دعوتِ اسلامی کے تحت یوگینڈ کے شہر لِیرا میں مدنی مشورے کا اہتمام ہوا جس میں لِیرا ڈویژن  کے ذیلی ذمہ داراسلامی بھائیوں سمیت دیگر ڈویژن مشاورت نےشرکت کی۔

اس دوران نگرانِ ویسٹ نائل کابینہ شاہد منظور عطاری نےدعوتِ اسلامی کے 12 دینی کاموں کا جائزہ لیتے ہوئے انہیں بہتری کے لئے اہم امور بیان کئے۔

اس کے علاوہ نگرانِ کابینہ نے اسلامی بھائیوں کی حوصلہ افزائی کرتے ہوئے دعوتِ اسلامی کے 12 دینی کاموں میں مزید اضافہ کرنے، عاشقانِ رسول کو مدنی قافلوں میں سفر کروانے اور ہفتہ وار سنتوں بھرے اجتماع میں بھر پور انداز سے شرکت کرنے کے حوالے سے ذہن سازی کی۔بعدازاں ذمہ دار اسلامی بھائیوں نے دینی کاموں بڑھانے کے لئے اچھی اچھی نیتوں کا اظہار کیا۔( کانٹینٹ:غیاث الدین عطاری) 

پچھلے دنوں دعوتِ اسلامی کے زیرِ اہتمام جامع مسجد بوہڑ والی خانپور میں 7 دن پر مشتمل فیضانِ نماز کورس کا انعقاد کیا گیا جس میں کثیر تعداد میں مقامی اسلامی بھائیوں نے شرکت کی۔

دورانِ کورس 10 جنوری 2022ء بروز پیرکفن دفن کورس کا اہتمام کیا گیا جس میں رکنِ ڈسٹرکٹ چکوال شعبہ کفن دفن امتیاز احمد عطاری نے میت کو غسل دینے، کفن کاٹنے،پہنانے اور نمازِ جنازہ کا طریقہ سکھایا۔

بعدازاں غسل میت کے دوران ہونے والی عوامی غلطیوں کے بارے میں شرکا کی تربیت کی گئی نیز کورس کے بعد شرکا کے درمیان رسالہ ’’میت کے غسل و کفن کا طریقہ‘‘تقسیم کیاگیا۔(رپورٹ: شعبہ کفن دفن ، کانٹینٹ:غیاث الدین عطاری)

دعوتِ اسلامی کے شعبہ مدرسۃ المدینہ شارٹ ٹائم کے زیرِ اہتمام 11 جنوری 2022ء بروز منگل مدنی مرکز فیضان مدینہ اڈیالہ راولپنڈی  میں سیکھنے سکھانے کا حلقہ منعقد ہوا جس میں طلبہ، قاری صاحبان اور ناظمِ مدرسۃالمدینہ شارٹ ٹائم نے شرکت کی۔

اس حلقے میں نگران ڈویژن شعبہ مدرسۃ المدینہ شارٹ ٹائم محمد وقار احمد عطاری نے قراٰنِ کریم پڑھنے کے فضائل بیان کرتے ہوئے دعوتِ اسلامی کے 12 دینی کاموں کے حوالے سے تربیت کی۔

اس کے علاوہ نگرانِ ڈویژن نے طلبہ کو صدقے کے فضائل بتاتے ہوئے اپنے اپنے گھروں میں گھریلو صدقہ باکس رکھنے کی ترغیب دلائی جس پر طلبہ نے اچھی اچھی نیتوں کا اظہار کیا۔(رپورٹ: شعیب اشرف نقشبندی ناظمِ اعلیٰ مدرسۃ المدینہ شارٹ ٹائم جہلم چکوال زون ، کانٹینٹ:غیاث الدین عطاری)

کراچی میں قائم جامع مسجد اسماعیل نعمان کمپلیکس کے امام صاحب شفاعت عطاری کا11 جنوری 2022ء بروز منگل انتقال ہو گیا جس پر ذمہ دارانِ دعوتِ اسلامی نے مرحوم کے گھر والوں سے تعزیت کرتے ہوئے انہیں صبر کی تلقین کی۔

اس موقع پر مرکزی مجلسِ شوریٰ کے رکن حاجی محمد امین عطاری نے مرحوم کی نمازِ جنازہ عالمی مدنی مرکز فیضانِ مدینہ کراچی میں پڑھائی اور مرحوم کے لئے فاتحہ خوانی و دعا کروائی۔

اس کے علاوہ رکنِ شوریٰ نے مرحوم کے گھر والوں سے تعزیت کرتے ہوئے انہیں زیادہ سے زیادہ ایصالِ ثواب کرنےکی ترغیب دلائی ۔ (رپورٹ: عزیر عطاری رکن شعبہ کفن دفن، کانٹینٹ:غیاث الدین عطاری)

