پنجاب پاکستان کے شہر فیصل آبا دمیں قائم مدنی مرکز فیضانِ مدینہ میں شعبہ روحانی علاج صوبۂ پنجاب کے ڈویژن ذمہ داران کی میٹنگ ہوئی جس میں نگرانِ شعبہ مولانا انور رضا عطاری نے اسلامی بھائیوں کی تربیت و رہنمائی کی۔

دورانِ میٹنگ نگرانِ شعبہ نے ذمہ داران سے مختلف موضوعات پر گفتگو کرتے ہوئے شعبے کی 3 ماہ کی کارکردگی کا جائزہ لیا اور انہیں نئی اپڈیٹس سے آگاہ کیا۔

اسی طرح نگرانِ شعبہ نےمیٹنگ میں شریک ذمہ داران کو امت کی غم خواری کا جذبہ دلاتے ہوئے شعبے کے دینی کاموں کو مزید بہتر کرنے کا ذہن دیا ساتھ ہی دعوتِ اسلامی کے 12 دینی کاموں میں بڑھ چڑھ کر حصہ لینے کے حوالے سے ذہن سازی کی جس پر انہوں نے اچھی اچھی نیتوں کا اظہار کیا۔(رپورٹ:سمیر علی آفس ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کے مدنی مرکز فیضانِ مدینہ جوہر ٹاؤن لاہور میں شعبہ روحانی علاج کے بستہ ذمہ داران کا مدنی مشورہ منعقد ہواجس میں نگرانِ شعبہ مولانا انور رضا عطاری کی بھی شرکت ہوئی۔

اس مدنی مشورے میں نگرانِ شعبہ نے اسلامی بھائیوں سے شعبے کی سابقہ کارکردگی کا جائزہ لیا اور انہیں نئی اپڈیٹس سے آگاہ کیا نیز امت کی غم خواری کا جذبہ رکھتے ہوئے شعبے کے دینی کاموں کو مزید بہتر بنانے کا ذہن دیا۔

مزید نگرانِ شعبہ نے اسلامی بھائیوں کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:سمیر علی آفس ذمہ دار، کانٹینٹ:غیاث الدین عطاری)

دعوتِ اسلامی کے زیرِا ہتمام پچھلے دنوں مدنی مرکز فیضانِ مدینہ اوکاڑہ میں شعبہ روحانی علاج کا مدنی مشورہ ہو اجس میں ساہیوال ڈویژن کے بستہ ذمہ داران کی شرکت رہی۔

اس موقع پر نگرانِ شعبہ مولانا انور رضا عطاری نے ذمہ دار اسلامی بھائیوں سے مختلف موضوعات پر گفتگو کرتے ہوئے انہیں شعبے کی نئی اپڈیٹس سے آگاہ کیااورامت کی غم خواری کے لئے شعبے کے دینی کاموں کو مزید بہتری کی طرف لانے کا ذہن دیا۔

بعدازاں نگرانِ شعبہ نے مدنی مشورے میں شریک اسلامی بھائیوں کو دعوتِ اسلامی کے12 دینی کاموں میں بھر پور انداز سے شرکت کرنے کی ترغیب دلائی جس پر انہوں نے اچھی اچھی نیتوں کا اظہا رکیا۔(رپورٹ:سمیر علی آفس ذمہ دار، کانٹینٹ:غیاث الدین عطاری)

بیرونِ ملک میں نیکی کی دعوت عام کرنے اور وہاں موجود عاشقانِ رسول کی دینی و اخلاقی تربیت کرنے کے لئے دعوتِ اسلامی کے عالمی مدنی مرکز فیضانِ مدینہ کراچی سے بذریعہ انٹرنیٹ مدنی مشورہ ہوا۔

دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے دورانِ مدنی مشورہ ذمہ داران سے گفتگو کرتے ہوئے 12 دینی کاموں کو بڑھانےبالخصوص مدنی کورسز کروانے، مدنی قافلے میں سفر کرنے اور روحانی علاج کے بستے لگانے کا ذہن دیا۔مزید رکنِ شوریٰ نے بیرونِ ملک کے امام صاحبان کی دینی کاموں میں شرکت کے حوالے سے ذمہ داران کی ذہن سازی کی جس پر انہوں نے اچھی اچھی نیتوں کا اظہا ر کیا۔(رپورٹ:محمد شعبان عطاری مدنی، کانٹینٹ:غیاث الدین عطاری)

شعبہ فیضان آن لائن اکیڈمی بوائزدعوتِ اسلامی کے تحت 16 ستمبر 2022ء بروز جمعہ آن لائن جامعۃالمدینہ اشاعت الاسلام ملتان کی ماہانہ میٹنگ منعقد ہوئی جس میں مدرسین سمیت اسٹاف کے دیگر اسلامی بھائیوں نے شرکت کی۔

