ہر ہفتے کی طرح 17 اکتوبر2020ء کی شب بھی عالمی مدنی مرکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں عاشقان رسول نے شرکت کی۔

مدنی مذاکرے میں عاشقان رسول کی جانب سے کئے گئے سوال (عاشقانِ میلاد ،ایامِ میلاد شروع ہونے پر کیاکریں اور کیسےگزاریں ؟ ) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ ماہ ِمیلاد کاآغازہونا خوشخبری ہے کہ یہ خوشیوں کامہینا ہے،اس خوشخبری پرسجدہ ٔ شکراداکیاجائے،ہوسکےتو شکرانےکے2نوافل اداکرے،یہ ذکرودُرُود کی کثرت کرنے،نعتیں پڑھنے اورنمازوں کی پابندی کرنے کا مہینا ہے، نمازیاجماعت میں سستی ہےتو اس سستی کودُورکیا جائے،داڑھی نہیں رکھی تو ایک مٹھی داڑھی سجالی جائے ،اگرمنڈوائی یا ایک مٹھی سےگھٹائی ہے توتوبہ بھی کی جائے ،سنتوں پرعمل کرنے کا ذہن بنایا جائے،سنتوں کےمطابق سادہ لباس پہنا جائے اورسادگی اپنا ئی جائے۔

مدنی مذاکرے کے چند مدنی پھول ملاحظہ کیجئے

سوال: انسان کے حالات بدلتےرہتےہیں، اللہ پاک کی رحمت سے مایوس ہونا کیسا؟

جواب: اللہ پاک کی رحمت سے مایوس نہیں ہوناچاہئے ،اپناذہن بنائیےکہ اللہ پاک نے مجھے فُلاں فُلاں نعمتیں عطافرمائی ہیں ، انسان کے تمام اعضاء انمول ہیں ،یہ کتنے زیادہ قیمتی ہیں ،اگرفلاں نعمت نہیں ملی تو کیا ہوا،اگرکوئی دعاقبول نہیں ہوئی توفُلاں فُلاں دعاقبول بھی توہوئی ہے ۔اس طرح ذہن بنانے سے مایوسی دُورہوگی ، رکھ مولاتے آس(اللہ پاک پر اُمیدرکھیں )،مزیدیہ بھی ذہن بنایا جائے کہ اگرکوئی دعاقبول نہیں ہوئی ،کوئی چیز نہیں ملی تو اس میں کوئی مصلحت (حکمت) ہوگی ،نہ ملنےمیں ہماراہی فائدہ ہوگا۔

سوال:اگرکوئی بازارمیں ٹھیّہ لگاتاہواوراس کی خواہش ہو کہ اُسے دکان مل جائے،اس کے لیے کوئی وظیفہ ارشاد فرمادیجئے۔

جواب:ضرورت نہ ہوتوحرص کی وجہ سے زیادہ مال کی خواہش اچھی نہیں ،نیکیوں کی حرص ہونی چاہئے ،جتنی نیکیاں زیادہ ہوں گی تو فائدہ زیادہ ہے،کوئی حسدبھی نہیں کرے گا، جتنامال زیادہ ،خطرہ بھی زیادہ،لوگ حسدبھی کرتےہیں ،مال کے حقوق (زکوۃ وفطرہ کی ادائیگی وغیرہ)میں بھی سستی ہوسکتی ہے۔ وظیفہ:نمازِعشاکےبعد ننگےسراوّل وآخردُرُودشریف ،500سومرتبہ یَا مُسَبِّبَ الْاَسْبَاب پڑھاکریں ،اِنْ شَاء َاللہ نیک حاجت پوری ہوگی ۔

سوال: کروناکی وبا ایک بارپھر سراٹھارہی ہے، کیااذانوں کاسلسلہ پھرشروع کیاجائے؟

جواب: جی ہاں !اذانوں کا سلسلہ دوبارہ شروع کیا جائے،ان شاۤء اللہ کرونا فرارہوجائے گا،کرونا سے بچنے کےSOPs(حفاظتی اقدامات) کا خیال رکھیں، احتیاط شریعت میں اچھی چیزہے،100دواکی اِک دواپرہیزہے۔محتاط آدمی ہمیشہ سکھی رہتاہے،میں بھی کرونا سے بچنے کے لیے طبی قانون کےپیش ِنظر احتیاط کرتاہوں ،یادرکھئے!جس کو کرونا ہوجائےوہ بہت تکلیف میں آجاتاہے ،اللہ کرے دشمن کوبھی کرونا نہ ہو،اللہ پاک ہمیں اس وبا سے محفوظ رکھے۔اٰمین

سوال: عمامہ شریف پر نقش ِ نعلِ پاک لگاکرنمازپڑھنے کے بارے میں آپ کیا فرماتے ہیں؟

جواب: نمازپڑھنےسےپہلےاُتاردیں، کیونکہ جب سجدہ کریں گےتو یہ زمین پر تشریف لے آئے گا۔

