دعوت  اسلامی کے زیر اہتمام14 ستمبر 2022 ٫کو شعبہ عطیات بکس کی فیصل آباد میں میٹنگ کا انعقاد ہوا جس میں شعبہ عطیات بکس پاکستان کے ذیلی شعبہ ذمہ داران و صوبائی ذمہ داران نے شرکت کی۔

میٹنگ کا آغاز تلاوت قرآن پاک و نعت رسول مقبول سے ہوا۔ اس کے بعد شعبے کے نگران مجلس حاجی عبد الرؤف عطاری نے صدقے کے فضائل بیان کرتے ہوئے ذمہ داران کی مختلف کاموں پر تربیت کی نیز مدنی پھول بیان کرتے ہوئے شعبے کے نظام میں کیسے ترقی لائی جا سکتی ہے اس پر کلام ہوا۔ مزید جن چیزوں کی شعبے کو حاجت ہے ان کو پورا کرنے کے حوالے سے پلاننگ کی گئی۔

اس کے علاوہ 12 دینی کاموں بالخصوص مدنی قافلہ اور نیک اعمال کا رسالہ جمع کروانے نیز سو فیصد ذمہ داران کو مدنی قافلوں میں سفر کرنے کے حوالے سے ترغیب دلائی۔(رپورٹ: محمد شہریار عطاری سوشل میڈیا ڈونیشن بکس پنجاب، کانٹینٹ:رمضان رضا عطاری)

دعوتِ اسلامی کے تحت 15 ستمبر 2022ء بروز جمعرات اسلام آباد میں قائم دعوتِ اسلامی کے مدنی مرکز فیضانِ مدینہ میں میٹنگ منعقد ہوئی جس میں شعبہ مدنی قافلہ راولپنڈی ڈویژن کے ڈسٹرکٹ ذمہ داران نے شر کت۔

اس موقع پر نگرانِ شعبہ حاجی مشکور عطاری نے میٹنگ میں شریک ذمہ داران سے گفتگو کرتے ہوئے اُن کی دینی و اخلاقی اعتبار سے تربیت کی اور مدنی قافلوں کے حوالے سے مشاورت کی جس پر ذمہ داران نے اپنی اپنی رائے پیش کی۔(رپورٹ:بدرمنیرعطاری سوشل میڈیا پنجاب مدنی قافلہ، کانٹینٹ:غیاث الدین عطاری)

شعبہ مدنی قافلہ دعوتِ اسلامی کے تحت 15 ستمبر 2022ء بروز جمعرات پاکستان کے دارالحکومت اسلام آبا د میں ایک میٹنگ  منعقد ہوئی جس میں اسلام آباد اور راولپنڈی ڈویژن کے تحصیل و زون ذمہ داران نے شرکت کی۔

اس میٹنگ میں نگرانِ شعبہ حاجی مشکور عطاری نے شعبے کے دینی کاموں کے حوالے سے گفتگو کرتے ہوئے اسلامی بھائیوں کی دینی، اخلاقی اور تنظیمی اعتبار سے تربیت کی۔

بعدازاں نگرانِ شعبہ نے اسلامی بھائیوں کو احسن انداز میں دعوتِ اسلامی کے دینی کاموں کو کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:بدرمنیرعطاری سوشل میڈیا پنجاب مدنی قافلہ، کانٹینٹ:غیاث الدین عطاری) 

پچھلے دنوں دعوتِ اسلامی کے تحت شعبہ فیضان آن لائن اکیڈمی کے صوبائی نگران محمد عامر سلیم عطاری اور ڈویژن نگران مولانا عرفان عطاری مدنی نے جھنگ برانچ کا دورہ کیا جہاں انہوں نے مدرسین کا مدنی مشورہ کیا۔

دورانِ مدنی مشورہ ذمہ داران نے مدرسین سے برانچ کی سابقہ کارکردگی کا فالواپ لیا نیز دینی کاموں کے متعلق اہم امور پر گفتگو کی جس پر انہوں نے اپنے برانچ کی کارکردگی بیان کی۔

بعدازاں ذمہ داران نے مدرسین کو دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

دنیا بھر میں قراٰن و سنت کی تعلیمات کو عام کرنے والی عاشقانِ رسول کی دینی تحریک دعوتِ اسلامی کے تحت 14 ستمبر 2022ء بروز بدھ پاکستان کے شہر فیصل آباد میں  شعبہ فیضانِ آن لائن اکیڈمی صوبۂ پنجاب کے ڈویژن ذمہ داران کا ماہانہ مدنی مشورہ ہوا۔

