25 جولائی 2022 ء بروز پیر پنجاب کے شہر فیصل آباد میں قائم  مدنی مرکز فیضان مدینہ میں دعوت اسلامی کی مرکزی مجلس شوری کے رکن و نگران پاکستان مشاورت حاجی محمد شاہد عطاری سے جامعۃ المدینہ میں 12 دینی کام کرنے والے ذمہ داران نے ملاقات کی اور سیکھنے سکھانے کے حوالے سے تربیتی نشست کا اہتمام کیا گیا جس میں صوبائی ذمہ داران ، شعبہ 12 دینی کام پاکستان ذمہ دار، ملک و بیرون ملک کے جدول ناظمین وذمہ داران نے شرکت کی ۔

اس تربیتی نشست میں نگران پاکستان مشاورت نے شعبہ جامعۃ المدینہ کے عملے اور طلبہ ٔکرام میں 12 دینی کاموں میں شمولیت کے موضوع پر مدنی پھول دیئےنیز ذمہ داران کی طرف سے ہونے والے سوالات کے جوابات بھی دیئے کہ کیسے مقیم اور غیر مقیم طلبہ ٔکرام میں 12 دینی کام کرنے ہیں اور نگران پاکستان مشاورت نے طلبہ ٔکرام کو 12 دینی کام کورس کروانے کے حوالے سےبھی ذہن دیا ۔

واضح رہے کہ نگران پاکستان مشاورت نے ذمہ داران میں بذریعہ ویڈیو لنک تربیتی بیان کیا اور ملک و بیرون ملک کے جدول ناظمین نے بذریعہ لنک شرکت کی ۔

اسکے علاوہ بعد میں نگران پاکستان مشاورت نے جامعۃالمدینہ میں 12 دینی کام کرنے والےذمہ داران کا مدنی مشورہ بھی کیاجس میں شعبہ جامعۃ المدینہ میں 12 دینی کام کے متعلقہ رکن شوریٰ و نگران مجلس شعبہ جامعۃالمدینہ ، پاکستان اور صوبائی سطح کے ذمہ داران نے شرکت کی ۔

نگران پاکستان مشاورت نے شعبے کی سابقہ کارکردگی کا جائزہ لیا اور آئندہ کے اہداف طے پائے جن میں :

1: طلبہ ٔکرام اور جامعۃالمدینہ کے عملے میں 12 دینی کاموں کو نافذ کرنا ۔

2:جن جامعات میں دورہ ٔحدیث کی کلاس لگتی ہے ان میں 2 درجے اور جن جامعات میں دورہ ٔحدیث کی کلاس نہیں لگتی ان میں 1درجہ سال کے آخر میں 12 دینی کام کورس یا اصلاح اعمال کورس کرے گا ۔

3: طلبہ ٔکرام کے ساتھ ساتھ سرپرست اسلامی بھائیوں کو بھی مدنی قافلے میں شرکت کروائی جائے نیز مدنی مذاکرہ اور ہفتہ وار اجتماع میں بھی شرکت کروائی جائے ۔(رپورٹ: محمد اقبال عطاری، شعبہ رابط برائے شخصیات لاہور ڈویژن ، کانٹینٹ: محمد مصطفی انیس) 

23 جولائی 2022 ء کو جامعۃ المدینہ زینت الاسلام 46 اڈا سرگودھا میں شعبہ کفن دفن کے تحت سیکھنے سکھانے کے مدنی حلقے کا اہتمام کیا گیاجس میں  اڈا سرگودھا کے جامعۃ المدینہ و مدرسۃ المدینہ کے 46 طلبہ و اساتذہ ٔ کرام نے شرکت کی ۔

صوبائی ذمہ دارشعبہ کفن دفن مولانا لیاقت عطاری مدنی نے شعبہ کفن دفن کا تعارف کروایا اور شعبے کے تحت ہونیوالے دینی کام تجہیز وتکفین نیز نمازِ جنازہ کے طریقے کے بارے میں آگاہی دی ۔

اس موقع پر سرکاری ڈویژن ذمہ دار مولانا ارسلان عطاری مدنی ، پرنسپل آف جامعۃ المدینہ مولانا فضیل رضا عطاری مدنی ، وائس پرنسپل مولانا آصف عطاری مدنی اور مدرسۃ المدینہ کے قاری بلال عطاری بھی موجود تھے۔(رپورٹ: فضیل رضا عطاری مدنی ،پرنسپل آف جامعۃ المدینہ زینت الاسلام 46 اڈا سرگودھا ، کانٹینٹ: محمد مصطفی انیس) 