سوال: بعض زلفوں کےنام پربال توبڑھالیتےہیں مگرکہیں کہیں سےبال کاٹ بھی لیتےہیں مثلاً کانوں کےقریب کےبال،اسی طرح سرکے اوپر کےبال بھی ہلکےکروالیتےہیں ،تو کیاان کی زلفیں قرارپائیں گی؟

جواب:شیطان بڑافریبی وچالاک ہے،اسی لیے وہ نیک عمل میں دخل اندازی کرتاہے،جس طرح بتایا گیا یہ زلفیں نہیں بلکہ اپنےآپ کو دھوکادینےوالی بات ہے ، مکمل بال رکھیں ،آدھے کان یا پورے کان یااتنے بڑھائیں کہ کندھوں کو چُھولیں ،کندھوں سےنیچے رکھنے کی اجازت نہیں۔

سوال:مریض کا اپنے مرض کی کیفیت بیان کرتے ہوئے مبالغہ کرنے کا کیانقصان ہے؟

جواب:بعض مبالغے تو جھوٹ کی حدتک ہوجاتے ہوں گے ،مزیدڈاکٹرکے پاس جا کراس طرح مبالغہ کرنے سے ڈاکٹردواکا High Dose دیتا ہوگا ،جس کی وجہ سےمریض کو نقصان پہنچنے کااندیشہ ہے ،دردکی دوائیں(Pain Killer Medicine) گُردے(Kidney)پر اثرکرتی اورمعدے کو تباہ کردیتی ہیں ، غیرضروری دواؤں(Medicine) کے نقصانات ہوتے ہیں ،ڈاکٹربھی یہ غیرضروری دوائیں ہرگز نہ لکھ کردیا کریں ۔

سوال: ایمان کی حفاظت کے لیے کیا کریں ؟

جواب:ایمان کی حفاظت کرنا بہت اہم کام ہے ،کفریہ کلمات کی معلومات ہونا بہت ضروری ہے، اس کے لیے مکتبۃ المدینہ کی بہت ہی پیاری کتاب’’کفریہ کلمات کے بارے میں سوال جواب‘‘کا اتنا مطالعہ کیجئے کہ یہ زبانی یادہوجائے۔

سوال:سب سے افضل دُرودِ پاک کونسا ہے؟

جواب: دُرودِ ابراہیم(جو نمازمیں پڑھاجاتاہے)۔

سوال:شادی کارڈ میں اللہ ورسول کا نام ہوتاہے، کیا اس کا بھی احترام کرناہوتا ہے ؟

جواب:جی ہاں ! اللہ ورسول کےنام کے احترام کےلیےشادی کارڈ کا بھی احترام کرنا ہوگا۔

سوال:کیا بھول بھی ایک نعمت ہے؟

جواب: کئی ایسی باتیں ہیں جن کو بھول جانانعمت ہے، کسی نے بدسلوکی کی اورہم وہ بدسلوکی بھول جائیں تو اس کاہمیں فائدہ ہوتاہے ورنہ یادرہتی تو ٹینشن ہوتی ۔

سوال:اِس ہفتے کارِسالہ ” ربیع الاوّل کی خوبیاں “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یاربَّ المصطفٰے! جو کوئی رسالہ ” ربیع الاوّل کی خوبیاں “ کے 17 صفحات پڑھ یا سُن لے،اُس کو اِس مبارک مہینے کی برکتوں سے مالا مال فرما اور بے حساب بخش دے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ہر سال کی طرح اس سال بھی ربیع الاول کے مدنی مذاکرے کا سلسلہ شروع ہوچکا ہے جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمارہے ہیں۔

ان مدنی مذاکروں میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

واضح رہے کہ 17اکتوبر 2020ء سے شروع ہونے والے مدنی مذاکرے ماہ ربیع الاوّل 1442ھ کی 13ویں شب تک جاری رہیں گے جن کا آغاز روزانہ 8:30 بجے ہوگا۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

10اکتوبر2020ء کی شب عالمی مدنی مراکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں  عاشقان رسول نے شرکت کی۔

