لوگوں کو دینِ اسلام کی طرف راغب کرنے ، علمِ دین سکھانے اور انہیں اسلامی تعلیمات کے بارے میں رہنمائی دینے والی عالمی سطح کی دینی تحریک دعوتِ اسلامی کے زیرِ اہتمام ماہِ ستمبر 2024ء میں پروفیشنل اسلامی بھائیوں کے لئے عالمی مدنی مرکز فیضانِ مدینہ کراچی میں  2 دن پر مشتمل ”Grand Congregation“ ہونے جارہا ہے ۔

تفصیلات کے مطابق” Grand Congregation“ کا آغاز 28 ستمبر 2024ء بروز ہفتہ نمازِ ظہر سے29 ستمبر 2024ء بروز اتوار نمازِ عصر تک ہو گا جس میں پروفیشنل اسلامی بھائیوں کے لئے مختلف سیشنز انعقاد کیا جائے گا ۔

دورانِ سیشنز نگرانِ شوریٰ مولانا حاجی محمد عمران عطاری، رکنِ شوریٰ مولانا حاجی عبد الحبیب عطاری، مفتیانِ کرام اور مبلغینِ دعوتِ اسلامی کےسنتوں بھرے بیانات ہوں گے جبکہ خصوصی طور پر شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ مدنی مذاکرہ بھی فرمائیں گے۔

ان سیشنزمیں نگرانِ شوریٰ، رکنِ شوریٰ، مفتیانِ کرام اور مبلغینِ دعوتِ اسلامی کے بیانات کی تفصیل درج ذیل ہے:

”1st Day“٭دوپہر 3:00 سے 4:00 بجے تک پروفیشنلز میں مبلغِ دعوتِ اسلامی مولانا مہروز عطاری مدنی سنتوں بھرا بیان کریں گے٭ 4:00 سے 5:00 بجے تک دارالافتاء اہلسنت کے مفتی شفیق عطاری پروفیشنلز کی رہنمائی کریں گے٭ نمازِعصر تا نمازِ مغرب کے درمیان مبلغِ دعوتِ اسلامی مولانا سیّد ثاقب عطاری مدنی کا بیان ہوگا٭ پہلے دن کے آخری میں مدنی مذاکرے کا انعقاد ہوگا جس میں امیرِ اہلِ سنت دامت بَرَکَاتُہمُ العالیہ اسلامی بھائیوں کی جانب سے ہونے والے مختلف سوالات کے جوابات ارشاد فرمائیں گےاور اُن کی دینی، اخلاقی اعتبار سے تربیت کریں گے۔

شعبہ تحفظ اوراق مقدسہ  دعوت اسلامی کے تحت 15ستمبر2024ء کو پنجاب قرآن بورڈ کے سیکرٹری محمدعمر دراز کو فیضان مدینہ جوہر ٹاؤن کے مختلف شعبہ جات کا وزٹ کروایا گیا محمد رضا عطاری ڈویژن ذمہ دار نے دعوت اسلامی کے تحت دنیا بھر میں ہونے والی دینی اور فلاحی خدمات سے آگاہ کیا ۔

اس موقع پر شعبہ تحفظ اوراق مقدسہ اور پنجاب قرآن بورڈ کے تحت تربیتی نشست کا انعقاد ہوا جس میں شیخوپورہ ڈویژن کے عاشقان رسول نے شرکت کی ڈویژن نگران حاجی نعیم عطاری نے دعوت اسلامی کے دینی کاموں پر حاضرین کی رہنمائی فرمائی جبکہ پنجاب قرآن بورڈ کے سیکرٹری محمد عمر دراز نے اوراق مقدسہ کو محفوظ کیسے کیا جاتا کہ موضوع پر گفتگو کی اور ڈویژن ذمہ دار محمد رضا عطاری نے شعبے کے کاموں کا تعارف پیش کیا۔(کانٹینٹ: محمد شعیب احمد رضا عطاری )

دعوتِ اسلامی عالمِ دنیا میں اسلامی تعلیمات عام کرنے اور علمِ دین سے  لوگوں کو روشناس کروانے والی عاشقانِ رسول کی دینی تحریک ہےجس کے تحت ملک و بیرونِ ممالک میں دینی کاموں کا سلسلہ جاری ہے۔

معلومات کے مطابق اگست 2024ء میں پاکستان بھر کی خواتین کے درمیان دعوتِ اسلامی کے تحت ہونے والے دینی کاموں کی کارکردگی درج ذیل ہے:

٭روزانہ گھر درس دینے والی اسلامی بہنوں کی تعداد:1 لاکھ 7 ہزار 950 (1,07,950)۔

٭روزانہ امیرِ اہلِ سنت کا بیان / مدنی مذاکرہ سننے والی اسلامی بہنوں کی تعداد:1 لاکھ 27 ہزار 353 (1,27,353)۔

٭بڑی عمر کی اسلامی بہنوں کےلئے لگنے والے مدرسۃ المدینہ بالغات کی تعداد:11 ہزار 538 (11,538)۔

٭ان مدرسۃ المدینہ بالغات میں پڑھنے والی اسلامی بہنوں کی تعداد:1 لاکھ 2 ہزار 39 (1,02,039)۔

٭اسلامی بہنوں کے ہفتہ وار سنتوں بھرے اجتماعات کی تعداد:11 ہزار 8 (11,008)۔

٭ان اجتماعات میں شرکت کرنے والی اسلامی بہنوں کی تعداد:3 لاکھ 86 ہزار 611 (3,86,611)۔

٭علاقائی دورہ برائے نیکی کی دعوت میں شرکت کرنے والی اسلامی بہنوں کی تعداد:34 ہزار 508 (34,508)۔

٭ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 69 ہزار 60 (7,69,060)۔

٭اسلامی بہنوں سے وصول ہونے والے نیک اعمال کے رسائل کی تعداد:96 ہزار 340 (96,340)۔

٭اسلامی بہنوں میں ہونے والے مدنی کورسز کی تعداد:670

٭ان کورسز میں شرکت کرنے والی اسلامی بہنوں کی تعداد:9 ہزار 556(9,556)۔

عاشقانِ رسول کی دینی تحریک دعوتِ اسلامی کے تحت 16 ستمبر 2024ء کو آسٹریلیا، نیوزی لینڈ، ایسٹرن اینڈ مڈل افریقہ کا آن لائن مدنی مشورہ منعقدکیا گیا جس میں معاون نگران انٹرنیشنل افیئرز ڈیپارٹمنٹ، سب کانٹیننٹ نگران اور ملک نگران اسلامی بہنوں نے شرکت کی۔

مدنی مشورے کے دوران نگرانِ عالمی مجلسِ مشاورت اسلامی بہن نے بذریعہ انٹرنیٹ دینی کاموں میں مزید ترقی لانے اور اُن میں درپیش مسائل کے حل کے لئے گفتگو کی جس پر اسلامی بہنوں نے اپنی اپنی رائے پیش کی۔

اس موقع پر دعوتِ اسلامی کی مرکزی مجلسِ شوریٰ کے رکن مولانا ابوماجد حاجی محمد شاہد عطاری نے بھی آڈیو لنک کے ذریعے مدنی مشورے میں شریک اسلامی بہنوں کو مدنی پھولوں سے نوازا۔

دنیا بھر میں ہونے والے دعوتِ اسلامی کے دینی کاموں کے سلسلے میں 2 ستمبر 2024ء کو ایک میٹنگ منعقد کی گئی جس میں اراکینِ عالمی مجلسِ مشاورت اور اراکینِ انٹرنیشنل افیئرز کی اسلامی بہنیں شریک ہوئی۔

میٹنگ میں گفتگو کرتے ہوئے نگرانِ عالمی مجلسِ مشاورت اسلامی بہن نے ذمہ داران سے دینی کاموں کی کارکردگی کا جائزہ لیا اور تقسیمِ رسائل کے مدنی پھول سمجھائے ۔

اسی طرح 9 ستمبر 2024ء کو بھی فیضانِ صحابیات P.I.B کالونی میں ایک میٹنگ ہوئی جس میں کراچی سٹی کی ڈسٹرکٹ اور ٹاؤن ذمہ دار اسلامی بہنوں نے شرکت کی۔

علاوہ ازیں نگرانِ عالمی مجلسِ مشاورت نے تقسیمِ رسائل کن شرعی اصولوں کے مطابق کئے جائیں اس کو تفصیل سے تمام ذمہ دار اسلامی بہنوں کو بتایا گیا جس پر انہوں نے اچھی اچھی نیتیں کیں۔

اس موقع پرنگرانِ عالمی مجلسِ مشاورت کا کہنا تھا:دعوتِ اسلامی کا خاصہ ہے کہ دعوتِ اسلامی ہر کام کو شریعت کے دائرے میں رہتے ہوئے کرتی ہے۔شعبہ تقسیمِ رسائل کے مدنی پھول باقاعدہ شرعی تفتیش کے ساتھ بنے ہوئے ہیں اور ہر سال بالخصوص ربیع الاول میں ان مدنی پھولوں پر گفتگو کی جاتی ہے۔بالعموم یہ مدنی پھول تمام اسلامی بہنوں کو دیئے گئے ہیں تاکہ مطالعہ کرکے عمل کریں اور شرعی غلطیوں سے بچ کر اللہ پاک کی رضا والے کام کریں۔