دعوتِ اسلامی کے تحت 21 جولائی 2022ء بروز جمعرات صوبۂ سندھ کے شہر سکھر میں واقع مدنی مرکز فیضانِ مدینہ میں سکھر، لاڑکانہ اور ڈیرہ اللہ یار کے جامعۃ المدینہ بوائز کے ناظمین جدول کےلئے 12 دینی کاموں کے حوالے سے نشست کا انعقاد کیا گیا۔

اس نشست میں مولانا نواز علی عطاری مدنی (نگران شعبہ 12 دینی کام جامعۃ المدینہ بوائز پاکستان) نے ناظمین کی تربیت کرتے ہوئے 12 دینی کاموں کے حوالے سے شعبے کی سابقہ ماہ کی کارگردگی کا جائزہ لیا اور آئندہ کے اہداف دیئے۔

دورانِ مدنی مشورہ مختلف موضوعات پر گفتگو کی گئی کہ طلبۂ کرام سے کس طرح 12 دینی کام کروائے جائیں بالخصوص ہفتہ وا رسنتوں بھرا اجتماع،مدنی مذاکرہ، ہفتہ وار رسالہ، یوم تعطیل اعتکاف پر کلام ہوا جس پر ناظمینِ کرام اچھی اچھی نیتوں کا اظہارکیا۔

اس موقع پر مولانا رضوان مدنی (رکنِ شعبہ جامعۃ المدینہ بوائز) اور مولانا سعید اللہ مدنی (حیدر آباد 12 دینی کام ذمہ دار) بھی موجود تھے۔

(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کی مرکزی مجلسِ شوریٰ کے رکن  حاجی محمداسد عطاری مدنی کا دینی کاموں کے سلسلے میں مرکزی جامعۃ المدینہ فیضان ِ مدینہ جوہر ٹاؤن کا شیڈول رہا۔

تفصیلات کے مطابق رکنِ شوریٰ نے اس دوران استاذُ الحدیث مفتی محمد ہاشم خان عطاری سے ملاقات کی اور مفتی صاحب سے تعزیت کرتے ہوئے ان کے والدِ محترم کے انتقال پر دعائے مغفرت کی نیز مفتی صاحب نے شعبہ جامعۃ المدینہ بوائز کے دینی کاموں میں کامیابی کی دعا فرمائی اور اپنے قیمتی مدنی پھولوں سے بھی نوازا۔

اس کے علاوہ رکنِ شوریٰ نے جامعۃ المدینہ جوہر ٹاون کے دورۂ حدیث شریف سمیت دیگر درجات کے طلبۂ کرام میں سنتوں بھرا بیان کیا اور انہیں قرآنی آیات واحادیثِ نبویہ سے مدلل نیز واقعات و حقائق کی روشنی میں اللہ عزوجل پر توکل کرنے کا درس دیا۔بعدازاں رکنِ شوریٰ نے طلبہ سے ملاقات کرتے ہوئے قربانی کی کھالیں جمع کرنے میں نمایاں کارکردگی والے طلبہ ٔ کرام کو تحائف اور دعاؤں سے نوازا۔

اس موقع پر رکنِ شوریٰ کے ہمراہ نگران ِشعبہ جامعۃ المدینہ بوائزمولانا ظفر بشیر عطاری، لاہور ڈویژن جامعۃ المدینہ بوائزکے نگران مولانا نوید مدنی، ڈسٹرکٹ ذمہ داران محمد کاشف داود، سیّد عثمان عامر، محمد نوید اقبال اورمحمد افتخار سمیت دیگر اساتذۂ کرام و شخصیات موجود تھیں۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

پچھلے دنوں دعوتِ اسلامی کی مرکزی مجلسِ شوریٰ کے رکن حاجی محمداسد عطاری مدنی کی دینی کاموں کے سلسلے میں مرکزی جامعۃ المدینہ فیضان ِ مدینہ جوہر ٹاؤن لاہور میں آمد ہوئی۔

