عاشقان رسول کی دینی و معاشرتی اصلاح کرنے اور ان کے دلوں میں خوف خدا اور عشق رسول پیدا کرنے کے لئے دعوت اسلامی وقتاً فوقتاً مختلف اجتماعات کا انعقاد کرتی رہتی ہے ۔

اسی سلسلے میں عالمی مدنی مرکز فیضان مدینہ کراچی میں 18 ستمبر 2022ء بروز اتوار بعد نماز عشاء رات 8:45 بجے سنتوں بھرے اجتماع کا انعقاد کیا جائیگا۔اجتماع میں مرکزی مجلس شوریٰ دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔اس اجتماع میں اراکین شوریٰ حاجی محمد امین عطاری، حاجی محمد علی عطاری اور حاجی امین قافلہ عطاری بھی خصوصی طور پر شریک ہونگے۔

تمام عاشقان رسول سے اس اجتماع میں شرکت کرنے کی درخواست ہے۔

نماز مومن کی معراج ہے، نماز میرے آقا ﷺ کی آنکھوں کی ٹھنڈک ہے، نماز جنت کی کنجی ہے، نماز اللہ پاک سے ہم کلام ہونے کا ذریعہ ہے، نماز تمام پریشانیوں کا حل ہے۔ حضور کریم ﷺ اور ہمارے اسلاف رات رات بھر قیام کرتےتھے،  اس کے علاوہ جب بھی کوئی مصیبت و پریشانی کا سامنا ہوتا تونماز ہی کے ذریعہ اللہ رب العزت سے مدد طلب کرتے اور رحمت الہی سے ان کی پریشانی حل ہوجاتی تھی۔

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ بھی اپنے مریدین و محبین کو نماز کی ترغیب دلاتے رہتے ہیں۔ عاشقان رسول کو نماز کی مزید ترغیب دلانے کے لئے اس ہفتے 17 صفحات کا رسالہ ”نماز سے مدد کی تین حکایات“ پڑھنے/ سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعوت اسلامی کی مجلس تراجم کی جانب سے اس رسالے کا چھ زبانوں(انگلش، اردو ، رومن اردو، سندھی، بنگلہ،پشتو) میں ترجمہ بھی کیا گیا ہے، دعوت اسلامی کی ویب سائٹ پر ان زبانوں میں رسائل موجود ہیں، مذکورہ زبانوں کے جاننے والے درج ذیل لنک پر کلک کرکے رسائل کا مطالعہ کرسکتے ہیں۔

دعائے عطار

یا اللہ پاک! جو کوئی 17 صفحات کا رسالہ ”نماز سے مدد کی تین حکایات“ پڑھ یا سن لے اُس کا دل نماز میں لگا دےاور اس کو بے حساب بخش دے۔اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

13ستمبر 2022ء بروز منگل شعبہ فیضانِ آن لائن اکیڈمی دعوتِ اسلامی کے تحت مدرسۃ المدینہ آئن لائن کی برانچ اشاعت الاسلام ملتان کے تمام اسٹاف کی ماہانہ میٹنگ منعقد ہوئی۔

اس میٹنگ میں رکنِ شعبہ مولانا غلام عباس عطاری مدنی اور مولانا حامد عطاری مدنی نے اسلامی بھائیوں کی دینی کاموں میں بہتری کے حوالے سے ذہن سازی کی اور شعبے کی سابقہ کارکردگی کا جائزہ لیا۔

بعدازاں امیرِ اہلِ سنت دامت بَرَکَاتُہمُ العالیہ کی نئی کتاب ” گفتگو کے آداب“ خرید کر مطالعہ کرنے اور اسے تقسیم کرنے کےمتعلق مشاورت کی گئی۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

14 ستمبر 2022ء بروز بدھ عاشقانِ رسول کی دینی تحریک دعوتِ اسلامی کے تحت فیضان آن لائن اکیڈمی اسلام آباد برانچ میں مدرسین، شفٹ تعلیمی ذمہ داران اور ناظمین کا مدنی مشورہ منعقد ہوا۔

شعبے کے صوبائی ذمہ دار مولانا عبد الوحید اعظم عطاری مدنی نے شرکائے مدنی مشورہ سے تعلیمی و انتظامی معاملات پر گفتگو کرتے ہوئے شعبے کی سابقہ کارکردگی کا جائزہ لیا اور آئندہ کے اہداف دیئے۔

بعدازاں مدنی مشورے میں امیرِ اہلِ سنت دامت بَرَکَاتُہمُ العالیہ کی نئی کتاب ”گفتگو کے آداب“ خرید کر مطالعہ کرنے اور اسے تقسیم کرنے کے حوالے سے اہم نکات پر کلام کیا گیا۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 13 ستمبر 2022ء بروز منگل فیضان آن لائن اکیڈمی ستیانہ روڈ برانچ میں ایک میٹنگ ہوئی جس میں  مدرسۃالمدینہ آن لائن فیصل آباد ڈویژن کے تعلیمی ذمہ داران نے شرکت کی۔

