16 ستمبر 2022ء بروز جمعہ فیصل آباد مدینہ ٹاؤن کے حیدری چوک میں قائم دعوتِ اسلامی کے ڈونیشن بکس آفس میں ایک میٹنگ ہوئی جس میں شعبہ ڈونیش بکس کے ڈویژن، میٹروپولیٹن اور صوبہ پنجاب مدرسۃالمدینہ و جامعۃالمدینہ (بوائز) کے صوبائی ذمہ دار اسلامی بھائیوں نے شرکت کی۔

میٹنگ کا آغاز تلاوتِ قراٰنِ پاک اور نعتِ رسولِ مقبول ﷺ سے ہواجس کے بعد صوبائی ذمہ دار محمد زاہد بغداد ی عطاری نے 12 دینی کاموں کے حوالےسے ذمہ داران کی ذہن سازی کی اور نئی اپڈیٹس سے آگاہ کیا۔

دورانِ میٹنگ نگرانِ شعبہ حاجی عبدالرؤف عطاری نے اسلامی بھائیوں سے مختلف موضوعات پر گفتگو کی اور شعبے کے نظام میں مزید بہتری لانے کے متعلق اہم امور پر مشاورت کی۔

بعدازاں شعبے کی سابقہ کارکردگی کا جائزلیا گیا جس میں نمایاں کارکردگی کے حامل ذمہ داران کو تحائف بھی پیش کئے گئے۔اس موقع پر پاکستان سطح کے ذمہ دار مولانا علی عمران عطاری مدنی بھی موجود تھے۔(رپورٹ:محمد شہریار عطاری سوشل میڈیا ڈونیشن بکس پنجاب، کانٹینٹ:غیاث الدین عطاری)

18 ستمبر2022ء کو گلبرگ ٹاؤن لاہور میں صوبائی ذمہ دار حاجی عبد الرزاق عطاری شعبہ ہفتہ وار مدنی مذاکرہ پنجاب نے گلبرگ ٹاؤن کے ذمہ داران کیساتھ مدنی مشورہ کیا جس میں فی یو سی  اجتماعی مدنی مذاکرہ مقام فکس کرنے اور اسکے انتظامات کے حوالے سے گفتگو ہوئی نیز دوران مدنی مذاکرہ بذریعہ انٹرنیٹ لائیو مدنی چینل پر شرکت کرنے پر کلام کیا نیز بہتر کارکردگی پر ذمہ داران کو تحائف بھی پیش کئے۔(رپورٹ : محمد غلام شبیر عطاری شعبہ ہفتہ وار مدنی مذاکرہ ، کانٹینٹ: محمد مصطفی انیس)

گزشتہ روز دعوت اسلامی کے شعبہ رابطہ برائے شخصیات کے ذمہ داران ، ڈسٹرکٹ ایسٹ کے نگران سید قذافی شاہ عطاری مدنی  اور نگران گلشن اقبال ٹاؤن سید دانش عطاری نے پاکستان پیپلز پارٹی ڈسٹرکٹ ایسٹ کے صدر و سابق معاون خصوصی وزیر اعلی ٰ سندھ اقبال ساند کے گھر ان سے ملاقات و عیادت کی اور دعائے خیر کی ۔(رپورٹ : محمد ذکی عطاری ، مجلس رابطہ برائے شخصیات ، کانٹینٹ: محمد مصطفی انیس)

دعوتِ اسلامی کے تحت  شعبہ تعلیم کے شعبے میں عالمی سطح پر اسلامی بہنوں میں ان ملکوں میں دینی کام ہے۔

ہند ،یوکے، ساؤتھ افریقہ اور ماریشس

اس سلسلے میں اگست 2022 ء کے دینی کاموں کی کارکردگی درج ذیل ہے۔

٭ شعبہ تعلیم (اسلامی بہنوں ) کے تحت یوکے اور ساؤتھ افریقہ میں کل منسلک ادارے ’’27 ‘‘ہیں جن میں سے ’’9‘‘ اداروں میں ماہانہ اور ’’13‘‘اداروں میں ہفتہ وار درس ہوتا ہے ۔

٭’’ 2 ‘‘ اداروں میں ایک گھنٹہ 12 منٹ کے مدرسۃ المدینہ بالغات جبکہ ’’1‘‘ ادارے میں 30 منٹ کا مدرسۃ المدینہ بالغات لگتا ہے۔

٭اس ماہ مختلف اداروں کی شخصیات جو دعوت اسلامی کے شعبہ تعلیم سے وابستہ ہوئیں ان کی تعداد ’’800‘‘ہے جن میں سے ’’76‘‘ نے ہفتہ وار سنتوں بھرے اجتماعات میں شرکت کی۔

