ریاض آباد ضلع کوٹ ادو مظفر گڑھ پنجاب  میں دعوت اسلامی کے زیرِ اہتمام تقسیم اسناد اجتماع کا انعقاد کیا گیا جس میں مدرسۃ المدینہ سے حفظ و ناظرہ مکمل کرنے والے بچو ں اور ان کے سرپرستوں نے حاضری دی۔

رکن شوریٰ مولانا حاجی اسد عطاری مدنی نے سنتوں بھرا بیان کیا جس میں اپنی اولاد کو حفاظ، عالم اور مفتی بنانے کے حوالے سے ذہن دیا ۔ آخر میں رکن شوریٰ نے حفظ و ناظرہ مکمل کرنےوالے بچوں کی دستار بندی کی اور ان میں اسناد تقسیم کی۔(رپورٹ:انس عطاری معاون رکن شوریٰ حاجی اسد عطاری، کانٹینٹ:رمضان رضا عطاری)

دعوت اسلامی  کے شعبہ روحانی علاج کی جانب سے مدنی مرکز فیضانِ مدینہ پاکپتن میں 10،9،8 مارچ 2024ء کو تین دن کا روحانی علاج کورس ہواجس میں ساہیوال ڈویژن کے مختلف شعبہ جات سے تعلق رکھنے والے عاشقانِ رسول نے شرکت کی ۔

مولانا محمد عثمان عطاری مدنی ڈویژن ذمہ دار شعبہ روحانی علاج نے کورس میں شریک اسلامی بھائیوں کی تربیت کرتے ہوئے انہیں تعویذات عطاریہ لکھنے کے حوالے سے مختلف امور پر رہنمائی دی نیز دم کرنے اور کاٹ والے عمل کرنے کا طریقہ سمجھایا ۔ ساتھ ہی ساتھ 12 دینی کام کرنے کا ذہن بھی دیا اور امت کی غمخواری کا جذبہ دلایا۔(رپورٹ:سمیر علی آفس ذمہ دار شعبہ روحانی علاج، کانٹینٹ:رمضان رضا عطاری)

ماہ ِ رمضان  المبارک کی مناسبت سے دارالمدینہ انٹرنیشنل اسلامک اسکول سسٹم نے بچّوں کی تربیت کے لئے ایک رمضان تربیہ ہوم ورک ترتیب دیا ہے۔

تربیہ ہوم ورک میں پری نرسری ، نرسری کے جی، پرائمری اور سیکنڈری کلاسز کے بچّوں کی ذہنی سطح اور سیکھنے کی استعداد کومدنظر رکھا گیا ہے۔

رمضان تربیہ ہوم ورک کو نماز،قرآن پاک،دُرود پاک،مدنی مذاکرہ، دُعاؤں، نماز کے اذکار، اخلاق و آداب، بزرگان دین کے اعراس اور نیکیاں بڑھانے والی دیگر باتوں سے مزین کیا گیا ہے۔

رمضان تربیہ ہوم ورک میں رنگ بھرنے اورنقطے ملاکر تصاویر بنانے جیسی دل چسپ سرگرمیاں بھی شامل کی گئی ہیں۔ اس تربیہ ہوم ورک کو www.darulmadinah.net پر بھی رکھا گیا ہے تاکہ دارالمدینہ کے علاوہ دوسرے اسکولز میں پڑھنے والے بچّوں کے والدین بھی اس سے استفادہ کرسکیں اور اپنے بچوں کی بہترین تربیت کرسکیں۔(رپورٹ: غلام محی الدین ترک ،اردو کانٹینٹ رائیٹر،کانٹینٹ:رمضان رضا عطاری)

دارالمدینہ انٹرنیشنل اسلامک اسکول سسٹم کے ذمہ داران کی کوشش ہوتی ہے کہ طلبہ وطالبات کے والدین کے خدشات کو دور کریں اور تعلیم و تربیت کے نظام کو مزید بہتر بنائیں۔ اس حوالے  سے دار المدینہ کے ذمہ داران کی جانب سے وقتاً فوقتاً والدین کے اطمینان کو یقینی بنانے کے لئے کیمپسز میں پیرنٹس مینجمنٹ میٹنگز (PMM) کا اہتمام کیا جاتا ہے ۔

گزشتہ دنوں دارالمدینہ سندھ کےصوبائی ذمہ دار(provincial head) سیدمدنی رضاعطاری اور ایک سینئر پرنسپل نے حیدرآباد، سکھر،ٹنڈوآدم اور شہدادپور میں ہونے والی PMMمیں شرکت کی اور وہاں اسٹوڈنٹس کے سرپرست صاحبان سے دارالمدینہ اور بچوں کی تعلیمی کیفیت پر گفتگو کی جس پر انہوں نے دارالمدینہ کے معیار تعلیم پر اپنے اعتماد کا اظہار کیااور مزید بہتری کے لئے تجاویز بھی دیں۔

