11  اپریل کی شب عالمی مدنی مرکز فیضانِ مدینہ کراچی میں بذریعہ مدنی چینل ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فرمائے۔ اس مدنی مذاکرے میں دنیابھر کے عاشقان رسول نے مدنی چینل اور سوشل میڈیا کے ذریعے بڑی تعداد میں شرکت کی۔

مدنی مذاکرے کے چند مدنی پھول ملاحظہ کیجئے:

سوال: خوداعتمادی(Self Confidence) کیسےپیداہو؟

جواب:بندہ جب کام کرتارہتاہے تو ماہرہوجاتاہے۔میں بھی شروع میں بیان کرتے ہوئے کانپتاتھا،ابھی ایسی کیفیت نہیں ہوتی ،یہ نفسیاتی اثربھی ہوسکتا ہے اس لیے اگریہ خیال آئےکہ میں فُلاں یا فُلاں کےہوتےہوئے بات نہیں کرسکوں گا تو اس خیال کوجھٹک دیں۔

سوال:کیا بچوں کی نمازاوردُرُودشریف قبول ہوتاہے ؟

جواب:جو بچے درست پڑھ لیتےہیں تو اللہ پاک کی رحمت سےثواب ملےگا،کیونکہ نابالغ کی نیکی قبول ہوتی ہے۔

سوال:غصے کی وجہ سےگناہ کرنے والوں کےلیے کیاوعید(عذاب کا وعدہ)ہے ؟

جواب:جہنم کا ایک خاص حصہ اُن کے لیے ہے جن کاغُصّہ کسی گناہ کےبعدہی ٹھنڈاہوتاہے ۔

سوال:جب مرغ  اذان(بانگ)دےتوکیا کرناچاہئے ؟

جواب:رحمت کی دُعاکرنی چاہئے، یہ دُعا بھی پڑھ سکتےہیں: اَللّٰھُمَّ اِنِّیْ اَسْئَلُکَ مِنْ فَضْلِکَ۔ (ترجمہ:یا اِلٰہی!میں تجھ سے تیرے فضل کا سُوال کرتاہوں)

سوال: آجکل کروناوائرس کی وجہ سے لاک ڈاؤن ہے، اس میں کیا کریں ؟

جواب:آن لائنفیضانِ نمازکورس کرلیں ،مطالعہ کریں ،نمازکےاحکام کتاب پڑھ لیں، یوں ضروری دِینی علم حاصل کریں۔

سوال:خفیہ تدبیرکاکیا معنی ہے ؟

جواب:چھپی ہوئی تدبیر،اللہ پاک کی خفیہ تدبیرہمارےبارے میں کیا ہے ؟ہم نیکیاں کررہے ہیں لیکن ہماراایمان پر خاتمہ ہوگایا نہیں؟یہ ہم نہیں جانتے۔ اس سے بندہ ڈرتارہے۔

سوال:ایک دم ڈرجائیں تو کیاپڑھیں؟

جواب:آیتُ الکُرسی پڑھ لیں ،سوتے ہوئے ڈرلگتاہوتو یَارَؤُفُ یَارَؤُفُ پڑھتے پڑھتے سوجائیں۔

سوال: آجکل کروناوائرس کی وجہ سے لاک ڈاؤن ہے ،ان حالات میں ضرورت مند لوگوں کوراشن دینےمیں دعوتِ اسلامی کا کیا ہدف ہے؟

جواب:دعوتِ اسلامی کاہدف(Target)26لاکھ گھرانوں کی مددکرناہے ۔

سوال:اِس ہفتے کارِسالہ ”ایمان پر خاتمہ“پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا اللہ پاک! جو کوئی رسالہ ”ایمان پر خاتمہ“ کے 38 صفحات پڑھ یا سن لے اُس کا مدینے میں ایمان و عافیت کے ساتھ خاتِمہ فرما۔اٰمِیْن بِجَاہِ النَّبِیِّ الْاَمِیْنصلَّی اللہ علیہ واٰلہٖ وسلَّم

28 مارچ 2020ء کی شب دعوت اسلامی کے عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے کئے گئے سوالات کے جوابات حکمت بھرے جوابات دیئے۔ اس مدنی مذاکرے میں دنیابھر کے عاشقان رسول نے مدنی چینل اور سوشل میڈیا کے ذریعے بڑی تعداد میں شرکت کی۔

