6 مارچ 2024ء کو دعوتِ اسلامی کے مدنی مرکز  فیضانِ مدینہ فیصل آباد میں جامعۃ المدینہ بوائز، گرلز کے ذمہ دار ان کا مدنی مشورہ منعقد ہوا جس میں فیصل آباد ڈویژن و سٹی کے ناظمین اور خودکفالت ذمہ دار اسلامی بھائیوں نے شرکت کی۔

رمضان عطیات کے بارے میں کلام کرتے ہوئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نےرسید بکس اور بروشرز سمیت چند اہم نکات پر مشاورت کی ۔

فیصل آباد کے مدنی مرکز فیضانِ مدینہ میں 8 مارچ 2024ء کو حاجی محمد امجد اور محمد شفقت عطاری کے والدین سمیت دیگر عاشقانِ رسول کے ایصالِ ثواب کے لئے سنتوں بھرا اجتماع ہوا جس میں تاجران، شخصیات اور اسلامی بھائیوں نے شرکت کی۔

تلاوتِ قراٰن سے اجتماع کا آغاز ہوااور نعت خواں اسلامی بھائی نے حمدِ باری تعالیٰ و نعتِ رسولِ مقبول صلی اللہ علیہ و سلم کا نذرانہ پیش کیا جس کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بیان کیا۔

علاقہ رحیم ویلی، فیصل آباد میں 8 مارچ 2024ء کو ایک اسلامی بھائی کی رہائش گاہ پر سیکھنے سکھانے کا حلقہ لگایا گیا جس میں سیاسی و سماجی شخصیات، ذمہ دارانِ دعوتِ اسلامی اور دیگر عاشقانِ رسول نے شرکت کی۔

تفصیلات کے مطابق حلقے کی ابتدا تلاوتِ قراٰن و نعت شریف سے کرنے کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بیان کیا جس میں انہوں نے شرکا کو نیکی کے کاموں میں بڑھ چڑھ کر حصہ لینے، دعوتِ اسلامی کے دینی و فلاحی کاموں کے لئے ڈونیشن جمع کرنے اور دیگر کو اس کی ترغیب دلانے کا ذہن دیا۔

ڈونیشن سیل ڈیپارٹمنٹ دعوتِ اسلامی کےتحت مدنی مرکز فیضانِ مدینہ فیصل آباد میں ذمہ داران کا 11 مارچ 2024ء کو آن لائن مدنی مشورہ ہوا جس میں متعلقہ ڈیپارٹمنٹ کے رکنِ شوریٰ حاجی محمد فاروق جیلانی عطاری اور نگرانِ ڈیپارٹمنٹ تا ڈسٹرکٹ سطح کے اسلامی بھائی بذریعہ انٹرنیٹ شریک ہوئے۔

11 مارچ 2024ء کو دعوتِ اسلامی کے زیرِ اہتمام فیضانِ مدینہ فیصل آباد Security کے اسلامی بھائیوں، ناظمین اور خادمین کے لئے ٹریننگ سیشن کا انعقاد کیا گیا جس میں دیگر اسلامی بھائیوں کی بھی شرکت رہی۔

ٹریننگ سیشن کی ابتدا میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمدشاہد عطاری نے اپنی گفتگو کے دوران رمضانُ المبارک میں فیضانِ مدینہ آنے والے عاشقانِ رسول سے پبلک ڈیلنگ ((Public Dealing کرنے کے بارے میں کلام کیا۔

فیصل آباد کے مدنی مرکز فیضانِ مدینہ میں اسلامی بھائیوں کی تربیت کے لئے 5 مارچ 2024ء کو دعوتِ اسلامی کے تحت ایک میٹنگ ہوئی جس میں دعوتِ اسلامی کی تنظیمی تقسیم کاری کے مطابق صوبائی آفسز کے ذمہ داران نے شرکت کی۔

میٹنگ میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف نکات پر گفتگو کرتے ہوئے صوبائی آفسز میں ہونے والے کاموں کا جائزہ لیا اور مدنی پھولوں سے نوازا۔

شعبہ مدرسۃ  المدینہ بوائز دعوت اسلامی کے تحت ریاض آباد ضلع کوٹ ادو میں تقسیم اسناد اجتماع کا انعقاد ہوا جس میں مدرسۃ المدینہ کے بچوں اور ان کے سرپرست اسلامی بھائیوں نے شرکت کی۔

