شعبہ معاونت برائے اسلامی بہنیں کے دینی کاموں کے سلسلے میں 4 دسمبر 2023ء کو سکھر ،بیراج روڈ  پر واقع دعوتِ اسلامی کے جامعۃ المدینہ بوائز میں ذمہ دار اسلامی بھائیوں نے اساتذۂ کرام سے ملاقات کی۔

شعبہ اصلاح اعمال دعوت اسلامی  کے تحت3دسمبر2023ء کو فیضانِ مدینہ لیہ میں یوم قفل مدینہ اجتماع ہوا جس میں علاقے کے عاشقان رسول نے شرکت کی ۔

جس میں ڈویژن نگران حاجی اقبال عطاری نے عاشقانِ رسول کو خاموشی کے فضائل پر بیان کرتے ہوئے زبان کی حفاظت کرنے پر مدنی پھول دیئے اور امیر اہلسنت دامت برکاتہم العالیہ کا لکھا ہوا بہت ہی پیارا رسالہ خاموش شہزادہ پڑھنے کی ترغیب دلائی۔ (رپوڑٹ: ڈویژن ذمہ دار شعبہ اصلاح اعمال غلام عباس عطاری ، کانٹینٹ:شعیب احمد عطاری)

4 دسمبر 2023ء کو سندھ کے ڈویژن سکھر میں عاشقانِ رسول کی دینی تحریک دعوتِ اسلامی کے تحت شعبہ معاونت برائے اسلامی بہنیں کا مدنی مشورہ ہوا جس میں ڈویژن نگران فہیم عطاری سمیت دیگر ذمہ داران بھی موجود تھے۔

صوبائی ذمہ دار سیّد ریحان عطاری اور شعبہ قراٰن ٹیچر ٹریننگ کورس کے ذمہ دار نے اسلامی بہنوں کے دینی کام بڑھانے اور شعبہ معاونت برائے اسلامی بہنیں کے ڈسٹرکٹ و تحصیل ذمہ داران کا تقرر کرنے کے حوالے سے کلام کیا جس پر وہاں موجود تمام ذمہ دار اسلامی بھائیوں نے اپنی اپنی رائے پیش کی۔(رپورٹ: مولانا جہانزیب عطاری مدنی معاون رکنِ شوریٰ مولانا شاہد عطاری مدنی ، کانٹینٹ:غیاث الدین عطاری)

شعبہ فیضان آن لائن اکیڈمی دعوت اسلامی کے زیر اہتمام5دسمبر2023ء کراچی فیضان مدینہ سے آن لائن میٹنگ کا سلسلہ ہوا  جس میں مدرسۃ المدینہ کے ڈویژن تعلیمی ذمہ داران نے شرکت کی ۔

آن لائن میٹنگ میں سید انس عطاری معاون رکن مجلس اور محمد رمضان عطاری آفس ذمہ دار مجلس تفتیش آفس نے ڈویژن تعلیمی ذمہ داران کو گروپ کلاس کے حوالے سے بریفنگ دی اور تعلیمی ذمہ داران کی گروپ کلاس کے متعلق گفتگو کی ۔(رپورٹ: محمد وقار یعقوب مدنی برانچ ناظم فیضان آن لائن اکیڈمی ، شعیب احمد عطاری)

شعبہ فیضان آن لائن اکیڈمی دعوت اسلامی کے تحت4دسمبر 2023ء کو پاکستان کے شہر گجرات میں مدنی مشورہ ہوا جس میں  فیضان آن لائن اکیڈمی گجرات کے مدنی عملے نے شرکت کی ۔

مدنی مشورے میں نگران مجلس فیضان آن لائن اکیڈمی بوائز مولانا یاسر مدنی نے حاضرین کو دینی کام میں مزید بہتری لانے ،مدنی قافلے کا مسافر بننے، سالانہ سنتوں بھرا اجتماع کی تیاری اور حاضری کے حوالے سے مدنی پھول دیئے۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی ، شعیب احمد عطاری)

تعلیمی دوروں سے طلبہ کی معلومات، مشاہدے اور اسکول میں پڑھائے جانے والے اسباق کی تفہیم کو بہتر بنانے میں مدد ملتی ہے۔ دارالمدینہ کا نصاب اپنے طلبہ کو ہر سال تعلیمی دوروں کے مواقع فراہم کرتا ہے جس کی مدد سے طلبہ اپنی  تفہیم کو بہتر بناتے ہیں۔