عاشقان رسول کی جانب سے کئے گئے سوال (جلوسِ مِیلادمیں کیا کیا احتیاطیں کرنی چاہئے؟) کے جواب میں امیر اہل سنت علامہ محمد الیاس عطار قادری دامت نے فرمایا کہ جلوسِ مِیلادمیں باوضورہیں ،نعتیں سنیں،نگاہ نیچی رکھیں ،عشق ِرسول میں ڈوب اورگُم ہو کرشرکت کریں،جب جب موقعہ ملےنیکی کی دعوت بھی دیتے جائیں ،اُچھل کودنہیں ہونی چاہئے ،اشتعال انگیزی نہ کی جائے ،پرامن طریقے پر جلوس میلادگزرائیے،عاشقانِ رسول پُرامن رہتے ہیں ، اپنےجلُوس کی حفاظت کریں ،انتظامیہ کے ساتھ تعاوُن کریں ،انہیں بُرابھلانہ کہیں ،اِنْ شَآءَ اللہ عَزَّ وَجَلَّ ان احتیاطوں کے ساتھ جلُوس نکالیں گے تو ہوسکتاہے غیرمسلم اسلام قبول کرلیں۔ایک غیرمسلم نےدعوتِ اسلامی کے جلوس میں مدنی منےکی نیکی کی دعوت سن کر دین اسلام قبول کرلیا تھا ۔

مدنی مذاکرے کے چند مدنی پھول ملاحظہ کیجئے

سوال:ہمدردیِ مُسلِم سے کیا مُرادہے اوریہ کیسے حاصل ہو؟

جواب: مسلمانوں کا بھلاچاہنا،ان کے دکھ درد کو سمجھنا ،ان کی خیرخواہی وہمدردی کرنا ،ان غم گساری وخبرگیری کرنا سب ہمدردیِ مسلم کی صورتیں ہیں ، اس کے کئی ذریعے اور صورتیں ہیں مثلاکوئی مسلمان بھوکا ہو تواُسے کھانا کھلانا ،کپڑوں کی ضرورت ہوتو کپڑے دینا ،کوئی دکھ یا تکلیف یا بیماری ہوتو دعاکرنا ، کوئی مشکل میں ہوتو اُس کی مشکِل دُورکرنا وغیرہ

سوال:ناراض رشتہ دارسے ہمدردی کرنے کا ذہن نہیں بنتا،اس کے بارے میں آپ کیافرماتے ہیں ؟

جواب:اپنے نفس کے لیے ناراضی ہوتو نفس کی مخالفت کرتے ہوئے ہمدردی کرنی چاہئے یادرکھئے !رشتہ دارسے ہمدردی کرنا دوسرں سے ہمدردی کرنے سے افضل ہے اورناراض رشتہ دارسے ہمدردی کرنا تو زیادہ ثواب کا کام ہے۔

سوال: ہم بارہ (12) ربیع الاول کے جلوس میں لوگ کو پانی ،دودھ اورشربت پلاتے ہیں اس میں کیا نیتیں اوراحتیاطیں کرنی چاہئے؟

جواب:اللہ پاک کی رضا کی نیّت سے دُودھ شربت پلایا جائے ،اپنی تعریف کروانے کی نیّت نہ ہو،پلاتے ہوئےاحتیاط کرنی چاہئےکہ اسراف نہ ہو،پانی ہویا شربت یادُودھ کوئی چیز ضائع نہ ہونے پائے ،ناسمجھ یا غیرسنجیدہ لڑکوں کو پلانے کی ذمہ داری دینے کے بجائے سمجھداریہ کام خودکریں،اپنی نگرانی میں دوسروں کوبھی کھڑاکیا جاسکتاہے ،اگرلوگ کچھ بچادیں تو اسے ضائع نہ کریں ،ترکیب سے دوسروں کوپلا دیں اوراس کا خاص خیال رکھیں ،لوگ کھڑے کھڑے پیتے ہیں ،اگرپلاسٹک کے اسٹول یا کرسیاں لگادی جائیں تو لوگ بیٹھ کرپی سکیں گے ،سبیل پر پانی پینے کی سنتیں اورآداب لکھ کرلگادیں ،اس کی وجہ سے لوگ سنت کے مطابق پیں گے اورثواب کا حقدارہوں گے ۔

سوال:اِس ہفتے کارِسالہ ” شانِ امام احمد رضا “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا اللہ پاک! جو کوئی 17 صفحات کا رسالہ ”شانِ امام احمد رضا“ پڑھ یا سن لے اُس کو سچا عاشق رسول بنا اور اس کی بے حساب مغفرت فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ہر ہفتے کی طرح آج 10 اکتوبر 2020ء کو ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

3اکتوبر2020ء کی شب عالمی مدنی مراکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر عاشقان رسول نے شرکت کی۔ اس مدنی مذاکرے میں پوچھے گئے سوال  (چھوٹوں پر رَحم کس طرح کیا جائے؟) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ جو رَحم دِل ہوگا تو قدرتی طور پراسےچھوٹوں پر رَحم آئے گا، اگرچھوٹا کوئی غلطی کرے تو دَرگُزر (معاف)کیاجائے، شفقت کی جائے، ان کو نظر انداز (Ignore)نہ کیا جائے، بار بار نہ ٹوکا جائے۔

