پچھلے دنوں پھالیہ شہر میں  ڈی ایس پی سٹی گجرات چوہدری پرویز گوندل صاحب کی والدہ محترمہ کے ایصالِ ثواب کےسلسلے میں ایصال ثواب اجتماع کا انعقاد کیا گیا جس میں شعبہ رابطہ برائے شخصیات دعوتِ اسلامی گجرات کے ڈسٹرکٹ ذمہ دار حاجی ضیاءالرحمن عطاری سمیت دیگر ذمہ دران نے شرکت کی ۔

شعبہ رابطہ برائے شخصیات کے ذمہ دران نے ڈی ایس پی صاحب کے غم میں شریک ہوتے ہوئے ان سے والدہ کے انتقال پر اظہارِ تعزیت کیا اس دوران ڈی پی او سید غضنفرعلی شاہ صاحب سے ملاقات کی اور انہیں دعوت اسلامی کی خیر خواہی امت کے جذبےکے تحت دنیا بھر میں ہونے والی دینی و فلاحی خدمات سے آگاہ کیا ۔

دعوت اسلامی کی طرف سے ختمِ قل خوانی کے اس موقع پر 200 سے زائد قرآن پاک،سورتیں اور دیگروظائف چوہدری پرویز گوندل صاحب کی والدہ محترمہ کو ایصال کیے گئے اوران کے لیے بخشش و مغفرت کی دعا کی گئی۔(رپورٹ رابطہ برائے شخصیات دعوت اسلامی ڈسٹرکٹ گجرت)

ماہِ ربیع الاوّل میں دعوتِ اسلامی کے زیرِا ہتمام ہونے والے اجتماعِ میلاد اور جلوسِ میلاد کے حوالے سے ڈی آئی جی آفس میرپوخاص میں میٹنگ منعقد ہوئی جس میں ڈی آئی جی ذوالفقار علی مہر، ایس ایس پی کیپٹن اسد چوہدری، ایس ایس پی حسن اور ایس ایس پی اعجاز احمد شیخ سمیت ذمہ داران کی شرکت رہی۔

اس میٹنگ میں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے آفیسرز سے مختلف موضوعات پر گفتگو کی اور اجتماعِ میلاد و جلوسِ میلاد میں انتظامی معاملات پر مشاورت کی جس پر وہاں موجود آفیسرز نے مکمل تعاون کی یقین دہانی کروائی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

دعوتِ اسلامی خالصتاً غیر سیاسی تحریک ہے جس  کا کام دینِ اسلام کی دعوت دنیا بھر میں پہچانا ہے، ان خیالات کا اظہار ڈپٹی کمشنر ضلع کورنگی سیّد محمد علی زیدی نے FGRF کے CEO عمران گیگی کے ہمراہ آئے ہوئے وفد سے ملاقات کے دوران کیا۔

ڈپٹی کمشنر کا کہنا تھا کہ دعوتِ اسلامی دنیا بھر میں دین و دنیا کی بھلائی کے لئے دینی کاموں میں دن رات مصروفِ عمل ہےجس کا عملی ثبوت سیلاب زدگان کے لئے لگائے گئےریلیف کیمپس بھی ہیں۔

مزید اُن کا کہنا تھا کہ اللہ پاک دعوتِ اسلامی کے ذمہ داران کی محنت کو اپنی بارگاہ میں قبول فرمائے اور دعوتِ اسلامی کو دن دگنی اور رات چوگنی ترقی عطا فرمائے۔

بعدازاں ڈپٹی کمشنر نے ریلیف کاموں میں نمایاں کارکردگی دکھانے پر دعوتِ اسلامی کے شعبہ FGRF کو تعریفی اسناد پیش کی۔اس موقع پر حاجی یعقوب عطاری، غلام محبوب عطاری اور کاشف عطاری بھی موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

پچھلے دنوں عاشقانِ رسول کی دینی تحریک دعوتِ اسلامی کے زیرِ اہتمام سول سیکرٹریٹ پنجاب اور سی ایم آفس  میں ایک میٹنگ ہوئی جس میں شعبہ رابطہ برائے شخصیات دعوتِ اسلامی کے ذمہ داران سمیت مختلف شخصیات کی شرکت رہی۔