دارالمدینہ بوائز ہائی اسکول،کراچی کیمپسز کے طلبہ نے مکلی (ٹھٹھہ )کے قبرستان کا تعلیمی دورہ کیا۔مکلی کا شمار دنیا کے عظیم تاریخی ورثے میں کیا جاتا ہے۔ اس تعلیمی دورے سے طلبہ کی معلومات اورمشاہدے میں بھی اضافہ ہوا ۔)غلام محی الدین ترک ،اردو کانٹینٹ رائٹر(سوشل میڈیا ڈیپارٹمنٹ دارالمدینہ ،ہیڈ آفس کراچی(

ملک بھر کے مختلف جامعات المدینہ سے ہزاروں طلبہ کی انفرادی و اجتماعی طور پر شرکت

دار الافتاء اہل سنت کےعلمائے کرام اورحلال فوڈ انڈسٹری کے ماہرین نے طلبائے کرام کو مختلف اہم امور پر لیکچرز دئیے

شریعت مطہرہ نے حلال و طیب اشیاء کو اختیار کرنا اور حرام چیزوں سے بچنا فرض و لازم قرار دیاہے،چنانچہ اللہ عزوجل نے قرآن پاک میں سورۃ بقرہ کی آیت نمبر 168 میں ارشاد فرمایا:" یٰۤاَیُّهَا النَّاسُ كُلُوْا مِمَّا فِی الْاَرْضِ حَلٰلًا طَیِّبًا ﳲ وَّ لَا تَتَّبِعُوْا خُطُوٰتِ الشَّیْطٰنِؕ-اِنَّهٗ لَكُمْ عَدُوٌّ مُّبِیْنٌ(۱۶۸)ترجمہ:اے لوگو کھاؤ جو کچھ زمین میں حلال پاکیزہ ہے اور شیطان کے قدم پر قدم نہ رکھو بےشک وہ تمہارا کھلا دشمن ہے

اسی کی آگاہی اور حلال فوڈ انڈسٹری کی اہمیت کے پیش نظر دار الافتاء اہل سنت کےنئے ذیلی شعبہ حلال ریسرچ اینڈ ایڈوائزری کونسل اور مجلس جامعات المدینہ للبنین پاکستان کے اشتراک سے دو ہفتوں پر مشتمل آن لائن فقہ الحلال آگاہی کورس برائے جامعات المدینہ کا انعقاد کیا گیا۔ کورس کا آغاز17 نومبر2023 بروز جمعہ رات 8 بجےتلاوت و نعت سےآغاز ہوا ،جس میں ملک بھر کے مختلف جامعات المدینہ بشمول جامعۃالمدینہ فیضان مدینہ کاہنہ نو لاہور، جامعۃالمدینہ فیضان مدینہ جوہرٹاؤن لاہور،جامعۃالمدینہ فیضان مدینہ فیصل آباد، جامعۃالمدینہ فیضان غوث اعظم سائٹ کراچی اور مرکزی جامعۃالمدینہ کراچی کے کئی سو طلبائے کرام نے انفرادی و اجتماعی طور پر شرکت کی۔ اس کورس میں دار الافتاء اہل سنت کےعلمائے کرام اورحلال فوڈ انڈسٹری کے ماہرین نے طلبائے کرام کو مختلف اہم امور پر لیکچرز دئیے۔ جن کے موضوعات اور ان کی تفصیل قدرے اختصار کے ساتھ یہ ہے:

(1)حلال و حرا م کی اہمیت اور ملکی و بین الاقوامی حلال سیکٹر کے نظام کا تعارف

اس لیکچر میں قرآن و حدیث کی روشنی میں حلال و حرام ، پاک و ناپاک ا و رطیب اشیاء کی اہمیت ، ضرورت اور ان کے مختلف مفاہم و معانی پر طلباء کرام کی راہنمائی کی گئی۔ اس کے بعدحلال انڈسٹری کا تعارف پیش کیا گیا جس میں اس کی مختلف اقسام مثلاً حلال کاسمیٹکس ،حلال دوا سازی ،حلال سیاحت وغیرہ کے بیان کے ساتھ ضرورت و اہمیت پر بھی روشنی ڈالی گئی۔ اس کے بعد حلال انڈسٹری کے ملکی و بین الاقوامی حلال سیکٹر کے نظام کا تعارف کروایا گیا اور ان اداروں کا تعارف کروایا گیا ہے جن کے تحت اس نڈسٹری کی بہتری حوالے سے مختلف امور سرانجام دئیے جاتے ہیں۔ حلال سیکٹرز میں علماء کرام کے کردار مثلاً عوام کی راہنمائی ،مطبوعات،بطور شرعی مشیر،حلال معیارات کے آڈیٹر ،حلال معیارات کے ٹرینر وغیرہ مختلف عنوانات کے ذریعے اجاگر کیا گیا اور اعلی حضرت امام احمد رضا خان علیہ الرحمۃ کے رسالے (الاحلی من السکر لطلبۃ سکر روسر)کا تعارف بھی بیان کیا گیا۔

