دعوت اسلامی کی مجلس شعبہ تعلیم کے نگران مجلس عبد الوہاب عطاری نے ملتان میں چیف ایگزیکٹیو آفیسر C.E.O ایجوکیشن ڈسٹرکٹ ریاض احمد خان سے ملاقات کی اور انہیں مختلف ڈیپارٹمنٹ کا تعارف پیش کیا۔ نگران مجلس نے انہیں 23 اگست 2020ء کو ہونے والے ٹیچرز اجتماع میں شرکت کرنے کی دعوت دی جس پر انہوں نے اس دعوت کو اپنے متعلقہ تمام اساتذہ تک پہچانے کی نیت کی۔

دعوت اسلامی کی مجلس شعبہ تعلیم کے تحت مدنی مشورہ ہوا جس میں سیالکوٹ زون اور گوجرانوالہ زون کے ذمہ داران نے شرکت کی۔ نگران مجلس عبد الوہاب عطاری نے23 اگست 2020ء کو ہونے والے ٹیچرز اجتماع کی بھر پور تیاری کرنے کے حوالے سے گفتگو کی۔

دعوت اسلامی کی مجلس مدرسۃ المدینہ بالغان کے زیر اہتمام میاں میر کابینہ میں مدنی حلقہ ہوا جس میں تاجپور اور مغلپورہ کے معلمین  اسلامی بھائیوں نے شرکت کی۔ لاہور شمالی زون کے رکن محمد فہیم عطاری نے شرکا کو مدرسۃ المدینہ بالغان میں پڑھنے والے اسلامی بھائیوں کونماز کا پابند بنانے، روزانہ قرآن پاک پڑھنےاور مدنی انعامات پر عمل کرنے کی ترغیب دلانے کا ذہن دیا۔ مدنی حلقے کے بعد میں معلمین کو مقامی نگران سے ملاقات کرکے شعبے کے حوالے سے مدنی پھول دیئےاور آئندہ کے اہداف طے کئے گئے۔

دعوت اسلامی کی مجلس مزارات اولیاء کے ذمہ داران نے گلگت بلتستان میں موجود حضرت سید اکبر شاہ بابا اور حضرت مولانا محمد صدیق رحمۃ اللہ علیہم کےمزار شریف پر حاضری دی جہاں ایصال ثواب کے فاتحہ خوانی کا سلسلہ ہوا۔ حاضری کے بعد مدنی حلقے کا سلسلہ ہوا اور ذمہ داران نے صاحبزادگان سے ملاقاتیں کیں۔ مولانا بشیر صاحب نے دعوت اسلامی کی دینی و فلاحی کاموں کا سراہا اور امیر اہل سنت دَامَتْ بَرَکَاتُہُمُ الْعَالِیَہ کے لئے دعائیں کیں۔

مجلس قافلہ کے زیر اہتما م جیا موسیٰ ڈویژن میں مدنی حلقہ ہوا جس میں ریجن ذمہ دار مجلس قافلہ 12 ماہ محمد آصف عطاری، زون ذمہ دار علی رضا عطاری اور نگران ڈویژن محمد کامران عطاری سمیت مقامی اسلامی بھائیوں نے شرکت کی۔ ریجن ذمہ دار محمد شہباز عطاری نے لاک ڈاؤن کے بعد اسلامی بھائیوں کو قافلے میں سفر کروانے کا ذہن دیا اور ہفتہ وار اجتماع اور مدنی مذاکرہ مدنی چینل پر براہ راست دیکھنے کی ترغیب دلائی۔مدنی حلقے میں علاقائی دورہ کو مضبوط کرنے کے حوالے سے گفتگو کی گئی۔ (رپورٹ: محمدآصف عطاری، مجلس قافلہ لاہورریجن)

دعوت اسلامی کی مجلس قافلہ کے زیر اہتمام مدنی مرکز فیضان مدینہ مانسہرہ میں مدنی حلقے کا سلسلہ ہوا جس میں 12 ماہ کے قافلے میں سفر کرنے والے اسلامی بھائیوں سمیت ریجن ذمہ دار مجلس قافلہ 12 ماہ محمد آصف عطاری، زون ذمہ دار صفدر عطاری اور اراکین کابینہ نے شرکت کی۔ ریجن ذمہ دار محمد شہباز عطاری نے شرکا کی تربیت کی اور اسلامی بھائیوں کو مختلف سطح پر  ذمہ داریاں کی تقسیم کی ۔ ریجن ذمہ دارنے 12 ماہ میں سفر کرنے والے اسلامی بھائیوں کو نماز ٹیسٹ کی اسناد تقسیم کیں اور انہیں دیگر اسلامی بھائیوں کو 12 ماہ کے قافلے میں سفر کروانے کا ذہن دیا۔ (رپورٹ: محمدآصف عطاری، مجلس قافلہ لاہورریجن)