مدنی مذاکرے کے چند مدنی پھول ملاحظہ کیجئے:

سوال: کیاشَعبَانُ الْمُعَظَّم خصوصی طورپر دُرُودشریف پڑھنے کامہیناہے؟

جواب: جی ہاں !اس مہینے میں آیتِ دُرُود(اِنَّ اللَّهَ وَمَلٰۤئِکَتَهٗ يُصَلُّوْنَ عَلَى النَّبِيِّ)نازل ہوئی ۔

سوال: حضرت ِ سُفیان بن عُیَیْنَہ رحمۃ اللہ علیہ کاخاموشی کے بارے میں کیا قول ہے؟

جواب: خاموشی عالَم کے لیے وقاراورجاہِل کے لیے پردہ ہے۔

سوال: کاؤنٹر(Counter)تسبیح ہاتھ میں رکھنے کا کیا فائدہ ہے ؟

جواب: اگرہاتھ میں ہوگی تو ذکرودُرُود کرنے کا ذہن بنے گا،گفتگوکےدوران بھی ذکرودُرُودکرنےکا موقع مل جاتاہے،فضول گفتگوکرنےسے بھی بچت ہوگی۔

سوال: اپنے گھر میں چیخ وپُکارکرنے اوربغیراجازت کے ایک دوسرےکے کمرےمیں جاناکیساہے؟

جواب:گفتگوکرتےہوئے چیخ وپُکارکرنا سُنّت نہیں،قرآنِ کریم میں چیخ پُکارکرنے کی مذمت آئی ہے ۔ایک دوسرےکے کمرے میں جانے سے پہلے اجازت لینی چاہئے،اگرآپ کسی کےکمرے میں جاناچاہتےہیں توسلام کریں،دروازہ بجائیں یا کھنگاریں پھرانتظارکریں، کمرے میں آنے کی اجازت ملے توکمرے میں داخل ہوں ۔

سوال: کیااسلام میں سِفارش کرنےکی اجازت ہے؟

جواب: جس کی سِفارش کرنی ہے، اُس میں اُس کام کی صلاحیّت ہے یعنی وہ میرٹ(Merit)پرپورااُترتاہے تو( ثواب کی نیّت سے) سِفارش کی جاسکتی ہے، ورنہ نہیں۔

سوال:کیا دوستوں سے بھی حیاکرنی چاہئے ؟

جواب: جی ہاں! بلکہ سب سے زیادہ حیا تو اللہ پاک سے کرنی چاہئے ،حضرت سیدناعثمانِ غنی رضی اللہ عنہ جب تنہاہوتےاورکپڑے تبدیل کرتے تو اللہ پاک سے حیا کرتے ہوئے اپنےبدن کو سمیٹ لیتے۔

سوال:زیادہ بولنےکے کیا نقصانات ہیں ؟

جواب:زیادہ بولنے سےلڑائی جھگڑے ہوتے ،نفرت پیداہوتی اورامن تباہ ہوتاہے۔خاموشی اختیارکرنےسے امن قائم ہوتا،ذکرودُرُوداورتلاوتِ قرآن کرنے کا وقت ملتاہے۔

سوال: وہ کون سےبُزرگ تھے جنہوں نےایک گدھاگاڑی کو دیکھا جس میں اتنا مال لوڈ کیا گیا تھاکہ گدھا اس کا بوجھ برداشت نہ کرتےہولٹک گیا،گدھے کی تکلیف دیکھ کر ان کی آنکھوں میں آنسوآگئے؟

جواب:حضرتِ مولاناحافظ قاری محمدمصلح الدین قادری رضویرحمۃ اللہ علیہ،کسی پربھی ظلم نہیں کرناچاہئے،یہ بُرےخاتمے کاسب سے بڑاسبب ہے۔اَلْعِیَاذُبِاللہ۔

سوال:کاتبینِ بارگاہِ رسالت صحابۂ کرام رضی اللہ عنھم کی تعدادکتنی ہے ؟

جواب:ان کی تعداد43ہے، ان میں سےکئی وحیِ قرآن ، کئی بادشاہوں کو خط اورکئی صدقات کا حساب وکتاب تحریرکیا کرتے تھے۔