(2)پاکستان حلال اسٹینڈرڈ کا تعارفی جائزہ

اس لیکچر کے اندر مندرجہ ذیل ابحاث زیر بحث لائی گئیں:

٭حلال اسٹینڈرڑ کیا ہے؟

٭حلال اسٹینڈرڑ کو بنانے کی حاجت کیوں پیش آئی؟

٭حلال اسٹینڈرڑ بنانے والے ادارے کون کونسے ہیں؟

٭پاکستان حلال اسٹینڈرڈ پی ایس : (2022)3733 کا تعارفی جائزہ

٭پاکستان میں حلال سرٹیفیکیشن کے نفاذ کیلئے کتنے اور کون کونسے ادارے کام کررہے ہیں اس حوالے سے آگاہی فراہم کی گئی۔

(3)فوڈ سیفٹی اینڈ کوالٹی مینیجمنٹ سسٹم

اس لیکچر میں چند ابحاث کو زیر بحث لایا گیا:

٭فوڈ سیفٹی یعنی کھانا صارف کیلئے مضر نہ ہو اس کیلئے کیے جانے والے اقدامات کو فوڈ سیفٹی کہا جاتا ہے۔

٭فوڈ سیفٹی کے قوانین دنیا بھر میں کیا ہیں اور ان کا استعمال کیسے ہو رہا ہے اس کو واضح کیا گیا۔

٭فوڈ کوالٹی یعنی کھانے کو حفظان صحت کے اصولوں کے مطابق بنایا گیا ہو۔

٭فوڈ کوالٹی کو بہتر بنانے کیلئے کونسے اقدامات کیے جائیں ؟

٭کوالٹی کنٹرول سسٹم کے بارے میں بریف کیا گیا ۔

٭کوالٹی ایشورنس سسٹم کے بارے میں بتایا گیا ، یہ تمام باتیں اس لیکچر میں بیان ہوئیں ۔

(4)الکوحل، جیلیٹن اور کارمائن رنگ کی تفصیلات و شرعی احکام

٭اس لیکچر میں شریعت کے کچھ بنیادی قوانین،حرمت کے اسباب مثلا نجاست،خبث،نشہ آور ہونا،مضر ہونا،تکریم انسانی کو بڑی شرح و بسط سے بیان کیا گیا ،اسی طرح شراب اور اس کی اقسام،الکحل اور اس کی اقسام جیسے میتھانول،ایتھانول،آئسوپروپائل الکحل، بوٹانول، وغیرہ پر بریفنگ دی گئی ۔

٭خمر کے اجزائے ترکیبی مثلاً پانی،چینی،کھٹاس،بو،الکحل اور بعض دیگر قدرتی اجزاء کو بیان کیا گیا ۔

٭چرس بھنگ افیون ہیروئن وغیرہ کے احکام شرعیہ کو بیان کیا گیا۔

٭استحالہ/انقلاب عین،کارمائن رنگ وغیرہ اہم چیزوں کو بیان کیا گیا۔

٭جیلاٹن کیا ہے اور اس کا استعمال کن چیزوں میں ہوتا ہے ، نیز جیلاٹن کو حاصل کرنے کے ذرائع کیا ہیں،ان تمام چیزوں کو واضح کیا گیا۔

(5)حلال سلاٹرنگ سسٹم اور مصنوعی گوشت کا تعارف

اس لیکچر میں مندرجہ ذیل ابحاث زیر بحث لائی گئیں:

٭گوشت کے متعلق اسلامی اصول اور اسلامی طریقہ کار کے مطابق ذبح کی اہمیت و افادیت

٭ذبح کا لغوی و شرعی معنی اور ذبح کی اقسام(اختیاری و اضطراری)

٭ذابح کی اہلیت و مذبوحہ جانور کی شرائط اور جانور کے حرام و مکروہ اجزاء اور ان کی تفصیل

٭مشینی ذبیحہ کا شرعی حکم ا ور الیکٹرک جھٹکا(Stunning) دینا کیسا؟

اس لیکچرکے دوسرے حصہ میں مصنوعی گوشت کے بارے میں بنیادی معلومات فرہم کی گئی مثلا،

