بےشمار لوگوں کو علمِ دین  سکھانے اور انہیں قراٰن و حدیث کی تعلیمات کے بارے میں آگاہی دینے والی عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں تخصص فی الحدیث کے طلبۂ کرام کے درمیان ایک علمی نشست منعقد ہوئی جس میں بیرونِ ملک کے طلبۂ کرام بھی شریک ہوئے۔

شعبہ کفن دفن دعوت اسلامی کے زیر اہتمام 21-11-2023کو کراچی چنیسر ٹاؤن جامع مسجد ستار میں غسل میت اور کفن کاٹنے اور پہنانے کا عملی طریقہ کے متعلق اجتماع ہوا جس میں جامع مسجد ستار کے نمازی ،مدنی قافلے کے شرکاء اور امام صاحب سمیت علاقے کے دیگر عاشقان رسول نے شرکت کی ۔

اجتماع میں مبلغ دعوت اسلامی عزیر عطاری شعبہ کفن دفن ایسٹ ڈسٹرکٹ نے حاضریں کو غسل میت کا طریقہ ،کفن کاٹنے اور پہنانے کا طریقہ اور مسلمان کو غسل میت دینے کی فضیلت کے متعلق آگاہ کرتے ہوئے مسلم فیونرل اپلیکیشن کا تعارف کروایا اور ڈاؤن لوڈ کروائی۔(رپورٹ: عزیر عطاری شعبہ کفن دفن،کانٹینٹ:شعیب شاہ عطاری)

شعبہ کفن دفن  دعوت اسلامی کے زیر اہتمام 21-11-2023کو کراچی چنیسر ٹاؤن عالیہ مسجد میں غسل میت اور کفن کاٹنے اور پہنانے کا عملی طریقہ کے متعلق اجتماع ہوا جس میں عالیہ مسجد کے نمازی اسلامی بھائیوں سمیت علاقے کے دیگر عاشقان رسول نے شرکت کی ۔

اجتماع میں مبلغ دعوت اسلامی عزیر عطاری شعبہ کفن دفن ایسٹ ڈسٹرکٹ نے حاضریں کو غسل میت کا طریقہ ،کفن کاٹنے اور پہنانے کا طریقہ اور مسلمان کو غسل میت دینے کی فضیلت کے متعلق آگاہ کرتے ہوئے مسلم فیونرل اپلیکیشن کا تعارف کروایا اور ڈاؤن لوڈ کروائی۔(رپورٹ: شعبہ کفن دفن ، کانٹینٹ:شعیب شاہ عطاری)

پچھلے  دنوں دعوت اسلامی کی مرکزی مجلس شوری کے رکن ابو ماجد حاجی شاہد مدنی سلمہ الباری دینی کام کے سلسلے میں پاکستان کے صوبہ پنجاب کے سفر میں تھے جہاں ملتان فیضان مدینہ میں شعبہ تحفظ اوراق مقدسہ پنجاب کا مدنی مشورہ فرمایا ۔

جس میں سابقہ کارکردگی کا جائزہ لیا اور اسلامی بھائیوں کی اخلاقی اور تنظیمی تربیت فرماتے ہوئے شعبے کا دینی کام بڑھانے کے حوالے سے مدنی پھول دیئے اور نیو اہداف دیے جس پر شرکا نے بھلے جذبات کا اظہار کیا ۔( رپورٹ :حافظ نسیم عطاری سوشل میڈیا آف ڈیپارٹمنٹ پاکستان حافظ آباد ، کانٹینٹ:شعیب شاہ عطاری)

واٹر سپلائی روڈ سرگودھا  میں قائم دعوتِ اسلامی کے جامعۃ المدینہ بوائز فیضانِ عطار کے ناظم مولانا قاری محمد ندیم شہزاد عطاری مدنی کافی عرصہ بیمار رہنے کے بعد قضائے الہٰی سے انتقال کرگئے۔