اس موقع پر ذمہ دار اسلامی بھائیوں نے کانفرنس روم میں شخصیات کو پریزنٹیشن کے ذریعے دعوتِ اسلامی کے دینی کاموں کے بارے میں بریفنگ دی نیز دارالمدینہ انٹرنیشنل اسلامک اسکول سسٹم کے حوالے سے چند امور پر تبادلۂ خیال کیا۔

اس موقع پر درج ذیل شخصیات موجود تھیں:

وقاص محمود علی سیکرٹری اسکول ایجوکیشن پنجاب، نوید شہزاد مرزا ایڈیشنل سیکرٹری اسکول ایجوکیشن پنجاب، خورشید احمد ڈپٹی سیکرٹری اسکول ایجوکیشن، محمد ساجد پی ایس ٹو سیکرٹری اسکول ایجوکیشن، فیصل نذیر بٹ پی ایس ٹو سیکرٹری لیبر ڈیپارٹمنٹ پنجاب، نادر چٹھہ سیکرٹری فوڈ ڈیپارٹمنٹ پنجاب، واصف کھوکھر ڈپٹی سیکرٹری فوڈ، عبد الرشید پی ایس ٹو سیکرٹری فوڈ، بشیر احمد پی ایس ٹو سیکرٹری زراعت پنجاب، دانش افضال سیکرٹری ٹو سی ایم فار ایمپلیمنٹیشن، خرم شہزاد اسپیشل سیکرٹری ٹو سی ایم، کیپٹن اورنگزیب ایڈیشنل سیکرٹری ٹو سی ایم، احسن سیف اللہ پی ایس ٹو سی ایم فار پولیس، انصر نیازی انچاج پروٹوکول سی ایم ، مبشر قادری انچارج پروٹوکول ٹو سی ایم، ساجد منیر کلیار پی ایس ٹو پرنسپل سیکرٹری ٹو سی ایم پنجاب، رفاقت علی نسوانہ سیکرٹری کوآرڈینیشن ٹو سی ایم پنجاب، محمد عمران پی آراو ٹو سی ایم پنجاب، رفیع اللہ پی آراو ٹو سی ایم پنجاب، چوہدری ناصر پی ایس ٹو سینئر صوبائی وزیر، ارشد محمود ایڈیشنل سیکرٹری ایڈمن ٹو سی ایم پنجاب، منظور ڈائریکٹر پروگرام ٹو سی ایم، فرقان ڈائریکٹر پروگرام ٹو سی ایم، سجاد ڈائریکٹر پروگرام ٹو سی ایم۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں ذمہ دار اسلامی بھائیوں کے ہمراہCM Office Of Punjab کا دورہ کیا۔

معلومات کے مطابق اس دوران رکنِ شوریٰ کی مختلف شخصیات سے ملاقات ہوئی جن میں سینئر صوبائی وزیر پنجاب میاں اسلم اقبال، ایم پی اے ندیم عباس بارا، صوبائی وزیر کوآپریٹو اینڈ پارلیمانی امور راجہ بشارت، ایم پی اے سابقہ صوبائی وزیر برائے اسپشل ایجوکیشن چوہدری اخلاق، سابقہ وزیر برائے سوشل ویلفیئر سیّد صمصام بخاری اور صوبائی وزیر برائے معدنیات و قدرتی وسائل حافظ عمار یاسر شامل تھے۔

دورانِ ملاقات رکنِ شوریٰ حاجی یعفور رضا عطاری نے دعوتِ اسلامی کے دینی کاموں کے بارے میں اہم نکات پر گفتگو کی اور وہاں موجود شخصیات کو دعوتِ اسلامی کی دینی و فلاحی خدمات کے بارے میں بتایا۔

بعدازاں رکنِ شوریٰ نے شخصیات کو عطر، تسبیح اور مکتبۃالمدینہ سے شائع ہونے والے کُتُب و رسائل تحفے میں دیئے جس پر انہوں نے خوشی کا اظہا رکیا۔(رپورٹ:شعبہ رابطہ برائے شخصیات، کانٹینٹ: غیاث الدین عطاری )

