انفرادی طورپر جوقربانی کی جاتی ہے، اِس سے زیادہ مسائل اوراحتیاطیں  ’’اجتماعی قربانی‘‘میں ہیں ،میری تاکیدہے کہ اجتماعی قربانی وہی کریں جو علمائےاہلِ سُنّت کے زیرِسایہ یہ کام سرانجام دیں ،جو لوگ عُلماسے بے نیازہیں اوراجتماعی قربانی کررہے ہوں تو ان کے ساتھ قربانی کا حصہ نہ ڈالاجائے ۔مکتبۃ المدینہ کا رسالہ ’’اجتماعی قربانی کے مدنی پھول‘‘کا بھی مُطالَعہ کریں لیکن اس کا مُطالَعہ کافی نہیں ،عُلماسے سمجھنا بہت ضروری ہے ۔دعوتِ اسلامی کے تحت جو اجتماعی قربانی کی جاتی ہے، اس کا م کوسرانجام دینے والوں کی دارالافتااہلسنّت کےمفتیان ِکرام وغیرہ تربیت کرتے ہیں ۔ یہ کہنا تھا عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ کا جو گزشتہ رات مدنی مذاکرے میں گفتگو فرمارہے تھے۔

ایک سوال کے جواب میں آپ کا کہنا تھا کہ دنیاوی امراض سے جسم متاثرہوتاہے مگرگناہوں کے امراض سے ایمان ضائع ہونےکا اندیشہ ہے۔جس طرح ہم دُنیاوی امراض سے بچنے کی کوشش کرتے ہیں اس سے زیادہ گُناہوں کے امراض سے بچنا چاہئے۔

مدنی مذاکرے کے چند منتخب مدنی پھول ملاحظہ کیجئے:

سوال:بخارکادرجہ حرارت کتنا ہوتو اُسے تیز بخارکہتےہیں اورسب سے پہلے کس کو بخارہوا؟

جواب: بخارکادرجہ حرارت102°F ہوتواُسےتیزبخارکہتےہیں اورسب سے پہلےشیر(Lion)کوبخارہواتھا۔

سوال:کس مرض کو مرضُ الانبیا کہا جاتاہے؟

جواب:بخارکومرضُ الانبیا کہا جاتاہے،ہمارےپیارے آقا صلَّی اللہ علیہ واٰلہٖ وسلَّمنے بخارمیں ہی وصالِ ظاہری فرمایا۔

سوال:بارش کے وقت کون سی دُعاپڑھی جائے اوراس وقت دُعاکرنےکی کیا فضیلت ہے؟

جواب: یہ دُعاپڑھی جائے :اَللّٰھُمَّ صَیِّبًا نَّافِعًا ۔(ترجمہ: اے اللہ! خوشحال کرنے والی بارش برسا) بارش کے وقت دُعا قبولیت کے زیادہ قریب ہے۔

سوال:کیا ہردُنیاوی نعمت میں زحمت بھی ہے؟

جواب:عموماًہردنیاوی نعمت کے ساتھ زَحمت(تکلیف)بھی لگی ہوتی ہے ،پھول کے ساتھ کانٹابھی ہوتاہے۔بعض اوقات نعمت والاتکبُرکاشِکاربھی ہوسکتاہے،اسی طرح ہردُنیاوی کمال کوزوال ہے۔اللہ پاک ہرحال میں ہمیں عاجزی کرنےاوراپنی بارگاہ میں جھکنے والا بنائے۔

سوال: بچے بازارکی چیزیں کھائیں تو اس کےکیا نقصانات ہیں ؟

جواب:بازاری چیزیں بچوں کی صحت کو نقصان پہنچاتی ہیں ،بھوک کم لگتی ہے، جس کی وجہ سے وہ کھانے والی چیزیں مثلاً پھل فروٹ اورکھانا وغیرہ نہیں کھاتےاورکمزورہوجاتے ہیں ۔

سوال:اِس ہفتے کارِسالہ ” کعبے کے بارے میں دِلچسپ مُعلومات “پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی؟

جواب:یا الٰہی! جو کوئی رِسالہ ” کعبے کے بارے میں دِلچسپ مُعلومات “کے 25 صفحات پڑھ یا سُن لے، اُس کو برسات میں طوافِ کعبہ کی سعادت عنایت فرما۔ اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

آج 27 جون 2020ء کی شب تقریباً 9:30 بجے مدنی چینل پرہفتہ وار مدنی مذاکرے کا سلسلہ ہوگا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات دینگے۔

