دعوتِ اسلامی کے شعبہ مدنی کورسز کے زیرِ اہتمام 24 اگست 2023ء کو مدنی مرکز فیضانِ مدینہ رحمان سٹی میں ہفتہ وار سنتوں بھرے اجتماع کے بعد نیو معلمین کا میٹ اپ ہوا جس میں راوی ٹاؤن ذمہ دار محمد اویس عطاری نے اسلامی بھائیوں کو شعبہ مدنی کورسز جزوقتی کا تعارف کروایا اور انہیں شعبے کے تحت ہونے والے دینی کاموں پر مشتمل تربیتی مدنی پھول بتائے  ۔بعدازاں ان کا ٹیسٹ بھی لیا۔(رپورٹ : محمد منور عطاری، راوی ٹاؤن معاون ذمہ دار شعبہ مدنی کورسز،کانٹینٹ:رمضان رضا عطاری)

24 اگست  2023ء کو النجیب پبلک ماڈل ہائی اسکول لاہور میں 7 دن فیضانِ نماز کورس کے اختتام پر اجتماع کا سلسلہ ہوا جس میں 6 تا 10th کلاسز کے اسٹوڈنٹس نے شرکت کی اور کورس میں پڑھی جانے والی باتوں کا امتحان بھی دیا ۔

ٹیسٹ کے آخر میں مبلغ دعوت اسلامی مولانا محمد عمر عطاری نے ’’قرآنِ پاک کی اہمیت‘‘ کے موضوع پر بیان کیا جس میں مدرسۃُ المدینہ و جامعۃُ المدینہ میں پڑھنے کا ذہن دیا تو اس پر ا سٹوڈنٹس نے اچھے خیالات کا اظہار کیا۔

یاد رہے کہ! 7دن فیضانِ نماز کورس میں وُضو ، غسل ، نماز کی شرائط ، فرائض اور واجبات و مفسدات ، مکروہ تحریمی وتنزیہی سکھانے کا سلسلہ رہا نیز اذکارِ نماز و نماز کا مکمل پریکٹیکل سمجھایا گیا اور سنتیں و آداب کے متعلق بھی بتایا گیا۔(رپورٹ : محمد منور عطاری، راوی ٹاؤن معاون ذمہ دار شعبہ مدنی کورسز،کانٹینٹ:رمضان رضا عطاری)

عاشقانِ رسول کی  دینی تحریک دعوتِ اسلامی کی طرف سے ساؤتھ کوریا کے شہر تھیگو کے علاقے بک بو میں مقامی اسلامی بھائی کے گھر میں سیکھنے سکھانے کے حلقے کا انعقاد ہوا جس میں قرب و جوار کے عاشقانِ رسول نے شرکت کی ۔

مرکزی مجلس ِ شوریٰ کے رُکن حاجی محمد امین عطاری نے ’’ اپنے آپ کو گناہوں بھرے ماحول سے کیسے بچایا جائے‘‘ کے موضوع پر بیان کیا اور شرکا کو ہفتہ و ار اجتماع میں شرکت کرنے اور مدنی مذاکرہ دیکھنے کی ترغیب دلائی جس پر انہوں نے اچھی اچھی نیتوں کا اظہار کیا۔ (کانٹینٹ: رمضان رضا عطاری )

دعوتِ  اسلامی کے تحت ساؤتھ کوریا کے شہر انچن کی ایک فیکٹری میں سیکھنے سکھانے کے حلقے کا انعقاد ہوا جس میں بنگلادیشی اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ’’اللہ پاک کی شکرگزاری‘‘ کے موضوع پر بیان کیا جس میں اسلامی بھائیوں کو 12 دینی کاموں کے حوالے سے مدنی پھول دیئے اور آخر میں دعا ئے خیر کروائی۔ بعدازاں عاشقانِ رسول سے ملاقات بھی کی ۔ (کانٹینٹ: رمضان رضا عطاری )

22 اگست2023 ء بروز منگل بعد نماز ظہرشعبہ امامت کورس پاکستان کےتحت آن لائن احکامِ امامت  کورس منعقد ہوا جس میں امامت کورس کرنے والے طلبۂ کرام و اساتذۂ کرام نے بذریعہ انٹرنیٹ شرکت کی۔

دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے کورس میں شریک اسلامی بھائیوں کو امامت کے شرعی اور اہم مسائل کے متعلق تربیت کی۔