٭یہ کیسے بنتا ہے اور کن اجزاء کا مجموعہ ہوتا ہے ۔

٭مصنوعی گوشت کی مختصر تاریخ، اس کی ضرورت کیوں پیش آئی؟اور اس کی اہمیت کیا ہے؟

٭اس گوشت کا مستقبل کیا ہے؟

٭اس کے منفی پہلو کیا ہوسکتے ہیں ؟

٭مصنوعی گوشت بننے کے مختلف لیولز کیا ہیں ؟اور شرعی لحاظ سے اس کے حوالے سے کیا کیا تحفظات ہیں ۔

(6)ای کوڈز اور اس کے مشمولات کی قدرے تفصیل

اس لیکچر میں ای کوڈز کے حوالے سے یہ معلومات دی گئی ہے۔

٭ای کوڈز کیا ہیں اور یہ کن اجزاء کو شو کرنے کےلیے بیان کئے جاتے ہیں اور یہ کس نے کن مقاصد کےلئے متعارف کروائے وغیرہ امور کو بیان کیا گیا۔

٭کھانے میں شامل ہونیوالے بنیادی اجزاء اور فوڈ ایڈیٹوز(یعنی ایک ایسا غذائی مادہ یا مادوں کا مرکب ( بنیادی غذائی اشیاء کے علاوہ) جو پیداوار، پروسیسنگ ، ذخیرہ کرنے یا پیکیجنگ کے کسی بھی مقصد کے طور پر کھانوں میں موجود ہوتا ہے۔) کو بیان کیا گیا اور اس پر شرکاء سے مشق بھی کروائی گئی جیسےکیک،بریڈ وغیرہ میں فوڈ ایڈیٹوز کیا ہیں۔

٭فوڈایڈیٹوز کی اقسام کو بیان کیا گیا۔

٭پھر مختلف کھانے کی چیزوں کی ڈیجیٹل تصاویر پر مشق کروائی گئی کہ آیا یہ حلال ہیں یا حرام جس میں کچھ وہ چیزیں تھیں جن میں کوئی حرام چیز شامل تھی اور کچھ مشبوہ کی قسم میں آتی تھیں۔

٭ای کوڈز پر بھی باقاعدہ مشق کروائی گئی کہ کسی بھی ای کوڈ کو جاننا کہ اس کے پیچھے جو چیز ہے وہ حلال ہے یا حرام اس کا طریقہ کار کیا ہے اور کن ذرائع سے ان کو جانا جا سکتا ہے، یہ سب کچھ بھی بتایا گیا۔

اس کورس میں ملک و بیرون ملک کی حلال انڈسٹری کے ماہرین نے لیکچرز دئیے ،اور علماء کرام کی اس شعبہ میں بھی ضرورت و اہمیت پر روشنی ڈالی، کورس کے دوران طلباء کرام کو پریزنٹیشن کے ذریعہ جدید مسائل کی تفہیم کرائی گئی ،کورس کے ہر لیکچر میں طلباء کرام کے سوالات کے جوابات بھی دئیے جاتے رہے ۔آخری دن مفتی محمد ساجدعطاری صاحب (دار الافتاء اہل سنت ، جوہر ٹاؤن لاہور) نے اس کورس کی اختتامی دعا بھی کروائی جس میں مفتی صاحب نے دعوت اسلامی کی ترقی وعروج کیلئے اور اس کورس میں شرکت کرنے والے تمام شرکا کیلئے دعائیں کیں۔اور آخر میں تمام شرکا کی طرف سے اس کورس کے متعلق تاثرات بھی لیے گئے جس میں شرکا نے بڑے مثبت تاثرات دئیے اور نیک تمناؤں کا اظہار کرتےہوئے لکھا کہ "فقہ الحلال آگاہی کورس" میں ہمیں روزمرہ زندگی میں حلال و حرام کے عام مسائل سے لے کر عالمی سطح تک کے مختلف جدیدمسائل سیکھنے کا موقع ملا۔ کورس کے دوران حلال و حرام کی اہمیت کو قرآن و سنت، فقہ اور جدید سائنسی پہلوؤں کے ذریعہ اجاگر کیا گیا ۔ اس کورس کے ذریعے ہمیں حلال کے بہت سے نئے اور جدید مسائل سمجھنے میں مدد ملی، الغرض یہ کورس ہمارے لیے ایک قیمتی سرمایہ تھا ، اللہ عزوجل اس شعبہ کو دن دگنی رات چوگنی ترقی عطا فرمائے، آمین۔ ہم اس کورس کے انعقاد پر مجلس افتاء و مجلس جامعات المدینہ اور تمام اساتذہ و ذمہ داران کے شکر گزار ہیں کہ جنہوں نے ہمارے لئے اس کورس کا اہتمام کیا ۔