واضح رہے کہ ملکی صورتحال کے پیش نظر مدنی مذاکرے اجتماعی طور پر منعقد نہیں ہوگا۔ تمام عاشقان رسول اپنےاپنے گھروں میں بذریعہ مدنی چینل اس مدنی مذاکرے میں شرکت فرمائیں۔

جسےکروناہوجائے اگروہ اس میں فوت ہوجاتاہے تو شہادت کا درجہ پاتاہے ۔اگروہ صحت یاب ہوجائے تو اسے پلازمہ حاصل ہوجاتاہے ،ایسے کو چاہئے کہ اللہ پاک کی رضا ،ثواب کمانے ،اللہ پاک کی رحمت لُوٹنے کے لیے اورمسلمانوں کی خیرخواہی کرتے ہوئے اپنا پلازمہ کرونا کےمریض کوعطیہ(Donate) کردے،ہوسکتاہے کہ اُس کاپلازمہ مریض کی جان بچانےکاسبب بن جائے ۔ یہ کہنا تھا عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ کا جو گزشتہ رات مدنی مذاکرے گفتگو فرمارہے تھے۔

آپ کا مزید کہنا تھا کہ غورکیجئے کہ پلازمہ دینے والے سے مریض اوراس کے قریبی رشتہ دارکتنے خوش ہوں گے اوردعائیں دیں گے ۔پلازمہ دینے میں دنیاوآخرت کے کئی فوائدہیں،دعوتِ اسلامی کے ذریعےبھی پلازمہ دیا جاسکتاہے ۔

ایک سوال کے جواب میں آپ کا کہنا تھا کہ سورج گِہن کی نماز سُنّتِ مؤکدہ ہے۔21جون 2020ء کوپاکستان میں سورج گِہن کےاوقات مختلف ہیں، البتہ صبح 10:00بجے سے11:00 بجے تک پاکستان بھرمیں سورج گِہن کی نمازپڑھی جاسکتی ہے۔یہ نمازبھی نوافل کی طرح 2 رکعت پڑھیں۔

مدنی مذاکرے کے چند منتخب مدنی پھول ملاحظہ کیجئے:

سوال:امیراہلسنّت دَامَتْ بَرَکَاتُہُمُ الْعَالِیَہ سے عرض ہے کہ جو اپنا پلازمہ دعوتِ اسلامی کو عطیہ دے، اُن کے لیے دُعافرمادیں ؟

جواب:یاربَّ المصطفےٰ! جو عاشقِ رسول دعوتِ اسلامی کواپنا پلازمہ عطیہ(Donate) کرے تاکہ تیرے محبوبصلی اللہ علیہ واٰلہ وسلم کے کسی دُکھیارے اُمتی کو پیش کیا جاسکے،اس کی پیشکش کوقبول فرما،اِلٰہَ الْعَالَمِیْن!اس کو آئندہ کے لئے آفات و بلیّات سے محفوظ فرما، اس کی آل اولاد کو بھی محفوظ فرما، اِلٰہَ الْعَالَمِیْن! اس کو سلامتیِ ایمان نصیب فرما، نزعِ روح میں آسانی دے، کلمہ پڑھتے ہوئے اس کی روح قبض ہو، محبوب صلی اللہ علیہ واٰلہ وسلم کے جلوؤں میں اس کی روح قبض ہو،اےکاش! جنت الفردوس میں اسے تیرے پیارے حبیب صلَّی اللہ علیہ واٰلہٖ وسلَّم کا پڑوس نصیب ہوجائے، دنیاو آخرت کی بھلائیاں اس کا مقدر ہوجائیں۔ اے اللہ! جو جو پلازمہ کے لئے کوششیں کریں ، بھاگ دوڑ کریں، کسی کو راضی کریں، اس میں تعاون کریں، ان سب کے حق میں بھی یہ دعائیں قبول فرما۔

سوال:ٹینشن(Tension) کا کیا نقصان ہے؟

جواب:ٹینشن کئی بیماریاں لاتاہے۔

سوال:قبروالوں کوسلام کس طرح کرناچاہئے ؟

جواب:قبروالوں کےچہرے کی جانب رخ کرےاوراس طرح سلام کرے :ﺍَﻟسَّلَاﻡُ ﻋَﻠَیْکُمْ ﻳَﺂﺍَﻫْﻞَ ﺍﻟْﻘُﺒُﻮْﺭِ ﻳَﻐْﻔِﺮُاﷲُ ﻟَﻨَﺎﻭَلَکُمْ ﻭَﺍَﻧْﺘُﻢْ ﺳَﻠَﻔُﻨَﺎﻭَﻧَﺤْﻦُ ﺑِﺎلْاَثَرْ

(ترجمہ:اے قبروالو! تم پر سلام ہو،اللہ ہمیں اورتمہیں بخشے ،تم آگےجاچکےہواورہم تمہارے پیچھے آنے والے ہیں ۔)