امامت کی ذمہ داریاں بہتر انداز میں پوری کرنے نیز شرعی تقاضوں کو پورا کرنے کے حوالے سےاسلامی بھائیوں کی ذہن سازی کی۔مزید رکنِ شوریٰ نے کورس میں شامل اساتذہ ٔکرام و طلبہ عظام کو دعوتِ اسلامی کے تحت بطور امام مقرر ہوکر اپنی مساجد میں12دینی کاموں میں عملی طور پر شرکت کرنےکی ترغیب دلائی جس پر انہوں نے اچھی اچھی نیتیں کیں۔(رپورٹ:محمد عابد عطاری مدنی، معاون رکنِ شوریٰ حاجی محمد عقیل عطاری مدنی،کانٹینٹ: رمضان رضا عطاری )

عاشقانِ رسول کی  دینی تحریک دعوتِ اسلامی کی جانب سے 23 اگست 2023ء بروز بدھ ائمہ مساجد انٹرنیشنل ڈیپارٹمنٹ کے تحت آن لائن احکامِ امامت کورس کا انعقاد کیا گیا جس میں دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے خلیجی ممالک کے ائمہ مساجد کے درمیان امامت کے شرعی اور اہم مسائل کے متعلق رہنمائی کی نیز امامت کی ذمہ داریاں بہتر انداز میں پوری کرنے اور شرعی تقاضوں کو پورا کرنے کے حوالے سے ذہن سازی کی۔

اس کے علاوہ رکنِ شوریٰ نے کورس میں شامل عاشقانِ رسول کو دعوتِ اسلامی کے12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد عابد عطاری مدنی، معاون رکنِ شوریٰ حاجی محمد عقیل عطاری مدنی،کانٹینٹ: رمضان رضا عطاری )

دنیا بھر میں  دینِ اسلام کی تعلیمات عام کرنے والی عاشقانِ رسول کی دینی تحریک دعوت اسلامی کے تحت 22 اور 23 اگست 2023ء کو عالمی مدنی مرکز فیضانِ مدینہ کراچی، مدرسۃُ المدینہ گودھراکالونی فاروق اعظم مسجد جبکہ نیو کراچی کی مدینہ مسجد میں کفن دفن کورسز کا انعقاد کیا گیا جس میں 12 ماہ مدنی قافلے کےمسافرین، مدرسۃالمدینہ کے طلبۂ کرام اور نیو کراچی ٹاؤن کے ذمہ دار صدیق عطاری،یوسی نگران عرفان عطاری ،ڈونیشن سیل کے ذمہ دار طلحہ عطاری اور مدینہ مسجد کے نمازی حضرات نے شرکت کی۔

مبلغِ دعوتِ اسلامی عزیر عطاری نے شرکا کو غسلِ میت دینے کی فضیلت بیان کرتے ہوئے اس کے مسائل بتائے نیز غسلِ میت دینے کا طریقہ بتانے کے ساتھ ساتھ کفن کاٹنے اور پہنانے کا طریقہ بھی سکھایا۔(رپورٹ: شعبہ کفن دفن ، کانٹینٹ:رمضان رضا عطاری)

مرکزی جامعۃ المدینہ فیضانِ مدینہ فیصل آباد کے دورۂ حدیث شریف میں 24 اگست 2023ء بروز جمعرات ایک سیشن منعقد ہوا جس میں طلبۂ کرام سمیت جامعۃ المدینہ بوائز کے ذمہ داران نے بھی شرکت کی۔

دورانِ سیشن مولانا حاجی گل رضا عطاری مدنی ( نگرانِ شعبہ تعلیمی امورجامعۃ المدینہ بوائز )نے”ایک طالبِ علم کا تعلیمی معیار کیا ہونا چاہیئے؟“ کے حوالے سے طلبۂ کرام کی ذہن سازی کی اور انہیں اپنی تعلیم پرزیادہ سے زیادہ توجہ دینے کا ذہن دیا۔

اس کے علاوہ مولانا حاجی گل رضا عطاری مدنی نے طلبۂ کرام کو دعوتِ اسلامی کے دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد امیر حمزہ عطاری پروجیکٹ مینجر آئی ٹی ڈپارٹمنٹ آف جامعۃ المدینہ بوائز پاکستان ، کانٹینٹ:غیاث الدین عطاری)

20 اگست  2023ء کو دعوتِ اسلامی کے زیرِ اہتمام جامع مسجد گنج بخش عزیزیہ لاہور میں فیضانِ نماز کورس ہوا جس میں مختلف طبقے سے تعلق رکھنے والے اسلامی بھائیوں نے شرکت کی ۔

محمد مستقیم عطاری نے’’ نماز کی اہمیت‘‘ کے موضوع پر بیان کیا نیز وضو کے فرائض اور اذکارِ نماز یاد کروائے جبکہ مدنی مرکز فیضانِ مدینہ کاہنہ نو لاہور میں ہونے والے ہفتہ وار سنتوں بھرے اجتماع میں شرکت کرنے کی دعوت اور مدنی مذاکرہ دیکھنے کی ترغیب بھی دلائی جس پر اسلامی بھائیوں نے اچھے جذبات کا اظہار کیا۔( کانٹینٹ:رمضان رضا عطاری)

