پاکستان کےشہر لاہور میں قائم مدنی مرکز فیضانِ مدینہ جوہر ٹاؤن میں شعبہ روحانی علاج دعوتِ اسلامی کے تحت 3 دن پر مشتمل (27، 28 اور 29 اگست2022ء) روحانی علاج کورس کا انعقاد کیا گیا جس میں مختلف سطح کے ذمہ دار اسلامی بھائیوں کی شرکت رہی۔

دورانِ کورس مبلغِ دعوتِ اسلامی نے شرکا کی تربیت کرتے ہوئے تعویذات لکھنے کے حوالے سے اُن کی ذہن سازی کی نیز دم کرنے/کاٹ کرنے کا طریقہ اور اس کی چند ضروری احتیاطیں بیان کیں۔

اس کے علاوہ مبلغِ دعوتِ اسلامی نے کورس میں شریک اسلامی بھائیوں کو شعبے کے دینی کاموں کے متعلق نئی اپڈیٹس سے آگاہ کیا اوردعوتِ اسلامی کے 12 دینی کاموں میں عملی طور پر حصہ لینے کا ذہن دیا۔(رپورٹ:سمیر علی آفس ذمہ دار، کانٹینٹ:غیاث الدین عطاری)

دعوتِ اسلامی کے شعبہ فیضان آن لائن اکیڈمی کے زیرِ اہتمام  30اگست 2022ء بروز منگل کراچی سٹی میں قائم کورنگی برانچ میں میٹنگ منعقدہوئی جس میں شفٹ ناظمین کی شرکت رہی۔

اس میٹنگ میں ڈویژن ذمہ دار و برانچ ناظم وقاص حسین عطاری مدنی نے شعبے کے دینی کاموں کا فالواپ لیا نیز دعوتِ اسلامی کے 12 دینی کام سمیت گھریلو صدقہ بکس کی کارکردگی کا جائزہ لیا۔

مزید برانچ ناظم نے مختلف موضوعات پر گفتگو کرتے ہوئے ناظمین کو آئندہ کے اہداف دیئے جس پر انہوں نے اچھی اچھی نیتوں کا اظہار کیا۔(رپورٹ:علی حمزہ عطاری شب و روز ذمہ دار فیضان آن لائن اکیڈمی ، کانٹینٹ:غیاث الدین عطاری)

امت کی خیر خواہی کا جذبہ رکھنے اور ہر مشکل وقت میں لوگوں کا ساتھ دینے والی عاشقانِ رسول کی دینی تحریک دعوتِ اسلامی کے تحت سیلاب سے متأثرہ اور مصیبت زدہ اسلامی بھائیوں کے لئے گڑھی شاھو لاہور میں امدادی کیمپ کا انعقاد کیا گیا ہے جس میں وقتاً فوقتاً عاشقانِ رسول سیلاب زدگان کے لئے راشن، رقم اور ضروریاتِ زندگی کا سامان دے رہے ہیں۔

اس موقع پر دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے امدادی کیمپ کا وزٹ کیا اور وہاں موجود ذمہ داران سمیت دیگر اسلامی بھائیوں کی دلجوئی کرتے ہوئے انہیں اخلاص کے ساتھ دینی کام کرنے کا ذہن دیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پچھلے  دنوں شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر عباس مدنی اور شعبہ کے تحصیل ذمہ دار نور المصطفی عطاری کی مولانا صاحبزادہ قاری محمد اجمل چشتی صاحب ( مہتمم جامعہ سدیدیہ معظمیہ حافظ آباد) سے ملاقات ہوئی ۔

اس موقع پر ذمہ دار اسلامی بھائی نے انہیں سیلاب متاثرین کیمپ میں دعوت اسلامی کے شعبہ FGRF کی خدمات کے حوالے سے بریفنگ دی اوراس کے علاوہ بیرون ممالک اور پاکستان میں ہونے والے دینی، اصلاحی نیز فلاحی کاموں کے حوالے سے آگاہی دی۔ ساتھ ساتھ درسی کتب کی اشاعت کے حوالے سے بتایا اورماہنامہ فیضان مدینہ پیش کیا ۔ (کانٹینٹ:رمضان رضا عطاری)

شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس مدنی اور شعبہ کے تحصیل ذمہ دار نور المصطفی عطاری نے مفتی غلام مصطفی سلطانی صاحب (مہتمم جامعہ سلطانیہ منظور الاسلام حافظ آباد ،صدر جماعت اہل سنّت پاکستان پنجاب وسطیٰ) سے ملاقات کی۔