سوال:اپنی قومی زبان سیکھنےکی کیا اہمیت ہے؟ نیز اردوزبان کےبارے میں آپ کیا فرماتےہیں ؟

جواب:بےشک اپنی قومی زبان بھی آنی چاہئے،میں اردوزبان سے بہت محبت کرتاہوں کیونکہ میرےاعلیٰ حضرت امام احمدرضاخان رحمۃ اللہ علیہ فرماتے ہیں :’’اسلام نے اُردوزبان کواپنے دامن میں لے لیا ہے۔‘‘پاکستان والوں کی قومی زبان بھی اُردوہے۔ اس لیےاردو آنی چاہئے،مزیدیہ کہ انگلش انٹرنیشنل زبان ہے، اس کی بھی ضرورت پیش آتی ہے ،انگلش بھی سیکھنی چاہئے۔دنیا بھرمیں رہنے والے ایشین عاشقانِ رسول کواُردوسیکھنی چاہئے اس کے ذریعے دِین سیکھناآسان ہوگا۔

سوال:آپ کیساپانی پیتے ہیں ؟

جواب: میں سردیوں گرمیوں میں نیم گرم پانی پیتاہوں ،اسی کا معمول ہے۔

سوال:آپ دردِ مدینہ حاصل ہونے کی دعاکرتےہیں ،دردِ مدینہ سےکیا مُرادہے؟

جواب:یہ ایک کیفیت ہے، محبت،اُلفت،عشق،غم وغیرہ اس سے ملتی جلتی کیفیات ہیں، کیونکہ ہم مدینہ شریف سے دُورہیں، اس لیے یہ دردِ مدینہ کی دُعاکی جاتی ہے۔دردِ مدینہ کا حاصل ہوجاناسعادت ہے۔

سوال:کیادُعااوربددُعاکااثرہماری زندگی میں ہوتاہے ؟

جواب:جی ہاں ہوتاہے۔

سوال:جماہی یعنی اُباسی کس کی جانب سےہے؟

جواب:شیطان کی طرف سے ۔

سوال:اِس ہفتے کارِسالہ ”کونسی دعا نہیں کرنی چاہیئے“پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یا الٰہی! جو کوئی رسالہ ”کونسی دعا نہیں کرنی چاہیئے“کے 22 صفحات پڑھ یا سُن لے، اُس کو دُعا مانگنے کا سلیقہ عطا فرما اور بے حساب بخش دے۔

اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

آج 20 جون 2020ء کی شب تقریباً 9:30 بجے مدنی چینل پرہفتہ وار مدنی مذاکرے کا سلسلہ ہوگا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات دینگے۔

واضح رہے کہ ملکی صورتحال کے پیش نظر مدنی مذاکرے اجتماعی طور پر منعقد نہیں ہوگا۔ تمام عاشقان رسول اپنےاپنے گھروں میں بذریعہ مدنی چینل اس مدنی مذاکرے میں شرکت فرمائیں۔

خوش نصیب ہے وہ جو کبھی گناہ کربیٹھے تو اپنے گناہ پر شرمندہ ونادِم اوراشک بارہوکر اپنے پرودرگارکی بارگاہ  میں رجوع وتوبہ کرے ۔ اللہ پاک کوراضی کرنافرض وضروری ہے ۔یہ کہنا تھا بانیِ دعوتِ اسلامی مولانا الیاس عطار قادری دَامَتْ بَرَکَاتُہُمُ الْعَالِیَہ کا جو گزشتہ رات مدنی مذاکرے میں گفتگو فرمارہے تھے۔ آپ نے مزید کہا کہ سچے دل سے توبہ کرنا اللہ پاک کور اضی کرنےکا ذریعہ ہے۔

ایک سوال کے جواب میں آپ کا کہنا تھا کہ جانورپر رحم کرنا بہت عمدہ کام اورنیکی ہے۔اس نیکی کی وجہ سے بخشش بھی ہوسکتی ہے۔ کیڑی (چیونٹی) کو بھی بِلاوجہ نہیں مارسکتے۔یہ اللہ پاک کا ذکرکرنےوالی مخلوق ہے۔امیرِ اہلِ سنت نے مزید کہا کہ استاذوہی ہوتاہےجو بگڑے ہوئےکوسنواردے اس لئے استاذکوکمزور ذہن کے طلبہ پر بھی توجہ دینی چاہئے ۔

مدنی مذاکرے کے مزید مدنی پھول:

سوال:حضرت حسن بصری رحمۃ اللہ علیہ کون ہیں ؟

جواب:حضرت حسن بصری رحمۃ اللہ علیہ حضرت مولیٰ علی رضی اللہ عنہ کے خلیفہ،بہت بڑے ولی اللہ اورمسلمانوں کے خیرخواہ تھے۔

سوال:مغفرت سےکیامُراد ہے؟

جواب:مغفرت سےمراد گناہوں کی بخشش اوران پر سزانہ دیناہے

سوال:مُرغ جب بانگ دیتاہے، تو اس وقت کیا دُعاکی جائے ؟

جواب: مرغ جب بانگ دیتاہے تو یہ دُعاپڑھی جائے:اَللّٰھُمَّ اِنِّیْ اَسْئَلُکَ مِنْ فَضْلِکَ۔ ترجمہ:اے اللہ!میں تجھ سے تیرے فضل کاسوال کرتا ہوں۔ حدیث پاک میں اس وقت اللہ پاک کے فضل مانگنے کی ترغیب ہے۔

سوال:کیا کچھ مسلمانوں کا جسم قبرمیں سلامت رہتاہے؟

جواب:جی ہاں!انبیائے کرامعلیہم الصلوۃ و السلام اور اولیائے کرام وعلمائے دین وشہدا وحافظانِ قرآن کہ قرآن ِ کریم پر عمل کرتے ہوں اور وہ کہ اپنے اوقات دُرُود شریف پڑھنے میں گزارتے ہیں ، ان کے بدن کو مٹی نہیں کھاتی۔

سوال:سُرمہ کس وقت لگانا چاہئے ؟

جواب:سُرمہ سوتے وقت لگانا سُنّت ہے۔

سوال:اِس ہفتے کارِسالہ’’میٹھی زبان‘‘ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا الٰہی! جو کوئی رسالہ’’میٹھی زبان‘‘ کے 17 صفحات پڑھ یا سُن لے، اُس کو بداخلاقی سے بچااور میٹھی زبان والا بناکربے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

آج 13 جون 2020ء کی شب تقریباً 9:30 بجے مدنی چینل پرہفتہ وار مدنی مذاکرے کا سلسلہ ہوگا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات دینگے۔

واضح رہے کہ ملکی صورتحال کے پیش نظر مدنی مذاکرے اجتماعی طور پر منعقد نہیں ہوگا۔ تمام عاشقان رسول اپنےاپنے گھروں میں بذریعہ مدنی چینل اس مدنی مذاکرہ میں شرکت فرمائیں۔

ہر ہفتے  عالمی مدنی مرکز فیضان مدینہ کراچی میں مدنی مذاکرے کا سلسلہ ہوتا ہے جس میں عالمی مذہبی اسکالر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے کئے گئے سوالات کے علم وحکمت بھرے جوابات ارشاد فرماتے ہیں۔

اس سلسلے میں 6جون2020ء بروز ہفتہ کو بھی مدنی مذاکرے کا اہتمام ہوا جس میں دنیا بھر سے عاشقان رسول نے بذریعہ مدنی چینل و سوشل میڈیا بڑی تعداد میں شرکت کرنے کی سعادت حاصل کی۔

مدنی مذاکرے کے چند منتخب مدنی پھول ملاحظہ کیجئے

سوال:خوشی ہویاغمی ہماری سوچ اوراندازکیساہونا چاہئے ؟

جواب:خوشی ہویا غمی ،آفت آئے یاراحت ملے، ہرحال میں اللہپاک کی جانب رجوع کرناچاہئے ،اُسی کی طرف توجہ اورنظررکھنی چاہئے۔ مصیبت ومشکل میں توبہ واِسْتِغْفَارکی کثرت اورعیش وراحت میں شکرِاِلٰہی بجالانے کی عادت بنانی چاہیے۔کسی کی موت کی خبرسُن کر اپنی موت کو یادکرنا چاہئے ، اپنی آخرت کی تیاری میں مصروف ہوجانا چاہئے ،کسی مسلمان کی تکلیف کا سُن کردل میں ہمدردی اورخیرخواہی کا جذبہ پیداہونا چاہئے ۔خوشی پربھرپوراندازمیں شکراورغم پر صبرکرناچاہئے ۔

سوال:نفسِ راضیہ کیا ہے ؟

جواب:نفس کی ایک قسم نفسِ راضیہہے، نفسِ راضیہ وہ ہے جوہرحال میں اللہ پاک کی رِضا پر راضی رہے،نعمت ملی یا نعمت چلی گئی، نفساللہپاک کی رِضا پر راضی ہو۔ ذہن بن جائے کہاللہ پاک نے جوکیا سب صحیح کیا ،یہ نفس حاصل ہوگیا تو اِنْ شَآءَاللہ کامیابی ہے ۔ سوال: اللہ پاک نے فرعونیوں پرکون کون سے عذابات بھیجے ؟