آپ دَامَتْ بَرَکَاتُہُمُ الْعَالِیَہ نے مزید فرمایا کہ اگر میری اعلیٰ حضرت رحمۃ اللہ علیہ سے ملاقات ہوتی تو انہیں سلام عرض کرتا، دست بوسی کرتا اور مغفرت کی دعا کرواتا۔

مدنی مذاکرے کے چند مدنی پھول ملاحظہ کیجئے

سوال:فی زمانہ قناعت کی دولت کیسے ملے ؟

جواب: جتنا ملاہے اُ س پر راضی رہئے، دوسروں کے مال پر نظر نہ رکھیے، دوسروں سے امید بھی نہ رکھیے ،مکتبۃ المدینہ کی کتاب ’’نجات دلانے والے اعمال کی معلومات‘‘سے قناعت کے فضائل (صفحہ75) کا مطالعہ کیجئے۔

سوال: کیاایمبولینس(Ambulance) کو راستہ دینا چاہیے؟

جواب: جی بالکل دینا چاہیے، بعض اوقات اس میں مریض ہوتا ہے اور اسے جلد ہسپتال پہنچانا ہوتا ہے، اس کے علاوہ اور بھی کوئی گاڑی ہو تو ایثار کرتے ہوئے اسے جانے دیا تو ایثار کا ثواب ملے گا۔

سوال: گھر والے تکلیف دیں تو کیا کرنا چاہیے؟

جواب:صبر کرنا چاہیے ، گھر والے بدمزاج ہوں تو در گزر کیجئے، اچھے انداز میں سمجھائیے، محبت وشفقت کابرتاؤکیجئے۔

سوال: گھر والے بچوں کو سمجھاتے بھی ہیں لیکن وہ سمجھتے نہیں ،اس کی کیا وجہ ہے ؟

جواب: بعض بچے شریف ہوتے ہیں جو تنگ نہیں کرتے ، لیکن اکثر بچے آزاد خیال ہوتے ہیں وہ نہیں سمجھتے، بچوں کو مدنی چینل(Kids Madani Channel) دکھائیں، اس سے انہیں مدنی پھول ملیں گے۔

سوال: عید ِمیلادُ النبی (صلی اللہ علیہ واٰلہ وسلم)کے موقع پر کس طرح ڈیکوریشن کی جائے ؟

جواب:اس طرح سجاوٹ کریں کہ راستہ تنگ نہ ہو، سڑک وغیرہ کھود کر خراب نہ کی جائے، کسی مسلمان کی دِل آزاری اوراسے تکلیف نہ ہو،سب کچھ عین شریعت کے مطابق کیا جائے۔

سوال: عید ِمیلادُ النبی کے لیے جو چراغاں (Lighting)کیا جاتا ہے،یہ لائٹنگ کب چلائی(On) جائے اور کب بند(Off) کی جائے؟

جواب: جب اندھیرا ہوجائے تو لائٹنگ چلائی جائے اور جب چہل پہل بند ہوجائے ، لوگوں کے سونے کا وقت ہوجائے تو فوراً بند کردی جائے۔

سوال: عشقِ رسول بڑھانے کے لیے کیا کرنا چاہئے ؟

جواب: رسولِ پاک صلَّی اللہ علیہ واٰلہٖ وسلَّم کی خوبیوں کی معلومات حاصل کی جائیں، سیرت کا مطالعہ کیا جائے، درُود و سلام کی خوب کثرت کی جائے، شریعت کے مطابق پڑھی گئی خوش اِلحان نعت خوانوں کی نعتیں سُنی جائیں، اِنْ شَاۤءَ اللہ عشقِ رسول میں اضافہ ہوگا۔

سوال: مدنی انعامات اور محاسبہ کی جگہ کیا الفاظ بولے جائیں؟

جواب:مدنی انعامات کے بجائے اب نیک اعمال اور محاسبہ کے بجائے "جائزہ"کا لفظ طے ہوا ہے۔

سوال: یومِ قفلِ مدینہ کس طرح منایا جائے ؟

جواب:ہرعیسوی (انگریزی)ماہ کی پہلی پیر(1^st Monday)کو یومِ قفلِ مدینہ منایا جائے ،اگر ہم فضول اور گناہوں بھری باتوں سے بچ جائیں تو دنیا میں امن قائم ہوجائے، زبان کی وجہ سے بہت مسائل ہوتے ہیں، زبان کو کنٹرول کر نا ضروری ہے ، میں ایامِ قفلِ مدینہ پیر، منگل اور بدھ کو منانے کی نیت کرتا ہوں، مجلس نیک اعمال یوم قفلِ مدینہ اور ایامِ قفلِ مدینہ کی کار کردگی مجھے بھیجے۔

