس میں ملتان ڈویژن کے ائمہ کرام، شعبہ اثاثہ جات کے ائمۂ کرام، مسجد کمیٹی ممبران اور مدرس کورس کے طلبۂ کرام نے شرکت کی۔

اس سیشن میں دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے منصبِ امامت کے حوالے سے سنتوں بھرا بیان کیا اور شرکا کو 12 دینی کاموں میں بڑھ چڑھ کر حصہ لینے کی ترغیب دلائی۔

مزید رکنِ شوریٰ نے شرکا کو دعوتِ اسلامی کے تحت ہونے والے مختلف کورسز کرنے کا ذہن دیا ۔بعدازاں سیشن میں شریک اسلامی بھائیوں نے رکنِ شوریٰ سے ملاقات کی۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِ اہتمام کراچی کے مختلف علاقوں میں سیلاب زدگان کی امداد کے لئے کیمپ لگائے گئے ہیں جس میں وقتاً فوقتاً اسلامی بھائی امدادی سامان اور رقم جمع کرواتے رہتے ہیں۔

اسی سلسلے میں 31 اگست 2022ء بروز بدھ رکنِ مرکزی مجلسِ شوریٰ حاجی محمد امین عطاری نے کورنگی، لانڈھی، قائد آباد اور گلشن حدید میں قائم شعبہ ایف جی آر ایف دعوتِ اسلامی کے امدادی کیمپ کا وزٹ کیا۔

اس دوران کیمپ میں موجود ذمہ دار اسلامی بھائیوں نے رکنِ شوریٰ کو جمع ہونے والے سامان کے بارے میں آگاہی دی جس پر رکنِ شوریٰ نے اُن کی حوصلہ افزائی کرتے ہوئے انہیں مدنی پھولوں سے نوازا۔(کانٹینٹ:غیاث الدین عطاری)

دعوت اسلامی کے شعبے FGRF کے تحت 2 دن فری میڈیکل اور لائیو اسٹاک ریلیف کیمپ چمبڑ کے گاؤں حاجی عالم چانیو میں سیلاب زدگان کے لئے لگایا گیا ۔اس کیمپ میں پاک آرمی، رینجرز، اسسٹنٹ کمشنر، MNA ، ہیلتھ آفیسر، ڈپٹی ڈائریکٹر لائیو اسٹاک ،ایڈمنسٹریٹر اور دیگر حکومتی افسران نے دورہ کیا اور دعوت اسلامی کی فلاحی خدمات کے حوالے سے گفتگو کی ۔

(رپورٹ: امید علی عطاری ریجن ذمہ دار ، کانٹینٹ : محمد مصطفی انیس ) 

ملک پاکستان پر سیلاب کی صورت میں  آزمائش کی اس گھڑی میں دعوت اسلامی اور اسکا فلاحی شعبہ ایف جی آر ایف لوگوں کی خدمت کے لئے پیش پیش ہے ۔ اسی ضمن میں یکم ستمبر 2022ء کو تحصیل سہون کے مختلف مقامات پر 3000 سے زائد سیلاب زدگان کو کھاناپیش کیا ۔

تفصیلات کے مطابق یہ کھانا لال باغ چوتنبھی پاک نیوی کے نوجوانوں کے خیموں میں سیلاب زدگان کے لئے پکایا تھا جسے دعوت اسلامی کے شعبے ایف جی آر ایف کو سیلاب زدگان میں تقسیم کرنے کے لئے پیش کیا ، ڈسٹرکٹ جام شورو کے ذمہ دار عبد الجبار عطاری نے دیگر اسلامی بھائیوں کے ساتھ ملکر سیلاب زدگان میں کھانا تقسیم کیا ۔(رپورٹ: گل شیر احمد عطاری ، تحصیل سہون ذمہ دار ، کانٹینٹ : محمد مصطفی انیس )

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عاشقان رسول کی تربیت کے لئے مدنی مذاکروں میں مدنی پھول ارشاد فرماتے ہیں جن میں آپ کی زبان سے ایسے جملے بھی صادر ہوتے ہیں جو کئی باتوں کا مجموعہ ہوتا ہے اور اس پر عمل کرکے زندگی سنواری جاسکتی ہے۔