دعوت اسلامی کی مجلس قافلہ کے زیر اہتمام زنجانی کابینہ کاجامعۃ المدینہ شاد باغ ٹاؤن میں مدنی مشورہ ہوا جس میں ریجن ذمہ دار مجلس قافلہ 12 ماہ محمد آصف عطاری، زون ذمہ دار علی رضاعطاری، نگران کابینہ، اراکین کابینہ سمیت دیگر ذمہ داران نے شرکت کی۔ ریجن ذمہ دار محمد شہباز عطاری نے شرکا کی تربیت کی اور قربانی کی کھالیں اکٹھی کرنے والے اسلامی بھائیوں کی حوصلہ افزائی کرتے ہوئے تحائف پیش کیا۔ ریجن ذمہ دار نےذمہ داران کو رواں سال اسلامی بھائیوں کو 12 ماہ کے قافلے میں سفر کروانے کا ذہن دیا۔(رپورٹ: محمدآصف عطاری، مجلس قافلہ لاہورریجن)

دعوت اسلامی کی مجلس قافلہ کے تحت مدنی مرکز فیضان مدینہ جوہر ٹاؤن لاہور میں ماہانہ مدنی مشورہ ہوا جس میں لاہور ریجن کے ذمہ دارمحمد شہباز عطاری، زون ذمہ دارسمیت مجالس نیت اور دارالسنہ کے اسلامی بھائیوں نے شر کت کی۔ رکن شوریٰ حاجی  یعفور رضا عطاری نے قربانی کی کھالیں اکٹھی کرنے والے اسلامی بھائیوں کی حوصلہ افزائی کی اور لاک ڈاؤن کے بعد قافلے میں سفر کروانے کے حوالے سے اہداف دیئے۔ رکن شوریٰ نے 12 ماہ کے قافلے میں اسلامی بھائیوں کو سفر کروانے کے حوالے سے مدنی پھول دیئے۔ (رپورٹ: محمدآصف عطاری، مجلس قافلہ لاہورریجن)

دعوت اسلامی کی مجلس قافلہ کا مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں لاہور شمالی، جنوبی،ہزارہ، لکی مروت اور پشاور کے زون ذمہ داران سمیت مجالس نیت، دارالسنہ اور مالیات کے اسلامی بھائیوں نے شرکت کی۔ ریجن ذمہ دار محمد شہباز عطاری نے مدنی کاموں کی کارکردگی کا جائزہ لیا اور لاک ڈاؤن کے بعد قافلے میں سفر کروانے کے حوالے سے اہداف دیئے۔ ریجن ذمہ دار نے  جن علاقوں کی سمتیں سوفٹ ویئر میں موجود نہیں ہے اس پر کلام کیا اور شعبے کی ترقی کے لئے مشاورت کی۔ (رپورٹ: محمدآصف عطاری، مجلس قافلہ لاہورریجن)

دعوت اسلامی کی مجلس خدام المساجد والمدارس نے فیصل آباد کابینہ رچنا ٹاؤن ستیانہ روڈ میں مسجد فیضان عبید رضا  کے قیام کے لئے 10 مرلے کا پلاٹ خریدلیاجس میں جلد ہی تعمیراتی کاموں کا آغاز کردیا جائیگا۔

8 اگست 2020ء کو رکن شوریٰ حاجی محمد امین عطاری نے اسلام آباد ریجن کے نگران زون کے ہمراہ شہر کے اطراف علاقوں میں مدنی کاموں کی مضبوطی کے لئے مدنی مشورہ فرمایا جس میں اطراف کے ذمہ داران نے شرکت کی۔ رکن شوریٰ نے  ذمہ داران کی تربیت کی اور اطراف میں مدنی کاموں کو مضبوط کرنے کے حوالے سے مدنی پھول دیئے۔ مدنی مشورے میں آئندہ کے اہداف بھی طے کئےگئے۔ اس موقع پرا راکین شوریٰ حاجی وقار المدینہ اور حاجی محمد اظہر عطاری بھی موجود تھے۔

9اگست 2020ء کو مدنی مرکز فیضان مدینہ اسلام آباد میں ڈاکٹر محمد شعیب(پرائیوٹ کلینک ،پیرا میڈیکل اسٹاف لیکچرار) اور بزنس مین سرگودھا محمد خرم عطاری کی آمد ہوئی جہاں انہوں نے رکن شوریٰ حاجی وقار المدینہ عطاری سے ملاقات کی۔رکن شوریٰ نے انہیں دعوت اسلامی کے تحت دنیا بھر میں ہونے والے مدنی کام اور موجودہ صورتحال میں دعوت ویلفیئر ٹرسٹ کے فلاحی کاموں کے حوالے سے اپڈیٹس دیں۔ ملاقات کے بعد رکن شوریٰ نے انہیں ریجن کارکردگی دفتر، جامعۃ المدینہ ومدرسۃ المدینہ للبنین کی تعمیراتی پروجیکٹ کا تعارف پیش کیا۔ بعد ازاں رکن شوریٰ نے شخصیات کو مدرسۃ المدینہ آن لائن کا وزٹ کروایا جہاں ناظم جامعۃ المدینہ آن لائن محمد تنویر عطاری مدنی نے مدرسۃ المدینہ آن لائن میں کروائے جانے والے مختلف 32 کورسز پر بریفنگ دی۔