مسجد انتظامیہ اور دعوت اسلامی کے ذمہ داران عاشقانِ رسول کی تربیت کے سلسلے میں  3جنوری2024 ء بدھ کو پنجاب کے شہرکوٹ مومن میں احکام مسجد کورس منعقد کیا گیا جس میں شعبہ ائمہ مساجد کےڈویژن اور ڈسٹرکٹ ذمہ داران سمیت کوٹ مومن تحصیل کے امام صاحبان اورمسجد انتظامیہ کے افراد اور ذمہ دران دعوت اسلامی نے شرکت کی ۔

رکن شوری حاجی محمد عقیل عطاری مدنی نے مسجد انتظامیہ و امام صاحبان کو مسجد، عمارت مسجد، چندہ،وقف کے بنیادی وضروری احکام سمجھائے اور شرعی احکامات کی تربیت کرکے نمازیوں کو عمل کروانےنیز جن کاموں کو مسجد میں کرنا شرعاً منع ہے ان سے عوام کو بچانے،حکمت عملی سے سمجھانے کا طریقہ بتایا ۔

علاوہ ازیں شریعت کے مطابق مسجد میں عبادات اور معاملات کی بجاآوری کرنے کا ذہن دیا نیز بنیادی فرض علوم سیکھنے کے لئے ہر ماہ 3دن کے مدنی قافلوں میں سفر کرنے کے ساتھ ساتھ 7دن کا فیضانِ نماز کورس، امامت کورس اور تربیتی کورس کرنے کی ترغیب دلائی۔(رپورٹ: مولانا عابد عطاری مدنی ،کانٹینٹ:رمضان رضا عطاری)

3 جنوری  2023ء کو صوبائی ذمہ دار نابینا افراد شعبہ اسپیشل پرسنز ڈیپاٹمنٹ کے ذمہ دار کامران عطاری نے سوہاوہ سٹی کے سرکاری مسجد کچری کے امام و خطیب علامہ جاوید جلالی صاحب(جو کہ نابینا ہیں اور عالم دین اور علاقے کے مشہور نعت خواں اور قاری قرآن بھی ہیں ) سے ملاقات کی۔

دورانِ بیان نابینا افراد میں نیکی کی دعوت دینے کے سلسلہ میں تبادلۂ خیال ہوا ۔دعوت اسلامی میں عملی دینی خدمات دینے کے حوالے سے گفتگو ہوئی جس پر علامہ صاحب نے مسرت کا اظہار کیا اور شعبہ اسپیشل پرسنز اور نابینا بچوں کے ادارے میں دعوت اسلامی کی بہترین کوشش پر امیر اہلسنت دامت برکاتہم العالیہ کا شکریہ ادا کیا ۔(کانٹینٹ:رمضان رضا عطاری)

مدنی  مرکز فیضان مدینہ جوہر ٹاؤن لاہور میں 3 جنوری 2024ء بروز بدھ مدرسۃالمدینہ شارٹ ٹائم کے تحت مدنی مشورے کا انعقاد ہو ا جس میں شعبے کے صوبائی اورآفس ذمہ داراسلامی بھائیوں سمیت صوبہ پنجاب کے سرکاری ڈویژن ذمہ داران نے شرکت کی۔

نگران مجلس مدرسۃ المدینہ شارٹ ٹائم محمد عرفان عطاری نے تعلیمی و اخلاقی اعتبار سے تربیت کرتے ہوئے بارہ دینی کام کرنے کا ذہن دیا جبکہ تقرری ، کارکردگی شیڈول اور خود کفالت کے نظام پر بھی مدنی پھول دیئے نیز مدرسۃ المدینہ شارٹ ٹائم کے نظام کو اپ گریڈ کرنے کے تعلق سے کلام کیا، اسلامی بھائیوں کے مسائل سنے اور ان کے حل پیش کئے۔

مزید دعوتِ اسلامی کے دیگر شعبہ جات مثلاً ائمہ مساجد، فیضان مدینہ اور تنظیمی نگران اسلامی بھائیوں کے ساتھ مشاورت کرکے نئے مدارس اوپن کرنے کا پلان ڈسکس کیا۔(رپورٹ: محمد احسان الحق عطاری ،سینئر آفس اسسٹنٹ ،کانٹینٹ:رمضان رضا عطاری)

اسلامیہ یونیورسٹی بہاولپور میں  تھلیسیمیا کے مریض بچوں کے لئے شعبہ تعلیم اور FGRF دعوتِ اسلامی کے تحت بلڈ کیمپ لگایا گیا جس میں 28 اسٹوڈنٹس نے بلڈ ڈونیٹ کرنے کی سعادت حاصل کی۔ (کانٹینٹ:رمضان رضا عطاری)