دعوتِ اسلامی کے تحت 27 ستمبر 2022ء بروز منگل شعبہ رابطہ برائے شخصیات کے ذمہ دار اسلامی بھائیوں نے لیبر ڈیپارٹمنٹ خیبرپختونخواہ میں پی اے محمد اعظم (Special Assistant to CM For Revenue & Estate KPK) سے ملاقات کی۔

دورانِ ملاقات ذمہ دار اسلامی بھائیوں نے دعوتِ اسلامی کے مختلف شعبہ جات کے بارے میں اہم امور پر میٹنگ کی اور انہیں عالمی سطح پر ہونے والی دعوتِ اسلامی کی دینی و فلاحی خدمات سے آگاہ کیا نیز دینی کاموں میں شرکت کرنے کے حوالے سے اُن کی ذہن سازی کی۔(رپورٹ:شعبہ رابطہ برائے شخصیات، کانٹینٹ: غیاث الدین عطاری )

27 ستمبر 2022ء بروز منگل ہوم ڈیپارٹمنٹ خیبرپختونخواہ کے ایڈیشنل سیکرٹری جمال الدین سے شعبہ رابطہ برائے شخصیات دعوتِ اسلامی کے ذمہ دار اسلامی بھائیوں کی ملاقات ہوئی۔

اس دوران ذمہ داران نے اُن سے دعوتِ اسلامی کے مختلف شعبہ جات کے بارے میں گفتگو کی بالخصوص شعبہ ایف جی آر ایف کی موجودہ امدادی سرگرمیوں سے آگاہ کیا جس پر انہوں نے دعوتِ اسلامی کی کاوشوں کو سراہا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 28 ستمبر 2022ء بروز بدھ ذمہ دار اسلامی بھائیوں نے ڈپٹی کمشنر آفس پشاور کا وزٹ کیا جہاں اُن کی ملاقات اسسٹنٹ ڈپٹی کمشنر تاج محمد اور جرنل برانچ حنیف سمیت دیگر افسران سے ہوئی۔

اس موقع پر نگرانِ ڈسٹرکٹ پشاور کامران عطاری اور شعبہ رابطہ برائے شخصیات کے ذمہ دار مولانااحمد رضا عطاری مدنی نے افسران سے ماہِ ربیع الاوّل کے مہینے میں ہونے والے سالانہ اجتماع ِ میلاد اور اس کے انتظامی معاملات کے بارے میں اہم امور پر مشاورت کی جس پر افسران نے اپنی طرف سے مکمل تعاون کی یقین دہانی کروائی۔

بعدازاں ذمہ دار اسلامی بھائیوں نے افسران کو تحائف بھی دیئے جس پر انہوں نے خوشی کا اظہا رکیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری )

27 ستمبر 2022ء بروز منگل دعوتِ اسلامی کے عالمی مدنی مرکز فیضانِ مدینہ کراچی میں شعبہ مزاراتِ اولیاء کےذمہ داران کا مدنی مشورہ ہوا جس میں کراچی سٹی ڈسٹرکٹ کے اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد جنید عطاری مدنی نے شعبے کے دینی کاموں کی کارکردگی کا جائزہ لیا نیز مزاراتِ اولیاء پر دعوتِ اسلامی کے دینی کاموں کو بڑھانے کے حوالے سے ذمہ داران کی تربیت کی اور انہیں اہداف دیئے۔

اس کے علاوہ شعبے کے کراچی سٹی ذمہ دار شہزاد احمد عطاری نے ماہِ ربیع الاول میں ہونے والے اعراس اور مزارات پرہونے والے دینی کاموں کے متعلق اہم امور پر گفتگو کی۔

بعدازاں سٹی ذمہ دار نے مزاراتِ اولیاء سے وابستہ افراد کے بچوں کو جامعۃالمدینہ و مدرسۃالمدینہ بوائز میں داخلہ دلوانے کے بارے میں مشاورت کی جبکہ کراچی کےمختلف مزارات اولیاء پر مزار انتظامیہ کے تعاون سے اجتماعِ میلاد منعقد کرنے اور مزارات کی سجاوٹ کرنے کے حوالے سے تبادلۂ خیال کیا۔(رپورٹ:شعبہ مزارات اولیاء، کانٹینٹ: غیاث الدین عطاری )