اس دوران رکنِ شعبہ مولانا غلام عباس عطاری مدنی اور مولانا عرفان عطاری مدنی نے اسلامی بھائیوں کی تربیت و رہنمائی کرتے ہوئے تعلیمی معیار اور دینی کاموں کو مزید بہتر بنانے کا ذہن دیا۔

اس کے علاوہ ذمہ داران نے اسلامی بھائیوں کو دعوتِ اسلامی کے دینی کاموں میں حصہ لینے اور فیضان سنت جلد سوم”گفتگو کے آداب“  کا مطالعہ کرنے نیز زیادہ سے زیادہ اسے تقسیم کرنے کی ترغیب دلائی۔(رپورٹ:محمد وقار یعقوب مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری)

14 ستمبر 2022ء بروز بدھ فزیکل ٹرینر اور شخصیات نے ذمہ دار اسلامی بھائیوں کے ہمراہ ساہیوال ڈویژن کی فیضانِ مدینہ اوکاڑہ برانچ فیضان آن لائن اکیڈمی بوائز کا وزٹ کیا۔

اس دوران ساہیوال ڈویژن ذمہ دارمولانا محمد سرفراز عطاری مدنی نے شخصیات کو دنیا بھر میں شعبہ فیضان آن لائن اکیڈمی دعوتِ اسلامی کے تحت ہونے والے دینی کاموں کے بارے میں بتایا نیز فیضان آن لائن اکیڈمی کے مختلف کورسز کے متعلق آگاہی دی۔علاوہ ازیں شخصیات نے دعوتِ اسلامی کے دینی و فلاحی کاموں کو سراہا اور آن لائن کورسز میں داخلہ لینے کی اچھی اچھی نیتیں کیں۔(رپورٹ:محمد وقار یعقوب مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

16 ستمبر 2022ء بروز جمعہ دعوت اسلامی کے تحت  فیصل آباد کے مدنی مرکز فیضان مدینہ میں حضرت سیّدنا ابو الحسن علی ہجویری المعروف داتا گنج بخش رحمۃاللہ علیہ کے عرس کے موقع پر فاتحہ خوانی کا اہتمام کیا گیا جس میں فیضان مدینہ کے ذمہ داران اور دیگر اسلامی بھائیوں نے شرکت کی۔

ابتداءً مبلغِ دعوتِ اسلامی نے تلاوتِ قراٰنِ پاک و نعتِ رسولِ مقبول ﷺپڑھی جبکہ مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری نے حضرت سیّدنا ابو الحسن علی ہجویری المعروف داتا گنج بخش رحمۃاللہ علیہ کی سیرت مبارکہ پر سنتوں بھرا بیان کیا اور داتا گنج بخش رحمۃاللہ علیہ کی دینی خدمات اور ہمارے آخری نبی حضرت محمد مصطفی ﷺ کی سنتوں پر عمل کرنے کے حوالے سے واقعات بیان کئے۔آخر میں فاتحہ پڑھی گئی اور نیاز کا اہتمام بھی کیا گیا نیز نگران پاکستان مشاورت نے اپنے ہاتھوں سے اسلامی بھائیوں میں نیاز تقسیم کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی تربیت کرنے اور انہیں  دینِ اسلام کی باتوں سے آگاہ کرنے کے لئے دعوتِ اسلامی کے زیرِا ہتمام ہر جمعرات پاکستان کے مختلف شہروں میں سنتوں بھرے اجتماع کا انعقاد کیا جاتاہے۔

اسی سلسلے میں 15 ستمبر 2022ء بروز جمعرات گلشن اقبال ٹاؤن خان پور کے مدنی مرکز فیضانِ مدینہ میں عاشقانِ رسول کی دینی تحریک دعوتِ اسلامی کے تحت ہفتہ وار سنتوں بھرے اجتماع کا اہتمام کیا گیا جس میں خان پور اور اطراف علاقوں، دیگر شہروں سے آئے ہوئے مدرسۃالمدینہ و جامعۃالمدینہ بوائزکے اساتذۂ کرام، طلبۂ کرام، ذمہ داران اور سیاسی و سماجی شخصیات سمیت قرب و جوار کے کثیر اسلامی بھائیوں نے شرکت کی۔

مبلغِ دعوتِ اسلامی نے تلاوتِ قراٰنِ پاک اور نعتِ رسولِ مقبول ﷺ سے اجتماع کا آغاز کیا جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”منہ خدا کو ہے دکھانا ایک دن“ کے موضوع پر سنتوں بھرا بیان کرتے ہوئے شرکائے اجتماع کو نمازوں کی پابندی کرنے، رمضان شریف کے روزے رکھنے اور نیکی کے کاموں میں حصہ لینے کی ترغیب دلائی۔

بعدازاں معمولات کے مطابق اجتماعِ پاک میں درود پڑھنے اور ذکر اللہ کرنے کا سلسلہ ہوا نیز نگرانِ پاکستان مشاورت نے دعا کروائی۔مزید اجتماع میں شریک اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

خوشخبری!

