شعبہ تعلیم(دعوتِ اسلامی) کے زیرِ اہتمام گزشتہ دنوں حافظ آباد کابینہ میں نگران پاکستان شعبہ تعلیم عبدالوہاب عطاری نے مجلس شعبہ تعلیم کا مدنی مشورہ فرمایا جس میں ٹیچرز اور اسٹوڈنٹس نے شرکت کی۔ نگرانِ مجلس نے شرکائے مدنی مشورہ کو اجتماع کی تعداد بڑھانے اور فیضانِ قراٰن و حدیث کورس کروانے کا ذہن دیا۔(رپورٹ: محمد دانش عطاری،حافظ آباد کابینہ کارگردگی ذمہ دار )

شعبہ تعلیم(دعوتِ اسلامی) کے تحت گزشتہ دنوں علی گڑھ ٹیکنیکل کالج اور سر سید یونیورسٹی کے ایڈمن انچارج محمد ریحان سے مجلس شعبہ تعلیم کے ذمہ داران نے ملاقات کی۔ دورانِ ملاقات ذمہ دار اسلامی بھائیوں نے دعوتِ اسلامی کے شعبہ جات اور ان کی خدمات کا تعارف پیش کرتے ہوئے عالمی مدنی مرکز فیضانِ مدینہ کراچی کا وزٹ کرنے کی دعوت دی اور ماہنامہ فیضانِ مدینہ و دیگر رسائل تحفۃً پیش کئے۔

شعبہ تعلیم(دعوتِ اسلامی) کے تحت 7مارچ2020ء بروز ہفتہ ڈسٹرکٹ ایجوکیشن آفس ڈیرہ اللہ یار میں مجلس کےرکن زون اسلامی بھائی نے ڈسٹرکٹ آفیسر ایجوکیشن جعفرآباد سر اظہر خلیل صدیقی سے ملاقات کی۔ دورانِ ملاقات انہیں فرض علوم کی اہمیت بتاتے ہوئے آن لائن کورسز کرنے کا ذہن دیا اور ہفتہ وار اجتماع و مدنی مذاکرے میں شرکت کرنے کی دعوت دی۔

دعوت اسلامی  کی مجلس شعبہ تعلیم کے تحت5 مارچ بروز جمعرات 2020ء ڈیرہ اسماعیل خان زون میں شعبہ تعلیم زون ذمہ دار نے قرطبہ یونیورسٹی ڈیرہ اسماعیل خان کے وائس چانسلر عدیل صاحب سے ملاقات کی،اور انہیں دعوت اسلامی کا تعارف پیش کیا اور 7دن فیضان نماز کورس کرنے کی نیت بھی کروائی ۔(رپورٹر: حامد رضا عطاری شعبہ تعلیم)

شعبہ تعلیم (دعوتِ اسلامی) کے تحت 4مارچ2020ء بروز بدھ ساہیوال میں مدنی مشورہ ہوا جس میں نگران زون، تمام نگران کابینہ اور اراکین زون نے شرکت کی۔ نگران زون نے مدنی مشورے میں فیضانِ قراٰن وحدیث کورسز کے بارے میں بریفنگ دی اور اس کی افادیت کو بیان کرتے ہوئے کورسز کروانے کی ترغیب دلائی جس پرساہیوال زون کے تمام نگران کابینہ نے ہاتھوں ہاتھ کورسز کروانے کے اہداف پیش کئےاور کورسز کی زبردست تشہیر کے حوالے سے مشاورت کی گئی۔(رپورٹ:حافظ شہزاد مدنی، شعبہ تعلیم ساہیوال زون)

مجلس شعبہ تعلیم(دعوتِ اسلامی) کے تحت 3مارچ2020ء بروز منگل چشتیاں کابینہ بہاول نگر میں سنتوں بھرا اجتماع ہوا۔اجتماع میں مختلف شعبے سے وابستہ شخصیات نے شرکت کی۔ اس موقع پرمبلغِ دعوتِ اسلامی محمد ثوبان عطاری نے اسلام اور سائنس کے موضوع پر سنتوں بھرا بیان کرتے ہوئے سنتِ رسول کو زندگی کا حصہ بنانے دینی علوم سیکھنے کا ذہن دیاجس پرکئی اسلامی بھائیوں نے دعوت اسلامی کے جامعۃ المدینہ میں پڑھنے اور پانچ وقت کی نماز ادا کر نے کی نیت کی۔(رپورٹ: محمد وکیل عطاری، مجلس ہفتہ وار اجتماع رکن کابینہ )

