دعوتِ اسلامی کے زیرِ اہتمام 29 اگست 2022ء بروز پیر سندھ سیکریٹریٹ میں قائم جائے نماز فیضانِ مولا علی رضی اللہ عنہ میں طہارت کورس کا انعقاد کیا گیا جس میں قرب و جوار کے اسلامی بھائیوں نے شرکت کی۔

اس کورس میں مبلغِ دعوتِ اسلامی نے ابتداءً چند ضروری چیزیں بیان کی اور وہاں موجود اسلامی بھائیوں کو 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہا ر کیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

دارالمدینہ انٹرنیشنل اسلامک اسکول سسٹم کے سندھ بھر کے کیمپسز میں نئے تعلیمی سال کا آغاز یکم اگست 2022ء سے ہواجس پر  Orientation Day کا انعقاد کیا گیا جب کہ باقاعدہ تدریسی سرگرمیوں کا آغاز 2اگست 2022ءسے ہوا۔

اس Orientation Dayمیں والدین نےاسکول کے مختلف حصوں، کلاسز، کمپیوٹر لیب، سائنس لیب اورمونٹیسوری سیکشن کا دورہ کیا نیز اسکول میں فراہم کی جانے والی تدریسی سہولیات سے متعلق آگاہی حاصل کی اور اپنی تجاویز بھی دیں۔

علاوہ ازیں پنجاب بھر کے کیمپسز میں موسم ِ گرما کی تعطیلات کے بعد تدریسی سرگرمیاں بھی یکم اگست سے شروع ہوئیں۔(رپورٹ:غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

سیلاب سے متأثرہ عاشقانِ رسول کے لئے دعوتِ اسلامی کے فلاحی شعبے ایف جی آر ایف کے زیرِ اہتمام پاکستان کے مختلف علاقوں میں امدادی کیمپ لگایا گیا ہے۔

تفصیلات کے مطابق 30 اگست 2022ء بروز منگل پاکستان کے شہر پتوکی میں بھی امدادی کیمپ لگایا گیا جس میں کثیر عاشقانِ رسول وقتاً فوقتاً سیلاب زدگان کی مدد کے لئے راشن، رقم اور ضروریاتِ زندگی کا سامان دے رہے ہیں جو دعوتِ اسلامی کے ذمہ داران کے ذریعے سیلاب متأثرین تک پہنچایا جا رہا ہے۔

واضح رہے سیلاب متأثرین کے لئے دعوتِ اسلامی کے زیرِ اہتمام لگایا گیا یہ امدادی کیمپ آئندہ دنوں میں بھی لگا رہے گا جو اسلامی بھائی اپنے ہم وطن عاشقانِ رسول کی مدد کرنا چاہتے ہیں وہ شعبہ ایف جی آر ایف دعوتِ اسلامی کے اسلامی بھائیوں سے رابطہ کریں۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ اکیڈمی، کانٹینٹ:غیاث الدین عطاری)

30 اگست 2022ء بروز منگل چیف ایگزیکٹو لاء رائے فیض سلطان نےبہاولپور میں قائم  لوگوں کو قراٰن و حدیث کی تعلیم دینے والے دعوتِ اسلامی کے شعبے فیضان آن لائن اکیڈمی کا وزٹ کیا جہاں ذمہ دار اسلامی بھائیوں نے انہیں خوش آمدید کہا۔

اس دوران ڈویژن ذمہ دار مولانا نعیم رضا عطاری نے انہیں شعبے کا تعارف کروایا اور اس شعبے کے ذریعے دنیا بھر میں نیکی کی دعوت عام کرنے کے حوالے سے بریفنگ دی۔

اس موقع پر شعبہ رابطہ برائے شخصیات کے ذمہ دار محمد اقبال عطاری سمیت دیگر اہم ذمہ داران بھی موجود تھے۔آخر میں چیف ایگزیکٹو لاء رائے فیض سلطان نے دعوتِ اسلامی کی کاوشوں کو سراہا اور اپنی نیک خواہشات کا اظہا رکیا۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

پنجاب  پاکستان کے شہر فیصل آباد میں موجود دعوتِ اسلامی کے مدنی مرکز فیضان مدینہ میں29 اگست 2022ء بروز پیر مختلف شعبہ جات کے ذمہ داران کا مدنی مشورہ منعقد کیا گیا جس میں جامعۃالمدینہ، مدنی چینل، فیضان آن لائن اکیڈمی (فیضان مدینہ برانچ)، پاکستا ن مشاورت آفس، مدرسۃالمدینہ، مدنی مرکز فیضان مدینہ کے ناظم اور دیگر شعبہ جات کے اسلامی بھائیوں کی شرکت رہی۔