معلومات کے مطابق جامعۃ المدینہ بوائز کے ذمہ داران سمیت دیگر اسلامی بھائیوں نے مرحوم کے اہلِ خانہ سے تعزیت کرتے ہوئے انہیں صبر کی تلقین کی جبکہ نمازِ جنازہ جامعۃ المدینہ بوائز کے صوبائی ذمہ دار مولانا سیّد ناظم لطیف عطاری مدنی نے پڑھایا۔

اس موقع پر کثیر تعداد میں طلبۂ و علمائے کرام شریک تھے جن میں نگرانِ ڈویژن مشاورت عادل رضا عطاری، جامعۃ المدینہ بوائز سرگودھا کے ناظمِ اعلیٰ مولانا محمد عبد اللہ عطاری مدنی، نگرنِ میٹروپولیٹن مولانا ارسلان عطاری مدنی اور نگرانِ تحصیل سرگودھا مولانا فضیل رضاعطاری مدنی شامل تھے ۔(رپورٹ: فضیل رضا عطاری، کانٹینٹ:غیاث الدین عطاری)

لوگوں  کے دلوں کو علمِ دین کے نور سے منور کرنے اور انہیں دینِ اسلام کے بارے میں معلومات فراہم کرنے کے لئے عاشقانِ رسول کی عالمگیر تحریک دعوتِ اسلامی کے تحت مدنی مذاکروں کا انعقاد کیا جاتا ہے جس میں مختلف شعبوں سے تعلق رکھنے اسلامی بھائی اپنے دینی و دنیاوی معاملات کے حوالے سے سوالات کرتے ہیں اور امیرِ اہلِ سنت اُن سوالات کے جوابات ارشاد فرماتے ہیں۔

اسی سلسلے میں 18 نومبر 2023ء بمطابق 4 جمادی الاولیٰ 1445ھ کی شب عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا جس میں ملک و بیرونِ ملک سے کثیر اسلامی بھائی بذریعہ مدنی چینل شریک ہوئے۔

مدنی مذاکرے چند مدنی پھول ملاحظہ کیجئے:

سوال :کیا ہر کمال کو زوال ہے؟

جواب: دنیاوی معاملات میں ہرکمال میں کمی آسکتی ہے اوریہ ختم بھی ہوسکتا ہے۔

سوال :ظلم کا انجام کیا ہے؟

جواب: دنیا میں ہی بعض اوقات ظالم کو نقصان پہنچ جاتا ہے، دنیا میں نقصان و بدلہ نہ بھی پہنچے تو آخرت میں اسے جوابدہ ہونا ہوگا۔ ظلم کرنا گناہ ِکبیرہ ، حرام اور جہنم میں لے جانے والا کا م ہے ۔

سوال:بچوں میں باہم کیسا سلوک کیا جائے؟

جواب: بچوں میں ہمیشہ انصاف کریں ،ہر ایک کو اہمیت و پیار دیں، دو بچے موجود ہوں اور ایک کو بوسہ دیا تو دوسرے کو بھی بوسہ دیا جائے، صرف ایک کو اہمیت دینے سے بچوں میں باہم نفرت پیداہوسکتی ہے ،اس لیے کسی ایک بچے کو امتیاز ی حیثیت نہ دی جائے۔

سوال : پیر صاحب خلافت کیوں دیتے ہیں؟

جواب: پیری مریدی کا سلسلہ آگے بڑھانے کے لیے خلافت دی جاتی ہے۔اسلام میں ان سلسلوں کی بھی اہمیت ہے، خانقاہیں مسلمانوں کو سنبھالتی ہیں ، نیک اعمال عام ہوتے ہیں۔ خلافت کا نظام نہ ہو تو سلسلے ختم ہوجائیں گے۔ بزرگانِ دین کی سیرتوں کو پڑھیں تو ان کے کئی کئی خلیفہ ہوتے ہیں۔ ہر خلیفہ پیری مریدی نہیں کرسکتا صرف وہی کرسکتا ہے جس میں پیر بننے کی شرائط ہوں۔