اللہ کرم ایسا کرے تجھ پہ جہاں میں

اے دعوت اسلامی تیری دھوم مچی ہو

05 دسمبر 2023

Halal Research & Advisory Council

(Darul-ifta, Ahle Sunat, Dawat-e-Islami)

ملازمت کے حوالے سے شرعی رہنمائی فراہم کرنے اور مسلمانوں کو حرام کمائی سے بچانے کے لئے جانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے عاشقان رسول کو اس ہفتے 14 صفحات کا رسالہ ”ملازمت کے بارے میں 15 سوال جواب“ پڑھنے /سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے جانشین امیر اہلسنت

یاربَّ المصطفٰے! جو کوئی 14 صفحات کا رسالہ ”ملازمت کے بارے میں 15 سوال جواب“پڑھ یا سُن لے اُسے رزقِ حلال کمانے کی توفیق عطا فرما اور اُس کی والدین سمیت بے حساب مغفرت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

Download

مسلمانوں کے عقائد و اعمال کی اصلاح کرنے والی دینِ اسلام کی عالمگیر تحریک دعوتِ اسلامی کے زیر اہتمام آج مؤرخہ 07دسمبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں مرکز اہلسنت نور المساجد چیچہ وطنی پنجاب سے نگران پاکستان مشاورت حاجی محمد شاہد عطاری ”جب قبریں کھولی جائیں گی “ کے موضوع پر سنتوں بھرا بیان فرمائیں گے۔

اس کے علاوہ جامع مسجد کلثوم شاہ فیصل کالونی نمبر 3کراچی میں رکن شوریٰ حاجی محمد امین عطاری، مدنی مرکز فیضان مدینہ بھکڑیوالی ،نزد مہسم چوک جلال پور جٹاں گجرات میں رکن شوریٰ مولانا حاجی محمد اسد عطاری مدنی، میمن مسجد میمن نگر 15 گلزار ہجری کراچی میں رکن شوریٰ حاجی محمد علی عطاری، جامع مسجد حنفیہ محمدیہ سوڈیوال لاہور میں رکن شوریٰ حاجی منصور عطاری اور جامع مسجد گلزار جنت کڑیال روڈ نو شہرہ ورکاں میں رکن شوریٰ عبد الوہاب عطاری سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

عاشقانِ رسول کی دینی تحریک دعوتِ اسلامی کے تحت 14 نومبر 2023ء کو مدنی مشورے کا انعقاد کیا گیا جس میں تمام اسٹیٹ نگران اسلامی بہنوں کی شرکت رہی۔

تفصیلات کے مطابق مدنی مشورے کے دوران ذمہ دار اسلامی بہنوں نے دعوتِ اسلامی کے دینی کاموں کے متعلق کلام کرتے ہوئے مختلف مدنی پھولوں پر مشاورت کی جن میں سے بعض درج ذیل ہیں:

13 نومبر 2023ء کو عاشقانِ رسول کی دینی تحریک دعوتِ اسلامی کے تحت مدنی مشورے کا انعقاد کیا گیا جس میں بلیک ٹاؤن کاؤنسل، اوبرن کاؤنسل، لیور پول کاؤنسل، شعبہ مشاورت اور کاؤنسل نگران اسلامی بہنوں کی شرکت رہی۔

معلومات کے مطابق مدنی مشورے کے دوران ذمہ دار اسلامی بہنوں نے دعوتِ اسلامی کے دینی کاموں کے متعلق گفتگو کرتے ہوئے مختلف مدنی پھولوں پر کلام کیا جن میں سے بعض درج ذیل ہیں:

دینی کاموں کے سلسلے میں 24 نومبر 2023ء کو دعوتِ اسلامی کے تحت کینٹربری کاؤنسل نگران اور شعبہ مشاورت اسلامی بہنوں کا مدنی مشورہ ہوا منعقد ہوا جس میں مختلف موضوعات پر کلام کیا گیا۔

مبلغۂ دعوتِ اسلامی نے ہفتہ وار سنتوں بھرے اجتماعات کے حوالے سے گفتگو کی اور ٹیلی تھون کی کارکردگی نیز محافلِ نعت میں ذمہ داران کی شرکت پر اُن کی حوصلہ افزائی کی۔

علاوہ ازیں مبلغۂ دعوتِ اسلامی نے نگرانِ کاؤنسل کی تبدیلی اور شعبہ مشاورت پر نئی تقرریاں کرنے کے بارے میں کلام کیا جس پر تمام ذمہ دار اسلامی بہنوں نے اچھی اچھی نیتیں کیں۔