ذمہ داران نے مفتی صاحب کو دعوت اسلامی کے بیرون ممالک اور پاکستان میں ہونے والے دینی، اصلاحی اور فلاحی کاموں کے حوالے سے آگاہ کیا نیز درسی کتب کی اشاعت کے حوالے سے بریفنگ دی جس پر مفتی صاحب نے دعوت اسلامی کی خدمات کو سراہا اور تاثرات دیئے۔ آخر میں انہیں ماہنامہ فیضان مدینہ پیش کیا گیا۔ (کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت سیلاب زدگان کے لئے پاکستان کے شہر لاہور میں واقع مدنی مرکز فیضانِ مدینہ جوہر ٹاؤن میں امدادی کیمپ لگایا گیا ہے جس میں وقتاً فوقتاً اراکینِ شوریٰ کی آمد ہوتی رہتی ہے۔

اسی سلسلے میں پچھلے دنوں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اس امدادی کیمپ کا وزٹ کیا اور وہاں موجود اسلامی بھائیوں کی حوصلہ افزائی کی نیز سیلاب زدگان کے لئے جانے والے سامان کا جائزہ لیا۔

بعدازاں رکنِ شوریٰ حاجی یعفور رضا عطاری نے اسلامی بھائیوں کو دعوتِ اسلامی کے دینی کاموں کو اخلاص کے ساتھ کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوت  اسلامی کے زیر اہتمام 29 اگست 2022ء کو لاہور میں شعبہ مدنی قافلہ کے مدنی مشورے کا انعقاد ہوا جس میں ڈسٹرکٹ تحصیل و ٹاؤن ذمہ داران نے شرکت کی۔

صوبائی ذمہ دار محمد شہباز عطاری نے حسن اخلاق، نیکی کی دعوت اورمداہنت کے حوالے سے دینی معلومات فراہم کرتے ہوئے شعبے کے دینی کام کرنے پر اسلامی بھائیوں کی تربیت کی۔ بعدازاں کارکردگی کا جائزہ لیتے ہوئے آئندہ کے لئے اہداف دیئےجس پر اسلامی بھائیوں نے عمل پیرا ہونے کی اچھی نیت کا اظہار کیا۔ (کانٹینٹ:رمضان رضا عطاری)

گزشتہ روز دعوتِ اسلامی کی مرکزی مجلسِ شوریٰ کے رکن حاجی محمد امین عطاری کی دینی کاموں کے سلسلے میں چنیسر ٹاؤن کراچی میں قائم امدادی کیمپ میں آمد ہوئی۔

اس دوران رکنِ شوریٰ حاجی محمد امین عطاری نے اسلامی بھائیوں کی حوصلہ افزائی کرتے ہوئے انہیں مدنی پھولوں سے نوازا اور سیلاب زدگان کے لئے جمع ہونے والے سامان کے بارے میں فالو اپ لیا جس پر ذمہ داران نے رکنِ شوریٰ کو اس حوالے سے بریفنگ دی۔

بعدازاں رکنِ شوریٰ نے ذمہ دار اسلامی بھائیوں کو اسی طرح دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

عاشقانِ رسول کی دینی تحریک دعوت اسلامی کے دینی ماحول میں وقتاً فوقتاً مختلف کورسز کروائے جاتے ہیں جن میں عاشقان رسول کو علمِ دین سیکھنے کا موقع ملتا ہے۔

اسی سلسلے میں سندھ کے شہر کراچی میں قائم دعوت اسلامی کے عالمی مدنی مرکز فیضان مدینہ میں مرکزی مجلسِ شوریٰ کے رکن حاجی محمد امین عطاری نے 12 دینی کام کورس کروایا جس میں جامعۃالمدینہ بوائز کراچی سٹی کے ناظمین نے شرکت کی۔

اس کورس میں رکنِ شوریٰ حاجی محمد امین عطاری نے 12 دینی کاموں کے بارے میں شرکا کی تربیت کرتے ہوئے اُن کی جانب سے ہونے والے مختلف سوالا ت کے جوابات دیئے جبکہ رکنِ شوریٰ نے جامعۃالمدینہ بوائز کے ناظمین کو 12 دینی کاموں کو بڑھانے کے لئے چند اہم نکات بتائے جس پر انہوں نے اچھی اچھی نیتوں کا اظہار کیا۔

کورس کے اختتام پر اسلامی بھائیوں کا آن لائن گوگل فارم پر ٹیسٹ لیا گیا جس میں پاس ہونے والے اسلامی بھائیوں کے درمیان انعامات بھی تقسیم کئے گئے۔بعدازاں جامعۃالمدینہ بوائز کے ناظمین نے رکنِ شوریٰ حاجی محمد امین عطاری سے ملاقات کی۔(کانٹینٹ:غیاث الدین عطاری)