المدینۃ العلمیہ کا شعبہ ”ہفتہ وار رسالہ“ نےنہایت محنت و لگن کے ساتھ ان جملوں کو جمع کرکے 17 صفحات پر مشتمل رسالہ بنام ”امیر اہلسنت کے 163ارشادات“ تیار کیا ہے جسے پڑھنے کی ترغیب اس ہفتے جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے دلائی ہے۔ جانشین امیر اہلسنت دامت بَرَکَاتُہمُ العالیہ نے پڑھنے/ سننے کو والوں کو اپنی دعاؤں سے بھی نوازا ہے۔

دعوت اسلامی کی مجلس تراجم کی جانب سے اس رسالے کا چار زبانوں(انگلش، اردو ، رومن اردو، سندھی) میں ترجمہ بھی کیا گیا ہے، دعوت اسلامی کی ویب سائٹ پر ان زبانوں میں رسائل موجود ہیں، مذکورہ زبانوں کے جاننے والے درج ذیل لنک پر کلک کرکے رسائل کا مطالعہ کرسکتے ہیں۔

دعائے جانشین امیر اہلسنت

یارب المصطفٰے! جو کوئی 17 صفحات کا رسالہ ”امیر اہلسنت کے 163ارشادات“پڑھ یا سن لے اُسے سچا عاشق رسول بنااور دین کی خدمت کا خوب جذبہ عطا فرما۔اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

آج2ستمبر 2022ء بروز جمعۃ المبارک انسٹیٹیوٹ آف اسلامک ایجوکیشن، مرکزی جامعۃ المدینہ فیضان مدینہ کراچی میں جاری”تحقیقی مقالہ نگاری کورس “ کا نواں سیشن منعقد ہوا۔

اسلامک ریسرچ سینٹر المدینۃ العلمیہ کے ریسرچ اسکالر و رائٹر مولانا راشد علی عطاری مدنی نے طلبہ کرام کو مصنف و محقق بننے کے اہم نکات سے آگاہی دی۔ انہوں نے فرمایا کہ ایک اچھا مصنف و محقق بننے کے لیے درج ذیل اہم باتوں کی معلومات و تجربہ ضروری ہے، جس قدر تجربہ بڑھے گا، مصنف کا علمی مقام بڑھے گا۔ یوں تو بہت سارے اہم نکات ہیں جن پر طلبہ و علما کو عمل پیرا ہونا چاہیے تاکہ اچھے مصنف و محقق بن سکیں البتہ وقت کی قلت کے پیشِ نظر فقط 56 نکات اور پہلو بیان کیے جاتے ہیں۔

نویں سیشن میں طلبہ کرام کو 4 اہم تحریری پروجیکٹس بھی بیان کیے گئے کہ جن پر ابھی تک کام نہیں ہوا۔

”مصنف و محقق بننے کے سفر میں کام آنے والی 56 اہم باتیں“

مصنف و محقق بننے کے سفر میں کام آنے والی 56 اہم باتوں کو 5حصوں میں تقسیم کیا گیا ہے:

خود پر کچھ اصول و ضوابط نافذ کیجئے

٭قواعد انشا و املا کی بنیادی معلومات ٭ لغت کا استعمال میں رہنا ٭ ہرپلیٹ فارم پر اپنی بات اور اپنا مقصود ٭ پبلشرز، مصنفین، محققین اور لائبریرینز سے رابطے

مطالعہ میں ان امور کو لازمی شامل رکھیے

٭مشاہدہ و مطالعہ کی مضبوطی ٭ کتابیں دیکھتے رہنے کا شوق ٭ ادبی تحریروں کا مطالعہ ٭ مترادفات و متضادات کا علم ٭ محاورات، ضرب الامثال اور کہاوتوں کے علم سے ضروری آگاہی ٭ کتب کی فہارس و ابواب بندی پر غور ٭ مطالعہ کا تصنیفی انداز ٭ اعلام اور اماکن سے کچھ نا کچھ آگاہی ٭ حالات حاضرہ سے آگاہی ٭ معاجم و فہارس سے آگاہی ٭ احادیث کے لغوی و مرادی معانی دیکھنے کی کتب سے آگاہی ٭مروجہ علوم و فنون سے آگاہی ٭مصادرِ علومِ قرآنیہ سے آگاہی ٭مصادرِ علومِ حدیثیہ سے آگاہی ٭مصادرِ علومِ سیرت و تذکرہ اعلام سے آگاہی ٭مصادرِ علومِ درسیہ سے آگاہی ٭مصادرِ علوم فقہیہ سے آگاہی ٭ خزانۂ اسلاف سے آگاہی(مطبوعہ) اور حصول کے طریقے ٭ خزانۂ اسلاف سے آگاہی(مخطوطہ) اور حصول کے طریق