سوال : آپ کی خواہشیں کیا ہیں ؟

جواب: میری دو خواہشیں ہیں مرتے وقت کلمہ نصیب ہو، ایمان پر خاتمہ ہواورمدینہ شریف میں ایمان و عافیت کے ساتھ شہادت کی موت نصیب ہو۔

سوال : اگرکسی کے والدین نےاس کا نا م محمد نہ رکھا ہو تو کیا وہ اپنا نام برکت کے لیے محمد رکھ سکتے ہیں۔

جواب: جی ہاں ! رکھ سکتے ہیں۔

سوال : دنیامیں کامیاب کون ہیں؟

جواب: جس کے اخلاق اچھے ہوں اور وہ لوگوں کے حقوق ادا کرتا ہو۔

سوال: بچوں کے ساتھ کتنا فری ہونا چاہیے؟

جواب: اتنا فری نہ ہوں کہ اس کے نزدیک آپ کی عزت نہ رہے کچھ نہ کچھ ر عب ہونا چاہیے۔

سوال: اِس ہفتے کارِسالہ ” 103 سنتیں اور آداب “ پڑھنے یاسُننے والوں کوامیراہلسنت دامت برکاتہم العالیہ نے کیا دُعا دی ؟

جواب: یاربَّ المصطفٰے! جو کوئی 17 صفحات کا رسالہ ”103 سنتیں اور آداب“ پڑھ یا سُن لے اُسے سنتوں کا عامل بنا اور اس کی ماں باپ سمیت بلا حساب مغفرت فرما۔۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

مسلمانوں کو گناہوں سے توبہ کرنےاور قبر کے عذاب سے ڈرانے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے اس ہفتے 17 صفحات کا رسالہ ”قبر کی ہولناکیاں“ پڑھنے /سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 17 صفحات کا رسالہ ”قبر کی ہولناکیاں“ پڑھ یا سُن لے، اُسےقبر کی ہولناکیوں سے محفوظ فرما اور اس کی ماں باپ سمیت بلا حساب مغفرت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

مسلمانوں کے ساتھ ہمدردی کرنے اور اُن کے عقائد و اعمال کی اصلاح کرنے والی دینِ اسلام کی عالمگیر تحریک دعوتِ اسلامی کے زیر اہتمام آج مؤرخہ 23 نومبر 2023ء  بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں مردان میرج ہال ملتان روڈ علی پور (ضلع مظفر گڑھ) سے رکنِ شوریٰ مولانا حاجی محمد اسد عطاری مدنی سنتوں بھرا بیان فرمائیں گے۔

اس کے علاوہ عالمی مدنی مرکز فیضانِ مدینہ کراچی میں رکنِ شوریٰ حاجی محمد امین عطاری، مدنی مرکز فیضان مدینہ شاہ جہانگیر روڈ گجرات میں نگران پاکستان مشاورت حاجی محمد شاہد عطاری، مدنی مرکز فیضان مدینہ لطیف آباد حیدر آباد میں رکن شوریٰ مولانا حاجی عبد الحبیب عطاری، جامع مسجد انوارِ مدینہ سلامت پورہ لاہور میں رکن شوریٰ حاجی منصور عطاری، فیضان اسلام مسجد ڈیفنس کراچی میں رکن شوریٰ حاجی محمد علی عطاری، سبحانی مسجد اورنگی ٹاؤن سیکٹر 15 میں رکنِ شوریٰ حاجی فضیل عطاری اور مدنی مرکز فیضانِ مدینہ محبوب ٹاؤن اوکاڑہ میں رکنِ شوریٰ حاجی محمد رفیع عطاری سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

19-11-2023 کو فیضان مدینہ فیصل آباد  کے مدنی مذاکره ہال میں نگران پاکستان مشاورت حاجی محمد شاہد عطاری نے فیصل آباد ڈویژن، نگران ، سٹی نگران ، ٹاؤن نگران اور شعبہ جات ذمہ داران (فیصل آبادسٹی) کا مدنی مشورہ فرمایا ۔