معلومات کے مطابق رکن شوریٰ مولانا حاجی اسد عطاری مدنی نے” حفاظ کرام کے والدین کی شان وعظمت “کے موضوع پر بیان کیا اور شرکا کی تربیت کرتے ہوئے انہیں تلاوتِ قرآنِ پاک کرنے کاذہن دیا۔ اجتماع کے آخر میں رکن شوریٰ نے طلبہ کو مبارک باد دیتے ہوئے اسناد پیش کیں۔(رپورٹ: مولانا انس عطاری مدنی (معاون رکن شوریٰ حاجی اسد مدنی)، کانٹینٹ:رمضان رضا عطاری)

عاشقانِ رسول کی  دینی تحریک دعوت اسلامی کی جانب سے 10مارچ 2024ء بروز اتوار کو مدرسۃ المدینہ بوائز بونگہ سرخرو تحصیل بھیرہ ضلع سرگودھا میں استقبال رمضان اجتماع کا اہتمام کیا گیا ۔

اس اجتماع میں مذہبی وسیاسی شخصیات، مدرسۃ المدینہ کے سابقہ اور موجودہ اسٹوڈنٹس نیز ان کے سرپرست حضرات سمیت ذمہ داران دعوت اسلامی اور دیگر عاشقان رسول شریک ہوئے۔

٭آغاز میں مدرسۃ المدینہ کے بچوں نے تلاوت قرآنِ پاک اور نعت خوانی کی۔بعدازاں انہوں نے اردو ،عربی اور انگلش میں بیانات کئے۔

اردو میں ”بسم اللہ کی فضیلت“ اور”صدقے کا انعام “، عربی میں : ”تلاوت کی فضیلت“ جبکہ انگلش میں :”سلام کی سنتیں اور آداب“ کے موضوعات پر بیانات کئے۔ اس موقع پر مدرسۃ المدینہ کے بچوں میں مختصر دورانئے کا ذہنی آزمائش ہوا اور بچوں کو تحائف بھی دئیے گئے۔

٭دوسری جانب مبلغ دعوت اسلامی نے بیان کیا جس میں انہوں نے تلاوتِ قرآن ِ پاک کے فضائل اور رمضان میں مختلف نیکیاں (جیسے روزہ ،نماز، تلاوت، درود پاک ، صدقہ و خیرات)کرنے اور گناہوں (حرام روزی، فلمیں، ڈرامے ، ماں باپ کی نافرمانی)سے بچنے کا ذہن دیا۔

٭بیان کے بعد نگران تحصیل  مشاورت نے شرکاکو دعوت اسلامی کا تعارف کروایا اور انہیں اپنے بچے مدرسۃ المدینہ اور جامعۃ المدینہ میں داخل کروانے کی ترغیب بھی دلائی۔

٭اختتام پر ملک و ملت کی سلامتی اور استحکام کیلئے دعا کی گئی اور شرکا نے بارگاہ ِخیرالانام میں درود و سلام بھی پیش کیا۔(رپورٹ: اشفاق عطاری ڈسٹرکٹ ذمہ دار شعبہ رابطہ برائے شخصیات ڈسٹرکٹ سرگودھا ، کانٹینٹ:رمضان رضا عطاری)

پچھلے  دنوں ممباسا کے شہر کینیا میں ماہ رمضان میں 12دینی کاموں کو کرنے کے سلسلے میں مدنی مشورہ منعقد ہوا جس میں مقامی ذمہ دار اسلامی بھائیوں نے شرکت کی۔

مدنی مشورے میں رکنِ شوریٰ و نگرانِ سینٹرل افریقہ ریجن حاجی امین عطاری (مدنی قافلہ) نے رمضان المبارک میں اعتکاف اور نمازِ تراویح ادا کرنے کا ذہن دیتے ہوئے 12دینی کام کرنے کے تعلق سے اسلامی بھائیوں کی تربیت کی جس پر انہوں نے اچھی اچھی نیتیں کیں۔ (کانٹینٹ:رمضان رضا عطاری)