شعبہ کفن دفن للبنات دعوتِ اسلامی کے تحت 7 اور 8 ستمبر 2024ء کو لاہور مزنگ میں قائم اسلامی بہنوں کے مدنی مرکز فیضانِ صحابیات میں لرننگ سیشن کا انعقاد کیا گیا جس میں ذمہ داران سمیت دیگر اسلامی بہنوں نے شرکت کی۔

لرننگ سیشن کا آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد پاکستان سطح کی ذمہ دار اسلامی بہن نے ”ذمہ داری اور حقوق العباد“ کے موضوع پر بیان کرتے ہوئے ذمہ داران کی تربیت کی۔

سیشن کے پہلے دن ذمہ داران کو کارکردگی فارم سمجھائے گئےجبکہ نگرانِ پاکستان مجلسِ مشاورت اور عالمی سطح کی شعبہ ذمہ دار اسلامی بہنوں نے ذمہ دار اسلامی بہنوں کی رہنمائی کی۔

سیشن کے دوسرے دن وہاں موجود اسلامی بہنوں کو ماہانہ کارکردگی شیڈول سمجھائے گئےنیز پاکستان مجلسِ مشاورت کی نگران اور عالمی سطح کی ذمہ دار اسلامی بہن نے مختلف امور پر حاضرین کی ذہن سازی کی۔

سیشن کے اختتام پر نمایاں کارکردگی پر اسلامی بہنوں کی حوصلہ افزائی کی گئی، دینی کاموں کے اہداف طے کئے گئے اور اُن کے درمیان تحائف تقسیم کئے گئے۔

عاشقانِ رسول کی دینی تحریک دعوتِ اسلامی نے مسلمانوں کے کفن دفن کے معاملات کے لئے شعبہ کفن دفن کا قیام کیا ہے جس کے تحت ذمہ دار اسلامی بھائی اور اسلامی بہنیں کفن دفن کے معاملات سرانجام دیتے رہتے ہیں۔

تفصیلات کے مطابق اگست 2024ء میں شعبہ کفن دفن للبنات دعوتِ اسلامی کے تحت پاکستان بھر کےکم و بیش 1 ہزار 554 مقامات پر غسلِ میت کورسز ہوئے جن میں 12 ہزار 351 اسلامی بہنیں شریک ہوئیں۔

ان کورسز میں شرکا کو اسلامی بہن کی میت کو غسل دینے کا طریقہ سکھایا گیااورشعبے کی ذمہ دار اسلامی بہن نے کفن کاٹنے / پہنانے پر شرکا کی رہنمائی جبکہ مستعمل پانی اور اسراف سے بچنے کے لئے مدنی پھول دیئے گئے جس کا تحریری ٹیسٹ بھی لیا گیا۔

اسی طرح اگست 2024ء ہی میں پاکستان بھر کی خواتین کے درمیان 1 ہزار 729 مقامات پر شارٹ کورسز بنام ”غسلِ میت کورس و تجہیز و تکفین کورس“ ہوئے جن میں 42 ہزار 231 اسلامی بہنوں نے شرکت کی۔

دورانِ کورس مبلغۂ دعوتِ اسلامی نے شرکا اسلامی بہنوں کو شعبہ کفن دفن للبنات کا تعارف کروایا اور کفن دفن کے مسائل سمجھائے جس پر انہوں نے اچھی اچھی نیتیں بھی کیں۔

9 ستمبر 2024ء کو عالمی سطح پر ہونے والی دینی و فلاحی ایکٹیویٹیز کے سلسلے میں کینیڈا کی نگرانِ سب کانٹیننٹ اسلامی بہن کا تمام سٹی ذمہ داران کے ہمراہ مدنی مشورہ منعقد ہوا جس میں مختلف موضوعات پر کلام کیا گیا اُن میں سے بعض درج ذیل ہیں:

٭ٹیلی تھون کے مدنی پھولوں پر کلام٭ڈونر سے رابطہ کرنا اور انہیں اجتماعِ میلاد میں شرکت کروانا٭شخصیات کو اجتماعِ میلاد کی دعوت دینا٭ٹیلی تھون کے لئے پہلے سے زیادہ کوشش کی جائے۔

بعدازاں تمام ذمہ دار اسلامی بہنوں نے دعوتِ اسلامی کے دینی کاموں میں ترقی اور دینی کاموں میں بڑھ چڑھ کر حصہ لینے کی اچھی اچھی نیتیں کیں۔