مدنی مشورے میں فیصل آباد ڈویژن نگران ، سٹی نگران ، ٹاؤن نگران اور شعبہ جات ذمہ داران (فیصل آبادسٹی) ذمہ داران اسلامی بھائیوں نے شرکت کی۔ پاکستان مشاورت حاجی محمد شاہد عطاری نے پیشگی و عملی جدول ، حاضری رپورٹ جنوری تا اکتوبر (2023) فیصل آبادسٹی شعبہ جات،اور شعبہ جات کی کارکردگی کیفیت کے ساتھ (ممتاز، مناسب، کمزور انفرادی اور اجتماعی کتنے شعبہ جات ممتاز، کتنے بہتر ، کتنے کمزور کیفیت گراف کے ساتھ) اور مدنی قافلے میں سفر کرنے اور دوسروں کو کروانے کے متعلق قیمتی مدنی پھول ارشاد فرمائے اور آخر میں دعا فرمائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:شعیب شاہ عطاری)

دعوت اسلامی کے فیضان مرشد ڈیپارٹمنٹ کے تحت 18نومبر2023ء کو فیضان مدینہ فیصل آباد میں اجتماع ہواجس میں فیضان مرشد ڈیپارٹمنٹ کے نگران مجلس و شعبے کےتمام ذمہ داران ( پاکستان ) نے شرکت کی ۔

نیز 18 نومبر2023ء کو ہی اجتماعی طور پر تمام ذمہ داران نے مدنی مذاکرہ میں شرکت کی۔ بعد مدنی مذاکرہ نگران پاکستان مشاورت حاجی محمدشاہد عطاری نے فیضان مرشد ڈیپارٹمنٹ کا مدنی حلقہ لگایا اور مختلف مدنی پھولوں سے نوازا۔ مدنی مذاکرےکے بارے میں سوالات بھی ہوئے اور ذمہ دارا ن کی طرف سے بھی سوالات ہوئے جن کے نگران پاکستان مشاورت نے جوابات ارشاد فرمائے ۔

اسی طرح 19نومبر2023ء بروز اتوار کو فیضان مرشد ڈیپارٹمنٹ کے ذمہ داران میں مختلف تربیتی سیشن ہوئے جس میں اسلامی بھائیوں کو اپنے شعبے میں دینی کام کو بڑھانے اور دیگر امور پر رہنمائی کی گئی۔ بعد ظہر نگران پاکستان مشاورت نے قیمتی مدنی پھولوں سے نوازا جس میں نیکی کرنے اور نیکی کی دعوت کو عام کرنے کے بارے میں فرمایانیز دعوت اسلامی کے دینی ماحول کے ساتھ منسلک رہنے کے بارے میں بھی مدنی پھول ارشاد فرمائے۔ اجتماع کے آخر میں نگران پاکستان مشاورت نے ممتاز کار کردگی والے ذمہ داران کو تحائف بھی پیش کئے جبکہ اسلامی بھائیوں سے ملاقات کی اور دعا بھی فرمائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:شعیب شاہ عطاری)

پیرنٹ مینجمنٹ میٹنگ اسکول مینجمنٹ اور والدین کے تعلقات بہتر بنانے کے ساتھ ساتھ طلبہ کی تعلیمی کامیابیوں اور سیکھنے کے عمل میں ان کی مشکلات کو جاننےکا بہترین ذریعہ ہے۔ اس میٹنگ میں والدین اوراسکول مینجمنٹ تعلیمی عمل کو مزید بہتر بنانے پر بات چیت  کرتے ہیں۔ ان میٹنگز کی بدولت والدین یہ بھی سیکھ سکتے ہیں کہ وہ گھر میں اپنے بچوں کے تعلیمی مسائل کس طرح حل کریں۔