سوال:اِس ہفتے کارِسالہ’’اشکوں کی برسات ‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یاربِّ کریم! جو کو ئی ِسالہ’’ اشکوں کی برسات‘‘کے36صفحات پڑھ یا سُن لے، اُسے اپنے خوف اور اپنے آخری پیارے نبی صلَّی اللہ علیہ واٰلہٖ وسلَّمکے عشق میں رونے والی آنکھیں نصیب فرما ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ہر ہفتے کو دعوتِ اسلامی کے عالمی مدنی مرکز فیضان مدینہ کراچی میں  ہفتہ وار مدنی مذاکرہ ہوتاہے جس میں عالمی مذہبی اسکالر مولانا محمد الیاس عطّاؔر قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فر ماتے ہیں ۔ کثیر عاشقانِ رسول عالمی مدنی مرکز میں حاضر ہوکر شرکت کرتے ہیں جبکہ دنیا بھر کے کثیر مقامات پر عاشقان رسول جمع ہوکر اس مدنی مذاکرے میں شریک ہوتے ہیں۔

21 مارچ 2020ء کی شب دعوت اسلامی کے عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے کئے گئے سوالات کے جوابات حکمت بھرے جوابات دیئے۔ اس مدنی مذاکرے میں دنیابھر کے عاشقان رسول نے مدنی چینل اور سوشل میڈیا کے ذریعے بڑی تعداد میں شرکت کی۔

مدنی مذاکرے کے چند مدنی پھول ملاحظہ کیجئے:

سوال: حضرت سیدنا عباس رضی اللہ عنہ کون ہیں؟

جواب: حضرت سیدناعباس رضی اللہ عنہ ہمارے پیارے آقا صلی اللہ علیہ والہ وسلم کے چچاجان اورعظیم فضائل رکھنے والے صحابی ہیں ۔

سوال:اللہ پاک سے عافیّت یعنی سلامتی مانگنے کا کیا فائدہ ہے؟

جواب:اللہ پاک کوبندے کا عافیّت کا سوال کرنازیادہ پسندیدہ اورمحبوب ہے ،حدیث پاک میں ہے: بندہ اس سے افضل کوئی دعا نہیں مانگتا:اَللّٰھُمَّ اِنِّیْ اَسْئَلُکَ الْمُعَافَاۃَ فِی الدُّنْیَا وَالْآخِرَۃِ(یعنی ا ے اللہ ! میں تجھ سے دنیا اور آخرت میں عا فیّت کا سوال کرتاہوں۔ابنِ ماجہ، ۴/۲۷۳(

سوال:ایثارکسے کہتے ہیں ؟

جواب:دوسرے کی ضرورت کو اپنی ضرورت پر ترجیح دینا ایثارہے۔ایثارپر مغفرت کی بشارت ہے اوریہ بہت ثواب کا کام ہے۔

سوال: نبی پاک صلی اللہ علیہ والہ وسلم کی والدۂ محترمہ حضرتسَیِّدَتُنَا آمنہ رضی اللہ عنہاکاوصال کہاں ہوااوراس وقت آپ صلی اللہ علیہ والہ وسلم کی عمرکتنی تھی؟

جواب:حضرتسَیِّدَتُنَا آمنہ رضی اللہ عنہاکاوصال مدینۂ منورہ اورمکہ مکرمہ کے درمیانی راستے میں ایک مقام’’اَبْوَاء‘‘میں ہوااوراس وقت آپ صلی اللہ علیہ والہ وسلم کی عمر چھ(6 Years)سال تھی۔

سوال:اِسریٰ کا کیا معنیٰ ہے؟

جواب:معراج کی رات بیتُ اللہ شریف سے لے کر بیت المقدس تک جو سفرہوااُسے اِسریٰ کہتے ہیں ۔

سوال:سفرِ معراج کہاں سے شروع ہوا۔

جواب: نبیِ پاک صلی اللہ علیہ والہ وسلم کی چچازادبہن حضرت اُمِّ ہانی رضی اللہ عنہاکے گھرسے ۔

سوال:کتابیں پڑھنے کا کیا فائدہ ہے اورکتابیں پڑھنے میں کس طرح دل لگے؟

جواب:کتابیں پڑھنا علمِ دین حاصل کرنے کابہترین ذریعہ ہے ،شروع شروع میں اسلامی حکایات اورواقعات کو تھوڑا تھوڑا پڑھیں ،اِنْ شاۤء اللہ دل لگے گا ،پھر دوسری کتابوں کا مطالعہ کریں، سب کو چاہئے کہ اسلامی کتابیں پڑھیں اوراسلامی معلومات بڑھائیں۔ماہنامہ فیضانِ مدینہ بہترین رسالہ ہے ۔یہ ہرماہ شائع ہوتاہے،ہرماہ ہدیۃً حاصل کریں،اس میں بہت ساری پیاری پیاری معلومات اورمضامین ہوتے ہیں۔