02جنوری 2023ء کو   شعبہ رابطہ برائے شخصیات کے اسلامی بھائیوں نے ڈپٹی کمشنر آفس کورنگی کا دورہ کیا اور وہاں افسران ( ڈپٹی کمشنر کورنگی سید جواد مظفر ، ایڈیشنل ڈپٹی کمشنر کورنگی زاہد جونیجو ،ایڈیشنل ڈپٹی کمشنر 2 عون عباس ، مختیار کار ہیڈ کوارٹر ممتاز چنا، اسٹاف آفیسر اقبال خان، اکاؤنٹ آفیسر ارباب شاہ، پی ایس ٹو ڈی سی امان اللہ خان، پی ایس ٹو اے ڈی سی شہباز خان، ڈومیسائل برانچ آفیسر عظیم احمد) سے ملاقاتیں کیں۔

دوران ملاقات ڈسٹرکٹ ذمہ دارغلام محبوب عطاری نے شخصیات کو دنیا بھر میں ہونے والے دعوت اسلامی کے دینی سلسلوں کے متعلق بتایا اور ان کو ہفتہ وار اجتماع میں شرکت کرنے کی دعوت بھی دی جس پر انہوں نے دعوت اسلامی کے حوالے سے مثبت تاثرات کاا ظہار کیا اور اجتماع میں شرکت کرنے کی یقین دہانی کروائی۔( کانٹینٹ:رمضان رضا عطاری)

سبی میں نیشنل پارٹی کے صوبائی رہنما یار محمد بنگلزئی کی والدہ کے انتقال پر دعوت اسلامی کے شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے ملاقات  کی ۔

معلومات کے مطابق صوبائی ذمہ دار محمد وقار عطاری نے مرحومہ کے لئے فاتحہ خوانی و تعزیت کی نیز دعائے مغفرت کی۔اس موقع پر DSP ریڈ زون، سول سیکریٹریٹ کوئٹہ قاسم خان سیلاچی، بی اینڈ آر ڈیپارٹمنٹ کے آفیسر قادر بنگلزئی، سینئر صحافی سبی پریس کلب کے فنانس سیکرٹری یار علی گشکوری، قبائلی رہنما میر غلام محمد مری، میر ظہور احمد بنگلزئی و دیگر شخصیات سے ملاقاتیں کیں۔(رپورٹ:شعبہ رابطہ برائے شخصیات بلوچستان، کانٹینٹ:رمضان رضا عطاری)

شعبہ رابطہ برائے شخصیات دعوت اسلامی  عطاری مجلس کراچی کے اسلامی بھائیوں نے 1 جنوری 2024ء کو سندھ سیکریٹریٹ آفس کا دورہ کیا جہاں سیکرٹری قانون، پارلیمانی امور اور انسانی حقوق محکمہ کے احمد علی بلوچ، ڈپٹی سیکرٹری محکمہ زراعت محمد اقبال قریشی، ریٹائرڈ ڈپٹی سیکرٹری فرید مغل، سیکشن آفیسر محکمہ زراعت عبدالرحیم شیخ، ریٹائرڈ ڈی ایس پی منیر احمد بلوچ اور عملے کے دیگر ارکان سے ملاقات کی ۔

سیکریٹری صاحب سمیت دیگر کو ملاقات میں اسلامی بھائیوں نے ماہنامہ فیضان مدینہ تحفے میں دیا اور ان کو مدنی مرکز وزٹ کرنے کی دعوت پیش کی نیز ڈپٹی سیکریٹری صاحب کو مدنی قافلے میں سفر کی ترغیب دلائی جس پر انھوں نے جزوی طور پر شرکت کی نیت کی۔ ملاقاتوں میں ڈسٹرکٹ ساؤتھ کے ذمہ دار فیضان عطاری بھی ساتھ تھے۔(رپورٹ:شعبہ رابطہ برائے شخصیات عطاری مجلس کراچی، کانٹینٹ:رمضان رضا عطاری)

01 جنوری 2024ء  کو شعبہ رابطہ برائے شخصیات دعوت اسلامی کی جانب سے محمد انور عطاری نے نواب شا ہ میں ایڈیشنل کمشنر 2، احمد علی سومرو سے ملاقات کی ۔