جواب:ٹِڈیوں،مینڈکوں اورخون وغیرہ کے عذابات بھیجے۔

سوال:کراچی کے کون سے علاقے میں ساراسال ٹِڈیاں ہوتی ہیں ؟

جواب:کراچی کےمشہورعلاقے کھارادرکےایک محلے ’’مکرپاڑہ‘‘میں۔میں نے بارہایہاں ٹِڈیاں دیکھی ہیں ۔مکہ مکرمہ ومدینۂ منورہ میں بھی ٹِڈیاں ہوتی ہیں ۔

سوال: کیا ایسے بھی کیڑے ہیں ،جن کی گردن جُداہوجائے پھربھی یہ بہت دیرتک زندہ رہتے ہیں ؟

جواب:جی ہاں !ٹِڈی(Locust)،سانپ(Snake)،لال بیگ(Cockroach) وغیرہ۔

سوال:حضرت امیرِحمزہرضی اللہ عنہ کو’’امیرِطیبہ‘‘ کیوں کہتے ہیں ؟

جواب:امیرکا معنی ہے سردار،آپ بعض لشکروں میں امیربنائے گئے، شایداس لیےآپ کو امیرکہاجاتاہے۔

سوال:حضرت ابراہیم علیہ السلام نے اپنے بیٹے حضرت اسماعیل علیہ السلام اوران کی والدہ حضرت ہاجرہ کو مکہ شریف میں کس کے حکم سے چھوڑا؟

جواب:اللّٰہ پاک کے حکم سے ۔

سوال:اِس ہفتے کارِسالہ’’ اہم سوالات وجوابات‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یاالٰہی! جو کوئی رسالہ ’’ اہم سوالات وجوابات‘‘کے 28 صفحات پڑھ یا سُن لے،اس کے ایمان کی حفاظت فرما۔

ہر ہفتے کی طرح آج بھی  رات تقریباً 9:30 بجے مدنی چینل پرہفتہ وار مدنی مذاکرے کا سلسلہ ہوگا جس میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات دینگے۔

ملکی صورتحال کے پیش نظر مدنی مذاکرے اجتماعی طور پر منعقد نہیں ہوگا۔ تمام عاشقان رسول اپنےاپنے گھروں میں بذریعہ مدنی چینل اس مدنی مذاکرہ میں شرکت فرمائیں۔

ہر ہفتے کی طرح 30 مئی 2020 ءکی شب عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں عالمی مذہبی اسکالر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے کئے گئے سوالات کے حکمت بھرے جوابات دیئے۔

اس مدنی مذاکرے میں دنیا بھر کے عاشقان رسول نے مدنی چینل اور سوشل میڈیا کے ذریعے بڑی تعداد میں شرکت کی۔

مدنی مذاکرے کے چند مدنی پھول ملاحظہ کیجئے:

سوال: اللّٰہ پاک سے حُسنِ ظن یعنی اچھا گُمان رکھنا چاہئے،کیا اس کے بارے میں کوئی حدیثِ قُدسی( یعنی فرمانِ الٰہی )ہے ؟

جواب:حدیثِ قُدسی میں ہے کہ اللّٰہ پاک نے اِرشادفرمایا :أَنَا عِنْدَ ظَنِّ عَبْدِيْ بِیْ یعنی میں اپنے بندے کے گُمان کے قریب ہوں جو وہ میرے بارے میں رکھتا ہے،یعنی میرا بندہ میری نسبت جو گُمان و خیال رکھتا ہے مَیں اس کے لئے ویسا ہی ہوں اور اس کے ساتھ ویسا ہی مُعاملہ کرتاہوں جس کی وہ مجھ سے اُمیدرکھتا ہے، اگر وہ مجھ سے مُعافی کی اُمید رکھتا ہے تو اس کو مُعافی دیتا ہوں۔

سوال: ماہِ رمَضان کے فرض روزوں کے بعد نفل روزے رکھنے کاکیا فائدہ ہے؟

جواب:ماہِ رمَضان کے بعد نفل روزوں کی عادتبنا نا اچھی علامت ہے، کیونکہ دوسری نیکی پہلی نیکی کے قبول ہونے کی علامت اورپہلی نیکی کے بعد بُرائی ہونا اس نیکی کے رَد ہونے کی عِلامت ہے ۔

سوال:اعلیٰ حضرت امام احمدرضا خان رحمۃ اللہ علیہ کایوم پیدائش کیا ہے؟

جواب: 10شوال المکرم 1272ھ ۔

سوال:ایک دن چھوڑکرروزہ رکھنا(یعنی ایک دن روزہ رکھنا اورایک دن روزہ نہ رکھنا) کیساہے؟