٭اسی طرح اگست 2022 ء میں شخصیات اسلامی بہنوں کے لئے ’’3‘‘ خُصوصی ہفتہ وار سنتوں بھرے اجتماعات منعقد کئے گئے جن میں ’’112‘ اسلامی بہنوں نے شرکت کی۔

٭’’1‘‘شخصیت خاتون نے آن لائن مدرسۃ المدینہ میں داخلہ لیا جبکہ ’’49‘‘شخصیات اسلامی بہنوں سے نیک اعمال کے رسائل وُصول کئے گئے ۔

٭شخصیات اسلامی بہنوں کے گھروں میں’’ 3 ‘‘سیکھنے سکھانے کے حلقے لگائے گئے۔

٭’’70‘‘ شخصیات اسلامی بہنوں نے دعوت اسلامی کے ماہانہ میگزین ’’ماہنامہ فیضان مدینہ ‘‘ کی سالانہ بکنگ کروائی۔ 

دعوتِ اسلامی کےتحت    13ستمبر 2022ء بروز منگل پاکستان کے شہر راولپنڈی میں شعبہ فیضان مرشد ذمہ داراسلامی بہنوں کا آن لائن مدنی مشورہ ہوا جس میں پاک و صوبہ سطح شعبہ فیضان مرشد ذمہ دار اسلامی بہنوں نے شرکت کی ۔

نگران پاکستان مشاورت اسلامی بہن نے ماہانہ مدنی مشورے کے مدنی پھول بیان کئے، ماہانہ آٹھ دینی کام کارکردگی کا تقابل کرتے ہوئے اضافے پر حوصلہ افزائی کی اور تقرریاں مکمل کرنے نیز شعبے کے دینی کام کوبڑھانے کے اہداف دیئے۔

دعوتِ اسلامی  کے زیر اہتمام لاہور میں ایک اہل ثروت شخصیت کے گھر پر سیکھنے سکھانے کا حلقہ منعقد کیا گیا جس میں نون لیگ کی MNA ، پی ٹی آئی MNA کی سیکرٹری، DHA کی لیڈی پریذیڈنٹ اس کے علاوہ بزنس وومنز اور کئی شخصیات خواتین نے شرکت کی ۔

مبلغہ دعوت اسلامی نے حلقے میں شریک اسلامی بہنوں کو ملک و بیرون ملک ہونے والی دعوت اسلامی کی دینی، فلاحی خدمات کے حوالے سے معلومات فراہم کیں۔ اس کے علاوہ نیکی کی دعوت دینے کے فضائل بیان کرتے ہوئے بتایا کہ نیکی کی دعوت دینے والا نیکی کرنے والے کی طرح ہے ہمیں بھی دوسروں کو نیکی کی دعوت دے کر اپنے متعلقین کو بھی دینی ماحول کے قریب لانا چاہیئے ۔

دعوتِ اسلامی کی جانب سے لاہور میں ڈویژن تا یوسی نگران اور شعبہ اصلاحِ اعمال ذمہ داراسلامی بہنوں  کا مدنی مشورہ منعقد ہوا جس میں نگران عالمی مجلس مشاورت اسلامی بہن نے باطنی بیماریوں کا علاج کرنے، نیک بنتے ہوئے دین کا کام جاری رکھنے کا ذہن دیا ۔

مزید سافٹ وئیر میں منسلک کا ڈیٹا انٹر کرنے، تقرریوں اور ہفتہ وار رسالہ مطالعہ کرنے کے اہداف دئیے۔آخر میں حوصلہ افزائی کے لئے تحائف دیئے ۔

دعوتِ اسلامی کے تحت  14 ستمبر 2022ء کو کراچی ا ور حیدرآباد میں 28مقامات پر ردا پوشی اجتماعات کا سلسلہ ہوا جن میں 7000اسلامی بہنوں نے شرکت کی۔

2 مقامات پر صاحبزادی عطار سلمہا الغفار کی خصوصیت کے ساتھ شرکت ہوئی جبکہ دیگر مقامات پر عالمی مجلس مشاورت کی اراکین اسلامی بہنوں کی شرکت ہوئی۔

پچھلے دنوں دعوت اسلامی کے زیر اہتمام صوبہ پنجاب میں  قائم جامعۃ المدینہ للبنات سے فارغ التحصیل طالبات کی ردا پوشی کا سلسلہ ہوا جس میں طالبات کی سرپرست خواتین سمیت معلمات،ناظمات اور دیگر ذمہ دار اسلامی بہنوں نے شرکت کی۔