امریکہ میں دعوت اسلامی کے جامعۃ المدینہ میں طلبہ کرام کے پہلے بیج کا فائنل ایئر Final Yearشروع ہونے جارہا ہےجس کے سلسلے میں پہلے دورۃ الحدیث شریف کا قیام کیا جائیگا۔

اس سلسلے میں 18 ستمبر 2022ء کو فیضانِ مدینہ شوگر لینڈ، ٹیکساس امریکہ میں سنتوں بھرے اجتماع کا اہتمام کیا جائے گا۔

اس پروقار تقریب میں خصوصی طور پر شرکت کے لئے جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی اور دعوت اسلامی کی مرکزی مجلس شوریٰ کے رکن حاجی مولانا عبد الحبیب عطاری پاکستان سے امریکہ پہنچیں گے۔

تفصیلات کے مطابق اجتماع کا آغاز دوپہر2:30 پر ہوگا جس میں تلاوت و نعت کے بعد ترجمان دعوتِ اسلامی مولانا حاجی عبدالحبیب عطاری سنتوں بھرا بیان فرمائیں گے اور اس کے بعد جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی بخاری شریف کی پہلی حدیثِ پاک کا درس دیں گے۔ 

14 ستمبر 2022ء  بروز بدھ پتوکی پنجاب میں احمد اویس عطاری شعبہ اسپیشل پرسنز ذمہ دار ایجوکیشن نے ڈسٹرکٹ ذمہ دار شعبہ سپیشل پرسنز محمد سہیل عطاری کے ہمراہ گورنمنٹ اسپیشل ایجوکیشن سینٹر پتوکی کا وزٹ کیا۔

ایجوکیشن سینٹر کےا سٹاف سے ملاقات کی اور نیکی کی دعوت پیش کی۔اسپیشل (گونگے بہرے) اسٹوڈنٹس کے ساتھ شجرکاری کی اور دعائے خیر کی۔

دعوت اسلامی کے زیر اہتمام  11ستمبر 2022ءشفیع محمد ولیج شجاع آباد میرپور خاص ڈسٹرکٹ میں رابطہ برائے ایگریکلچر اینڈ لائیو اسٹاک اور گورنمنٹ سندہ کے ڈائریکٹوڑیٹ اینمل ہسبڈری لائیو اسٹاک اینڈ فشریز ڈیپارٹمنٹ کے اشتراک سے جانوروں کا ریلیف کیمپ لگایا جس میں جانوروں کا مفت معاینہ کیا گیا اور ادویات و ویکسین بھی دی گئیں۔

رینجرز DSR خضر نے رلیف کیمپ کا وزٹ کیا مختلف مقامات پر وٹنری ڈاکٹروں نے جانوروں کو ٹریمنٹ کیا، اس موقع پرڈپٹی ڈائریکٹر ڈاکٹر حاکم نے دعوت اسلامی کے شعبہ ایف جی آر ایف کے تحت فلاحی خدمات دعوت اسلام حوالے سے گفتگو بھی کی۔

اس موقع پر صوبہ سندھ میڈیکل اینڈ لائیو سٹاک ریلیف کیمپ ذمہ دار ڈاکٹر امید علی عطاری، ڈاکٹر واحد، ڈاکٹر مستقیم عطاری اور تحصیل شجاع آباد نگران زاہد عطاری نے اپنی خدمات سر انجام دیں۔(رپورٹ: ڈاکٹر امید علی عطاری ، کانٹینٹ:رمضان رضا عطاری)

15ستمبر ٫2022 کو شعبہ گھریلو صدقہ بکس کی فیصل آباد میں میٹنگ کا انعقاد ہوا جس میں شعبہ گھریلو صدقہ بکس کے جامعہ مدرسہ کے پاکستان سطح کے  ذمہ داران و صوبائی ذمہ داران نے شرکت کی۔

میٹنگ کا آغاز تلاوت قرآن پاک و نعت رسول مقبول سے ہوا۔ اس کے بعد نگران مجلس حاجی عبد الرؤف عطاری اور رکن شوری حاجی فاروق جیلانی نے ذمہ داران کی مختلف کاموں پر تربیت کی ۔

مزید شعبے کی کارکردگی کا جائزہ لیا۔ نظام میں کیسے ترقی لائی جا سکتی ہے اس پر کلام ہوا نیز کال سینٹر کے حوالے سے گفتگو ہوئی اور مختلف اہداف طے ہوئے۔(رپورٹ: محمد شہریار عطاری سوشل میڈیا ڈونیشن بکس پنجاب، کانٹینٹ:رمضان رضا عطاری)