جواب:افضل ہے ،اسے’’صوم ِداؤدی‘‘کہتے ہیں،اللّٰہ پاک کے پیارے نبی حضرت داؤدعلیہ السلام اس طرح روزہ رکھتے تھے ۔

سوال:مُطالَعہ کرنے کے دوران توجہ بَٹ جاتی ہوتو کوئی ایساطریقہ ارشاد فرمائیں کہ تمام توجہ مُطالَعہ کی جانب رہے؟

جواب:کوشش کرتے رہیں گے ،اِنْ شَآءَاللہمنزل مل جائےگی ۔ مَنْ جَدَّوَجَدَیعنی جس نے کوشش کی اُس نے کامیابی پائی ۔

سوال:فصلوں پراگرٹِڈی دل کا حملہ ہوتو کوئی رُوحانی عمل بتائیں تاکہ فصلیں بچ جائیں ؟

جواب: اللّٰہ پاک کا نام ’’یاحلیم‘‘ایک کاغذپر ایسی سیاہی(Ink) کے ساتھ لکھ کر کسی پانی کے برتن میں ڈال دیں جو حل ہوسکتی ہو، اب وہ پانی اسپرے والی بوتل میں ڈال کرپودوں یا فصلوں کے اوپر چھڑک لیں،اِنْ شَآءَاللہفصلیں ٹِڈی دل کے حملے سے محفوظ رہیں گی۔

سوال:اَعراف کیا ہے اوراس کی حقیقت کیا ہے؟

جواب:ایک قول کے مطابق جنت اوردوزخ کے درمیان جوجگہ ہےوہ’’اَعراف‘‘ہے، اس میں مسلمان جنّات رہیں گےاورجنّت میں آتے جاتے رہیں گے۔

سوال:اِس ہفتے کارِسالہ’’گناہوں سے پاک صاف‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یا رَبَّ المُصطفےٰ ! جو کوئی رسالہ’’گناہوں سے پاک صاف‘‘کے 14 صفحات پڑھ یا سُن لے،اُس کو گناہوں سے پاک صاف کر کےبے حساب جنت الفردوس میں داخلہ عطا فرما۔اٰمِیْن بِجَاہِ النَّبِیِّ الْاَمِیْنصلَّی اللہ علیہ واٰلہٖ وسلَّم

آج رات مدنی مذاکرے سے قبل 8:00 بجے شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی”نیکی کی دعوت“ کے موضوع پر سنتوں بھرا بیان فرمائیں گے۔ یہ پروگرام براہ راست مدنی چینل پر نشر کیا جائیگا ۔

بعد ازاں مدنی مذاکرے کا سلسلہ ہوگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے جوابات ارشاد فرمائیں گے۔

25 رمضان المبارک کو بعدِ عصر اور 26 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:آپ کو کوئی تحفہ دینا چاہے تو کیاکرے؟

جواب:مجھے کچھ تحفہ دیناہو تو مجھے یہ دُعادیں کہ اے اللہ! الیاس کا ایمان سلامت رکھ ،بُرے خاتمےسے بچااوراسےبے حساب بخش دے۔جو مجھے نیکیوں کے تحفے دیتے ہیں تو وہ پہلے دُعا کیاکریں کہ میں نے فُلاں فُلاں نیکیاں الیاس قادری کو اِیصال کیں ،پھر آپ چاہیں تو مجھے بھی بتادیں کہ آپ کو یہ یہ نیکیاں اِیصال کی ہیں ۔

بعدِ تروایح ہونے والا مدنی مذاکرہ

سوال:عیدی کس نیّت اورکس اندازسے دینی چاہئے؟

جواب:اگررشتے دارہوں تو صِلہ رِحمی(یعنی رشتہ داروں سے حُسنِ سُلوک کرنا)ورنہ دِل خوش کرنے کی نیّت سے عیدی دینی چاہئے ،اگرنئےنوٹ ہوں تواچھاہے ،عُلمائے اہلِ سُنّت کورقم لفافےمیں ڈال کر ادب سے نذرکرنی چاہئے ،یہ اُن کی تعظیم کا انداز ہے۔

سوال:کوئی مشکل یا حاجت درپیش ہوتو کیا کریں ؟

جواب:کوئی مشکل وحاجت ہوتو 2رکعت’’صَلٰوۃ ُالحاجات‘‘اداکئی جائیں، اس کےبعدگِڑگڑاکراس طرح دُعا کی جائے کہ یااللہ!یہ میرے لیے بہترہوتو مجھےعطافرما۔