نگرانِ شعبہ مولانا محمد یاسر عطاری مدنی نے اس مدنی مشورے میں شعبے کے دینی کاموں کے متعلق چند اہم امور پر گفتگو کی اور ذمہ داران سے شعبے کی سابقہ کارکردگی کا جائزہ لیا۔

مزید ذمہ دار نے اسلامی بھائیوں کو احسن اندازمیں دینی کام کرنے اور دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہا رکیا۔

اس موقع پر صوبائی ذمہ دار فیضان آن لائن اکیڈمی مولانا عامر سلیم عطاری مدنی اور فیصل آباد ڈویژن کے ذمہ دار مولانا عرفان عطاری مدنی بھی موجود تھے۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

دعوتِ اسلامی کے شعبہ مدرسۃ المدینہ گرلزکے تحت حیدرآباد میں 9 ستمبر 2022ء بروزجمعہ مدرسۃالمدینہ گرلز حورحسین آفندی ٹاؤن میں تربیتی سیشن کا انعقاد ہوا جس میں کم و بیش 35 اسلامی بہنوں نے شرکت کی ۔

اس سیشن میں خصوصی طور پر صاحبزادیِ عطار سلمہا الغفار کی تشریف آوری ہوئی۔صاحبزادی عطار نے اسٹاف ، شخصیت و سرپرست اسلامی بہنوں کے درمیان ’’صبر شکر اور استاد کے کردار ‘‘کے موضوع پر سنتوں بھرا بیان کیا اور دینی کام کرنے کا ذہن دیا جس پر اسٹاف وسرپرست اسلامی بہنوں نے اچھی اچھی نیتیں پیش کیں نیز آخر میں صاحبزادی عطار نے بچیوں میں تحائف تقسیم کئے اور دعاؤں سے نوازا۔

دعوتِ اسلامی کے تحت 13 ستمبر 2022ء بروز منگل فیضان آن لائن اکیڈمی بہاولپور برانچ میں جامعۃالمدینہ آن لائن کے شفٹ ناظمین اور شفٹ تعلیمی ذمہ داران کا مدنی مشورہ ہوا۔

اس مدنی مشورے میں آن لائن جامعۃالمدینہ کے تعلیمی امور ذمہ دار مولانا نعیم بابر عطاری مدنی نے اسلامی بھائیوں سے مختلف موضوعات پر مشاورت کی اور شعبے کے دینی کاموں کو احسن انداز میں کرنے کا ذہن دیا۔

اس موقع پر ڈویژن بہاولپور فیضان آن لائن اکیڈمی کے ذمہ دار مولانا نعیم رضا عطاری مدنی اور بہاولپور برانچ ناظم مولانا محمد وقار یعقوب عطای مدنی بھی موجود تھے۔(رپورٹ:محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

نیکی کی دعوت کو عام کرنے کے جذبے کے تحت سینٹرل افریقہ  میں ہونے والے اسلامی بہنوں کے اگست2022ء کے دینی کاموں کی چند جھلکیاں ملاحظہ فرمائیے۔

روزانہ گھر درس دینے والی اسلامی بہنوں کی تعداد: 60

مدرستہ المدینہ بالغات کی تعداد: 16

مدرستہ المدینہ بالغات میں پڑھنے والی اسلامی بہنوں کی تعداد: 101

ہفتہ وار سنتوں بھرے اجتماعات کی تعداد: 21

ان میں شرکت کرنے والی اسلامی بہنوں کی تعداد: 252

ہفتہ وار مدنی مذاکرہ سننے والی اسلامی بہنوں کی تعداد: 85

ہفتہ وار علاقائی دوروں میں شرکت کرنے والی اسلامی بہنوں کی تعداد:37

ہفتہ وار رسالہ پڑھنے/ سننے والیوں کی تعداد: 206

وصول ہونے والے نیک اعمال کے رسائل کی تعداد: 86

دعوتِ اسلامی کےتحت    12ستمبر 2022ء بروز پیر پاکستان کے شہر راولپنڈی میں صوبہ بلوچستان کی کوئٹہ ڈویژن کا آن لائن مدنی مشورہ ہوا جس میں صوبہ بلوچستان نگران ، کوئٹہ ڈویژن ، کوئٹہ میٹروپولیٹن نگران ،ڈسٹرکٹ نگران اور معلمات و مبلغات نے شرکت کی۔