دعوت اسلامی کی مرکزی مجلس شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران سے گفتگو کرتے ہوئے شعبہ وائز کارکردگیوں کا جائزہ لیا اور شعبہ جات کے اخراجات کو کنٹرول کرنے کے حوالے سے اہم نکات بتائے۔

مزید نگرانِ پاکستان مشاورت نے ذمہ داران کی تربیت و رہنمائی کی اور انہیں دعوت ِاسلامی کے اخراجات کو پورا کرنے کے لئے زیادہ سے زیادہ ڈونیشن جمع کرنے کا ذہن دیا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

بچوں کو قراٰنِ پاک کی مفت تعلیم دینے اور اُن کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت جوہرٹاؤن لاہور میں واقع مدنی مرکز فیضانِ مدینہ میں مدنی مشورہ ہوا جس میں شعبہ مدرسۃ المدینہ بوائز کے ناظمین نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے شعبے کے دینی کاموں کا فالو اپ لیا اور احسن انداز میں دینی کام کرنے کی ترغیب دلائی جبکہ رکنِ شوریٰ نے شعبے کو خود کفیل کرنے کے لئے اہداف دیئے جس پر انہوں نے اپنی اپنی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوت  اسلامی نے 30 اگست 2022ء کو ڈپٹی کمشنر کورنگی علی زیدی، ایڈیشنل ڈپٹی کمشنر نواز کلہوڑ، اسسٹنٹ کمشنر کورنگی فاروق سومرو، اسسٹنٹ کمشنر لانڈھی مونس احمد اور اعلیٰ افسران سے ذمہ داران نے ملاقاتیں کیں ۔

اس موقع پر ذمہ دار اسلامی بھائی نے شخصیات کو سیلاب متاثرین کیمپ میں دعوت اسلامی کے شعبہ FGRF کی خدمات کے حوالے سے بریفنگ دی اور انہیں مدنی مرکز فیضان مدینہ وزٹ کرنے کی دعوت دی جس پر انہوں نے خدمات دعوت اسلامی کو سراہتے ہوئے اچھے جذبات کا اظہار کیا۔(رپورٹ: غلام محبوب عطاری ڈسٹرکٹ کورنگی ، کانٹینٹ:رمضان رضا عطاری) 

30 اگست  2022ء کو دعوتِ اسلامی کے شعبہ رابطہ برائے شخصیات ملتان ڈویژن کےذمہ دارفداعلی عطاری کی خانیوال مجلس رابطہ کےذمہ دارعبدالرحمٰن عطاری،عاشرعطاری کےہمراہ DPO عمران جلیل خان غلزئی سےملاقات ہوئی ۔

مبلغ اسلامی بھائی نے خانیوال تعیناتی پر ان کو مبارک باد دی نیز فیضان مدینہ وزٹ کرنے اورشجرکاری کےحوالےسےپودہ لگانے کی دعوت دی جسےانہوں نےقبول کیااورجلدوزٹ کرنےاورشجرکاری مہم میں حصہ لینےکی یقین دہانی کرائی۔ آخر میں انہیں مکتبۃ المدینہ کی تصانیف تحفےمیں پیش کیں۔

علاوہ ازیں سابقہ SDPO کبیروالہdsp عبدالرحیم لغاری،ڈی ایس پی میاں چنوں مہرناصرعلی ثاقب،S.H.O عبدالحکیم راؤحامد،ایس ایچ او صدرمہرامتیازاحمدسیال، پرسنل اسٹاف آفیسرٹوڈی پی او مختیاراحمدودیگرسے بھی ملاقاتیں کیں اورانہیں ہفتہ وارسنتوں بھرے اجتماع وفیضان مدینہ وزٹ کی دعوت پیش کی۔ (رپورٹ: شعبہ رابطہ برائے شخصیات دعوت اسلامی ڈسٹرکٹ خانیوال، کانٹینٹ:رمضان رضا عطاری)

آج 30 اگست 2022ء بروز منگل   انسٹیٹیوٹ آف اسلامک ایجوکیشن، مرکزی جامعۃ المدینہ فیضان مدینہ کراچی میں جاری”تحقیقی مقالہ نگاری کورس “ کا چھٹا سیشن منعقد ہوا۔

اسلامک ریسرچ سینٹر المدینۃ العلمیہ کے ریسرچ اسکالر و رائٹر مولانا راشد علی عطاری مدنی نے تحقیقی مقالہ لکھنے کے لیے ”مقالہ کی خاکہ سازی“، ”مقدمہ کے نکات“ اور جمع مواد کے اہم ذرائع اور طریقوں کے حوالے سے گفتگو فرمائی۔

آج کے سیشن میں زیرِ بحث آنے والے اہم عنوانات

مقالہ کی خاکہ سازی

٭مقالہ ٹائٹل٭تحمید و تسمیہ ٭انتساب ٭اظہار تشکر و امتنان ٭مقدمہ ٭ابواب و فصول(صلبِ موضوع) ٭خلاصہ تحقیق، نتائج و سفارشات ٭فہارس

مقدمہ کی تفصیل

٭موضوع کا تعارف ٭موضوع کی اہمیت و ضرورت ٭موضوع کے انتخاب کے اسباب ٭موضوع پر سابقہ کام کا جائزہ ٭یہ موضوع کن سوالات کا جواب ہے؟ ٭موضوع کی تحدید ٭تحقیق کا منہج

جمع مواد کے ذرائع اور طریقے

٭مطبوعہ مواد کا استعمال(مطالعہ و اقتباسات) ٭ویب سائٹس اور انٹرنیٹ کا استعمال(جدید ٹیکنالوجی کا استعمال) ٭انٹرویو، سوالنامہ،مشاہدہ اور تجربہ کے ذریعے جمعِ مواد ٭منقولی مواد جمع کرنے اور استعمال کرنے کا طریقہ ٭غیرمنقولی یعنی استنباطی، تجزیاتی کلام اور تمہیدات، ترغیبات اور ترہیبات کے استعمال کرنے کا طریقہ ٭جدید مصادر میں احتیاط

مقالے کا خاتمہ اور فہارس

٭نتائج البحث کیسے لکھیں؟ ٭سفارشات کیا اور کیس ہونی چاہئیں؟٭فہرس آیات بنانے کا طریقہ ٭فہرس احادیث بنانے کا طریقہ ٭فہرس اماکن بنانے کا طریقہ ٭فہرس موضوعات بنانے کا طریقہ ٭فہرس مصادر و مراجع بنانے کا طریقہ

ماشاء اللہ طلبہ کرام نے کافی دلچسپی کا اظہار کیا اور حسبِ سابق چند ہی منٹ بعد لیکچر کا خلاصہ اور نکات لکھ کر شیئر بھی کئے ۔

پچھلے دنوں اسسٹنٹ کمشنر رب نواز چدھڑ نے دعوتِ اسلامی کی جانب سے سیلاب زدگان کے لئے لگائے گئے امدادی کیمپ کا وزٹ کیا جہاں ذمہ دار اسلامی بھائیوں نے انہیں جمع ہونے والے سامان کو مختلف شہروں میں بھیجنے کے حوالے سے بریفنگ دی۔

اس موقع پر اسسٹنٹ کمشنر نے دعوتِ اسلامی کے ذمہ داران کی کوششوں کو سراہتے ہوئے خوشی کا اظہا رکیا اور اپنی طرف سے مکمل تعاون کی یقین دہائی کروائی جس پر ذمہ داران نے اسسٹنٹ کمشنر کا شکریہ ادا کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

شیخ فواد اکرم سابق صدر چیمبر نے پچھلے دنوں  فیضان مدینہ فیصل آباد کا وزٹ کیا۔ذمہ داراسلامی بھائیوں نے ان کو ویلکم کہتے ہوئے ملک و بیرون ملک ہونے والی دعوت اسلامی کی دینی و فلاحی خدمات کےحوالے سے بتایا اور انہیں بھی دینی ماحول سے وابستہ ہونے کی دعوت دی ۔ اس پر انہوں نے خدمات دعوت اسلامی کو سراہا اور ربیع الاول میں اسلام آباد اسلامک یونیورسٹی میں شخصیات اورا سٹوڈنٹس میں اجتماع میلاد النبی ﷺ کروانے نیز شیخ برادران کی ٹرانسپورٹ کمپنی شالیمار ایکسپریس بسز میں مدنی چینل کے پروگرامز چلانے کی اچھی اچھی نیتوں کا اظہار کیا ۔ (رپورٹ: ڈسٹرک جھنگ و ڈویژن فیصل آباد ، کانٹینٹ:رمضان رضا عطاری)

پچھلے دنوں دعوت اسلامی کے تحت میرپورخاص میں شعبہ رابطہ برائے شخصیات اور شعبہ FGRF کے ذمہ دار اسلامی بھائیوں کی ڈپٹی کمشنر میرپورخاص زین العابدین میمن سے ملاقات ہوئی۔

دورانِ ملاقات ذمہ داران نے ڈپٹی کمشنر کو شعبہ FGRF دعوت اسلامی کے تحت ہونے والے سیلاب متاثرین کے امدادی کاموں کے بارے میں آگاہی دی جس پر انہوں نے دعوتِ اسلامی کی اس کاوش کو سراہا نیز ڈپٹی کمشنر نے اپنی طرف سے ہر ممکنہ تعاون کی یقین دہانی کروائی۔اس کے علاوہ ذمہ دار اسلامی بھائیوں نے رؤیتِ ہلال کمیٹی کے رکن مفتی علی اصغر عطاری کے شیڈول کے متعلق اہم امور پر میٹنگ کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)