اس دورے میں صوبائی ذمہ دار سید مدنی رضا عطاری نے دعوت اسلامی کے ہفتہ وار سنتوں بھرے اجتماع میں بیان کیا اور تنظیمی ذمہ داران سے مشورے بھی کئے۔(رپورٹ: غلام محی الدین ترک ،اردو کانٹینٹ رائیٹر،کانٹینٹ:رمضان رضا عطاری)

سلسلہ قادریہ رضویہ عطّاریہ کے دسویں بزرگ پیرو مرشد حضرت سری بن مغلس سقطی رحمۃُ اللہِ علیہ کی سیرت، آپ کے اقوال اور آپ کے علمی مقام و مرتبے سے عاشقانِ رسول کو مستفیض کرنے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ اس 25 صفحات کا رسالہ ”فیضان سری سقطی رحمۃُ اللہِ علیہ“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سےبھی نوازا ہے۔

دعائے عطار

یا اللہ پاک! جو کوئی 25 صفحات کا رسالہ ”فیضان سری سقطی رحمۃُ اللہِ علیہ“پڑھ یا سُن لے اُسے اپنے اولیاء کی غلامی اور پیروی کی توفیق دے کر ماں باپ سمیت بے حساب بخش دے۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

انڈونیشیا، فارایسٹ کے دارالحکومت Jakarta میں قائم پاکستانی ایمبیسی میں رکنِ مرکزی مجلسِ شوریٰ حاجی قاری محمد ایاز عطاری سمیت ذمہ داران و مبلغینِ دعوتِ اسلامی کی آمد ہوئی۔

اس موقع پر رکنِ شوریٰ کی دیگر ذمہ دار اسلامی بھائیوں کے ہمراہ پاکستانی ایمبیسڈر امیر خرم راٹھور سے ملاقات ہوئی اور دعوتِ اسلامی کے تحت عالمی سطح پر ہونے والی دینی و فلاحی خدمات کے متعلق کلام کیا گیا۔

مدرسۃ  المدینہ بوائز کے تحت 4 مارچ 2024ء کو مدینہ ٹاؤن فیصل آباد میں قائم مدنی مرکز فیضان مدینہ میں اجتماع ہوا جس میں فیصل آباد ڈویژن سے مدنی عملے و ناظمین نے بلمشافہ جب کہ دیگر شہروں سے اسلامی بھائیوں نے بذریعہ انٹرنیٹ کے شرکت کی ۔

اس اجتماع میں نگران پاکستان مشاورت حاجی محمد شاہد عطاری نے سنتوں بھرا بیان فرمایا جس میں رمضان ڈونیشن جمع کرنے ،اعتکاف کروانے کے سلسلے میں مدنی پھول دیئے نیز رسید بکس ،فطرے کے بستے اور فطرہ ٹوکن کے حوالے سے بھی تربیت کی ۔

دوسری جانب نگران پاکستان نے اسلامی بھائیوں کو سابقہ حفاظ کرام سے ملاقات کرنے اور ان کو رمضان عطیات جمع کرنے کے بارے میں ذہن دینے کا ہدف دیا۔

آخر میں نگران پاکستان مشاورت نے بہترین کار کردگی والے اسلامی بھائیوں کو تحائف دیئے اور دعا فرمائی نیز ملاقات بھی کی۔(رپورٹ:عبد الخالق عطاری، کانٹینٹ:رمضان رضا عطاری)

انڈونیشیا، فارایسٹ کے شہر Jakarta میں مختلف شعبہ ہائے زندگی سے تعلق رکھنے والے عاشقانِ رسول و بزنس کمیونٹی کےاسلامی بھائیوں کے درمیان دعوتِ اسلامی کے تحت نیکی کی دعوت کے سلسلے میں سیکھنے سکھانے کا حلقہ لگایا گیا۔

حلقے کے دوران تلاوتِ قراٰن کی گئی اور نعت شریف پڑھی گئی جبکہ بیرونِ ملک دورے پر موجود رکنِ مرکزی مجلسِ شوریٰ حاجی قاری محمد ایاز عطاری نے سنتوں بھرا بیان کیا۔

رکنِ شوریٰ نے شرکائے حلقہ کو نیک اعمال کرنے، گناہوں سے بچنے، نیکی کی دعوت عام کرنے اور دینِ متین کی خدمت کے لئے دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