اس موقع پر رکنِ شوریٰ حاجی محمد اسد عطاری مدنی نے شعبہ جامعۃ المدینہ بوائز سے وابستہ فنانس ڈیپارٹمنٹ، ایچ ار ڈیپارٹمنٹ، خودکفالت پاکستان، صوبائی، ڈویژن اور ڈسٹرکٹ کے ذمہ داران کا مدنی مشورہ کیا۔

دورانِ مدنی مشورہ رکنِ شوریٰ نے شعبے کی سابقہ کارکردگی کا جائزہ لیتے ہوئے آئندہ کے اہداف طے کئے اور ترقی و اضافے کے طریقے کار کےساتھ مختلف اہم امور پر کلام کیا۔

مدنی مشورے میں مولانا علی عمران مدنی، مولانا تنویر مدنی، مولانا شاہد مدنی،مولانا عاطف مدنی، مولانا نوید صدیق، مولانا سرفراز مدنی، مولانا ساجد مدنی اور میٹنگ کے دیگر شرکانے اپنے اہداف و نیتوں کا اظہار کیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں شعبہ جامعۃ المدینہ بوائز کے تحت پچھلے دنوں ناظمین جدول کا 12 دینی کاموں کے حوالے سے مدنی مشورہ منعقد کیا گیا جس میں مولانا نواز عطاری مدنی (نگران شعبہ 12 دینی کام جامعات المدینہ پاکستان) نے ناظمینِ جدول کی تربیت کی۔

اس مدنی مشورے میں ناظمِ اعلیٰ فرقان عطاری مدنی اور ناظمِ اعلیٰ نعمان عطاری مدنی سمیت شعبے کے دیگر اہم ذمہ داران نے شرکت کی نیز ناظمین جدول نے شعبے کی ترقی کے حوالے سے اپنی اپنی نیتوں کا اظہار کیا۔

دورانِ مدنی مشورہ اسلامی بھائیوں کی بذریعہ Presentation رہنمائی کی گئی جبکہ رکنِ مرکزی مجلسِ شوریٰ حاجی محمد امین عطاری نے بھی مدنی مشورے میں شریک ذمہ داران کو مدنی پھولوں سے نوازا اور انہیں دعوتِ اسلامی کے 12 دینی کاموں میں مزید بہتری لانے کا ذہن دیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے تحت 19 جولائی 2022ء بروز منگل راولپنڈی ڈویژن کے جامعۃ المدینہ بوائز کے ناظمین کا مدنی مشورہ منعقد ہوا جس میں شعبے کے دیگر اہم ذمہ دار اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ حاجی وقار المدینہ عطاری نے ناظمین کو جامعۃ المدینہ بوائز میں دعوتِ اسلامی کے 12 دینی کاموں کو شروع کروانے کا ذہن دیا اور طلبۂ کرام کو اس کی ترغیب دلانے نیز جامعۃ المدینہ کو مزید خود کفیل بنانے کے متعلق مدنی پھول دیئے جس پر ناظمین نے اچھی اچھی نیتیں کیں۔(کانٹینٹ:غیاث الدین عطاری)

دعوتِ اسلامی کے تحت پچھلے دنوں جوہر ٹاؤن لاہور کے مدنی مرکز فیضانِ مدینہ میں قائم مرکزی جامعۃ المدینہ بوائز میں دورۂ حدیث شریف کے طلبۂ کرام کے لئے ایک نشست کا انعقاد کیا گیا جس میں سوشل میڈیا کے استعمال کے متعلق کلام کیا گیا۔

اس نشست میں نگرانِ شعبہ محمد فائق عطاری نے ٹائم مینجمنٹ کے حوالے سے گفتگو کرتے ہوئے طلبۂ کرام کی ذہن سازی کی اور انہیں صرف دعوتِ اسلامی کےآفیشل پلیٹ فارم سے جاری ہونے والے کلپس کو خود بھی دیکھنے اور دوسرے عاشقانِ رسول کو بھی فاروڈ کرنے کا ذہن دیا جس پر انہوں نے اچھی اچھی نیتوں کا اظہار کیا۔