سوال: حضرت عثمانِ غنی رضی اللہ عنہ کا یومِ شہادت کیا ہے ؟

جواب: 18 ذوالحجة الحر ام ۔

سوال: آپ کا پہلا سفرِ مدینہ کب ہوا؟

جواب: میں نے 1980 میں مدینے شریف کا پہلاسفر اپنے ملک(پاکستان) سے براہِ راست کیا تھا۔

سوال:امیراہل سُنّت دَامَتْ بَرَکاتُہُمُ الْعَالِیَہنےیومِ قفلِ مدینہ یاایام ِقفلِ مدینہ منانے والوں کو کیادُعادی؟

جواب:یا اللہ !جو کوئی ہر مہینے ایامِ قفلِ مدینہ 3 دن کے لیے منائے، اُس کا دونوں جہاں میں بیڑا پار ہو ، اس کو تیرے محبوب (صلَّی اللہ علیہ واٰلہٖ وسلَّم )کے جلوےنظر آئیں، دیدار ہو،اُن کے گھر میں سکون قائم ہو، قبر و آخرت میں امن قائم ہو ،نزع کی سختیوں سے یہ بچا رہے اور بے حساب مغفرت اس کا مقدر ہو ،اُن سب کے صدقے میرے حق میں بھی یہ دعا قبول ہو، مولائے کریم! سب کو ایامِ قفلِ مدینہ منانے کی سعادت نصیب فرما، کہ مہینے میں 3 دن خصوصیت کے ساتھ اور پھر زندگی بھر ہماری زبان پر مدینے کا لاک(Lock) یعنی تالا لگ جائے ، ہم اسی وقت بولیں جب اس کی ضرورت ہو اور اےرب!تیری رضا ہو، تیری رضا نہ ہو تو ہم نہ بولیں کاش! کرم فرما دے، اللہ پاک !کرم فرمادے، جو یومِ قفلِ مدینہ 1 دن کا منائیں گے، ان کے حق میں بھی یہ دعائیں قبول فرمالے۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

سوال:اِس ہفتے کارِسالہ70”ہزار جادوگر “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یااللہ پاک! جو کوئی 17 صفحات کا رسالہ70”ہزار جادوگر “ پڑھ یا سُن لے، اُسے اور اُس کی آل کو ہمیشہ جادو اور شریر جِنّات کے اثرات سے محفوظ فرم ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

ہر ہفتے کی طرح اس ہفتے کی رات کو بھی ہفتہ وار مدنی مذاکرے کا سلسلہ ہوگا جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

27ستمبر 2020ء کی شب ہونے والے مدنی مذاکرے میں کئے گئے سوال (کفریہ جملے بولنے سے کس طرح حفاظت ہو؟) کے جواب میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے فرمایا کہ علم اوراہلِ علم وعلمااوراچھی صحبت اوراسلامی کتابوں کے مُطالعہ سے دُوری کی وجہ سے بعض نادان لوگ کفریہ کلمات بول دیتے ہیں، ہرشخص ایمان کی قدرسمجھے، اپنے ایمان کی حفاظت کی فکرکرے، دعوت ِاسلامی سے وابستہ رہے، مدنی چینل دیکھتارہے توایمان کی حفاظت کے اسباب ہوں گے۔

آپ دَامَتْ بَرَکَاتُہُمُ الْعَالِیَہ نے مزید فرمایا کہ حدیثِ پاک میں ہے،’’ جس نے اچھّی طرح وُضو کیااور پھر آسمان کی طرف نگاہ اُٹھائی اورکلمۂ شہادت پڑھا،اُس کے لیے جنّت کے آٹھوں دروازے کھول دیئے جاتے ہیں، جس سے چاہے اندر داخل ہو۔ (مُلَخَّصاً صحیح مسلم،1/122)

مدنی مذاکرے کے چند مدنی پھول ملاحظہ کیجئے

سوال:نظرکمزورنہ ہواس کا کوئی وظیفہ بتادیجئے؟

جواب: جو وُضو کے بعد آسمان کی طرف دیکھ کرسُوْرَۂ قَدْر(اِنَّاۤ اَنْزَلْنٰهُ فِيْ لَيْلَةِالْقَدْرِ)پڑھ لیا کرے ،اُس کی نظر کمزور نہ ہوگی۔ (مسائلُ القرآن ص 291)

سوال:روزی میں برکت کا کوئی وظیفہ بتادیجئے ؟

جواب: نمازِ فجر کے بعداوّل وآخرچودہ (14)مرتبہ دُوردشریف ،ایک ہزارچارسو(1400)مرتبہ’’ یَا وَہَّابُ‘‘پڑھیں ۔

سوال:چشتی کون ہوتے ہیں ؟

جواب: سلطانُ الہند حضرت خواجہ غریب نوازسیدحسن سنجری چشتیرحمۃ اللہ علیہ کے سلسلے میں جومُرید ہوں،انہیں چشتی کہتے ہیں اورجو حضرتِ غوث ُالاعظم سیدعبدالقادِرجیلانی رحمۃ اللہ علیہ کے سلسلےمیں مُرید ہوں، انہیں قادِری کہا جاتاہے ۔