سوال:مرکزی مجلس شوریٰ کی جانب سے دعوتِ اسلامی کا ترجمان کس کو مقررکیا گیا ہے ؟

جواب:رکنِ شوریٰ مولانا عبدالحبیب عطاری کو۔

سوال:جِنّات سے ڈرلگے تو کیا وظیفہ پڑھنا چاہئے؟

جواب:آیۃُ الْکُرْسِی پڑھیں۔

سوال:اِس ہفتے کارِسالہ’’دعا مانگنے کے 34 آداب ‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یاربِِ کریم! جو کوئی رسالہ ’’دعا مانگنے کے 34 آداب‘‘کے 39 صفحات پڑھ یا سُن لے اُس کو رِیا سے بچتے ہوئےگِڑگِڑاکراورروروکردُعائیں مانگنے کی سعادت عنایت فرمااوراُس کی بے حساب مغفرت کر۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ہر ہفتے کو دعوتِ اسلامی کے عالمی مدنی مرکز فیضان مدینہ کراچی میں  ہفتہ وار مدنی مذاکرہ ہوتاہے جس میں عالمی مذہبی اسکالر مولانا محمد الیاس عطّاؔر قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فر ماتے ہیں ۔ کثیر عاشقانِ رسول عالمی مدنی مرکز میں حاضر ہوکر شرکت کرتے ہیں جبکہ دنیا بھر کے کثیر مقامات پر عاشقان رسول جمع ہوکر اس مدنی مذاکرے میں شریک ہوتے ہیں۔

آج بھی ہفتہ وار مدنی مذاکرہ ہوگا۔ ملکی حالات کے پیش نظر آج کا یہ مدنی مذاکرہ اجتماعی صورت میں نہیں ہوگا۔ اسلامی بھائی کسی بھی جگہ گیدرنگ کی صورت میں دیکھنے کی ترکیب نہ کریں مدنی چینل پر لائیو اپنے گھروں پر ہی دیکھیں اور اپنے دوست و احباب کو بھی اپنے اپنے گھروں پر رہتے ہوئے مدنی مذاکرہ دیکھنے کی دعوت دیں۔

مدنی مذاکرہ ہے شریعت کا خزینہ

دعوتِ اسلامی کے زیر اہتمام  17 مارچ 2020ء بمطابق 22 رجب المرجب 1441ھ کو عالمی مدنی مرکز فیضان مدینہ کراچی میں صحابیٔ رسول، راز دارِ نبی، کاتبِ وحی حضرت امیر معاویہ رضی اللہ عنہ کے عرس کے سلسلے میں بذریعہ مدنی چینل براہِ راست مدنی مذاکرے کا انعقاد کیا گیا۔عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے حضرت امیر معاویہ رضی اللہ عنہ کی سیرت بیان کرتے ہوئے شانِ امیر معاویہ رضی اللہ عنہ پر چھ فرامینِ مصطفےٰ صَلَّی اللہُ عَلَیْہِ وَاٰلِہ وَسَلَّم بیان کئے۔

امیر اہلِ سنّت نے مزیدفرمایا کہ آپ رضی اللہ عنہ بارگاہِ مصطفےٰ صَلَّی اللہُ عَلَیْہِ وَاٰلِہ وَسَلَّم سے دعا یافتہ مُبَلِّغْ ہیں۔امیر اہل سنت دَامَتْ بَرَکَاتُہُمُ الْعَالِیَہ نےحضرت امیر معاویہ رضی اللہ عنہ کی اہل ِبیتِ کرام رضوان اللہ علیہم اَجْمعین سے محبت کو بھی بیان کیا۔

اس موقع پر امیر اہلِ سنت دَامَتْ بَرَکَاتُہُمُ الْعَالِیَہ نے عالمی سطح پر کرونا وائرس کی وجہ سے پھیلنے والی پریشانیوں میں عاشقان رسول کو تسلی دیتے ہوئے بزنس مین اور تاجر حضرات کو غریبوں کی مدد کرنے کے حوالے سے نصیحت آموز مدنی پھول پیش کئے۔

