دعوت اسلامی کے تحت20 فروری 2020ء کو عالمی مدنی مرکز فیضانِ مدینہ کراچی میں سنتوں بھرا اجتماع ہوا جس میں المدینۃالعلمیہ کے اسلامک اسکالرز نے شرکت کی۔ رکن شوریٰ حاجی محمد علی عطاری نے رکن شوریٰ حاجی زم زم عطاری رحمۃ اللہ علیہ کی سیرت بیان کرتے ہوئے شرکا کو مدنی کاموں میں بڑھ چڑھ کر حصہ ملانے کا ذہن دیا۔

حضرت سیدنا صدیق اکبر رضی اللہ تعالٰی عنہ کی سیرت پر المدینۃالعلمیہ کی جانب سے ایک کتاب بنام فیضانِ صدیق اکبر شائع کی گئی ہے جو عاشقانِ صدیق اکبر کے لئے بہت ہی مفید کتاب ہے۔ اس کتاب کے صفحہ نمبر 638 پر موجود سب سے پہلی حدیثِ پاک کا حوالے ابن ماجہ سے دیا گیا تھا جبکہ یہ مکمل روایت ریاض النضرہ جلد 1 میں موجود ہے۔ اس حوالے کی تصحیح ویب سائٹ پر کی جاچکی ہے جبکہ کتاب کے اگلے ایڈیشن میں بھی اسے درست کردیا جائے گا۔ جن علم دوست احباب کے پاس یہ کتاب موجود ہے وہ حوالے کی درستی فرمالیجئے۔جزاک اللہ خیرا

”المدینۃ العلمیۃ“دعوت ِ اسلامی کاایک ایساعلمی وتحقیقی شعبہ ہے جہاں 100 سےزائد علما (Scholars) اہم ترین اسلامی موضوعات پرموجودہ دورکےتقاضوں کےمطابق کالمز،آرٹیکلز،اسکرپٹ،فیچرز اور کتب ورسائل لکھنے میں مصروف رہتے ہیں۔ یہ علما اب تک علومِ قرآن وحدیث،فقہ،تصوف و روحانیت، اسلامی تاریخ اور دیگر موضوعات پر 570کتب ورسائل تصنیف وتالیف کرچکے ہیں جبکہ اسلامک کلچر اور بچوں کی کہانیوں پر مشتمل کتابیں اور اسکول و کالجز کےلئےقرآنیات کانصاب بھی فراہم کیاجا چکا ہے۔

اسلامک لٹریچر، بیانات اورلیکچرزکی فراہمی، اہم اسلامی موضوعات پر ریسرچ ، مدارس کی نصابی کتب پر جدید ورک اور زندگی كےاہم شعبوں سے متعلق راہنما لٹریچر فراہم کرنا المدینۃ العلمیہ کی اولین ترجیحات میں سے ہے۔ اس وقت بھی المدینۃ العلمیہ میں کئی کتب و رسائل پر تحقیقی کام جاری ہے جو اِنْ شَآءَ اللہ عَزَّ وَجَلَّ جلد زیورِ اشاعت سے آراستہ ہوکر قارئین کی آنکھوں کی ٹھنڈک بنیں گی۔

المدینۃ العلمیۃ کی ہر کتاب اِن مراحل سےگزرتی ہے

ریسرچ کےمراحل:٭کام کی پلاننگ٭ٹاپک پر ریسرچ ٭بنیادی خاکےکی تیاری ٭سرچنگ سافٹ ویئرز کا استعمال ٭مواد (Content)جمع کرنا ٭قدیم ترین کتابوں سے استفادہ تحریروترتیب کےمراحل: ٭مواد (Content) کی ترتیب ٭عنوانات اور ابواب کے تحت تقسیم ٭ مضامین ِقرآن وحدیث کا اضافہ ٭قرآن وحدیث کی آسان تفہیم ٭حذف و اضافہ ٭مفید معلومات سے مزین کرنا تخریج و تسہیل کے مراحل: ٭نقل شدہ عبارات کا ریفرنس ٭تحریر کو سلیس اور آسان بنانا ٭مشکل الفاظ پر اعراب لگانا ٭آیات کے مطالب؛ تفاسیر سے حل کرنا ٭فقہی مسائل کی وضاحت کرنا ٭زبان و بیان کےقواعدکاخاطرخواہ لحاظ فائنل مراحل: ٭نقل شدہ عبارات کا تقابل ٭پروف ریڈنگ ٭مضامین وماخذ کی فہرستی ٭مکمل کتاب پر نظرثانی ٭مکمل کتاب کی شرعی تفتیش ٭فارمیشن،ڈیزاننگ