تفصیلات کے مطابق محمد انور عطاری نے احمد علی سومرو کے والد کے انتقال پر تعزیت اور فاتحہ خوانی کی نیز مرحوم سمیت تمام اُمّت مسلمہ کے لئے دعائے مغفرت کروائی۔ آخر میں لواحقین کو ہفتہ وار اجتماع میں شرکت کرنے کی دعوت بھی پیش کی۔(رپورٹ: شعبہ رابطہ برائے شخصیات ڈسٹرکٹ نواب شا ہ، کانٹینٹ:رمضان رضا عطاری)

شعبہ رابطہ برائے  شخصیات دعوت اسلامی کی طرف سے ٹی ایم سی منگھوپیر میں ڈسٹرکٹ ذمہ دار محمد اویس رضا عطاری نے ایم سی منگھوپیر سبتین شاہ، چیئرمین منگھوپیر علی نواز بروہی اور یوسی چیئرمین منگھوپیر ارشاد مغل سے ملاقاتیں کیں۔

دوران ملاقات دنیا بھر میں ہونے والے دعوت اسلامی کے کاموں کے بارے میں بتایا اور ان کو جمعرات کو ہونے والے ہفتہ وار اجتماع کی دعوت دی اور فیضان مدینہ وزٹ کا شیڈول بتایا جس پر انہوں نے اچھے تاثرات کا اظہار کیا۔(کانٹینٹ:رمضان رضا عطاری)

شعبہ  دعوتِ اسلامی رابطہ برائے ٹرانسپورٹ کے تحت 30 دسمبر2023ء بروز ہفتہ سٹی ذمہ دار محمد ذیشان مدنی عطاری نے کھارادر کراچی میں ٹی سی اے ٹرانسپورٹ کیریئر ایسو سی ایشن کے ممبران سے ملاقات کی۔

دورانِ ملاقات محمد ذیشان مدنی عطاری نے ٹرانسپورٹ سے وابستہ افراد کو دعوت اسلامی کے دینی وفلاحی کاموں کے بارے میں بتایا اور ان کو مدنی مرکز فیضان مدینہ میں آنے کی دعوت دعوت دی جس پر انہوں نے خدماتِ دعوت اسلامی پر خوشی کا اظہار کرتے ہوئے جلد وزٹ کرنے کی نیت پیش کی۔اس موقع پر عبدا لوہاب عطاری بھی موجود تھے ۔(رپورٹ: زون ذمہ دار عبد الوہاب عطاری ، کانٹینٹ:رمضان رضا عطاری)

پچھلے دنوں جوہر ٹاؤن لاہور  میں قائم مدنی مرکزفیضان مدینہ میں گلگت سے آئے ہوئے اسپیشل ایجوکیشن کے ٹیچرز و افسران اور دیگر وابستہ افراد کا ٹریننگ سیشن ہوا۔

دوران ِ ٹریننگ ٹیبل ٹاک سیشن منعقد کیا گیا جس میں نگران مجلس میڈیا ڈیپارٹمنٹ محمد عثمان عطا ری نے ٹیچرز و افسران کی جانب سے کئےگئے سوالات کے جواب دیئے۔

بعدازاں میڈیا ڈیپارٹمنٹ اور دعوت اسلامی کے دیگر شعبہ جات کا تعارف کروایا ۔مزید ملک و بیرون ملک میں جاری دعوت اسلامی کی دینی سرگرمیوں سے آگاہی دی اور شرکا کو بھی دینی کاموں میں حصہ لینے کا ذہن دیا جس پر انہوں نے نیک خیالات کا اظہار کیا۔(رپورٹ:احمد اویس عطاری اسپیشل پرسنز ڈیپارٹمنٹ، کانٹینٹ:رمضان رضا عطاری)

دعوتِ اسلامی کے شعبہ مدنی کورسز کے زیرِ اہتمام1 جنوری 2023ء کو چونگی  پولیس چوکی لاہور میں سیکھنے سکھانے کے حلقے کا انعقاد ہوا جس میں پنجاب پولیس کے کانسٹیبل اور ان کے اسٹاف نے شرکت کی ۔

نشتر ٹاؤن ذمہ دار برائے کورسز محمد بلال رضا عطاری نے نماز جنازہ کا طریقہ بیان کیا اور شرکا کو نیکی دعوت پیش کرتے ہوئے ہفتہ وار اجتماع میں شرکت کرنے کی دعوت دی جس پر انہوں نے اچھی اچھی نیتیں کیں جبکہ دورانِ ملاقات sho تھانہ نے دوبارہ بھی کورسز کے لئے تشریف لانے کا کہا۔(کانٹینٹ:رمضان رضا عطاری)