شعبہ تعلیم(دعوتِ اسلامی)کے تحت گزشتہ دنوں U.V.A.S لاہور کے مین ہاسٹلز میں مدنی دوروں کا سلسلہ ہواجن میں 26 مدنی درس کا اہتمام کیا گیا۔ ان دروس میں کم و بیش 126 اسلامی بھائیوں نے شرکت کی ۔ مبلغینِ دعوتِ اسلامی نے انہیں ہفتہ وار سنتوں بھرے اجتماع میں شرکت کی دعوت بھی دی۔

فیڈرل اردو یونیورسٹی اور اقرا یونیورسٹی کے پروفیسرز نے عالمی مدنی مرکز فیضانِ مدینہ کراچی کا وزٹ کیا۔اس موقع پر ذمہ دار اسلامی بھائی نے انہیں خوش آمدید کہا اور مختلف شعبہ جات(المدینۃ العلمیہ، مدنی چینل، آئی ٹی و دیگر) کا وزٹ کروایا۔ انہوں نے دعوتِ اسلامی کی خدمات کو سراہا اور ہفتہ وار مدنی مذاکرے میں شرکت کرنے کی نیت کی۔

شعبہ تعلیم(دعوتِ اسلامی)کے تحت گزشتہ دنوں اطراف ڈىرہ کابینہ کے ڈوىژن شاہ صدر دىن مىں اجتماعِ ذکر و نعت کا اہتمام کیا گیا۔ اجتماع میں گورنمنٹ اور پرائیوٹ اسکولز کے پرنسپلز اور ٹیچرز کى شرکت ہوئى۔ اس موقع پر مبلغِ دعوتِ اسلامی نے شرکا کے درمیان دعوتِ اسلامی کے مدنی کاموں کاموں کا تعارف پیش کیا۔ (رپورٹ: عطا محمد عطارى رکن زون شعبہ تعلیم ڈىرہ زون)

شعبہ تعلیم(دعوتِ اسلامی) کے تحت مارچ2020ء میں ماہانہ مدنی مشورہ ہوگا جس میں” ظاہروباطن ایک جیسارکھنے“ کے موضوع پرمدنی پھول بیان کئے جائیں گے۔یہ مدنی پھول شرکائے مدنی مشورہ کے علمِ دین میں اضافے،مختلف معلومات اوردِلچسپی وغیرہ بڑھانے کی نیت سے پیش کیے جاتےہیں۔اس بیان کے مطالعے سے آپ جان سکیں گے(حسرت زدہ لوگ، ظاہروباطن ایک جیسارکھنے کا مطلب کیا ہے؟،صاف چہرے اورمَیلے دِل، ظاہر و باطن یکساں کیوں نہیں؟، فرامینِ امیر اہلسنت اور مرکزی مجلسِ شوریٰ کے مدنی مشوروں سے منتخب مدنی پھول)۔

شعبہ تعلیم(دعوتِ اسلامی) کے تحت 26فروری2020ء بروز بدھ ٹنڈوجام ایگری کلچرل یونیورسٹی کے مین آڈیٹوریم ہال میں سنتوں بھرے اجتماع کا انعقاد کیا گیا۔اجتماع میں اسماعیل کمبر (ڈائریکٹر ایگری کلچرل یونیورسٹی)، ڈاکٹر قمر دین جوگی( ڈائریکٹر اسٹوڈنٹس افیرس)، منصور حیدر (ڈائریکٹرآئی ٹی ڈیپارٹ) ، ناصر راجپوت (چیئرمین ایمنل ہسبنڈری ڈیپارٹمنٹ) سمیت دیگر پروفیسرز، اسٹوڈنٹس اور دعوتِ اسلامی کے ذمہ داران نے شرکت کی۔ اجتماع کے خصوصی مہمان ہر دلعزیز شخصیت رکن شوریٰ مولاناحاجی عبدالحبیب عطاری تھے جن کی آمد پر ان کا والہانہ استقبال کیا گیا۔اس موقع پر انہوں نے سنتوں بھرا بیان فرماتے ہوئے زبان و شرم گاہ کی حفاظت کرنے ، جھوٹ سے بچنے اور نمازوں کی پابندی کرنے کا ذہن دیا۔ (رپورٹ: جنید عطاری، ریجن ذمہ دار)