عاشقانِ رسول کی دینی تحریک  دعوتِ اسلامی کے زیرِ اہتمام 21،20،19 اگست 2023ء بروز ہفتہ ، اتوار ، پیر پاکستان بھر میں 6 مختلف مقامات پر 3 دن پر مشتمل روحانی علاج کورسز کا سلسلہ ہوا جس میں مقامی عاشقانِ رسول نے شرکت کی۔

معلومات کے مطابق فیصل آباد میں ڈویژن ذمہ دار مولانا ناصر عطاری مدنی ، گوجرانوالہ میں ڈویژن ذمہ دار عسیب عطاری ، لاہور میں محمود رضا عطاری ،ملتان میں ڈویژن ذمہ دار انیس عطاری مدنی نیز عمر کوٹ (سندھ) میں صوبائی ذمہ دار امان اللہ عطاری اور کراچی میں ڈسٹرکٹ ذمہ دار زاہد عطاری نے کورسز کروائے ۔

کورس میں شریک اسلامی بھائیوں کی مبلغین دعوت اسلامی نے تربیت کرتے ہوئے انہیں تعویذات عطاریہ لکھنے کے حوالے سے اہم امور پر آگاہی دی نیز دم کرنے اور کاٹ والے عمل کرنے کا طریقہ سمجھایا ۔مزید شعبے کے حوالے سے اپڈیٹس نکات بتائے ، ساتھ ہی ساتھ شرکا کو 12دینی کاموں کے حوالے سے تربیتی مدنی پھول دیئے جس پر انہوں نے اچھی اچھی نیتیں کیں۔(رپورٹ: سمیر علی آفس ذمہ دار،کانٹینٹ:رمضان رضا عطاری)

دعوتِ اسلامی کے شعبہ جامعۃ المدینہ بوائز میں چلنے والے تعلیمی نظام کے سلسلے میں 21 اگست 2023ء بروز پیر بذریعہ انٹرنیٹ مدنی مشورہ ہوا جس میں تعلیمی امور کے تمام اراکین ِ زون اسلامی بھائی آن لائن شریک ہوئے۔

جامعۃ المدینہ بوائز کے نگران شعبہ تعلیمی امور مولاناحاجی گل رضا عطاری مدنی نے تمام اراکین ِ زون کی تربیت کرتے ہوئے تعلیمی نظام کو بہتر بنانے کے حوالے سے گفتگو کی۔مدنی مشورے میں شریک اراکینِ زون نے نظامِ تعلیم کو مزید بہتر بنانے کے متعلق اپنی اپنی رائے پیش کی ۔

بعدازاں نگران شعبہ تعلیمی امور مولاناحاجی گل رضا عطاری مدنی نے تمام اراکین ِ زون کی حوصلہ افزائی کی اور اخلاص کے ساتھ اپنے کام کو کرنے کی ترغیب دلائی۔(رپورٹ: محمد امیر حمزہ عطاری پروجیکٹ مینجر آئی ٹی ڈیپارٹمنٹ آف جامعۃ المدینہ بوائز پاکستان ، کانٹینٹ:غیاث الدین عطاری)

دعوتِ اسلامی کے تحت اسلامی بہنوں کے درمیان ہونے والے دینی کاموں کا فالو اپ لینے اور اُن کی تربیت کرنے کے لئے گزشتہ روز اسلام آباد  اور راولپنڈی سٹی کی ناظمات و مفتشات کا مدنی مشورہ ہوا جس میں اسلامی بہنیں آن لائن شریک ہوئیں۔

اس مدنی مشورے میں مرکزی مجلسِ شوریٰ کے رکن حاجی وقار المدینہ عطاری نے بذریعہ آڈیو لنک سنتوں بھرا بیان کیا جس میں انہوں نے پیارے آقا صلی اللہ علیہ و سلم کی سیرتِ مبارکہ بالخصوص آپ صلی اللہ علیہ و سلم کے حلیہ مبارک، آپ صلی اللہ علیہ و سلم کی پسندیدہ غذائیں، آپ صلی اللہ علیہ و سلم کی مبارک سواریاں اور آپ صلی اللہ علیہ و سلم کی عادات و اخلاق کے بارے میں کلام کیا نیز اسلامی بہنوں کوحضور صلی اللہ علیہ و سلم پر روزانہ 1200 مرتبہ درودِ پاک پڑھنے کا ذہن دیا۔