14 فروری2020ء بروز جمعۃالمبارک نگران مجلس شعبہ تعلیم عبدالوہاب عطاری نے پاکپتن زون اوکاڑہ ڈویژن میں ڈویژن ذمہ داران ، پروفیسرز،لیکچرارز، اور اساتذہ کرام کو” تربیت “کے موضوع پر مدنی پھول پیش کئے۔

14 فروری پاکپتن زون اوکاڑہ ڈویژن کے گورنمنٹ ٹیکنیکل کالج اوکاڑہ میں نگران مجلس نے آٹو انجینئرنگ ڈیپارٹمنٹ میں طلبہ میں بیان فرمایا اور پرنسپل سے ملاقات کی۔

پاکپتن زون اوکاڑہ ڈویژن میں نگران مجلس نے 14فروری کو Heritage College میں بیان فرمایا۔(رپورٹ:محمد احمد ندیم عطاری، ذمہ دار پاکپتن زون شعبہ تعلیم)

شعبہ تعلیم(دعوتِ اسلامی ) کے تحت 15 فروری2020ء بروز ہفتہ حیدرآباد ریجن کشمور زون سوئی کابینہ میں رکن زون شعبہ تعلیم نے ورچوئل یونیورسٹی(Virtual University) کے آپریشن منیجر قدیر احمد سے ملاقات کی۔ دورانِ ملاقات آن لائن کورسز اور آئی ٹی مجلس کی ایپلی کیشنز کا تعارف پیش کیا۔ (رپورٹ:عاصم نعیم عطاری، رکن زون شعبہ تعلیم)

شعبہ تعلیم (دعوتِ اسلامی) کے تحت ساہیوال زون کے مختلف تعلیمی اداروں میں مدنی کاموں کا سلسلہ ہوا

تفصیلات کے مطابق:ساہیوال کے سیک seek کالج کے طلبہ میں سنتوں بھرے بیان کا سلسلہ ہوا۔ اس موقع پر نگران ِمجلس شعبہ تعلیم عبدالوہاب عطاری نے دوستی کس سے کی جائے اور بُری صحبت کے نقصانات پر مدنی پھول پیش کئے۔

اسی طرح رائل کالج ساہیوال کے طلبہ میں سنتوں بھرا بیان کا سلسلہ ہوا، طلبا میں تلاوتِ قراٰن کرنے اور آخرت کی تیاری کے متعلق مدنی پھول پیش کئے۔ اس موقع نگران مجلس نے طلبہ سے ملاقاتیں کیں اور مکتبۃ المدینہ کے رسائل بھی تقسیم کئے۔

نگران مجلس شعبہ تعلیم نے قائد اعظم میڈیکل کالج کے کثیر طلبہ میں کردار سازی و اخلاقیات کے موضوع پر سنتوں بھرا بیان فرمایا۔

کامسیٹس یونیورسٹی کیمپس کے ڈائیریکٹر ڈاکٹر پروفیسر سلیم فاروق سے نگرانِ مجلس نے ملاقات کی۔ نگران مجلس نے خدمات دعوتِ اسلامی اور بالخصوص ڈیجیٹل سروسز کے حوالے سے تعارف پیش کیانیز ان کے بھائی کے انتقال پر تعزیت کی اور ایصالِ ثواب کا سلسلہ ہوا۔

نگران مجلس شعبہ تعلیم نے کامسیٹس یونیورسٹی ساہیوال کیمپس کے الیکٹرک اینڈ کمپیوٹر انجینئرنگ ڈیپارٹمنٹ کے طلبہ میں اخلاقِ مصطفیٰ صلَّی اللہ علیہ واٰلہٖ وسلَّم کے موضوع پر سنتوں بھرا بیان فرمایا اور اپنی زندگی پیارے آقا صلَّی اللہ علیہ واٰلہٖ وسلَّم کی سیرتِ طیبہ کی روشنی میں گزارنے کا ذہن دیا نیز طلبہ و ڈیپارٹمنٹ کے اساتذہ سے ملاقات کا بھی فرمائی۔