سوال:کیا لیٹ کرموبائل استعمال کرنے کا بھی کوئی نقصان ہے ؟

جواب:کیوں نہیں !ہروہ عمل جس سےآنکھوں پر زورپڑے،اسی طرح آنکھوں کا غیرفطری استعمال نظرکی کمزوری کاسبب بنتاہے۔

سوال:17 صفر المظفرآپ کی والدہ کی برسی ہے، اپنی والدہ کاکوئی یادگارواقعہ سنادیجئے ؟

جواب:ماں کی محبت اورممتا(ماں کے پیار)کی قدرماں کےمرنےکےبعدہوتی ہے،اللہ پاک ماں کی زندگی میں ہی اس کی قدرنصیب فرمائے۔ ایک مرتبہ میرےایک دوست نے میری ماں کے سامنے میراذکرکیا تو میری ماں نے روتے ہوئے کہا کہ میرابابو (بچپن میں میرالقب تھا)کھیلنے کے دنوں میں کھیلانہیں، اس نےمحنت مزدوری کی ہے ۔

سوال: آپ نےبتایا کہ گھریلومسائل وغربت کی وجہ سے آپ نےبچپن سے محنت مزدوری کاسلسلہ شروع کیا تو دینی ماحول ،امامت اورنیکی کی دعوت دینے کی طرف مائل ہونے کا کیا سبب ہوا؟

جواب:ہمارےگھرمیں نمازوغیرہ کا ماحول تھا ،مذہبی گھرانہ تھا ،میری والدہ نمازکےلیے جگاتی تھیں ،بڑے بھائی کے ساتھ مسجدمیں جاتاتھا،اللہ پاک کے فضل سے یہی سبب ہے۔

سوال:سلسلہ ٔسہروردیہ کےبانی کون ہیں ؟

جواب:حضرت سیدنا شیخ شہاب الدین عمر سہروردی بغدادیرحمۃ اللہ علیہ۔

سوال:اِس ہفتے کارِسالہ ” کن لوگوں کی دعا قبول ہوتی ہے “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا ربَّ المصطفٰے! جو کوئی رسالہ ” کن لوگوں کی دُعا قبول ہوتی ہے “ کے 17 صفحات پڑھ یا سُن لے،اُس کی دعاؤں پر رحمت کی خاص نظر فرما اور اس کی بے حساب مغفرت فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

’’مال ‘‘مومن ،کافر، نیک، فاسق سب کو حاصل ہوتا ہے جبکہ نفع بخش علم صرف مومن کو ہی حاصل ہوتا ہے۔ (صراط الجنان جلد ششم ص345)

مسلمانوں کے دلوں میں علم دین کا جذبہ بیدار کرنے کے لئے ہر ہفتے کی طرح آج بھی مورخہ 26ستمبر 2020ء کی شب 9:30 بجے دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل پر براہِ راست نشر کیا جائے گا۔

اس مدنی مذاکرے میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات ارشاد فرمائیں گے۔

تمام عاشقانِ رسول سے درخواست کی جاتی ہے کہ مدنی مذاکرے میں اول تا آخر شرکت فرمائیں۔

عاشقان رسول کو علمِ دین سے سیراب کرنے کے لئے ہر ہفتے کی طرح آج بھی مورخہ 19ستمبر 2020ء کی شب 9:30 بجے دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل براہِ راست نشر کیا جائے گا۔

اس مدنی مذاکرے میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات بھی ارشاد فرمائیں گے

تمام عاشقانِ رسول سے درخواست کی جاتی ہے کہ مدنی مذاکرے میں اول تا آخر شرکت فرمائیں۔

علم مؤمن کا گمشدہ خزانہ ہے، مسلمان ہمیشہ حصولِ علم کی تگ و دو میں مصروف رہتا ہے،ان  علم کے پیاسوں کےلیے ہر ہفتے کی طرح آج بھی مورخہ 12ستمبر 2020ء کی شب 9:30 دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرہ ہوگا، جو مدنی چینل براہِ راست نشر کیا جائے گا۔

اس مدنی مذاکرے میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے حکمت بھرے جوابات بھی ارشاد فرمائیں گے

تمام عاشقانِ رسول سے درخواست کی جاتی ہے کہ مدنی مذاکرے میں اول تا آخر شرکت فرمائیں۔