اس کےعلاوہ نگرانِ شعبہ نے طلبۂ کرام کو دعوتِ اسلامی کے دینی ماحول سے ہر دم وابستہ رہتے ہوئے 12 دینی کاموں میں بڑھ چڑھ کر حصہ لینے کی تر غیب دلائی۔(رپورٹ:محمد سعد عطاری رابطہ برائے سوشل میڈیا ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام 7 جولائی 2022ء بروز جمعرات پاکستان کے علاقے دھریالہ جالپ میں واقع جامعۃ المدینہ بوائز میں سیکھنے سکھانے کا حلقہ لگایا گیا جس میں طلبۂ کرام اور اساتذۂ کرام سمیت اسٹاف کے دیگر اسلامی بھائیوں نے شرکت کی۔

تحصیل نگران طارق محمود عطاری نے سنتوں بھرا بیان کرتے ہوئے دعوتِ اسلامی کے شعبہ جات کے لئے زیادہ سے زیادہ کھالیں جمع کرنے کا ذہن دیا جس پر انہوں نے اچھی اچھی نیتوں کا اظہار کیا۔

اس کے علاوہ تحصیل نگران نے وہاں موجودعاشقانِ رسول کو دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی۔(رپورٹ: نیر عباس عطاری تحصیل کار کردگی ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام ذوالحجۃ الحرام  کے روزے کی فضیلت حاصل کرنے کے لئے ڈیفنس لاہورمیں قائم جامعۃ المدینہ بوائز میں سحری اجتماع کا انعقاد کیا گیا جس میں طلبۂ کرام سمیت کثیر عاشقانِ رسول نے شرکت کی۔

دورانِ اجتماع مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کیا اور وہاں موجود عاشقانِ رسول کی دینی و اخلاقی اعتبار سے تربیت کی اور مدنی پھولوں سے نوازا۔اس کے علاوہ عاشقانِ رسول نے سحری اجتماع میں نمازِ تہجد سمیت مختلف دینی کاموں کا اہتمام کیا۔بعدازاں رکنِ شوریٰ نے طلبۂ کرام سمیت عاشقانِ رسول کے ہمراہ سحری بھی کی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پچھلے دنوں دعوتِ اسلامی کے عالمی مدنی مرکز فیضانِ مدینہ کراچی میں جامعۃ المدینہ بوائز کے طلبۂ کرام کے لئے سیکھنے سکھانے کا حلقہ لگایا گیا جس میں مرکزی مجلسِ شوریٰ کے رکن حاجی محمد امین عطاری نے اُن کی دینی و اخلاقی اعتبار سے تربیت کی۔

اس دوران رکنِ شوریٰ نے طلبۂ کرام کے درمیان سنتوں بھرا بیان کرتے ہوئے انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا اور دینی ماحول سے ہر دم وابستہ رہنے کی ترغیب دلائی جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

5جولائی 2022ء بروز منگل فیصل آباد میں  قائم جامعۃ المدینہ بوائز میں رکن شوری حاجی اسد عطاری مدنی نے ناظمین جامعات المدینہ بوائز کی تربیت کی۔

تفصیلات کے مطابق رکن شوریٰ نے شرکا کو اجتماعی قربانی کے تعلق سے تربیت کرتے ہوئے انہیں شرعی تقاضوں کو پورا کرتے ہوئے قربانی کے حصوں کو بچایا جائے اس پر نکات بتائے نیز قربانی کی کھالیں پچھلے سالوں سے بڑھ کر اکٹھی کرنے اور ہر کام کو اعتدال کے مطابق کرتے ہوئے جامعۃ المدینہ کے تعلیمی معیار کو بہتر سے بہترین کی طرف لے جایا جائے اس پر مدنی پھول دیئے۔

مزید کنزالمدارس بورڈ کے امتحانات کی ابھی سے بھرپور تیاریاں کروائی جائے اس پر مدنی پھول دیئے۔ ساتھ ساتھ 12دینی کاموں کو مضبوط کرنےجن میں بالخصوص ہفتہ وار مدنی مذاکرے میں انفرادی کوشش کرکہ دیگر اسلامی بھائیوں کو شرکت کروانے ، ہفتہ وار اجتماع میں رات گزارنے اور جمعہ کے دن یوم تعطیل اعتکاف کرنے پر اسلامی بھائیوں کو اہداف دیئے ۔ (رپورٹ: محمد عثمان شفیق مدنی ناظم جامعۃ المدینہ فیضان امام غزالی علیہ الرحمہ فیصل آباد ، کانٹینٹ: رمضان رضا عطاری)