اسی طرح نگران مجلس شعبہ تعلیم نے گورنمنٹ میڈیکل کالج ساہیوال میں میڈیکل کے طلبہ میں محبتِ رسول اور اسکے تقاضے کے موضوع پرسنتوں بھرا بیان فرمایا۔ اجتماع کے بعد نگران مجلس نے ادارے کے پرنسپل ڈاکٹر زاہد کمال اور دیگر اساتذہ سے ملاقات بھی کی اور خدمات دعوتِ اسلامی کے متعلق معلومات فراہم کیں۔

نگران مجلس شعبہ تعلیم نے مدنی مرکز فیضانِ مدینہ ساہیوال میں ہونے والے ہفتہ وار سنتوں بھرے اجتماع میں بیان فرمایا نیز مختلف تعلیمی اداروں سے اجتماع میں شرکت کرنے والے طلبہ کے مدنی حلقوں میں حاضر ہوکر تربیتی نکات پیش کئے۔(رپورٹ: عبدالوہاب عطاری، زونل نگران وزیرآباد گجرانوالہ زون شعبہ تعلیم)

دعوت اسلامی  کی مجلس شعبہ تعلیم کے تحت 29جنوری2020ءبروز بدھ سرسید سکول اینڈ کالج ہری پور میں سنتوں بھرے اجتماع کا انعقاد ہوا جس میں نگران مجلس شعبہ تعلیم نے سنتوں بھرا بیان فرمایا،اجتماع میں پرنسپل صاحب دیگر اساتذہ اور کثیر طلباء نے شرکت کی،نگران مجلس نے طلباء کو دنیوی تعلیم کے ساتھ ساتھ دینی تعلیم حاصل کرنے کا ذہن دیا،پرنسپل صاحب نے دعوت اسلامی کے تعلیمی اداروں میں مدنی کاموں کو سراہا نگران مجلس نے پرنسپل صاحب کو فیضان نماز تحفہ میں پیش کی۔(رپوٹر:سلیم عطای ہزارہ زون شعبہ تعلیم)

گزشتہ دنوں شعبہ تعلیم(دعوتِ اسلامی) کے تحت حیدرآباد میں ارکینِ ڈویژن کا مدنی مشورہ ہوا۔ اس موقع پرریجن ذمہ دار جنید عطاری نے شرکائے مدنی مشورہ کو مدنی پھول دیتے ہوئے اپنی اپنی ڈویژن میں مدنی کاموں کو مضبوط کرنےکا ذہن دیا نیز ذمہ داران کا تقرر کرنے اور فیضان قراٰن و حدیث کورسز کے حوالے سے بھی گفتگو فرمائی۔ یاد رہے! حیدرآباد سٹی میں شعبہ تعلیم کے تحت فروری میں بڑی سطح پر اجتماع منعقد ہو گا۔

دعوتِ اسلامی کی مجلس  شعبہ تعلیم کے تحت 29جنوری2020ء بروز بدھ بہاءالدین زکریا یونیورسٹی شعبہ ٹیکسٹائل ملتان میں سنتوں بھرے اجتماع کا اہتمام کیا گیا۔ اجتماع میں ہیڈ آف ڈپارٹمنٹ، اساتذہ اور طلبہ نے شرکت کی۔ اس موقع پر نگران کابینہ و رکن زون شعبہ تعلیم قاری خالد عطاری نے نبی اکرم صلَّی اللہ علیہ واٰلہٖ وسلَّم کے مبارک معجزات سے متعلق سنتوں بھرا بیان کیا اور شرکائے اجتماع اور بالخصوص نوجوانوں کو سنتِ رسول پر عمل پیرا ہونے کا ذہن دیا۔(رپورٹ: محمد فہیم عطاری، شعبہ تعلیم ملتان)

