دعوت ِاسلامی کے زیر اہتمام  3اگست2020ء بروز پیر پاکستان نگران اسلامی بہن نے پنڈی اسلام آباد زون کی کلر سیداں کابینہ کے جھٹیال گاؤں میں ذمہ دار اسلامی بہن کی والدہ کے انتقال پر تعزیت کی ۔ وہاں موجود لواحقین اور سوگوار اسلامی بہنوں کو علم دین کے فضائل بیان کرتے ہوئے فرض علوم ( درست نماز ،وضو و غسل کا طریقہ) سیکھنے اور قرآن پاک کو درست تجوید کے ساتھ پڑھنے کا ذہن دیا نیز میت کے ایصالِ ثواب کے لیے اولاد کو نیک اعمال کرنے کا ذہن دیا۔

دعوت ِاسلامی کے زیر اہتمام 31جولائی2020ء کو پاکستان نگران  اسلامی بہن نے شعبہ فیضان ِ مرشد سے وابستہ اسلامی بہنوں کامدنی مشورہ لیا جس میں پاک سطح ، ریجن و زون سطح اسلامی بہنوں نے شرکت کی۔

پاکستان نگران اسلامی بہن نے مدنی مشورے میں شریک اسلامی بہنوں میں آٹھ مدنی کاموں کو مضبوط کرنے اور عا ملات مدنی انعامات کی تعداد کو بڑھانے کی ترغیب دلائی نیز مجلس شارٹ کورسز کے تحت مختلف شارٹ کورسز کرنے ، تقرریاں مکمل کرنے اور نئے مقامات پر مدرستہ المدینہ بالغات شروع کرنے کا ہدف دیا ۔

دعوت ِاسلامی کے زیرِ اہتمام پچھلے دنوں پاکستان نگران  اسلامی بہن نے تمام ریجن نگران اسلامی بہنوں کے ساتھ بذریعہ زوم ’’محرم الحرام کے نکات‘‘ پرمدنی مشورہ کیاجس میں محرم الحرام کے نکات اور اجتماعِ ذکر شہادت کےجدول کو سمجھایا گیا اور جدول کے مطابق اجتماع ِ ذکر شہادت کرنے کا ذہن دیا گیا۔ 

دعوتِ اسلامی کے زیرِ اہتمام 4 اگست 2020 ء کو فیصل آباد، لاہور اور کراچی کی شب و روز ریجن  ذمہ دار اسلامی بہنوں کا مدنی مشورہ ہوا جس میں شب و روز کی ذمہ دار اسلامی بہن(مجلس بیرون ملک کی رکن) نے مدنی مشورے میں شریک اسلامی بہنوں کی شب و روز کے لئے خبریں دینے کے اہم نکات پر تربیت کرتے ہوئے کارکردگی جدول کے بارے میں بتایا نیز اس شعبے پر تقرریاں کرنے کےاہداف بھی دیئے۔

شیخ ِطریقت امیرِ اہل سنت دَامَتْ بَرَکَاتُہُمُ الْعَالِیَہ نے مسلمانوں کو گناہوں سے بچانے اور نیک بنانے کے تحت روزانہ کی بنیاد پر مختلف مدنی کاموں کی تحریکوں کا آغاز فرمایا ملک و بیرون ملک میں ان کے زیر انتظام جاری کام کی رپورٹ ملاحظہ کیجیے۔

روزانہ 47,952 اسلامی بہنوں نے محاسبہ کیا۔

18ہزار085 اسلامی بہنوں نے روزانہ ایک پارہ پڑھا۔

17 ہزار 643 اسلامی بہنوں نے روزانہ آدھا پارہ پڑھا۔

41 ہزار 642 اسلامی بہنوں نے گھر درس دیا۔

30 ہزار 501 اسلامی بہنوں نے 1200درودپاک پڑھے۔

40 ہزار 961اسلامی بہنوں نے 313درود پاک پڑھے۔

49 ہزار 381 اسلامی بہنوں نے 12منٹ مطالعہ کیا۔

9 ہزار 320اسلامی بہنوں نے نفل روزوں کی نیتیں کیں۔

10 ہزار 438اسلامی بہنوں نے نفل روزے رکھے۔

پچھلے دنوں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ملک بھر شجر کاری کرنے کی ترغیب دلائی تھی۔