گزشتہ دنوں شعبہ اسلامی بھائیوں کے مدرسۃ المدینہ دعوتِ اسلامی کے تحت مدنی مشورے کا انعقاد ہوا جس میں شہر کے تمام معلمین نے شرکت کی۔

اس مدنی مشورے میں ضلع قصور کے ذمہ دار قاری صغیر عطاری نے معلمین کی تربیت کرتے ہوئے مساجد کے درس اور مساجد کے مدارس کو مضبوط کرنے کے حوالے سےاہم نکات پر مشاورت کی۔

اس کے علاوہ بڑی عمر کے اسلامی بھائیوں کو ہفتہ وار سنتوں بھرے اجتماع اور مدنی مذاکرے میں شرکت کروانے کا ذہن دیا۔مزید ڈونیشن باکس ، خصوصی باکس اورگھریلو صدقہ باکس سمیت یکم فروری 2022ء کو رہائشی معلم مدنی قاعدہ کورس کے حوالے سے کلام کیا گیا۔(رپورٹ:صغیر عطاری لا ہور زون ذمہ داری مدرسۃ المدینہ، کانٹینٹ:غیاث الدین عطاری) 

عالمی مدنی مرکز فیضان مدینہ کراچی میں 8 جنوری 2022ء کو ہفتہ وار مدنی مذاکرے کا انعقاد کیا گیا جس میں کثیر عاشقان رسول فیضان مدینہ کراچی آکر براہ راست اور جبکہ دیگر مقامات پر اسلامی بھائیوں کی بڑی تعداد نے بذریعہ مدنی چینل شرکت کی۔

بانی دعوت اسلامی حضرت علامہ محمد الیاس عطار قادری دامت بَرَکَاتُہمُ العالیہ نے دینی و معاشرتی اعتبار سے شرکا کی تربیت کرتے ہوئے عاشقان رسول کی جانب سے ہونے والے سوالات کے جوابات دیئےاور مدنی پھول ارشاد فرمائے۔

مدنی مذاکرے چند مدنی پھول ملاحظہ کیجئے:

سوال : بیمارکا علاج کس طرح کروایا جائے ؟

جواب : جہاں تک بن پڑے دواؤں(Medicine) کی طرف نہیں جانا چاہئے بلکہ غذا(سبزیوں ، پھلوں اور دیگر وغیرہ) سے علاج کرنا چاہیے، ماہرِغذائیت کے مشورے سے علاج کیا جائے ،بلکہ بیماری سے پہلے ہی اپنی غذاکو کنڑول کیاجائے ،کھانےپینے میں احتیاط کی جائے ،جو غذاجسم کے موافق نہیں وہ نہ کھائی جائے ،طبیب (Doctor)سےعلاج کروانا ہی پڑےتوماہرطبیب(Specialist Doctor) سے رابطہ کیا جائے، پھر ڈاکٹر کے بتانے کے مطابق ادویات کا مکمل اِستعمال کیا جائے۔

سوال: اپنے طورپر خودسے کوئی دوا(Medicine)استعمال کرنا یا کسی اورمریض کواپنی طرف سے کوئی میڈیسن استعمال کرنے کامشورہ دینا کیسا ؟

جواب: اپنے طورپرکوئی بھی علاج نہ کیا جائے اورنہ ہی کسی اوربیمارکو کوئی علاج بتایا جائے کیونکہ دواکےمضر اثرات(Side Effects) ہوتے ہیں ،ماہرطبیب کوچیک کرواکریا مشورہ کرکے ہی کوئی دوااستعمال کی جائے ۔

سوال: ایثارکیا ہےاوراس کا فائدہ کیا ہے ؟

جواب :جس چیزکی اپنے آپ کوحاجت ہو،وہ خود استعمال کرنے کے بجائے کسی دوسرے ضرورت مندکودےدینا ،اپنی ضرورت پر دوسرے کو ترجیح دینا ایثارکہلاتاہے ،ایثارکرنے والے کے لیے جنت کی خوشخبری ہے۔

نبیٔ رحمت،شفیعِ امت،قاسمِ نعمت صلَّی اللہ علیہ وآلہ وسلَّم نے ارشاد فرمایا: أیُّمَا رَجُلٍ إشْتَھٰی شَہْوَۃً فَرَدَّ شَہْوَتَہ، وَآثَرَ عَلٰی نَفْسِہٖ غُفِرَلَہٗ۔ ترجمہ: جو شخص کسی چیز کی خواہش رکھتاہو پھر اپنی خواہش ترک کر دے اور دو سرے کو اپنے اوپر تر جیح دے تو اس کی بخشش کر دی جائے گی۔ (الکامل فی ضعفاء الرجال لابن عدی، الرقم۱۲۸۹۔عمرو بن خالد، ج۶، ص۲۲۳)

سوال: کیا خالی قینچی چلانے سے لڑائی ہوتی ہے ؟

جواب: اسلام میں بدشگونی نہیں ہے ، قینچی چلانے سے لڑائی ہوتی ہو اس میں کوئی حقیقت نہیں ،البتہ بغیرضرورت کے قینچی نہ چلائی جائے کہ ہرکام کا حساب ہے ۔

سوال : ایمان کی حفاظت کیسے ہو،کوئی وظیفہ بھی بتادیں ؟

جواب: ہرایک کواپنے ایمان کی فکرکرنی چاہئے،اللہ پاک کی خفیہ تدبیرسے ڈرتے رہنا چاہئے ،ایمان کی حفاظت کے لیے بُرے دوستوں کی صحبت سےبچئے، عاشقانِ رسول علمائے کرام کا لٹریچر پڑھئے ،مکتبۃ المدینہ کی کتب کا مطالعہ کیجئے ،مثلاً کتاب’’کفریہ کلمات کے بارے میں سوال جواب“ کا مطالعہ کیا جائے، اِنْ شاۤء اللہُ الْکریم ایمان کی حفاظت کامزیدذہن بنے گا ،ایمان کی حفاظت کے لیے رات کو اوراد وظائف پڑھنے کے بعد آخر میں سورۂ کافرون پڑھ لی جائے،اگراس کے بعدبھی گفتگوکرلے تو پھرسورہ ٔکافرون پڑھے یعنی سونے سے پہلے آخری کام یہی ہو۔(جو کوئی صبح 41بار یَا حَیُّ یَا قَیُّومُ لَاۤ اِلٰہَ اِلَّاۤ اَنْتَ پڑھے،اُس کا دل زندہ رہے گا اور ایمان پر خاتمہ ہوگا۔

توجہ فرمائیں:آدھی رات ڈھلے سے سورج کی پہلی کرن چمکنے تک"صبح" ہے۔اس سارے وقفے میں جو کچھ پڑھا جائے،اُسے صبح میں پڑھنا کہیں گے۔

سوال : مدنی مذاکرے کا کیا معنی ٰ ہے ؟

جواب : یادرکھنے کے لیے آپس کی گفتگو اورسوال جواب کو مذاکرہ کہتے ہیں ،لفظ "مدنی" ہماری پہچان ہے ۔

سوال: کیا آپ نے کبھی مشاعرے(شعراء کا ایک جگہ جمع ہوکر شعر خوانی کرنا) میں بھی حصہ لیاہے ؟

جواب:میں نے دعوتِ اسلامی کے آغاز سے پہلے گجراتی مشاعرے میں حصہ لیا ہے ،گجراتی زبان میں نعتیہ یا منقبت کے اشعارلکھے تھے، البتہ کبھی اردو مشاعرے میں حصہ نہیں لیا ۔

سوال: اِس ہفتے کارِسالہ ” دو گُدڑیوں والا “ پڑھنے یاسُننے والوں کو امیرِاہلِ ِسُنّت نے کیا دُعا دی ؟

جواب: یا اللہ پاک ! جو کوئی 21 صفحات کا رسالہ ”دو گُدڑیوں والا“ پڑھ یا سن لے اُسے ہمیشہ نیکیاں کرنے، نیکیاں کروانے، گناہوں سے بچنے اور دوسروں کو بچانے کی سعادت عطا فرماکر بے حساب مغفرت سے نواز دے۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

دعوتِ اسلامی کے شعبہ مدنی قافلہ کےزیرِ اہتمام 11 جنوری 2022ء بروز منگل  اسلام آباد میں مدنی مشورے کا انعقاد کیا گیا جس میں ضلع قافلہ ذمہ دار اسلامی بھائیوں نے شرکت کی۔

اس دوران صوبہ پنجاب کے مدنی قافلہ ذمہ دار شہباز عطاری نے ذمہ داران سے گفتگوکرتے ہوئے شعبے کے دینی کاموں کا جائزہ لیا اور انہیں شعبے کی ترقی کے حوالے سے اہم نکات بتائے۔بعدازاں ذمہ داران نے اچھی اچھی نیتوں کااظہار کیا۔(رپورٹ: حارث عطاری شعبہ مدنی قافلہ، کانٹینٹ:غیاث الدین عطاری) 

پچھلے دنوں شعبہ مدنی قافلہ دعوتِ اسلامی کے زیرِ اہتمام ایک ماہ کا مدنی قافلہ اسلام آباد سفر پر روانہ ہوا جس میں کثیر عاشقانِ رسول نے شرکت کی۔

11 جنوری 2022ء بروزمنگل اسلام آباد اور راولپنڈی ڈویژن ذمہ دار شعبہ مدنی قافلہ نعمان عطاری نے شرکا کی تربیت کرتے مدنی قافلوں کی اہمیت و ضرورت اور مساجد کا ادب و احترام کرنے کے حوالے سے ذہن سازی کی۔

اس کے علاوہ ذمہ دار نے اخلاص کے ساتھ دعوتِ اسلامی کے 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ مدنی قافلہ، کانٹینٹ:غیاث الدین عطاری)

دعوتِ اسلامی کے شعبہ مدنی قافلہ کے زیرِ اہتمام عالمی مدنی مرکز فیضانِ مدینہ کراچی میں 26دن کا مدنی قافلہ کورس جاری ہے جس میں اراکینِ شوریٰ سمیت مبلغینِ دعوتِ اسلامی وقتاً فوقتاً شرکا کی تربیت کرتے رہتے ہیں۔

دورانِ کورس 10 جنوری 2022ء بروز پیر مرکزی مجلسِ شوریٰ کے اراکین حاجی محمد اطہر عطاری اور حاجی فضیل رضا عطاری نے شرکا کے درمیان نفاست و پاکیزگی اور نیک اعمال پر عمل کرنے کے حوالے سے سنتوں بھرا بیان کرتے ہوئے انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر شرکا نے اچھی اچھی نیتوں کا اظہار کیا۔(رپورٹ:حارث عطاری شعبہ مدنی قافلہ، کانٹینٹ:غیاث الدین عطاری)

پچھلے دنوں دعوتِ اسلامی کے تحت پاکستان سطح کے ذمہ دارنگران اسپیشل پرسنز ڈیپارٹمنٹ محمد حنیف عطاری نے دیگر ذمہ داران کے ہمراہ دینی کاموں کے سلسلے میں سمسانی کھوئی جوہر ٹاؤن لاہور کا دورہ کیا جہاں انہوں نے اسپیشل پرسنز سے ملاقات کی۔

بعدازاں ذمہ داراسلامی بھائیوں نے اسپیشل پرسنز کے درمیان سیکھنے سیکھانے کا حلقہ لگایا جس میں اُن کی تربیت و رہنمائی کی اور اسپیشل پرسنز کو تحائف دیئے۔

اس موقع پر صوبائی ذمہ دارپنجاب محمد عمیر ہاشمی عطاری، ڈویژن ذمہ دار لاہور محمد علی عطاری اور شعبہ ذمہ دار اسپیشل ایجوکیشن احمد اویس عطاری موجود تھے۔(رپورٹ:ابرار حسین عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں ابراہیم حیدری کراچی میں اسپیشل پرسنز کے لئے یومِ تعطیل اعتکاف منعقد کیا گیا جس میں اسپیشل پرسنز سمیت ذمہ داران اسپیشل پرسنز ڈیپارٹمنٹ نے شرکت کی۔

اس اعتکاف میں مرکزی مجلسِ شوری ٰکے رکن حاجی فضیل رضا عطاری کی آمد کا سلسلہ رہا۔اسپیشل پرسنز نے رکنِ شوری کے ہمراہ چوک درس میں شرکت کی۔بعدازاں رکنِ شوری نے اسپیشل پرسنز کی تربیت کرتے ہوئے مدنی پھولوں سے نوازا۔

اس موقع پر کراچی ذمہ دار اسپیشل پرسنز ڈیپارٹمنٹ عمران عطاری، جمیل عطاری معاون، شاہد عطاری اور بلال عطاری سمیت دیگراہم ذمہ داران موجود تھے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ  کے ذمہ داران نے دینی کاموں کے سلسلے میں نصیر آباد ڈویژن کے ڈیرہ مراد جمالی ڈسٹرکٹ بلوچستان کا دورہ کیا جہاں بلوچستان صوبائی ذمہ دار شاہ حسین عطاری نے ارباب عطاری کے ہمراہ اسپیشل پرسنز اسلامی بھائیوں سمیت ان کے سرپرستوں سے ملاقات کی۔

اس کے علاوہ صحبت پور ڈسٹرکٹ کا شیڈول رہا جہاں صوبائی ذمہ دار نے اسپیشل پرسنز کے درمیان چوک درس کا اہتمام کیا۔ بعدازاں جعفر آباد ڈسٹرکٹ میں مختلف اسپیشل پرسنز اسلامی بھائیوں سے ان کی دوکان پر جا کر ملاقات کا سلسلہ رہا۔ذمہ داران نے انہیں ہفتہ وار سنتوں بھرےاجتماع میں شرکت کرنے کی دعوت دی۔

مزید اسپیشل پرسنز اسلامی بھائیوں کے لئے مدرسۃ المدینہ بھی لگایا گیا جس میں انہوں نے بھر پور انداز سے شرکت کی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)