کتابوں کی اشاعتی ٹائم لائن (2008-2020)

2017تا2019تک ڈاؤن لوڈ ہونے والی کتب

2017تا2019تک فروخت ہونے والی کتب

تاریخ ِ اجراء:27جنوری2020ء

Brusher کی P.D.F حاصل کرنے کے لئے نیچے کلک کیجئے

Click Now

امام اہلِ سنّت حضرت مولانا شاہ امام احمد رضا خان، حضرت مولانا حسن رضا خان،حضرت مولانا مصطفٰی رضا خان ، حضرت مولانا حامد رضا خان، حضرت مولانا سید نعیم الدین مراد آبادی، حضرت مولانا صوفی محمد جمیل الرحمٰن قادری اور حضرت مفتی احمد یار خان نعیمی رحمۃ اللہ علیہم اَجْمعین ۔ ان نفوس قدسیہ کے لکھے ہوئے کلام پڑھنے اور سننے میں ایک عجیب سرور حاصل ہوتا ہے، طبیعت پر ایک کیفیت طاری ہوتی اور دِلوں کو محبتِ رسول کی لذت اور چاشنی ملتی ہے۔ اَلْحَمْدُ لِلّٰہِ عَزَّ وَجَلَّ عاشقانِ رسول کی مدنی تحریک دعوت اسلامی کی مجلس ”المدینۃ العلمیہ“ان تمام بزرگوں کے مذکورہ کلام ، دورِ جدید کے تقاضوں کو مد نظر رکھتے ہوئے بہتر انداز میں شائع کرنے کا عزم رکھتی ہے۔ اسی سلسلے میں حدائقِ بخشش، بیاض پاک، ذوقِ نعت اور سامانِ بخشش مرتب ہوکر منظر عام پر آچکی ہیں ۔

حال ہی میں مجلس المدینۃ العلمیہ نے حضرت مولانا صوفی محمد جمیل الرحمٰن قادری رضوی برکاتی رحمۃ اللہ علیہکا نعتیہ دیوان ”قبالۂ بخشش“مرتب کیا ہے جسے مکتبۃ المدینہ نے شائع کردیا ہے۔ نعت رسول کی اس کتاب میں مولانا محمد جمیل الرحمٰن قادری رضوی برکاتی کی سیرت اور آپ کی علمی و دینی خدمات کو بھی خاص طور پر ذکر کیا گیا ہے۔

عالمی مدنی مرکز فیضانِ مدینہ کراچی مدنی مشورہ ،شعبہ تراجم کے اسلامی بھائیوں کی شرکت

تفصیل:

کراچی کے جامعات المدینہ ضیائے مدینہ اور فیضانِ عثمانِ غنی کا دورہ

طلبہ کو ”ماہنامہ فیضانِ مدینہ“ کا تعارف پیش کیا گیا

تفصیل:

المدینۃ العلمیہ کے ناظم آفس میں مدنی مشورہ،شعبہ تخریج کے اسلامی بھائیوں کی شرکت

تفصیل:

مجلس المدینۃ العلمیہ کے گرافکس ڈیزائنر اسلامی بھائیوں کا مدنی مشورہ

ناظم المدینۃ العلمیہ نے تربیتی مدنی پھول دیئے

تفصیل:

دعوت اسلامی کی مجلس  المدینۃ العلمیۃ کے شعبہ ’’فیضان مدنی مذاکرہ‘‘کے اسلامی بھائیوں کا مدنی مشورہ 7جنوری2020 ء بروز منگل رُکنِ شوریٰ حاجی ابو ماجد محمد شاہد عطاری مدنی نے فرمایا جس میں مندرجہ ذیل امور طے پائے:

شعبے کا نام ’’فیضان مدنی مذاکرہ‘‘ کے بجائے ’’فیضان امیر اہل سنت‘‘ کردیا گیا ہے جس کے ذمہ دار سید بہرام حسین شاہ عطاری مدنی ہوں گے۔

اس شعبے کے تحت 5 ذیلی شعبے بنانے کا فیصلہ کیا گیا ہے:۔ 1سیرت امیر اہل سنت۔2 ملفوظات امیر اہل سنت۔ 3 اقوال امیر اہل سنت۔ 4 بیانات امیر اہل سنت۔ 5 ثمرات امیر اہل ۔

امیر اہل سنت دَامَتْ بَرَکاتُہُمُ الْعَالِیَہ کے 1000 بیانات کو مرتب کرکے شائع کرنے کا فیصلہ کیا گیا جس کے لئے عنقریب لائحہ عمل طے کیا جائے گا اور ہر ہفتے ایک بیان انٹر نیٹ پر اپ لوڈ کیا جائے گا۔

شعبے کے کام میں مزید بہتری کے لئے علمائے کرام اور خطبا حضرات سے ملاقات و مشاورت کا سلسلہ کیا جائے گا، نیز انٹر نیشنل مارکیٹ کا جائزہ لے کر عالمی تقاضے کے مطابق کام کرنے کی کوشش کی جائے گی۔

رکن شوریٰ نے دوران مشورہ اسلامی بھائیوں کو اپنی فکر اور حوصلہ بلند رکھ کر کام کرنے کی ترغیب دلائی، نیز اپنی صحت کا خیال رکھنے اور محتاط زندگی گزارنے کا ذہن دیا نیز شعبے کے کام کوچار چاند لگانے کے لئےاسلامی بھائیوں کے مابین مفید مشورے بھی زیر بحث آئے۔

دعوتِ اسلامی کی مجلس المدینۃ العلمیۃ کے تحت 7جنوری2020ء بروز منگل المدینۃ العلمیۃ کے ناظم آفس میں شعبہ درسی کتب کا مدنی مشورہ ہوا جس میں شعبہ ذمہ داران، ناظمِ المدینۃ العلمیۃ نے شرکت کی ۔ اس موقع پر رکنِ شوریٰ حاجی ابو ماجد محمد شاہد عطاری مدنی نے کام کو مزید بہتر و تیز تر بنانے سے متعلق نکات بیان کئے اور آئندہ کے اہداف اور لائحہ عمل بھی طے فرمایا نیز شرکائے مشورہ کے درمیان شعبے کے دائرۂِ کار کو مزید وسیع کرنے سے متعلق مختلف جہات سے تحقیقی و تنقیدی مباحث بھی ہوئے۔

المدینۃ العلمیہ میں مدنی مشورہ

بخاری شریف کی شرح لکھنے کے حوالے سے اہم امور پر تبادلۂ خیال

تفصیل:

اَلْحَمْدُ لِلّٰہِ عَزَّوَجَلَّ ”ماہنامہ فیضانِ مدینہ“ کی تشہیر اور اس کے مطالعہ کی اہمیت دلانے نیز ”ماہنامہ فیضانِ مدینہ“ میں شروع ہونے والےسلسلہ ”تحریری مقابلہ“ کے حوالے سے جامعات المدینہ میں بیانات اور ترغیب کا سلسلہ ہوا ۔

6 دسمبر 2019 کو کراچی سے روانگی ہوئی 7 دسمبر صبح فجر میں ملتان پہنچا، جامعۃ المدینہ فیضان مدینہ ملتان میں 10 بجے بیان کا سلسلہ ہوا جس میں تقریباً 450 طلبہ نے شرکت کی، ”ماہنامہ فیضانِ مدینہ“ کامطالعہ کرنے ، تحریری مقابلہ میں حصہ لینے اوربکنگ کروانے کا ذہن دیا گیا، بعض طلبہ اور اساتذۃ نے ہاتھوں ہاتھ بکنگ کی نیت کی اور فارم بھی فل کئے فارم فرحان باپو کو بھیجا بھی گیا جس کے بعد فالو اپ ملا ہے کہ ماشاء اللہ بہت ساروں نے بکنگ کروائی بھی ہے