صحابیٔ رسول ، کاتبِ وحی حضرت  سیدنا امیر معاویہ رضی اللہ عنہ کے عرس کے سلسلے میں آج رات مدنی چینل پر براہِ راست محفلِ نعت اور مدنی مذاکرے کا انعقاد کیا جائے گا جس میں امیر اہلِ سنّت دامت برکاتہم العالیہ حضرت سیدنا امیر معاویہ رضی اللہ عنہ کی سیرت پر بیان فرمائیں گے اور عاشقانِ رسول کی جانب سے پوچھے گئے سوالات کے جوابات ارشاد فرمائیں گے ۔اس موقع پر نعت اور منقبت خوانی کا سلسلہ بھی ہوگا۔

14 مارچ 2020ء کی شب دعوت اسلامی کے عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے کئے گئے سوالات کے جوابات حکمت بھرے جوابات دیئے۔ اس مدنی مذاکرے میں دنیابھر کے عاشقان رسول نے مدنی چینل اور سوشل میڈیا کے ذریعے بڑی تعداد میں شرکت کی۔

مدنی مذاکرے کے چند مدنی پھول ملاحظہ کیجئے:

سوال: قرآن ِ کریم کے بعد سند کے اعتبار سے کون سی کتاب افضل ہے؟

جواب: حدیثِ پاک کی کتاب "بخاری شریف" کا۔

سوال:ختمِ بخاری شریف کے کیا فوائد ہیں ؟

جواب:مشکلات کے حل کے لیے ختمِ بخاری مُجرَّب (تجربہ شدہ )ہے۔ختم ِبخاری شریف کےوسیلے سے بارش ہونے کے واقعات بھی ہیں ۔ختمِ بخاری شریف کے اجتماع میں کئی بزرگوں کو نبی پاک صلی اللہ علیہ وسلم کا دیدارنصیب ہوا۔

سوال:کیا چھوٹی سے چھوٹی نیکی بھی نہیں چھوڑنی چاہئے؟

جواب:نہیں چھوڑنی چاہئے،بزرگ فرماتے ہیں ،’’ نیکی کو چھوٹا سمجھ کر نہ چھوڑیئے ،شاید یہی مغفرت کا سبب ہوجائے۔‘‘

سوال:کرونا وائرس( Coronavirus)سے بچانے کے لیے زیادہ حفاظتی اِقدامات کس کے لیے کئے جائیں؟

جواب:جس میں قوتِ مدافعت(یعنی جس میں بیماری کا مقابلہ کرنے کی طاقت) کم ہو،جیسے بوڑھے اور5سال سےکم عمرکے بچے،انہیں کرونا وائرس سے بچانے کی زیادہ ضرورت ہے، جوانوں کوبھی بچنا ہے۔

سوال:آفتوں بالخصوص کرونا وائرس( Coronavirus)سےبچنے کے لیے کوئی وظیفہ ارشادفرمادیں ۔

جواب:نمازِعصرکا وقت شروع ہونے سے مغرب تک7 مرتبہ یَا وَکِیْلُ کا وِرد کریں ۔اسی طرح ہر درد کی دعا ہے صَلِّ عَلٰی مُحَمَّد ، درود ِپاک بھی بڑا وظیفہ ہے۔

سوال:خوف اورڈرکے تعلق سےہمیں کیا کرنا چاہئے ؟

جواب:جس سے بھی ڈریں یا کوئی بھی خوف یاڈرہو وہ ’’خوفِ خدا‘‘ کے سائے میں ہوناچاہئے ۔مثلاً ماں باپ سے ڈریں تو اس لیے کہ اگران کی نافرمانی ہوگئی تو اللہ پاک ناراض ہوجائے گا کیونکہ اس نے والدین کی اطاعت کا حکم دیا ہے وغیرہ۔

سوال: کیا ہمیں ہر اس کام سے بچنا چاہئے جس سے عاشقانِ رسول کی مدنی تحریک دعوتِ اسلامی پر حرف آئے اورہم بھی آزمائش میں آجائیں جیسے قرض لے کرحج یا عمرہ کے لیے جانااورقرض کی ادائیگی نہ کرنا وغیرہ ۔

جواب:جی ہاں ! ہم دعوتِ اسلامی والوں کو قرض لینے سے منع کرتے ہیں کیونکہ قرض کی ادائیگی عموماً وقت پر نہیں ہوپاتی جس کی وجہ سے آزمائش ہوتی ہے۔