اسی سلسلے میں شیخوپورہ کابینہ میں مجلس مدرسۃ المدینہ بالغان کے ڈویژن ذمہ دار محمد احمد رضا عطاری نے پودے لگاکر شجر کاری مہم کا آغاز کیاجبکہ ڈویژن نگران نے علاقہ کھاریانوالہ میں مختلف اقسام کے پودے لگائےاور دعائے خیر کی۔ اس موقع پر کھاریانوالہ کے ذمہ داران اور دیگر عاشقان رسول بھی موجود تھے۔ (رپورٹ: محمد منیر عطاری، مبلغ دعوت اسلامی)

دعوتِ اسلامی کے زیر اہتمام 31 جولائی 2020ء  بروز جمعہ نگران عالمی مجلس مشاورت کا ملتان ریجن میں نیکی کی دعوت کا سلسلہ بذریعہ فون ہوا جس میں مد نی کاموں کی ترغیب اور قربانی کے جانور کی کھالیں دعوت اسلامی کو دینے کا ذہن دیا گیا ۔

دعوت اسلامی کی مجلس مکتبۃ المدینہ کے زیر اہتمام عالمی مدنی مرکز فیضان مدینہ کراچی میں قائم ہیڈ آفس میں آن لائن ذمہ داران کا مدنی مشورہ ہوا جس میں مجلس تقسیم رسائل اور مکتبۃ المدینہ کے ریجن ذمہ داران نے شرکت کی۔  مکتبۃ المدینہ جنرل مینیجر علی محمد عطاری نے شعبے کے حوالے سے گفتگو کی۔

دعوتِ اسلامی کے زیر اہتمام پچھلے  دنوں عالمی مجلس علاقائی دورہ ذمہ داراسلامی بہن نے ذمہ دار اسلامی بہنوں کا مدنی مشورہ لیا جس میں یوکے ریجن میں لندن ِ بریڈ فارڈ، مانچسٹر ریجن کی ذمہ دار اسلامی بہنوں کے ساتھ مدنی مشورہ کیا۔

عالمی مجلس علاقائی دورہ ذمہ داراسلامی بہن نے مدنی مشورے میں شریک اسلامی بہنوں کو علاقائی دورہ محفل نعت کی کارکردگی فارمز سمجھائے مزید کارکردگی شیڈول کی پابندی کا ذہن دیااور سوالات کے جوابات دیئے۔

دعوتِ اسلامی کے زیرِ اہتمام 3  اگست 2020ء کو یوکے مانچسٹر ریجن نگران اسلامی بہن نے ذمہ دار اسلامی بہنوں کا مدنی مشورہ لیا جس میں کابینہ نگران اسلامی بہنوں نے شرکت کی۔

یوکے مانچسٹر ریجن نگران اسلامی بہن نے مدنی مشورے میں ہفتہ دعائے شفاء کے نکات سمجھائے اور مدنی حلقوں میں بہتری لانے کے حوالے سے گفتگو کی ۔ اسلامی بہنوں نے مدنی حلقوں پر مزید توجہ دینے کی نیت کی۔

مجلس مکتبۃ المدینہ لاہور ریجن ہزارہ زون کے ذمہ دار نے مانسہرہ میں قائم ضلعی گورنمنٹ لائبریری میں  لائبریری کے انچارج محمد اقبال سے ملاقات کی۔ اس موقع پر ذمہ دار نے لائبریری انچارج کوامیر اہل سنت دَامَتْ بَرَکَاتُہُمُ الْعَالِیَہ کی مایہ ناز کتاب ”فیضان نماز“ تحفے میں دی۔ لائبریری کے انچارج نے ہر ماہ مکتبۃ المدینہ کی طرف سے شائع کردہ ماہنامہ فیضان مدینہ لائبریری کے مین ڈیسک میں رکھنے کی نیت کی تاکہ اسٹوڈنٹس اس کا مطالعہ کریں ۔ (رپورٹ: محمد سلیم عطاری، معاون نگران مجلس مکتبۃ المدینہ ہیڈ آفس کراچی)

دعوت اسلامی کی مجلس مدنی چینل عام کریں کے نگران انجم رضا عطاری نے سندس فاؤنڈیشن کا دورہ کیا جہاں انہوں نے فانڈیشن کے صدر اور انفارمیشن سیکرٹری تھیلیسیمیا پاکستان محمد یاسین خان سے ملاقات کی۔ نگران مجلس نے انہیں سندس فاؤنڈیشن کے تمام اداروں میں کِڈز مدنی چینل کا ڈیٹا انٹر کروانے کا ذہن دیا تاکہ فاؤنڈیشن میں آنے والے بچوں کی اخلاقی تربیت بھی ہو۔