پچھلے دنوں پیر سیّد مہر علی شاہ حسنی حسینی جیلانی قادری چستی نظامی گولڑوی رحمۃُ اللہِ علیہ کے 88 ویں عرس کے موقع پر دعوتِ اسلامی کے زیرِا ہتمام مزار شریف میں سیکھنے سکھانے کا حلقہ لگایا گیا جس میں مزار کے عاشقانِ رسول سمیت مدرسۃالمدینہ بوائز کے کم و بیش 100 بچوں نے شرکت کی۔

اس موقع پر دعوتِ اسلامی کے ذمہ داران اور مدرسۃالمدینہ بوائز کے بچوں نے مزار شریف میں فاتحہ خوانی کی جبکہ مبلغِ دعوتِ اسلامی نے سنتوں بھرا بیان کرتے ہوئے وہاں موجود عاشقانِ رسول کو اولیائے کرام کے مزار پر حاضری دینے کا طریقہ سکھایا۔

بعدازاں ذمہ دار اسلامی بھائی نے دعا کروائی۔(رپورٹ:دانیال عطاری پاکستان مشاورت آفس ذمہ دار، کانٹینٹ: غیاث الدین عطاری )

دارالمدینہ ایجوکیشن سسٹم کے ہیڈ آفس میں عرسِ اعلیٰ حضرت کے موقع پر دعوت ِ اسلامی کی مرکزی مجلس ِ شوریٰ کے رُکن حاجی محمدامین عطاری نے سنتوں بھرا بیان کیا۔

تفصیلات کے مطابق رکنِ شوریٰ نے دورانِ بیان روزانہ ایک مخصوص تعداد میں دُرود شریف پڑھنے کی ترغیب دلائی اورکہا کہ دُرود شریف پڑھنے سے مشکل کام بھی آسان ہوجاتے ہیں۔

رکنِ شوریٰ نے اعلی ٰ حضرت رحمۃاللہ علیہ کی سیرت کے مختلف گوشوں پر روشنی ڈالتے ہوئے بدنگاہی سے بچنے کی تلقین کی کہ بدنگاہی سے حافظہ کمزور ہوجاتا ہے۔

رکنِ شوریٰ نےدعوتِ اسلامی کی اہمیت واضح کرتے ہوئے فرمایا کہ اس وقت دُنیا بھر میں بُرائیاں عام ہورہی ہیں، ان برائیوں کو روکنے کے لئے دعوتِ اسلامی اپنے حصے کا کام کررہی ہے۔

دعوتِ اسلامی کڈز مدنی چینل، سوشل میڈیا، مدنی چینل اور دیگر اپنے دینی کاموں کے ذریعے ان برائیوں کے آگے بند باندھ رہی ہے۔اسی طرح رکنِ شوریٰ کا یہ بھی کہنا تھا کہ ہمیں دعوتِ اسلامی کے دینی ماحول سے وابستہ رہنا چاہیئے نیز دعوتِ اسلامی کے 12 دینی کاموں جیسے ہفتہ وار سنتوں بھرے اجتماع اور مدنی مذاکروں سمیت دیگر دینی کاموں میں شریک ہونا چاہیئے۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

28 ستمبر 2022ء کو دعوت اسلامی کے عالمی مدنی مرکز فیضان مدینہ کراچی میں کفن دفن تربیتی سیشن کا سلسلہ ہوا جس میں عالمی مدنی مرکز فیضان مدینہ میں امامت کورس کرنے والے اسلامی بھائیوں کی شرکت ہوئی۔

رکن شعبہ کفن دفن عزیر عطاری نے دوران تربیت شرکا کو غسل میت کی فضیلت بتاتے ہوئے کفن کاٹنے اور پہنانے کا عملی طریقہ سکھایا نیز اس کی اہمیت پر شرعی معلومات سے اسلامی بھائیوں کو آگاہی دی۔ بعدازاں انہیں نماز جنازہ کا طریقہ بیان کرتے ہوئے موقع ملنے پر غسل میت دینے کی نیت کروائی۔(رپورٹ: عزیر عطاری رکن مجلس کفن دفن ، کانٹینٹ:رمضان رضا عطاری)