سوال:جب ہمارے موبائل پر کوئی خبر آئے تو ہمیں اس پر غورکرکے آگے بھیجنا (Forwardکرنا)چاہئے یا اس پر غورکرنا چاہئے کہ آگے بھیجیں یا نہیں ؟

جواب: پہلے غور کریں کہ یہ خبر/پوسٹ سچی بھی ہے یا نہیں؟ نیز آگے بڑھانے میں ثواب ہے یا نہیں ؟اگرسچاہونے کا یقین اورثواب کی امیدہو تو آگے بڑھائی جائے۔

سوال:کیا بچوں کو شرارتیں کرنی چاہئیں یا نہیں ؟

جواب:بچوں کوشرارتیں نہیں کرنی چاہئیں ،جوبچہ شرارتیں کرتاہے لوگوں کی نظر سے بھی گِر جاتا ہے اور جو بڑا بھی شرارت کرتا ہے تو اس کی ہیبت اور وقار ختم ہوجاتا ہے۔

سوال:اِس ہفتے کارِسالہ’’جنّت کا انوکھا درخت‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یااللہ پاک! جو کوئی رسالہ ’’جنّت کا انوکھا دَرَخْت ‘‘ کے 12 صفحات پڑھ یا سُن لے اُس کو نفل روزوں کا جذبہ دے اور جنت کے انوکھے درخت کے پھل جنت میں کھانا نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

رجب میں یہ دُعا پڑھنا سُنّت ہے:اَللّٰہُمَّ بَارِکْ لَنَا فِیْ رَجَبٍ وَّشَعْبَانَ وَبَلِّغْنَارَمَضَان:اے اللہ!تُو ہمارے لیے رجب اور شعبان میں برکتیں عطا فرمااورہمیں رمضان تک پہنچا۔(المعجم الاوسط للطبرانی ج3ص85حدیث:3939)

ہر ہفتے کی طرح آج بھی دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل پر براہِ راست دکھایا جائے گا،اس مدنی مذاکرے میں عالمی مذہبی اسکالر مولانا محمد الیاس عطّاؔر قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فرمائیں گے۔آج کے مدنی مذاکرے میں ’’ختم بخاری‘‘ کا عظیم سلسلہ بھی ہوگا۔

تمام عاشقانِ رسول سے التجا کی جاتی ہے کہ مدنی مذاکرے میں اول تا آخر شرکت فرمائیں۔

مدنی مذاکرہ ہے شریعت کا خزینہ

اخلاق کا، تہذیب کا، طریقت کا خزینہ

دعوت اسلامی کے تحت 10 مارچ 2020ء بمطابق 15 رجب المرجب 1441ھ کی شب عالمی مدنی مرکز فیضان مدینہ کراچی میں حضرت سیدنا امام جعفر صادق رضی اللہ عنہ کے عرس کے سلسلے میں مدنی مذاکرے کا انعقاد کیاگیاجس میں عاشقان رسول نے بڑی تعداد میں شرکت کی۔ اس مدنی مذاکرے میں حمد باری تعالیٰ، ہدیہ نعت اورامام جعفر صادق رضی اللہ عنہ کی شان میں منقبت پڑھی گئی۔ امیر اہلِ سنت علامہ محمد الیاس عطاری دَامَتْ بَرَکَاتُہُمُ الْعَالِیَہ نے سیرت امام جعفر صادق رضی اللہ عنہ بیان کرتے ہوئے عاشقان رسول کی جانب سے کئے جانے والے سوالات کے حکمت بھرے جوابات دیئے۔

مدنی مذاکرے کے اختتام پر حضرت امام جعفر صادق رضی اللہ عنہ کے ایصال ثواب کے لئے کونڈےکی نیاز کا اہتمام کیا گیا جس میں عاشقان رسول کو کھیر پوری پیش کی گئی۔

دعوتِ اسلامی کے عالمی مدنی مرکز فیضانِ مدینہ کراچی میں 7 مارچ  2020ء کی رات ہفتہ وار مدنی مذاکرے کا انعقاد کیا گیا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے علم و حکمت سے لبریز جوابات ارشاد فرمائے۔ ہزاروں کی تعداد میں اسلامی بھائیوں نے عالمی مدنی مرکز فیضانِ مدینہ آکر مدنی مذاکرے میں شرکت کی سعادت حاصل کی جبکہ سینکڑوں مقامات پر اسلامی بھائیوں نے جمع ہوکر مدنی مذاکرے دیکھنے سننے کی سعادت پائی۔