5ستمبر 2020ء کی شب ہونے والے مدنی مذاکرے میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےایک سوال کے جواب میں فرمایا کہ امام غزالی نے لکھا ہے کہ عورتوں کابُرقع سادہ اورڈِھیلاڈَھالاہوناچاہئے ، آپ کا مزید کہنا تھا کہ ہر مسلمان کے دل میں اَہلِ بیت اورصحابۂ کرام عَلَیْہِمُ الرِّضْوان کی محبت ہونی چاہئے ،حدیثوں میں اس کی ترغیب بھی آئی ہے۔اپنے بچوں کو بھی اہلِ بیت اورصحابۂ کرام کی محبت سکھانی چاہئےتاکہ بچے بچے کے دل میں ان کی محبت ہو۔یہ محبت سعادت مندوں کا حصہ اوراللہ پاک کا فضل ہے۔ ہرصحابی عادل اورمتقی ہے اورہمارے لیے واجبُ التَّعْظِیم ہے ۔ہمیں ہرصحابی اوراہلِ بیت کےہرفرد کی محبت میں مضبوط ہوناچاہئے۔

آپ دَامَتْ بَرَکَاتُہُمُ الْعَالِیَہ نے مزید فرمایا کہ مسلمان کو گالی دینافِسْق(گناہ)ہے ،گالی دینا مسلمان کی توہین ہے ،ہراچھی فطرت اورشرافت والاگندی گالیاں دینے والے سےگِھن کھاتاہے ۔

مدنی مذاکرے کے چند مدنی پھول ملاحظہ کیجئے

سوال:18محرم الحرم ’’یوم مفتی دعوتِ اسلامی ‘‘ہے، اس موقع پر آپ کیافرماتےہیں؟

جواب:ہراسلامی بھائی اوراسلامی بہن کم ازکم 18دُرُودشریف پڑھ کر مفتیٔ دعوتِ اسلامی کو ایصالِ ثواب کرنا نہ بھولیں ۔

سوال:کم وقت میں زیادہ علمِ دین حاصل کرنے کے لیے کیا کریں ؟

جواب:کعبہ شریف کی طرف منہ کرکے مُطالَعہ کریں گےتو ان شاۤءَ اللہ زیادہ علم حاصل ہوگا،کعبہ شریف کی طرف منہ کرکےبیٹھنا سنّت بھی ہے ۔ آج کل کرسیوں پر بیٹھنے کا رواج ہے ،میرامشورہ ہے کہ جن سے بَن پڑھے وہ زمین پر بیٹھیں ،پیدل چلنے کی عادت بنائیں ،پانی خوب پئیں،پانی پینا گُردوں(Kidneys) کی صحت کے لیے ضروری ہے۔چھوٹے لقمے لے کرخوب چباکرکھائیں ،عبادت پر قوت حاصل کرنے، عبادت بہتراندازسے کرنے کی نیت سے احتیاطیں کریں ۔

سوال:شوگر(Sugar)نہ ہو،اس کے لیے کیاکرنا چاہئے ؟

جواب:میٹھا کم استعمال کریں ،چائے میں کم میٹھا ڈالیں ،مٹھائیاں نہ کھائیں ،چاول پکانے سے پہلے پانی میں بگھوئیں اورپہلاپانی نکال دیں،پیدل چلیں۔

سوال: کیا آم (Mango)کھانے سے شوگربڑھتاہے ؟

جواب:میراتجربہ ہےکہ آم کھانے سے شوگرمیں اضافہ نہیں ہوتا،مگرآپ کھانے سے پہلے اپنے طبیب(Doctor) سے مشورہ کرلیں ۔

سوال:اِس ہفتے کارِسالہ” اچھی بُری صحبت “پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا ربَّ المصطفٰے! جو کوئی17 صفحات کا رِسالہ ”اچھی بُری صحبت“ پڑھ یا سُن لے،اس کو اپنےپسندیدہ بندوں کی صحبت نصیب فرما اور اس کی بے حساب مغفرت کر۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

حضرت سیدنا امام حسین اور دیگر شہیدان کربلا رضوان اللہ علیہم اَجْمعین کے ایصالِ ثواب کے لئے 29 اگست 2020ء بمطابق شب عاشوراء 1442ھ کومدنی چینل پر مدنی مذاکرے کا سلسلہ ہوا ۔ مدنی مذاکرے میں امیر اہل سنت دَامَتْ بَرَکَاتُہُمُ الْعَالِیَہ نے نواسہ رسول حضرت سیدنا امام حسین رضی اللہ عنہ کے فضائل بیان کئے اور عاشقان رسول کی جانب سے ہونے والے سوالات کے جوابات ارشاد فرمائے۔

اس مدنی مذاکرے میں صاحبزادہ مولانا عبید رضا عطاری مدنی ،مولانا محمد عمران عطاری اور ابو البنتین حاجی حسان عطاری نے بھی شرکت کی جبکہ دوران مدنی مذاکرہ اہل بیت اطہار کی شان میں مناقب بھی پڑھی گئیں۔