بنگلہ دیش کے شہرراج شاہی میں عاشقانِ رسول کی  دینی تحریک دعوتِ اسلامی کےشعبہ رابطہ برائے تاجران کے تحت ایک سیشن منعقد کیا گیا جس میں مختلف بزنس کمیونٹی و شعبہ جات کےعاشقان رسول کی شرکت ہوئی۔

تلاوت و نعت سے سیشن کا آغاز کرنے کے بعد مرکزی مجلسِ شوریٰ کے رکن حاجی محمد علی عطاری نے سنتوں بھرا بیان کیا اور دعوتِ اسلامی کے دینی کاموں کے حوالے سے حاضرین کی ذہن سازی کی جبکہ نگرانِ بنگلہ دیش مشاورت عبد المبین عطاری نے شرکاء میں نیکی کی دعوت دیتے ہوئے مختلف امور پرگفتگو کی۔سیشن کے اختتام پردعا کاسلسلہ ہوا اور نگران راج شاہی ڈویژن نے صلوة وسلام پڑھا ۔

صدر ٹاؤن لائنز ایریا  کی محمدی مسجد میں دعوت اسلامی کے شعبہ کفن دفن کی جانب 10 مارچ 2024ء کو کفن دفن کورس ہوا جس میں لائنز ایریا محمدی مسجد کےعاشقان رسول نے شرکت کی ۔

مبلغ دعوت اسلامی عزیر عطاری نے شرکا کو ابتداءً مسلمان کو غسل میت دینے کی فضیلت بتائی پھر غسل میت دینے اور کفن کاٹنے و پہنانے کا طریقہ سیکھایا ۔آخر میں مسلم فیونرل اپلیکیشن کا تعارف کروایا اور ڈاؤن لوڈ بھی کروائی۔(کانٹینٹ:رمضان رضا عطاری)

شعبہ مدرسۃ المدینہ بالغان کے  زیراہتمام 9 مارچ 2024ء کو فیضانِ غوثِ پاک مسجد ڈیفنس ٹاؤن ساؤتھ ڈسٹرکٹ کراچی میں مدنی مشورہ منعقد ہوا جس میں کراچی سٹی کے ڈسٹرکٹ ذمہ داران اور ڈسٹرکٹ ناظمین نے شرکت کی۔

مدنی مشورے میں سٹی ذمہ دار قاری محمد حسان رضا عطاری نے شعبان کے اہداف کی کارکردگی کا جائزہ لیا اور رمضان المبارک میں بعدِ فجر یا بعدِ تراویح مدرسۃ المدینہ بالغان ہر ذیلی حلقے میں لگانے کے حوالے سے اسلامی بھائیوں کو مدنی پھول دیئے نیز رمضان المبارک کے اہداف اور پلاننگ بھی دی۔(رپورٹ: ڈسٹرکٹ ذمہ دار قاری عبدالباسط عطاری مدنی، کانٹینٹ:رمضان رضا عطاری)

عالمی مدنی فیضان مدینہ کراچی میں  رمضان شریف کی آمد کے ساتھ ساتھ رونقیں لگ گئیں ہیں ۔ملک و بیرون ملک سے علم دین سیکھنے، ماہ رمضان کا فیضان لوٹنے، امیراہل سنت دامت برکاتہم العالیہ کی صحبت اور دعاؤں سے فیض پانے والے پہنچ گئے ہے۔ رمضان المبارک کی آمد سے قبل ہی 11مارچ 2024ء سے فیضان مدینہ میں مدنی مذاکروں کا آغاز ہوچکا ہے۔

٭اس سلسلے میں لاہور پنجاب سے سینکڑوں عاشقان رسول پر مشتمل ایک مدنی قافلہ رکن شوریٰ حاجی یعفور رضا عطاری کے زیرِ سایہ رمضان اسپیشل ٹرین کے ذریعے کراچی نفل اعتکاف کی نیت سے پہنچا ہے جس میں جامعۃ المدینہ بوائز کے طلبہ ٔ کرام و اساتذہ اور مختلف شعبہ ہائے زندگی سے تعلق رکھنے والے افراد شامل ہیں۔

دورانِ سفر عاشقانِ رسول کو مختلف سنتیں و آداب بھی بتائیں گئیں جبکہ شرکا نے راسۃ میں لاہور ریل وے اسٹیشن پر رکن شوریٰ کی امامت میں نماز مغرب بھی باجماعت ادا کی ۔

کراچی اسٹیشن پر پہنچ کر اسلامی بھائیوں کے جذبات دیدنی تھے۔ مدنی خبروں سے گفتگو کرتے ہوئے ان کا کہنا تھا یہاں جوبھی سکھایا جائے گا وہ ہم سیکھے گے ۔(کانٹینٹ:رمضان رضا عطاری)