نگران عالمی مجلس مشاورت اور صوبہ پنجاب کی نگران اسلامی بہنوں نے فارغ التحصیل طالبات کی ردا پوشی کی۔ بعدازاں اسلامی بہنوں کو دینی کام کرنے کی نیتیں کروائیں۔ آخر میں ناظمات و معلمات کا مشورہ لیا جس میں ان کی تربیت کرتے ہوئے انہیں آئندہ کے لئے اہداف دیئے۔

13 ستمبر 2022ء  کو کینیا یوگینڈا تنزانیہ اور نائجیریا کی ملک نگران اسلامی بہنوں کے مدنی مشورے کا انعقاد ہوا جس میں سینٹرل اینڈ ویسٹ افریقہ ریجن نگران اسلامی بہن نے 8 دینی کام کرنے کے حوالے سے تربیت کی۔

اس مدنی مشورے میں ادارتی شعبوں کے آغاز کے متعلق پلاننگ کے بارے میں بات چیت ہوئی نیز نائجیریا کی اسلامی بہن کو مدرسۃ المدینہ بالغات آن لائن شروع کرنے کا ہدف دیا جس پر اسلامی بہنوں نے ورک مکمل کرنے کی اچھی اچھی نیتوں کا اظہار کیا۔

پچھلے دنوں دعوتِ اسلامی کے مدنی مرکز فیضانِ مدینہ گجرات میں پاکستان طبی کانفرنس ضلع گجرات کے صدر حکیم شہباز چشتی، حکیم راجہ محمد سلیم، حکیم سیّد افتخار حسین شاہ، حکیم عبد الروف اعوان، حکیم محمد افضال خاموش، حکیم قمر حیات دھول، حکیم اسد بلال اعوان، حکیم صلاح الدین، حکیم محمد مرتضیٰ شاہ اور حکیم سیّد مظہر حسین شاہ کی آمد ہوئی۔

اس دوران نگرانِ شعبہ رابطہ برائے حکیم حکیم محمد حسان عطاری اور صوبائی زمہ دار حکیم نعیم عطاری سمیت دیگر ذمہ دار اسلامی بھائیوں نے اطبائے کرام کو خوش آمدید کہا اور مختلف شعبہ جات کا وزٹ کروایا۔

بعدازاں ذمہ دار اسلامی بھائیوں نے اطبائے کرام کے درمیان سیکھنے سکھانے کا حلقہ لگایا جس میں فری طبی کیمپ پر مشاورت کی گئی۔(رپورٹ:شعبہ رابطہ برائے حکیم ، کانٹینٹ:غیاث الدین عطاری)

15 ستمبر 2022ء بروز جمعرات شعبہ جامعۃالمدینہ بوائز دعوتِ اسلامی کے تحت مدنی مرکز فیضانِ مدینہ علی ٹاؤن سرگودھا میں مدنی مشورہ ہوا جس میں سرگودھا ڈویژن کے ناظمین کرام کی شرکت ہوئی۔

نگرانِ سرگودھا ڈویژن محمد عادل عطاری، جامعۃ المدینہ بوائز پنچاب کے صوبائی ذمہ دار سیّد ناظم لطیف شاہ عطاری، پاکستان بھر میں جامعۃ المدینہ بوائزکے تعلیمی ذمہ دار مولانا گل رضا عطاری مدنی اور رکنِ سرگودھا ڈویژن و ناظم اعلیٰ مولانا عبد اللہ عطاری مدنی نے ناظمین کرام کی تربیت کرتے ہوئے جامعۃ المدینہ بوائز کی بہتری کے حوالے سے اُن کی ذہن سازی کی نیز آئندہ کے نئے اہداف بھی دیئے۔

بعدازاں نگرانِ ڈویژن مشاورت نے جامعۃ المدینہ بوائز میں صفائی ستھرائی اور حفظان صحت کے حوالے سے خصوصی گفتگو کرتے ہوئے کہا کہ ہمیں اپنے جامعۃ المدینہ بوائز کو ماڈل انداز میں اپڈیٹ کرنا ہے تاکہ جہاں ہمارے طلبۂ کرام بیماریوں سے محفوظ رہیں وہی ہمارا نظام بھی بہترین ہو۔(رپورٹ:محمد اسد اللہ مدنی ناظم جامعۃ المدینہ کلورکوٹ ضلع بھکر، کانٹینٹ:غیاث الدین عطاری)