نگرانِ شعبہ مولانا یاسر عطاری مدنی نے ذمہ داران سے شعبے کی ماہانہ کارکردگی کا جائزہ لیتے ہوئے شعبے کو خود کفیل کرنے سمیت مختلف موضوعات پر گفتگو کی جبکہ دینی کاموں میں ترقی کے حوالے سے انہیں اہم نکات بتائے جس پر ذمہ داران نے اپنی اپنی رائے پیش کی۔

اس کے علاوہ نگرانِ شعبہ نے دعوتِ اسلامی کے دینی کاموں کو احسن انداز میں کرنے کی ترغیب دلائی جس پر انہوں نے اچھی اچھی نیتوں کا اظہا رکیا۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

لوگوں کو نیکی کی دعوت دینے اور اُن کی تربیت و رہنمائی کرنے کے لئے دعوتِ اسلامی کے زیرِ اہتمام پاکستان کےشہر بچیکی ضلع ننکانہ میں سیکھنے سکھانے کا حلقہ لگایا گیا جس میں مقامی اسلامی بھائیوں سمیت تاجران نے شرکت کی۔

اس موقع پر دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ”علم دین حاصل کرنے“ کے موضوع پر سنتوں بھرا بیان کیا اور وہاں موجو دعاشقانِ رسول کو علمِ دین حاصل کرنے کے لئے دعوتِ اسلامی کے دینی ماحول سے ہر دم وابستہ رہنے کا ذہن دیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت جوہر ٹاؤن لاہور میں واقع مدنی مرکز فیضانِ مدینہ میں مختلف شعبہ جات کے اسلامی بھائیوں کا مدنی مشورہ منعقد ہوا جس میں شعبہ جامعۃالمدینہ و مدرسۃالمدینہ (بوائز، گرلز)، شعبہ گھریلو صدقہ بکس، شعبہ ڈونیشن بکس، شعبہ ڈونیشن سیل اور فنانس ڈیپارٹمنٹ کے ڈویژن و مالیات ذمہ داران نے شرکت کی۔

اس مدنی مشورے میں رکنِ مرکزی مجلسِ شوریٰ حاجی یعفور رضا عطاری نے مختلف موضوعات پر گفتگو کی اور شعبے کے دینی کاموں کے حوالے سے ذمہ داران کی تربیت و رہنمائی کی۔

بعدازاں رکنِ شوریٰ حاجی یعفور رضا عطاری نے دعوتِ اسلامی کے اخراجات کو پورا کرنے کے لئے زیادہ سے زیادہ کوشش کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

14 ستمبر 2022ء بروز بدھ پنجاب پاکستان کے شہر فیصل آباد میں قائم دعوتِ اسلامی کے مدنی مرکز فیضان مدینہ میں شعبہ گھریلو صدقہ بکس کے ذمہ داران کا مدنی مشورہ ہوا جس میں شعبے کے متعلقہ رکنِ شوریٰ حاجی محمد فاروق جیلانی عطاری، نگرانِ شعبہ، صوبائی ذمہ دار نیز اورسیز کے ذمہ دار اسلامی بھائیوں کی شرکت رہی۔

دورانِ مدنی مشورہ دعوتِ اسلامی کی مرکزی مجلس ِشوریٰ کے رکن و نگرانِ پاکستان مشاورت حاجی محمد شاہد عطاری نے شعبے کی صوبہ وائز کارکردگی کا کا جائزہ لیا اور ذمہ داران سے مختلف موضوعات پر گفتگو کی۔

نگرانِ پاکستان مشاورت نے شعبے کے دینی کاموں کے بارے میں کلام کرتے ہوئے فرمایا کہ صدقہ بلاؤں کو ٹالتا ہے، صدقے کے فضائل قراٰن و حدیث میں موجود ہیں، بزرگانِ دین کے کتنے ہی واقعات ہیں کہ انہوں نے دنیا میں خرچ کیا تو اللہ عزوجل نے انہیں دنیا و آخرت میں اس کا اجر (بدلہ) دیا، کتنے ہی مریض صدقے کی برکت سے شفایاب ہوجاتے ہیں۔

دعوت اسلامی کا شعبہ گھریلو صدقہ بکس جس کے تحت اسلامی بھائی اسلامی بھائیوں سے اور اسلامی بہنیں اسلامی بہنوں سے ملاقات کر کے اُن کے گھر وں میں صدقہ بکس رکھواتے ہیں تاکہ دعوت اسلا می کے اربوں کے اخراجات کو عطیات جمع کر کے پورا کیا جاسکے۔