سوال:’’راہِ سُلوک کے مسافر‘‘کاکیا معنیٰ ہےاورشریعت وطریقت کے کیا معنیٰ ہے ؟

جواب:تصوف کی راہ پر چلنے والے کو"راہِ سلوک کا مسافر" کہا جاتاہے ۔یادرہے! شریعت اورطریقت جدانہیں٭شریعت قُرآن و سُنّت کے ظاہری اَحکام کو کہا جاتا ہے ٭ ’’طریقت‘‘قُرآن و سُنّت کے باطن کا نام ہے۔

سوال:مُریدبننے کی کیا کیابرکات ہیں ؟

جواب:مُرید بننانیکی اورثواب ہے اورہرنیکی سے عمرمیں اضافہ ہوتاہے ،جامع شرائط پیر کا مُرید ہونے سےعقائد وایمان کی حفاظت ہوتی ہے ۔جو مُریدصاحبِ نظرہوتووہ مُرید ہونے کے فوائد وبَرکات دُنیا میں ہی دیکھ لے گا اوراگرصاحبِ نظرنہیں ہوگا تو سَکرات اورمرنے کے بعد قبروحشرمیں دیکھ لے گا۔مُرید ہونے کا اصل مقصد آخرت کی تیاری کرنا ہے ۔

سوال: پیربننے کی کتنی شرائط ہیں؟

جواب: پیربننے کی چارشرائط ہیں۔

24 رمضان المبارک کو بعدِ عصر اور 25 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:ماہِ رمضان کی طاق راتوں میں کس طرح عبادت کرنی چاہئے؟

جواب:ایک ہی طرح کی عبادت کریں گے تو ہوسکتاہے کہ اُکتاہٹ ہوجائے ،اس لیے ایک گھنٹہ تلاوتِ قرآن،ایک گھنٹہ ذِکْرُاللہ اوردُرُود شریف ،ایک گھنٹہ کسی اسلامی کتاب کا مطالعہ کرلیں ،پھر نوافل اداکرلیں ،اس طرح رات گزارنے میں آسانی ہو گی ۔

سوال:مسجدکوجاتے ہوئے کیا وِردکرناچاہئے ؟

جواب:کوئی خاص وِردنہیں ہے، البتہ دُرُود وسلام پڑھنا اچھا ہے۔

سوال:بچوں کی گالیوں کی عادت کیسے دُورہو؟

جواب:گالیاں دینا بُراکام ہے ،اچھےلوگوں کی زبان سے اچھے اور بُرے لوگوں کی زبان سے بُرےالفاظ نکلتے ہیں ،جو اچھے بچے ہوتے ہیں وہ اچھے الفاظ بولتے ہیں اورگالیوں سے بچتے ہیں۔ مدنی چینل دیکھتے رہیں گے تو آپ بھی اچھے ہوجائیں گے ،ذِکْرُاللہ کریں گے ،نعتیں پڑھیں گے، یوں گالیوں کی عادت بھی ختم ہوجائے گی ۔

سوال:سگریٹ نوشی(Smoking) کی عادت ہوتوکیسے ختم کی جائے؟

جواب:کسی عادت کوڈالنے یا نکالنے کے لیےسنجیدہ (Serious) ہوناپڑتاہے ،سگریٹ پینے والابھی اس عادت کو چھوڑنے کیپکی نیّت کرے ،اِسے سنجیدہ (Serious)لے ،اپنے آپ کو اس طرح ڈرائے کہ سگریٹ کی ڈبی پر بعض اوقات لکھا ہوتاہے کہ سگریٹ پینے سےکینسر کاخطرہ ہے ،اس لیے مجھے یہ نہیں پینا ،اسی طرح منہ میں بدبوہوتومسجد کا داخلہ ممنوع ہے ۔سگریٹ پینے والا کیسامحروم شخص ہے مسجدمیں نہیں جاسکتا،مسجدمیں جانے کے لیے ایسے شخص کو اپنا منہ اچھی طرح صاف کرکے مسجدمیں جانا ہوگا اورمسجدمیں جاکر نمازپڑھے اورہرنمازکے بعدسو(100)مرتبہ یَاکَرِیْمُ یَاکَرِیْمُ کا وِردکرے اوراس عادت کے چُھوٹنے میں کامیابی کے لیے اللہ پاک سے دُعاکرے ۔

بعدِتراویح ہونے والا مدنی مذاکرہ

سوال:تمام عاشقانِ رسول زُلفیں رکھیں ،اس کےبارے میں کچھ ارشادفرمائیں ؟

جواب:تمام عاشقانِ رسول پیارے آقاصلی اللہ علیہ وسلم کی سنّت پورے سرکے بال(زُلفیں )رکھیں ،یہ سنّت ہے ،ہوسکتاہےیہی نیکی بخشش کاسبب ہوجائے۔