مدنی مذاکرے کے چند مدنی پھول ملاحظہ کیجئے:

سوال:مٹی کےکورے کُونڈے میں کھیرجمانےمیں کیا حکمت ہے؟

جواب: مٹی کےکورے کُونڈے میں کھیرجمانے سےوہ لذیذ ہوجاتی ہے۔

سوال:حضرت امام جعفرصادق رحمۃ اللہ علیہ کے ایصالِ ثواب کے لیے کُونڈے کرنے کا کیافائدہ ہے؟

جواب:یہ بھی ایصالِ ثواب کا ایک طریقہ ہے، کُونڈے کرنےسے بہت قدیم مصیبتیں بھی دُورہوجاتی ہیں ۔

سوال: حضرت امام جعفرصادق رحمۃ اللہ علیہ کاوِصال کب ہوا ؟

جواب:15رجب المرجب 145ہجری کو مدینہ طیبہ میں کسی کے زہردینےسےوصال ہوا ۔

سوال:جُمعہ کے دن کون ساوقت قُبولیّتِ دُعاکاہے؟

جواب:مغرب سےتھوڑی دیرپہلےکاوقت دُعاکی قُبولیّت کاوقت ہے۔

سوال:بچوں کی اچھی عادات کیسےبنیں؟

جواب:اچھی صحبت اوراچھا ماحول ضروری ہے ،گھروں میں نیک ماحول بنائیں ،میرےگھرمیں نمازوں اورروزو ں کاماحول تھا،اسی لیےآج آپ کےدرمیان بیٹھا ہوں

سوال:آپ نے سیّد کو باپوکہنےکے بجائے سیّدصاحب کہنے کا فرمایا ہے،اگرکوئی اسلامی بہن سیّدہ ہوتو اُسے کیا کہا جائے ؟

جواب:ہمیں دنیا بھرمیں مدنی کام کرنا ہے، دنیامیں سیّدوں کےلیے باپوکا لفظ نہیں بولاجاتا، اس لیے ہم نے مشورہ کرکے ’’سیّد صاحب‘‘ کہنے کاطے کیا ہے۔اگرکوئی اسلامی بہن سیّدہ ہوتو اُسے سیّدہ صاحبہ کہا جائے ۔

سوال: اگرکوئی غلطی کرے تواُسے کس طرح سمجھاناچاہئے؟

جواب:ہرمسلمان کو اچھے،عمدہ اورپیارومحبت بھرے اندازمیں سمجھایا جائے۔

سوال:مقروض نہ ہونے کے بارےمیں آپ کیا فرماتے ہیں؟

جواب: بڑاخوش نصیب اورپُرسکون ہے وہ شخص ہے جو کسی کا مقروض نہ ہو،واقعی قرض کی ادائیگی کی ٹینشن نینداُڑادیتی ہے۔

سوال:اِس ہفتے کارِسالہ’’اسمِ اعظم کسے کہتے ہیں‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یااللہ! جو کوئی رسالہ ’’اسمِ اعظم کسے کہتے ہیں‘‘کے 29 صفحات پڑھ یا سُن لے اُسے اپنے ذکر کی خوب لَذت نصیب فرما اور اس کو بے حساب بخش دے، اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

رجب میں یہ دُعا پڑھنا سُنّت ہے:اَللّٰہُمَّ بَارِکْ لَنَا فِیْ رَجَبٍ وَّشَعْبَانَ وَبَلِّغْنَارَمَضَان:اے اللہ!تُو ہمارے لیے رجب اور شعبان میں برکتیں عطا فرمااورہمیں رمضان تک پہنچا۔(المعجم الاوسط للطبرانی ج3ص85حدیث:3939)

علم مؤمن کا گمشدہ خزانہ ہے، مسلمان ہمیشہ حصولِ علم کی تگ و دو میں مصروف رہتا ہے،ان  علم کے پیاسوں کےلیے ہر ہفتے کی طرح آج بھی دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل براہِ راست دکھایا جائے گا،اس مدنی مذاکرے میں شیخِ طریقت امیر اہلِ سنت دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے التجا کی جاتی ہے کہ مدنی مذاکرے میں اول تا آخر شرکت فرمائیں۔

مدنی مذاکرہ ہے شریعت کا خزینہ

اخلاق کا، تہذیب کا، طریقت کا خزینہ