مدنی مذاکرے کے چند مدنی پھول ملاحظہ کیجئے

سوال: کیاعاشُوراءکےدن قینچی،چاقو اورچُھری استعمال نہیں کرنی چاہئے؟

جواب: یہ عوامی بات معلوم ہوتی ہے ،ضرورت ہوتو عاشُوراکےدن قینچی،چاقو اورچُھری استعمال کرنےمیں حرج نہیں ۔

سوال:کسی شخصیت کی یادمنانے کی اصل رُو ح کیاہے ؟

جواب: کسی شخصیت کی یادمنانےکی اصل رُوح یہ ہے کہ اُن کے نقشِ قدم پر چلاجائے، اُن کی تعلیمات وسیرت پر عمل کیاجائے ۔

سوال:بہت بڑی مصیبت کیا ہے؟

جواب:واللّٰہ،تَاللّٰہ، باِللّٰہ (یعنی اللّٰہ پاک کی قسم)خاتمہ بُرا ہونا بہت بڑی مصیبت ہے،اللّٰہ پاک ہمارااچھا اورایمان پر خاتمہ فرمائے،مدینے کی گلی میں ایمان وعافیت کے ساتھ گنبدِخَضراءکے سائے تلے شہادت کی موت نصیب فرمائے۔

سوال: نمازاورجماعتِ نمازکے بارے میں آپ کیا فرماتےہیں؟

جواب:جب تک ہمارے ہوش و حواس قائم ہیں ،ہماری ایک بھی نمازبلکہ جماعتِ نماز نہیں چھُوٹنی چاہیئے۔

سوال: رزق اورروزی کے بارے میں ہمیں کیا ذہن بناناچاہئے اورروزی کمانے میں ہمارااندازکیساہو؟

جواب: اللہ پاک نے جو زندگی مقدرکی ہے، اس میں اللہ پاک نے روزی اوررزق کو اپنے ذمۂ کرم پر لیا ہے ،جو روزی مُقدرمیں لکھی ہے وہ مل کررہے گی، کسب وکام میں جدوجہدضرورکرنی چاہئے مگرمال کمانے میں حرص ولالچ نہ ہو۔

سوال: کیا چیزآخرت میں کام آئے گی؟

جواب:مسلمانوں کی تکلیف دُورکرنا ،ان کے کام آنا کام آئے گا،کسی بے روزگارکو کام دھندے پر لگادیا،مصیبت زدوں کا گھربنادیا،بارشوں وغیرہ کی وجہ سے کوئی ٹُوٹ پھُوٹ ہوئی ہوتو اسے دُرست کروادیا ،یہ سب آخرت میں کام آئیں گے۔

سوال: مُعلومات کےمطابِق دعوت ِاسلامی کاقیام 2ستمبر1981ء کو ہواتھا ،کیااس دن ’’یومِ دعوتِ اسلامی‘‘کی ترکیب کی جائے ؟

جواب:واہ !کیا بات ہےیومِ دعوتِ اسلامی کی، کلینڈرکے مطابق2ستمبر1981ءکو اسلامی تاریخ 4ذُوالقَعْدۃ ِالْحَرام1401 ھ ہے ،اگر’’یومِ دعوتِ اسلامی‘‘4 ذُوالقَعْدۃ ِالْحَرام کو رکھا جائے تو پھرموسِم کے مسائل ہوں گے،حُسنِ اِتفاق سے ستمبرمیں پاک وہند وغیرہ کا موسِم خوشگوارہوتاہے ،’’یومِ دعوتِ اسلامی‘‘2ستمبرکو ہوتو موسم کے مسائل نہیں ہوں گے ۔(نگرانِ شوریٰ حضرت مولانا محمدعمران عطاری مدظلہ العالی نے اعلان کیا کہ 2ستمبر2020ءکو”یوم ِ دعوتِ اسلامی ‘‘کے موقع پر رات تقریباً 09:30بجےمدنی چینل پر محفلِ نعت ہوگی ،جس میں امیراہل سنت دامت برکاتہم العالیہ کی تشریف آوری بھی ہوگی ،جانشینِ امیراہلسنت ،اراکینِ شوریٰ اوردیگرمبلغین بھی شرکت فرمائیں گے،تمام عاشقانِ رسول کو شرکت کی دعوت ہے)

سوال:اِس ہفتے کارِسالہ” فضائل امام ِ حسین“پڑھنے یاسُننے والوں کو امیرِاہلِ ِسُنّت دَامَتْ بَرَکَاتُہُمُ الْعَالِیَہ نے کیا دُعا دی ؟

جواب: یااللہ! جو کوئی رسالہ ” فضائلِ امام ِ حسین “کے 17 صفحات پڑھ یا سُن لے، اُسے جنّتی ابنِ جنّتی امامِ حُسینرضی اللہ عنہ کا جنّتُ الفردَوس میں جَوار(یعنی پڑوس)نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم