پچھلے دنوں ذمہ داران ِ دعوتِ اسلامی نے  ڈویژن چوھنگ کے علاقے شاہ پور میں علمائے کرام اور ائمہ کرام کے لئےدعوت کا اہتمام کیا جس میں پورے علاقے سے علمائے کرام اور ائمہ کرام سمیت دیگر ذمہ داران نے شرکت کی۔

اس موقع پر مرکزی مجلسِ شوریٰ کے رکن حاجی یعفور رضا عطاری کی آمد کا بھی سلسلہ رہا۔رکنِ شوریٰ نے وہاں موجود اسلامی بھائیوں کو دعوتِ اسلامی کا تعارف پیش کرتے ہوئے انہیں 12 دینی کاموں میں حصہ لینےاور سوسائٹیز میں نیوادارے بنانے کی ترغیب دلائی۔

علمائے کرام نے دعوتِ اسلامی کی کاوشوں کو سراہتے ہوئے اپنی طرف سے مکمل تعاون کی یقین دہانی کروائی۔بعدازاں علمائے کرام کو مکتبۃ المدینہ کے کُتُب و رسائل پیش کئے گئے۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے تحت گزشتہ دنوں مرکزی مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں ڈیفنس لاہور کا دورہ کیا جہاں انہوں نے ایڈوائزر ٹو سی ایم پنجاب فیصل حیات خان جبوآنہ کے ہمراہ کاروباری شخصیات سے ملاقات کی۔

رکنِ شوریٰ نے شخصیات سے گفتگو کرتے ہوئے انہیں دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتایا جس پر انہوں نے دعوتِ اسلامی کی کاوشوں کو سراہتے ہوئے اپنی نیک خواہشات کااظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں کراچی سٹی کے ائمہ مساجد ذمہ دارحافظ محمد وقار عطاری اور اسکالر اسلامک ریسرچ سینٹر دعوتِ اسلامی مولانا زید نیاز عطاری مدنی کی دادی جان کا انتقال ہو گیا جس پر ذمہ دارانِ دعوتِ اسلامی نے مرحومہ کے گھر والوں سے تعزیت کی۔

اس موقع پر رکنِ مرکزی مجلسِ شوریٰ حاجی محمد عقیل عطاری مدنی نے مرحومہ کی نمازِ جنازہ پڑھائی اور فاتحہ خوانی و دعا کا اہتمام کیا۔بعدازاں رکنِ شوریٰ نے مرحومہ کےبیٹے محمدزید نیاز سمیت خاندان کے دیگر افراد سے اظہارِتعزیت کرتے ہوئے انہیں صبر کی تلقین کی اور زیادہ سے زیادہ ایصالِ ثواب کرنے کا ذہن دیا۔اس دوران نگران ِاورنگی ٹاؤن اسید عطاری سمیت دیگر ذمہ داراسلامی بھائی بھی موجود تھے۔(کانٹینٹ:غیاث الدین عطاری)

دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے دیگر ذمہ داراسلامی بھائیوں کے ہمراہ مرحوم شفاعت حسین عطاری جو کہ پچھلے دنوں انتقال کر گئے تھے اُن کی قبرپر فاتحہ خوانی کا اہتمام کیا۔

رکنِ شوریٰ نے مرحوم کے والد اور بھائیوں سے تعزیت کرتے ہوئے انہیں صبر کی تلقین کی اور مرحوم کے لئے زیادہ سے زیادہ ایصالِ ثواب کرنے کا ذہن دیا۔اس موقع پر نگران اورنگی ٹاؤن اسید عطاری سمیت دیگر ذمہ داراسلامی بھائی بھی موجود تھے۔(کانٹینٹ:غیاث الدین عطاری)

پچھلے دنوں دعوتِ اسلامی کے تحت مرکز مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں دارالافتاء اہلسنت داتا دربار لاہور کا وزٹ کیا۔

اس دوران رکنِ شوریٰ نے استاذالحدیث مفتی ہاشم خان عطاری سمیت دارالافتاء اہلسنت کے دیگر علمائے کرام سے ملاقات کی اور دعوتِ اسلامی کے دینی کاموں کے حوالے سے اہم امور پر تبادلۂ خیال کیا۔

بعدازاں دارالافتاء اہلسنت کے اسلامی بھائیوں نے رکنِ شوریٰ کو اس شعبے کے ذریعے کی جانے و الی دینی خدمات کے حوالے سے بریف کیا۔‫(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں مدنی مرکز فیضانِ مدینہ آفندی ٹاؤن حیدرآباد میں سندھ شعبہ جات کے صوبائی ذمہ داران کا مدنی مشورہ منعقد ہوا جس میں اہم ذمہ داراسلامی بھائیوں نے شرکت کی۔

اس موقع پر مرکزی مجلسِ شوریٰ کے رکن حاجی قاری ایاز عطاری نے دعوتِ اسلامی کے 12 دینی کاموں کے حوالے سے گفتگو کی اور ذمہ داران کی پیشگی و عملی جدول میں پیش آنے مسائل پر کلام کیا۔

اس کے علاوہ رکنِ شوریٰ نے 12 دینی کاموں کی کارکردگی کا جائزہ لیتے ہوئے اس میں ہونے والی غلطیوں کی نشاندہی کی نیز ہفتہ وار سنتوں بھرے اجتماع کے حوالے سےمدنی پھول بھی دیئے۔(کانٹینٹ:غیاث الدین عطاری)

گزشتہ دنوں دعوتِ اسلامی کے زیرِ اہتمام مدنی مرکز فیضانِ مدینہ آفندی ٹاؤن حیدرآباد میں سنتوں بھرے اجتماع کا انعقاد کیا گیا جس میں ’’فیضان قراٰن وحدیث کورس ‘‘، ’’مدنی تربیتی کورس‘‘ اور ’’ فیضان نماز کورس‘‘ کے طلبہ نے شرکت کی۔

اس اجتماعِ پاک میں رکنِ مرکزی مجلسِ شوریٰ حاجی قاری ایاز عطاری نے سنتوں بھرا بیان کرتے ہوئے شرکا کی دینی، اخلاقی اور تنظیمی حوالے سے تربیت و رہنمائی کی۔

اس کے علاوہ رکنِ شوریٰ نے وہاں موجود اسلامی بھائیوں کو دعوتِ اسلامی کے 12 دینی کاموں میں شمولیت اختیار کرنے کا ذہن دیا گیا۔(کانٹینٹ:غیاث الدین عطاری)

نیکی کی دعوت کو عام کرنے کے جذبے کے تحت دعوتِ اسلامی کا شعبہ ’’محبتیں بڑھاؤ‘‘ کے تحت دسمبر 2021ءمیں ہونے والے عالمی سطح تک کے دینی کاموں کی چند جھلکیاں ملاحظہ فرمائیے۔

ہفتہ وار سنتوں بھرے اجتماعات میں شرکت کرنے والی اسلامی بہنوں کی تعداد:667

ہفتہ وار مدنی مذاکرہ سننے والی اسلامی بہنوں کی تعداد :440

اسلامی بہنوں کے مدرسۃ المدینہ میں پڑھنے/پڑھانے والی اسلامی بہنوں کی تعداد:147

شارٹ کورسز کرنے/کروانے والی اسلامی بہنوں کی تعداد: 229

ہفتہ وار رسالہ پڑھنے/ سننے والی اسلامی بہنوں کی تعداد: 468

وصول ہونے والے نیک اعمال کے رسائل کی تعداد:328

دعوتِ اسلامی کے شعبہ مدرسۃ المدینہ بوائز کے تحت پچھلے دنوں مدنی مرکز فیضانِ مدینہ آفندی ٹاؤن حیدرآباد میں مدنی مشورے کا اہتمام کیا گیا جس میں صوبائی ناظم، سرکاری ڈویژن ناظم،صوبائی ایچ آر اورصوبائی اکاؤنٹینٹ اسلامی بھائیوں نے شرکت کی۔

اس دوران مرکزی مجلسِ شوریٰ کے رکن حاجی قاری ایاز عطاری نے ذمہ داران سے گفتگو کرتے ہوئے شعبے کے دینی کاموں کا فالواپ لیا اور شعبے کی ترقی کے حوالے سے تربیت فرمائی۔(کانٹینٹ:غیاث الدین عطاری)

11 جنوری 2022ء کو عالمی مدنی مرکز فیضان مدینہ کراچی میں کراچی مشاورت کا مدنی مشورہ ہوا جس میں کراچی مشاورت نگران اور اراکین نے شرکت کی۔

رکن شوریٰ حاجی محمد امین عطاری نے شرکا کی تربیت کی اور 12 دینی کاموں کے حوالے سے کلام کیا ۔ اس موقع پر اراکین شوریٰ حاجی محمد علی عطاری اور حاجی امین قافلہ عطاری بھی موجود تھے۔

پچھلے دنوں عالمی مدنی مرکز فیضان مدینہ کراچی میں شعبہ سوشل میڈیا ڈیپارٹمنٹ کےزیر اہتمام سنتوں بھرے اجتماع کا انعقاد کیا گیا جس میں مذکورہ شعبے کے اسٹاف نے شرکت کی۔

مرکزی مجلس شوریٰ کے نگران حاجی  محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے فرمایا کہ سوشل میڈیا ڈیپارٹمنٹ دعوت اسلامی کا اہم ترین شعبہ بن چکا ہے کیونکہ اس کے ذریعے دعوت اسلامی کا پیغام اور نیکی کی دعوت دنیا بھر پہچانا آسان اور جلد تر ہوتا جارہا ہے۔ہمیں ایسے لوگ بھی ملے ہے جنہوں نے سوشل میڈیا پر بنائی ہوئی ہماری ویڈیوز  کو دیکھ اپنے اندر تبدیلی پیدا کی ہے۔یہ ہمارے لئے اللہ کی بہت بڑی نعمت اور بہت بڑا کرم ہے ۔

نگران شوریٰ نے اسٹاف کو مدنی پھول بیان کرتے ہوئے کہا کہ سوشل میڈیا کے لئے بنائے پروگرامز اور کلپس سے ہمیں اپنے اندر  بھی مثبت تبدیلی لانے کی کوشش کرنی چاہیئے۔

اجتماع کے اختتام پر نمایاں کارکردگی کے حامل اسلامی بھائیوں کو تعریفی شیلڈ پیش کی گئی۔اس موقع پر رکن شوریٰ حاجی مولانا عبد الحبیب عطاری اور متعلقہ شعبے کے ہیڈ بغداد رضا عطاری بھی موجود تھے۔

الحمد اللہ عز وجل شعبہ عربی ڈیپارٹمنٹ دعوت اسلامی کی کاوش اور مکتبۃ المدینہ العربیہ کے تعاون سے امیر اہلسنت علامہ محمد الیاس عطار قادری دامت بَرَکَاتُہمُ العالیہ کی مایۂ ناز تالیف ”فیضانِ نماز (بنام)نَفْحَاتُ الصَّلٰوۃ“ دار الکتب العلمیہ بیروت سے عربی زبان میں پرنٹ ہوگئی ہے۔

یہ کتاب دنیا کے 82 ممالک میں قائم دار الکتب العلمیہ کے مکاتب سے حاصل کی جاسکتی ہے جبکہ کویت، شارجہ، دوحہ، جدہ، قاہرہ، جزائر، استنبول، ریاض، اربیل، طہران، مغرب، ابو ظبی اور عمان میں ہونے والے (Book Fair) کتب میلوں میں لگائے جانے والے دار الکتب العلمیہ بیروت کے اسٹالز پر بھی دستیاب ہوگی ۔