تحقیق و تصنیف کے کام منظم، مستقل، جلد اور مفید ترین بنانے کے لیے جدید ٹیکنالوجی کو نعمت سمجھیے

٭آئیڈیاز و منصوبہ جات کی بروقت حفاظت ٭جدید ٹیکنالوجی کا لازمی استعمال ٭وقت کی بچت کے لیے موبائل اور کمپیوٹر کی لازمی ٹریننگ ٭ فری کتب مہیا کرنے والی آن لائن لائبریریز سے آگاہی ٭ مختلف اور مطلوبہ موضوعات کے مطابق آیات کی تلاش ٭مختلف اور مطلوبہ موضوعات کے مطابق احادیث کی تلاش ٭دنیا بھر میں ہونے والے تحریری و تصنیفی کام سے آگاہی کی کوشش ٭قرآنیات، حدیثیات اور سیرت کے متنوع کاموں اور عنوانات سے آگاہی ٭قدیم اور نادر کتب مہیا کرنے والی ویب سائٹس سے آگاہی

تحقیق و تصنیف اور دیگر علمی کاموں میں انتہائی معاون اہم علوم و فنون

٭فن تخریج حدیث ٭ فن تخریج ٭ فن حاشیہ نگاری ٭ترجمہ نگاری ٭تلخیص نگاری ٭اختصار نویسی ٭تسہیل ٭جائزہ و مطالعہ ٭اقتباسیات سازی ٭جمع و ترجیح مواد ٭ فن کتابیات سے لگاؤ ٭ فن اشاریہ سازی کی تفصیلی معلومات ٭ کتاب سے کتاب بنانے کا فن ٭فن تخلیق موضوع

باقاعدہ تحریری مصروفیات اختیار کیجیے

٭انتخاب موضوع کی قوت ٭اصناف کتب سے آگاہی(بہت ہی لازمی حصہ) ٭اسالیب تحریر سے آگاہی ٭مناہج تحقیق کا علم اور پہچان ٭تحریری کاموں کی منصوبہ بندی کا فن ٭مضمون نویسی کی مشق ٭مقالات کی ابواب بندی کی پریکٹس ٭ترغیب، ترہیب، تمہید لکھنے کی تربیت ٭مطبوعہ کتاب کی تحقیق و تخریج کے مراحل سے آگاہی و تجربہ ٭مخطوطہ کی تحقیق و تخریج کے مراحل سے آگاہی و تجربہ

ان 56 امور کو کیسے اپنائیں؟

٭ان 56 نکات کا ایک جدول بنالیں ٭ بعض کو یومیہ، بعض کو ہفتہ وار، اسی طرح 10روزہ، 15روزہ اور ماہانہ طرز پر تقسیم کرلیں ٭ پھر کوشش کریں کہ یومیہ اپنا ان نکات کے حوالے سے محاسبہ کریں ٭ تمام نکات پر روزانہ عمل ممکن نہیں ٭ مختلف دنوں پر جدول بنا کر تھوڑا تھوڑا روٹین میں لائیں ٭ ان شاء اللہ ایک وقت آئے گاکہ آپ ایک قابل مصنف و محقق بن جائیں گے

ماشاء اللہ طلبہ کرام نے کافی دلچسپی کا اظہار کیا، طلبہ کی دلچسپی کا اندازہ اس سے بخوبی لگایا جاسکتاہے کہ لیکچر ختم ہونے کے 10 منٹ کے اندر کئی طلبہ نے سیشن کے نکات کا خلاصہ مرتب کر دیا اور دیگر طلبہ و اساتذہ کے ساتھ شیئر کیا۔

دعوت اسلامی کے زیر اہتمام 29 اگست 2022ء کو ممباسا کینیا میں قائم جامع مسجد کنز الایمان میں سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے وابستہ افراد و عاشقان رسول اور ذمہ داران دعوت اسلامی نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور جوانی میں عبادت کرنے کی فضیلت ذکر کرتے ہوئے شرکا کو عبادت کی ترغیب دلائی۔اختتام پر صلوۃ و سلام پڑھا گیا اور ملاقات کا سلسلہ بھی ہوا۔

اس موقع پر اراکین شوریٰ حاجی امین قافلہ عطاری اور حاجی فاروق جیلانی عطاری بھی موجود تھے۔