شعبہ تعلیم (دعوتِ اسلامی) کے تحت گزشتہ دنوں اسلامیہ کالج ٹوبہ (دارالسلام) میں مدنی حلقہ کا سلسلہ ہوا ۔ اس موقع پرنگران مجلس تقسیم رسائل(نام لکھیں!!!) نے طلبہ کی تربیت فرمائی اور ان میں مدنی رسائل تقسیم کئے نیز ذمہ دار اسلامی بھائیوں نے کالج کے اونر سے ملاقات کی۔ دورانِ ملاقات دارالمدینہ اسکول سسٹم کی ویب کا تعارف پیش کرتے ہوئے دارالمدینہ کا تعلیمی نصاب ا سکول کے نصاب میں شامل کرنے کا ذہن دیا اورماہنامہ فیضان مدینہ تحفے میں پیش کیا۔(محمدقاسم عطاری، شعبہ تعلیم ساہیوال زون)

دعوتِ اسلامی کی مجلس شعبۂ تعلیم کے تحت  ذمہ دار اسلامی بھائیوں نےیکم فروری2020ء بروز ہفتہ گورنمنٹ ڈگری کالج ملکوال منڈی بہاؤ الدین کا دورہ کیا اور مدنی حلقہ لگایا۔ مدنی حلقے میں کالج کے طلبہ اور اساتذہ نے شرکت کی۔ اس موقع پر رکن کابینہ شعبۂ تعلیم منڈی بہاؤ الدین کابینہ نے وقت کی قدر اور بامقصد اسلامی زندگی سے متعلق سنّتوں بھرا بیان کرتے ہوئے اسلامی تعلیمات پر عمل کرنے، وقت کی قدر کرنے اور دعوتِ اسلامی کے مدنی ماحول سے وابستہ ہونے کا ذہن دیا۔ (رپورٹ: فیضان اشرف شامی، رکن کابینہ شعبہ تعلیم)

دعوتِ اسلامی کی مجلس شعبۂ تعلیم کے تحت  گزشتہ دنوں گورنمنٹ پوسٹ گریجویٹ کالج ہری پور کےپرنسپل آفس میں نگران مجلس نے مدنی حلقہ لگایا جس میں پرنسپل سمیت پروفیسرز و لیکچرارز کی شرکت ہوئی۔مدنی حلقے کے اختتام پر پرنسپل نے مدنی چینل کو اپنے تاثرات بھی دیئے۔

دعوتِ اسلامی کی مجلس شعبۂ تعلیم کے تحت گزشتہ دنوں سرسید اسکول اینڈ کالج ہری پور ہزارہ زون میں سنّتوں بھرے اجتماع کا اہتمام کیا گیا۔ اس موقع پر نگران مجلس نے سنتوں بھرا بیان فرمایا۔ اجتماع کےاختتام پر پرنسپل و دیگر اساتذہ سے ملاقات کا سلسلہ ہوا۔

دعوتِ اسلامی کی مجلس شعبہ تعلیم کے تحت  نیو کراچی کابینہ کے شعبہ تعلیم کے ذمہ دار اسلامی بھائیوں کا مدنی مشورہ ہوا۔ اس موقع پر کئی اہم امور زیرِ بحث آئے جن میں سے بعض یہ ہیں: ریجن نگران رکنِ شوریٰ حاجی محمدامین عطاری کا شعبہ تعلیم کا جدول، شعبۂ تعلیم کے تحت ہونے والے اجتماعات، ذمہ داران کی تقرری اور آئندہ مہینوں کے اہداف سے متعلق گفتگو ہوئی اور مفید مشوروں کا تبادلہ بھی ہوا۔

دعوتِ اسلامی کی مجلس شعبۂ تعلیم کے تحت 28جنوری2020ء بروز منگل لائنز ایریا کراچی میں  ذمہ دار اسلامی بھائیوں نےالصُفّہ کوچنگ سینٹر اور ایڈیفائے کوچنگ سینٹر کے ہیڈ (سر تحسین اور سر ولید) سے ملاقات کی۔دورانِ ملاقات ذمہ دار اسلامی بھائیوں نے انہیں ہفتہ وار اجتماع و مدنی مذاکرہ میں شرکت کرنے کا ذہن دیااور اپنے اپنے کوچنگ سینٹرز میں مدنی حلقے لگوانے کی ترغیب دلائی۔