مؤ رخہ 10مارچ  2024 ء بروز اتوار کو مرحوم نگرانِ شوریٰ حاجی مشتاق عطاری اور مرحوم حاجی عبد القادر باپو رحمۃُ اللہِ علیھماکے ایصالِ ثواب کے سلسلے میں اورنگی ٹاؤن کراچی کے علاقے مؤمن آباد سیکٹر 4 ایف میں ایک اسلامی بھائی کے گھر مدنی حلقے کا اہتمام ہوا ۔

اس موقع پر مبلغِ دعوتِ اسلامی مولانا عاشر عطاری مدنی نے بیان کیا اور شرکا کو دونوں شخصیات کی دینی خدمات کے متعلق بتایا۔

آخرمیں مرحوم نگرانِ شوریٰ حاجی مشتاق عطاری اور حاجی عبد القادر باپو مرحوم سمیت تمام مرحومین مسلمانوں کے لئے فاتحہ خوانی ،ایصال ثواب اور دعائے مغفرت کی گئی۔(کانٹینٹ:رمضان رضا عطاری)

شعبہ اوقات الصلوٰۃ دعوت اسلامی کے زیرِاہتمام پاکستان بھر میں 12 مقامات پر 6 دن کا علم توقیت، فلکیات اور جغرافیہ کورس کا انعقاد کیا گیا۔

ان میں سے ایک مقام عالمی مدنی مرکز فیضان مدینہ کراچی بھی تھا جس میں جامعۃ المدینہ بوائز کے طلبہ کرام کے علاوہ دیگر نے بھی شرکت کی ۔

فیضان مدینہ کراچی میں ہونے والے کورس میں مولانا عبد القادر عطاری مدنی نے شرکا کو سورج اور چاند کی مدد سے نمازوں و روزوں کے وقت نکالنے کے حوالے سے رہنمائی کی۔

کورس کے اختتام پر 29 فروری 2024ء کو امتحان اور تقسیم اسناد کا سلسلہ بھی ہوا جس میں کامیاب ہونے والے طلبائے کرام میں ناظم اسلامک ریسرچ سینٹر مولانا آصف خان عطاری مدنی اور دیگر نے سرٹیفکیٹ تقسیم کیے۔

واضح رہے کہ !اس کورس کا سیکنڈ لیول رمضان المبارک 1445ھ کے فوری بعد آن لائن شروع ہوجائے گا ۔(کانٹینٹ:رمضان رضا عطاری)

عاشقانِ رسول کی دینی و اخلاقی تربیت کا جذبہ رکھنے والی عالمی تحریک دعوتِ اسلامی کے تحت پاکستان کے مختلف شہروں میں اسلامی بہنوں کے درمیان جنوری 2024ء میں ہونے والے 8 دینی کاموں کی کارکردگی درج ذیل رہی:

روزانہ گھر درس دینے والی اسلامی بہنوں کی تعداد:99 ہزار 689 (99,689)۔

روزانہ امیرِ اہلِ سنت کا بیان / مدنی مذاکرہ سننے والی اسلامی بہنوں کی تعداد:1 لاکھ 30 ہزار 415 (1,30,415)۔

بڑی عمر کی اسلامی بہنوں کے لئے لگنے والے مدرسۃ المدینہ بالغات کی تعداد:9 ہزار 950 (9,950)۔

ان مدرسۃ المدینہ بالغات میں پڑھنے والی اسلامی بہنوں کی تعداد:1 لاکھ 302 (1,00,302)۔

اسلامی بہنوں کے ہفتہ وار سنتوں بھرے اجتماعات کی تعداد:10 ہزار 634 (10,634)۔

ان اجتماعات میں شرکت کرنے والی اسلامی بہنوں کی تعداد:4 لاکھ 17 ہزار 2 (4,17,002)۔

ہفتہ وار علاقائی دورہ برائے نیکی کی دعوت میں شرکت کرنے والی اسلامی بہنوں کی تعداد:32 ہزار 196 (32,196)۔

ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 58 ہزار 485 (7,58,485)۔

اسلامی بہنوں سے وصول ہونے والے نیک اعمال کے رسائل کی تعداد:94 ہزار 124 (94,124)۔

اسلامی بہنوں کے درمیان ہونے والے مدنی کورسز کی تعداد:964 ۔