بیرونِ ممالک میں دعوتِ اسلامی کے تحت ہونے والی دینی و فلاحی ایکٹیوٹیز  کے سلسلے میں 5 ستمبر 2024ء کو تمام ملک مشاورت اور سٹی ذمہ دار اسلامی بہنوں کا مدنی مشورہ ہوا جس میں کینیڈا کی سب کانٹیننٹ نگران اسلامی بہن نے مختلف نکات پر گفتگو کی جن میں سے بعض درج ذیل ہیں:

٭دینی کاموں کی کارکردگی کا جائزہ٭دینی کاموں کےاہداف پر کلام٭اورسیز میں مفتیانِ کرام اور نگرانِ شوریٰ کے سیشنز منعقد کرنے کی ترغیب٭کتاب ”سب سے آخری نبی“ پڑھنے اور دوسروں تک پہنچانے کی ترغیب٭ذمہ داران کی انفرادی کارکردگی پر کلام٭رسالہ کارکردگی بڑھانے کے اہداف٭اپنے اپنے شہروں میں اجتماعِ میلاد منعقد کرنے کے اہداف۔ بعدازاں نمایاں کارکردگی کی حامل اسلامی بہنوں کی حوصلہ افزائی کرتے ہوئے انہیں شیلڈز پیش کی گئیں۔

کراچی کے علاقے شرف آباد میں دعوتِ اسلامی کے تحت 9 ستمبر 2024ء کو محفلِ نعت کا اہتمام کیا گیا جس میں قرب و جوار کی اسلامی بہنوں نے شرکت کی جبکہ خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی بھی آمد ہوئی۔

تلاوتِ قراٰن اور نعتِ رسولِ مقبول صلَّی اللہ علیہ واٰلہٖ وسلَّم کے بعد دعوتِ اسلامی کی نگرانِ عالمی مجلسِ مشاورت اسلامی بہن نے سیرت مصطفیٰ صلَّی اللہ علیہ واٰلہٖ وسلَّم کے موضوع پر بیان کیا اورحاضرین کو حسنِ اخلاق اپنانے کا ذہن دیا۔

اس موقع پر امیرِ اہلِ سنت کی صاحبزادی سلمہا الغفار نے وہاں موجود اسلامی بہنوں کی تربیت و رہنمائی کرتے ہوئے نبیِ کریم صلَّی اللہ علیہ واٰلہٖ وسلَّم کا ذکرِ خیر فرمایااور آپ صلَّی اللہ علیہ واٰلہٖ وسلَّم کی تعلیمات کے مطابق زندگی گزارنے کی ترغیب دلائی۔آخر میں شرکائے محفل نے امیرِ اہلِ سنت کی صاحبزادی سلمہا الغفار سے ملاقات بھی کی۔

عاشقانِ رسول کی دینی تحریک دعوتِ اسلامی کے تحت 30 اگست 2024ء کو ایک میٹنگ ہوئی جس میں نگرانِ سری لنکا اور سب کانٹیننٹ نگران اسلامی بہنوں کی شرکت ہوئی۔

دورانِ مدنی مشورہ دعوتِ اسلامی کی نگرانِ عالمی مجلسِ مشاورت اسلامی بہن نے گفتگو کرتے ہوئے اسلامی بہنوں کے شیڈول بنانے، ٹریننگ کرنے اور صوبائی نگران بنانے سمیت دیگر اہم امور پر تبادلۂ خیال کیا جس پر ذمہ دار اسلامی بہنوں نے اچھی اچھی نیتوں کا اظہار کیا۔

29 اگست 2024ء کو دعوتِ اسلامی کےدینی کاموں کا جائزہ لینے کے لئے بذریعہ انٹر نیٹ مدنی مشورہ ہوا جس میں نگرانِ سب کانٹیننٹ، اراکینِ انٹرنیشنل افیئرز اور پاکستان بالخصوص کراچی سٹی کی نگران اسلامی بہنوں نے شرکت کی۔

نگرانِ عالمی مجلسِ مشاورت اسلامی بہن نے دینی کاموں کے حوالے سے کلام کیا اور نومبر 2024ء میں ہونے والے ٹیلی تھون پر مشاورت کی جس پر تمام اسلامی بہنوں نے اپنی اپنی رائے پیش کی۔

اس کے علاوہ نگرانِ عالمی مجلسِ مشاورت نے دعوتِ اسلامی کے دیگر دینی کاموں میں مزید بہتری لانے کے لئے مدنی پھولوں سے نوازا جس پر انہوں نے اچھی اچھی نیتیں کیں۔