لوگوں کے عقائد و نظریات کی حفاظت کرنے اور انہیں قراٰن و سنت کی تعلیمات سے آگاہ کرنے کے لئے دعوتِ اسلامی کے تحت ایک شعبہ بنام ”جامعۃ المدینہ“ قائم کیا گیا ہے جس میں اسلامی بھائیوں اور اسلامی بہنوں کو درسِ نظامی (عالم /عالمہ کورس) کروایا جاتا ہے۔

اسی شعبے کے دینی کاموں کے حوالے سے پچھلے دنوں جوہر ٹاؤن لاہور میں واقع مدنی مرکز فیضانِ مدینہ میں ایک میٹنگ ہوئی جس میں جامعۃالمدینہ بوائز لاہور ڈویژن کے ناظمینِ کرام نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دورانِ میٹنگ ناظمینِ کرام سے مختلف موضوعات پر گفتگو کی نیز اپنے شعبے کے اخراجات کو خود کفیل کرنے کے لئے مدنی پھولوں سے نوازا اور اہداف دیئے جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

عاشقان رسول کی دینی تحریک دعوتِ اسلامی کے زیرِ اہتمام آج رات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی اور اراکین شوریٰ سنتوں بھرے بیانات فرمائیں گے۔ان اجتماعات میں نعت رسول مقبول، ذِکرُ اللہ اور رقت انگیز دعاؤں کا سلسلہ بھی ہوگا۔

تفصیلات کے مطابق عالمی مدنی مرکز فیضان مدینہ کراچی میں مرکزی مجلس شوریٰ کے رکن حاجی مولانا محمد عبد الحبیب عطاری سنتوں بھرا بیان فرمائیں گے جسے مدنی چینل پر براہ راست نشر کیا جائیگا۔

اس کے علاوہ مدنی مرکز فیضان مدینہ خانیوال میں رکن شوریٰ حاجی مولانا محمد عقیل عطاری مدنی، مدنی مرکز فیضان مدینہ G-11اسلام آباد میں رکن شوریٰ حاجی وقار المدینہ عطاری، بہزاد لکھنوی مسجد، سخی حسن چورنگی ٹاؤن ناظم آباد میں رکن شوریٰ حاجی فضیل عطاری، فیض مدینہ مسجد کریلہ اسٹاپ نارتھ کراچی میں رکن شوریٰ حاجی ابو ماجد محمد شاہد عطاری مدنی اور مدنی مرکز فیضان مدینہ ٹھٹھی آرائیاں، عقب ڈارسن فیکٹری وزیر آباد میں نگران شعبہ پروفیشنلز محمد ثوبان عطاری سنتوں بھرے بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

31 اگست 2022ء بروز بدھ انسٹیٹیوٹ آف اسلامک ایجوکیشن، مرکزی جامعۃ المدینہ فیضان مدینہ کراچی میں جاری”تحقیقی مقالہ نگاری کورس “ کا ساتواں سیشن منعقد ہوا۔

اسلامک ریسرچ سینٹر المدینۃ العلمیہ کے ریسرچ اسکالر و رائٹر مولانا راشد علی عطاری مدنی نے تحقیقی مقالہ نگاری اور دیگر تحاریر میں استعمال ہونے والے مواد کے مصادر کے حوالے سے گفتگو فرمائی۔

ساتویں سیشن میں زیرِ بحث آنے والے اہم عنوانات

٭تخریج و حوالہ اور جمعِ مواد کے حوالے سے کون سے مصادر راجح ہیں؟ ٭اپنے موضوع کے مطابق آیات کیسے جمع کریں؟ ٭قرآن کریم کے لفظی اور موضوعاتی اشاریہ جات کا تعارف اور طریقہ استعمال ٭مصادر میں زمانی تقدیم کو ترجیح ہوگی یا معیار و ثقاہت کو؟ ٭ہزاروں عربی کتب پر مشتمل معروف سافٹ وئیر کا تعارف ٭ہزاروں عربی کتب پر مشتمل معروف سافٹ وئیر میں سرچنگ کا مختصر طریقہ ٭ہزاروں عربی کتب پر مشتمل معروف سافٹ وئیر کے فوائد ٭ہزاروں عربی کتب پر مشتمل معروف سافٹ ویئر سے سرچنگ کے بعد اصل کتب کے حوالے کیسے دیں؟

ماشاء اللہ حسبِ سابق طلبہ کرام نے کافی دلچسپی کا اظہار کیا اور آخر میں طلبہ کے لیے چند اہم تحریری پروجیکٹس پر بھی گفتگو ہوئی جن میں طلبہ نے شرکت کی نیت کی اور بعض نے کام بھی شروع کردیا۔

تحریری پروجیکٹس: ٭قرآنی موضوعاتی اشاریہ ٭مراۃ المناجیح کا موضوعاتی اشاریہ ٭ کتب کے تعارف و خصوصیات کا مجموعہ