دارالمدینہ انٹرنیشنل اسلامک اسکول سسٹم، گلشن کیمپس ۲میں پیرنٹ مینجمنٹ میٹنگ کا انعقاد ہوا۔اس میٹنگ میں دارالمدینہ کے دارالمدینہ انٹرنیشنل اسلامک اسکول سسٹم کے CEOڈاکٹر دانش اقبال عطاری ، بورڈ ممبر اور صوبائی ذمہ دار سندھ مدنی رضا عطاری،ڈائریکٹر ایجوکیشن عابد سہیل عطاری ،کلسٹر دینیات مینیجر ایاز مدنی ،کلسٹر ایجوکیشن مینیجر محمد عثمان اور کلسٹرایڈمن مینیجر محمد احمد نے بھی شرکت کی اور تعلیمی اورانتظامی امور پر والدین سے بات چیت کی ۔

پیرنٹ مینجمنٹ میٹنگ میں والدین کی ایک تعداد نے تعلیمی امور پر اطمینان کا اظہار کیااوردینی تعلیم وتربیت کے حوالے سے مشورے بھی دیے۔ علاوہ ازیں والدین کو بچوں کی درست تربیت کے حوالے سے مفید مشورے بھی دیے گئے۔

آخرمیں دارالمدینہ کے ذمہ داران نے کیمپس ٹیچرز کے ساتھ تعلیمی امور اور (ERP)کے نفاذ کےحوالے سے مشاورت کی۔ اساتذہ کے مسائل اور ان کی تجاویز کو سنا گیا ، اورتعلیمی اور تدریسی امور پر ان کی تربیت کی گئی ۔(رپورٹ: غلام محی الدین ترک ،اردو کانٹینٹ رائیٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)

تعلیمی دورے سیکھنے کے عمل کو یادگار بناتے ہیں ۔ کلاس روم میں سیکھے گئےاسباق کی عملی تفہیم میں مددگار ثابت ہوتے ہیں۔مستقبل کی ترجیحات میں مدد ملتی ہے،یقیناًمستقبل کے بارے میں بروقت آگاہی طلبہ کو ان کے منتخب کردہ شعبوں میں کامیابی کے لیے ضروری مہارتوں، علم اور ذہنیت سے آراستہ کرتی ہے اوراس آگاہی کے نتیجے میں وہ اپنی تعلیم اورکیریئر کے بارے میں زیادہ بہتر فیصلہ کرسکتے ہیں۔ دارالمدینہ اپنے طلبہ کو تعلیمی دوروں اور تربیتی نشستوں کے ذریعے وقتاً فوقتاً ایسے مواقع فراہم کرتا ہے جس کی مدد سے وہ اپنی  تفہیم کو بہتر بناسکیں۔

دارالمدینہ بوائز کیمپسز،کراچی کے سیکنڈری کلاسز میں پڑھنے والے طلبہ نے عالمی مدنی مرکز فیضان مدینہ میں مدنی چینل ، المدینۃ العلمیہ ، آئی ٹی ، دورہ حدیث ایریا اور دیگر مختلف شعبوں کا تعلیمی دورہ کیا۔ تعلیمی دورے کے بعد طلبہ کا تربیتی سیشن ہوا ۔

تربیتی سیشن میں بیان کرتے ہوئے فیضان اسلامک اسکول سسٹم کے نگران مجلس اور دارالمدینہ کے رکن مجلس ابو زہیرمحمد زبیر عطاری المدنی نے طلبہ سے ان کے مستقبل کے حوالے سے سوالات کیے اور اپنے مفید مشورے و تجربات بھی بیان کیے۔ رکن مجلس نے کہا کہ سب سے پہلے یہ طے کرلیجیےکہ آپ نے کیاکرنا ہے؟ آپ کو جس مضمون ،کام یا شعبے میں زیادہ دلچسپی ہو ،اس طرف اپنی بھرپورتوجہ دیجیے ،اس حوالے سے معلومات اورمفید مشوروں کے لیے دارالمدینہ آپ کی راہنمائی کرے گا۔

طلبہ کے اس تعلیمی دورے سے مختلف تصورات کے بارے میں ان کی سمجھ میں اضافہ ہوگا اور طلبہ میں فیصلہ سازی کی مہارت اور ذمہ داری کے احساس کو فروغ دینے میں مدد ملے گی ۔(رپورٹ: غلام محی الدین ترک ،اردو کانٹینٹ رائیٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)