اس کے بعد مفتی میاں محمد نوازی صاحب کے جامعہ کا دورہ کیا 6 سے زائد علما سے ملاقات ہوئی، ”ماہنامہ فیضانِ مدینہ“اور مختصر فتاویٰ اہل سنت پیش کیا گیا، بعض نے اظہار کیا کہ مَا شَآءَ اللّٰہ عَزَّوَجَلَّ وہ ”ماہنامہ فیضانِ مدینہ“کا مطالعہ کرتے ہیں۔ اس کے بعد جامعہ اسلامیہ عربیہ انوارالعلوم میں حاضری ہوئی، جہاں مفتی سیدارشد سعید کاظمی صاحب اور مفتی عبد العزیز سعیدی صاحب سے ملاقات ہوئی ماہنامہ فیضان مدینہ اور مختصر فتاوی اہلسنت پیش کیا گیا۔بعد ظہر فیصل آباد کے لئے روانگی ہوئی ، فیصل آباد میں عشاء کی نماز کے بعد جامعۃ المدینہ کے طلبہ میں بیان کا سلسلہ ہوا جس میں100 سے زائد طلبہ نے شرکت کی، وہیں پر بکنگ کا بھی ذہن دیا گیا وہاں کےرمضان بھائی تھے مکتبۃ المدینہ کے انہوں نے ہاتھوں ہاتھ بکنگ کا سلسلہ کیا۔

وہیں سے پھر جامعۃ المدینہ جڑانوالہ کے لئے روانگی ہوئی، رات کو تقریباً 10 بجے کے قریب جڑانوالہ جامعۃ المدینہ میں بیان کا سلسلہ ہوا، جس میں 100 سے زائد طلبہ نے شرکت کی، اساتذہ کرام بھی موجود تھے ماہنامہ کے مطالعے، بکنگ اور تحریری مقابلہ کا ذہن دیا گیا ۔رات جڑانوالہ میں قیام کے بعد صبح 8دسمبر کو لاہور کے لئے روانگی ہوئی ، لاہور میں جامعۃ المدینہ فیضان مدینہ جوہر ٹاؤن میں دوپہر 12 بجے طلبہ میں بیان کا سلسلہ ہوا جس میں 200 سے 250 کےقریب طلبہ نے شرکت کی اور ماہنامہ فیضان مدینہ کا تعارف بھی کروایا گیا ،

9دسمبر کو جامعۃ المدینہ فیضان مدینہ شیخوپورہ میں 10 بجے بیان کا سلسلہ ہوا ، وہاں بھی اَلْحَمْدُ لِلّٰہِ عَزَّ وَجَلَّ تقریباً 300 طلبہ نے شرکت کی اور اساتذہ سے بھی ملاقات ہوئی، وہیں سے جامعۃ المدینہ منڈی وار برٹن حاضری ہوئی وہاں پر ساڑھے بارہ بجے بیان کا سلسلہ ہوا اور طلبہ کو ماہنامہ کےمطالعہ اور بکنگ کا ذہن دیا گیا، وہاں اساتذۂ کرام سے بھی ملاقات ہوئی رکن شوری حاجی اظہر عطاری کے بھائی حاجی نصر اقبال سے ملاقات بھی ہوئی جنہوں نے تقریباً 300 سے زائد بکنگ کروانے کی نیت کی، انہوں نے پہلے سال بکنگ کے معاملات جو خراب ہوئے اس کی شکایت کی تھی جس پر انہیں عرض کی اور انہیں اعتماد میں لیا گیا انہوں نے پھر دوبارہ بکنگ کرانے کی نیت کا اظہار کیا۔ اَلْحَمْدُ لِلّٰہِ عَزَّ وَجَلَّ

تقریباً تمام ہی جامعات کے طلبہ و اساتذہ کے بیانیے کا خلاصۃ ہے کہ ہمیں پہلی بار ماہنامہ فیضان مدینہ کا واضح تعارف ملا۔

راشد علی عطاری مدنی

ناظم ”ماہنامہ فیضانِ مدینہ“