شعبہ کفن دفن دعوتِ اسلامی کے دینی کاموں کے حوالے سے 14 ستمبر 2022ء بروز بدھ نیو کراچی میں قائم جامع مسجد مبارک میں مدنی مشورے کا انعقاد کیا گیا جس میں سینٹرل ڈسٹرکٹ ذمہ دار ریاض عطاری، نیوکراچی ٹاؤن ذمہ دار صدیق عطاری اور یوسی ذمہ داران کی شرکت رہی۔

شعبہ کفن دفن کے سٹی ذمہ دار یاسر عطاری نے ذمہ داران سے گفتگو کرتے ہوئے شعبے کے دینی کاموں کا فالواپ لیا نیز انہیں غسل دینے والے عاشقانِ رسول کی لسٹ بنانے کا ذہن دیا۔

دورانِ گفتگو سٹی ذمہ دار نے 18 ستمبر 2022ء کو مرکزی مجلسِ شوریٰ کے نگران مولانا حاجی محمد عمران عطاری اور 25 ستمبر 2022ء کو رکنِ شوریٰ حاجی منصور عطاری کے مدنی مشورے میں شرکت کرنے کے متعلق چند اہم نکات پر مشاورت کی۔(رپورٹ:عزیر عطاری رکن شعبہ کفن دفن ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت  اسلام آبا دمیں تربیتی کورس اور نماز کورس کرنے والے اسلامی بھائیوں کے لئے 15 ستمبر 2022ء بروز جمعرات سیکھنے سکھانے کا حلقہ لگایا گیا۔

مبلغِ دعوتِ اسلامی و نگرانِ شعبہ حاجی مشکور عطاری نے اسلامی بھائیوں کی تربیت و رہنمائی کرتے ہوئے مدنی قافلوں میں سفر کرنے کے حوالے سے سنتوں بھرا بیان کیا۔

اس کے علاوہ نگرانِ شعبہ نے نشست میں شریک عاشقانِ رسول کو دعوتِ اسلامی کے دینی کاموں میں عملی طور پر شمولیت اختیار کرنے کا ذہن دیا۔(رپورٹ:بدر منیر عطاری شوشل میڈیا پنجاب ، شعبہ مدنی قافلہ ، کانٹینٹ:غیاث الدین عطاری)

اسلام آباد جی 11 میں قائم دعوتِ اسلامی کے مدنی مرکز فیضانِ مدینہ میں 15 ستمبر 2022ء بروز جمعرات جامعۃالمدینہ بوائزکے طلبۂ کرام کی تربیت کے لئے ایک نشست کا انعقاد کیا گیا جس میں اساتذۂ کرام نےبھی شرکت کی۔

نگرانِ شعبہ حاجی مشکور عطاری نے اس نشست میں سنتوں بھرا بیان کرتے ہوئے طلبۂ کرام کو مدنی قافلوں میں سفر کرنے کی ضرورت و اہمیت بیان کی اور انہیں مدنی قافلے میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:بدر منیر عطاری سوشل میڈیا پنجاب، شعبہ مدنی قافلہ ، کانٹینٹ:غیاث الدین عطاری)

دعوت اسلامی 80 سے زائد شعبہ جات میں دین متین کی خدمت سر انجام دے رہی ہے اور زندگی کے تقریباً  ہر شعبےکے افراد کو دینی تعلیمات سے آراستہ کرنے کے لئے کوشاں ہے۔

اسی سلسلے میں یکم اور2 اکتوبر 2022ء کو عالمی مدنی مرکز فیضان مدینہ کراچی میں دو دن کا ”یونیورسٹی اسٹوڈنٹس اجتماع“ منعقد ہونے جارہا ہے جس میں ملک بھر کے یونیورسٹی اسٹوڈنٹس شریک ہونگے۔

اجتماع کا دورانیہ بروز ہفتہ بعد نماز ظہر سے بروز اتوار نماز عصر تک ہوگا۔ اس دوران اسٹوڈنٹس مدنی مذاکرے میں بھی شرکت کریں گےاس کے علاوہ مرکزی مجلس شوریٰ دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی خصوصی طور پر جبکہ اراکین شوریٰ اور دیگر مبلغین دعوت اسلامی وقتاًفوقتاًسنتوں بھرے بیانات فرمائیں گے۔