نگران پاکستان مشاورت اسلامی بہن نے ماہانہ آٹھ دینی کام کارکردگی کا تقابل کرتے ہوئے اضافے پر حوصلہ افزائی کی اور ماہانہ مدنی مشورے کے مدنی پھول بیان کئے نیز تقرریاں مکمل کرنےکے ساتھ ساتھ اسلامی بہنوں کو دینی کاموں کے اہداف دیئے ۔

٭اسی طرح 12ستمبر 2022ء بروز پیر صوبہ بلوچستان کی لورالائی ڈویژن کے ساتھ آن لائن مدنی مشورے کا انعقاد کیا گیا جس میں صوبہ بلوچستان نگران ، لورالائی ڈویژن وڈسٹرکٹ نگران اسلامی بہنوں سمیت معلمات و مبلغات نے شرکت کی ۔

دعوتِ اسلامی کے زیر اہتمام  پچھلے دنوں صوبہ پنجاب کی ڈویژن ساہیوال میں مدنی مشورے کا انعقاد ہوا جس میں ڈویژن ، ٹاؤن اور تحصیل نگران اسلامی بہنوں نے شرکت کی۔

نگران عالمی مجلس مشاور ت اسلامی بہن نے مدنی مشورے میں یوسی نگران کی تقرریاں کرنے، گلی گلی مدرسۃ المدینہ شروع کرنے اور مدرسۃ المدینہ بالغات لگانے کے اہداف دیئے۔ اس کے علاوہ منسلک کا ڈیٹا سافٹ وئیر میں انٹر کرنے کے حوالے سے تربیت دی اور مدنی پھولوں کے مطابق دینی کام کرنے کی ترغیب دلائی ۔آخر میں اسلامی بہنوں کی حوصلہ افزائی کے لئے تحائف تقسیم کئے۔

٭دوسری جانب ساہیوال میں شخصیت کے یہاں سیکھنے سکھانے کے حلقے کا سلسلہ ہوا وہاں گھر کی خواتین سمیت لیڈی ڈاکٹر نے بھی شرکت کی ۔ حلقے میں نماز کی پابندی کرنے، اجتماع میں شرکت کرنےاور مدرسۃ المدینہ بالغات پڑھنے کی ترغیب دلائی گئی جس پر اسلامی بہنوں نے ہاتھوں ہاتھ نیتیں پیش کیں۔

دعوتِ  اسلامی کے شعبہ جامعۃ المدینہ گرلز کے تحت پچھلے دنوں فیصل آباد فیضانِ مدینہ بیسمنٹ میں ردا پوشی اجتماع کا انعقاد ہوا جس میں معلمات ،طالبات اور ان کی سرپرست خواتین نے شرکت کی۔

مبلغہ دعوت اسلامی نے سنتوں بھرا بیان کیا اور نگران عالمی مجلس مشاورت اسلامی بہن نے درس نظامی ( عالمہ کورس) مکمل کرنے والی طالبات میں اسناد تقسیم کیں، فرداً فرداً اسلامی بہنوں کو تنظیمی ذمہ داریاں لینے کی ترغیب دلائی۔ آخر میں جامعۃ المدینہ ذمہ داران کو دعوت اسلامی کا دینی کام کرنے کی ترغیب دلائی ۔

٭اسی طرح ساہیوال میں بھی ردا پوشی اجتماع کا انعقاد ہوا جہاں نگران عالمی مجلس مشاورت اسلامی بہن اور رکنِ شورٰی رفیع عطاری کی ہمشیرہ نے جامعۃ المدینہ سے فارغ التحصیل ہونے والی طالبات کی ردا پوشی کی نیز طالبات کو دینی کام کرنے کا ذہن دیتے ہوئے نیتیں کروائیں۔

پاکستان کے شہر گوجرانوالہ  میں دعوتِ اسلامی کے زیرِ اہتمام میٹروپولیٹن کے ذمہ داران کا مدنی مشورہ ہوا جس میں شعبہ ہفتہ وار مدنی مذاکرہ کے اسلامی بھائیوں کی شرکت رہی۔

اس موقع پر صوبائی ذمہ دار نے شعبے کے دینی کاموں کے حوالے سے گفتگو کرتے ہوئے مختلف موضوعات پر کلام کیا اور اُن کی دینی، اخلاقی اور تنظیمی اعتبار سے تربیت کی نیز انہیں نئی تنظیمی اپڈیٹس سے آگاہ کیا۔بعدازاں مدنی مشورے میں موجود ذمہ دار اسلامی بھائیوں نے دعوتِ اسلامی کے شعبہ جات کی ترقی کے لئے اپنی اپنی رائے پیش کی۔(رپورٹ:عبدالرحمن عطاری مدنی، کانٹینٹ:غیاث الدین عطاری)