سوال:کوئی تعریف کرے تو کیاکرناچاہئے ؟

جواب: کوئی تعریف کرے تو پُھول نہیں جانا چاہئے ،اپنی تعریف سُن کر نفس کو مزہ تو آتاہے اورنفس اسے پسند کرتاہے ،کوئی تعریف کرے تو اُس وقت اِسْتِغْفَارکرناچاہئے ۔

سوال: ایک مرید کااپنے پیرصاحب کے معاملے میں کیساجذبہ ہوناچاہئے؟

جواب:بیعت ہونے کا ایک مطلب ہے بِک جانا،مُریدایساہوجیسے مُردہ بَدسْتِ زندہ ،جس طرح غَسال (غسل دینے والے)کے ہاتھ میں مُردہ ہوتاہے،ایسے ہی مُریدکو ہوناچاہئے۔بُزرگوں کی حکایات پڑھنےسے بھی ذہن بنتاہے ۔ایسے لوگ جوپیری مُریدی کو تسلیم نہیں کرتے جنہیں ’’فرقۂ بےپیر‘‘کہاجاسکتاہے ،ان کے مضامین وغیرہ ہرگز نہ پڑھیں ،غورتوکریں ،غوث الاعظم رحمۃ اللہ علیہ سمیت جتنے بھی بُزرگ ہوئے ہیں یہ سب کسی نہ کسی کے مُرید تھے،کسی کامل پیرکی بیعت کرنے سے کوئی نقصان نہیں، دنیا وآخرت کے فوائدہی فوائد ہیں ۔

سوال:آپ کے ہاں جو گھریلوکسب ہوتاتھا، اس کے بارے کچھ بتائیے ؟

جواب:ہمارے گھروالوں نے غُربت کے باوُجودکسی سے سُوال نہیں کیا ،کسی سے کوئی زکوۃو خیرات نہیں لی بلکہ گھریلوکسب کرتے تھے ،مونگ پھلی کے چھلکوں سے دانے نکالتے ،بھُنے ہوئے چنوں کے چھلکے جداکرتے ،سُوکھی اِملی سے اُس کے دانے جُداکرتےوغیرہ اوراس پر ایک آنے ،چارآنےوغیرہ اُجرت ملتی تھی،اِس سے گزربسرہوتی تھی ۔

سوال:دُنیا میں کچھ لوگوں کی آپس میں جان پہچان ہوتی ہےاوربعض میں نہیں، اِس کی کیا وجہ ہے ؟

جواب:عالم ِاَرواح میں جن کی جان پہچان ہوئی ،اِن کی دُنیا میں بھی جان پہچان ہوتی ہے اورعالمِ اَرواح میں جن رُوحوں میں اجنبیّت رہی تو دُنیا میں بھی اجنبیّت رہتی ہے ۔

سوال:جنّتوں کی تعدادکتنی ہے اوراِن کےنام کیا ہے؟

جواب:جنّتوں کی تعداد آٹھ (8)ہے، جن کے نام یہ ہیں: (1)دارُالجلال (2)دارُالقرار (3)دارُالسلام (4)جنّتِ عَدن (5)جنّتُ الماویٰ (6) جنتُ الْخُلْد (7)جنّت ُالِفردوس(8)جنّتُ النَّعِیْم ،اِن میں سے اعلیٰ جنّت الفردوس ہے۔

سوال:شبِ قدرکی رات اورلَیْلَۃُ القدرکی رات کہناکیسا ؟

جواب:شب اور لَیْل کا معنی رات ہے،جب لفظ شب اورلیل آجائے تو پھر لفظ ’’رات ‘‘ بولنے کی حاجت نہیں ،شب ِقدراور لَیْلَۃُ القدرکہنا کافی ہے ۔

سوال:بال(Hair) کیوں جھڑتے ہیں ؟

جواب:آجکل خوراک میں ملاوٹ،صابن اورشیمپومیں کیمیکل ہوتے ہیں، جس کی وجہ سے بال جھڑتے ہیں ،عموماًجڑسے جدانہیں ہوتے بلکہ ٹُوٹتے ہیں ۔

سوال:نبیِ کریم صلی اللہ علیہ وسلم کے زمانے میں حج کے دوران زم زم شریف پلانے کی ذمہ داری (سِقایۃ ُالحاج)کس کےسپرد تھی ؟

جواب: نبی کریم صلی اللہ علیہ وسلم کے چچاحضرت عباس بن عبدالمطلب رضی اللہ عنہ کی