عاشقانِ رسول کی دینی تحریک دعوتِ اسلامی کے تحت دینِ اسلام کی ترویج و اشاعت کے لئے مختلف شعبہ جات قائم کئے گئے ہیں جن کےذریعے خدمتِ دین کا کام بڑے احسن انداز میں کیا جارہا ہے۔

انہیں شعبہ جات میں سے بعض شعبہ جات کو مرکزی مجلسِ شوریٰ کے رکن مولانا ابوماجد حاجی محمد شاہد عطاری مدنی دیکھ رہے ہیں جن کی پاکستان میں کارکردگی درج ذیل رہی:

شعبہ ماہنامہ فیضانِ مدینہ کی ماہانہ کارکردگی اگست 2025ء

دعوتِ اسلامی کے شعبہ ماہنامہ فیضان مدینہ کی طرف سے ماہ ِستمبر 2025ء میں (65 صفحات)تقریباً27 مضامین شائع ہوئے۔

شعبہ ماہنامہ خواتین کی ماہانہ کارکردگی اگست 2025ء

شعبہ ماہنامہ خواتین کی طرف سے ماہ ستمبر 2025ء میں (44 صفحات)تقریباً 19 مضامین شائع ہوئے۔

دعوتِ اسلامی کے دینی کاموں کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے 12 ستمبر 2025ء کو فیروز والا اور مرید کے تحصیل کا دورہ کیا جس دوران انہوں نے اسپیشل ایجوکیشن اسکول اور سینٹر میں پرنسپل اور اسٹاف سے ملاقات کی۔

اس موقع پر پنجاب کے صوبائی ذمہ دار محمد وقاص عطاری نے وہاں موجود اسٹوڈنٹس کے لئے ایک ٹریننگ سیشن کا اہتمام کیا اور اُن کی مختلف امور پر رہنمائی کی۔

اس کے علاوہ صوبائی ذمہ دار نے ایک دوکان پر موبائل ریپئرنگ کا کام کرنے والے جسمانی معذور اسلامی بھائی اور اُن کے سرپرست سے ملاقات بھی کی۔

عاشقانِ رسول کی دینی تحریک دعوتِ اسلامی کے اسپیشل پرسنز ڈیپارٹمنٹ کے  تحت اسپیشل پرسنز کے لئے اجتماعِ میلاد النبی صلَّی اللہ علیہ واٰلہٖ وسلَّم کا انعقاد کیا گیا جس میں گوجر خان اور اس کے اطراف سے اسپیشل پرسنز نے شرکت کی۔

اسپیشل پرسنز ڈیپارٹمنٹ کے ڈویژن ذمہ دار دورانِ اجتماع سنتوں بھرا بیان کیا جس انہوں نے آقا کریم صلَّی اللہ علیہ واٰلہٖ وسلَّم کی سیرت کے متعلق شرکا کو بتایااور انہیں اس پر عمل کرنے کی ترغیب دلائی۔

دعوتِ اسلامی کے تحت اسپیشل پرسنز ڈیپارٹمنٹ کے دینی کاموں کے سلسلے میں گزشتہ روز ذمہ دار اسلامی بھائیوں نے کامونکی اسپیشل ایجوکیشن سینٹر  کا دورہ کیا جہاں اُن کی ملاقات پرنسپل اور اسٹاف سے ہوئی۔

اس دوران پنجاب کے صوبائی ذمہ دار محمد وقاص عطاری نے ڈیف اسٹوڈنٹس کے درمیان سیکھنے سکھانے کا حلقہ لگایا جس انہوں نے اسٹوڈنٹس کی دینی و اخلاقی اعتبار سےتربیت کی اور انہیں ہر جائز کام سے پہلے بسم اللہ الرحمن الرحیم پڑھنے کی عادت بنانے کا ذہن دیا نیز وضو کا طریقہ بھی سکھایا۔اس موقع پر گوجرانولہ کے ڈویژن ذمہ دار اسپیشل پرسنز ڈیپارٹمنٹ محمد نعمان عطاری موجود تھے۔(رپورٹ: اسپیشل پرسنز ڈیپارٹمنٹ، کانٹینٹ:غیاث الدین عطاری)

پاکپتن، 11 ستمبر 2025ء: 

گورنمنٹ اسپیشل ایجوکیشن اسکول 37/Sp پاکپتن میں اسپیشل پرسنز ڈیپارٹمنٹ دعوتِ اسلامی کے تحت ایک اہم ٹریننگ سیشن کا انعقاد کیا گیا جس میں اسکول کے اسٹوڈنٹس نے شرکت کی جس کا مقصد بچوں میں دینی و اخلاقی اقدار کو فروغ دینا تھا۔

اس ٹریننگ سیشن میں ڈیپارٹمنٹ کے ڈویژن ذمہ دار مولانا محمد ندیم عطاری مدنی نے اسٹوڈنٹس کو نمازوں اور درود و سلام کی پابندی کرنے کے ساتھ ساتھ پیارے آقا صلَّی اللہ علیہ واٰلہٖ وسلَّم کی بہت ہی پیاری سنت ”سلام“ کو عام کرنے کی ترغیب دلائی۔علاوہ ازیں ڈویژن ذمہ دار نے ہر نیک و جائز کام سے پہلے بسم اللہ الرحمن الرحیم پڑھنے اور اپنے اخلاقیات سنوارنے کا ذہن دیا۔

اسی طرح ڈویژن ذمہ دار نے اسٹوڈنٹس سمیت اسکول اسٹاف کو دعوتِ اسلامی بالخصوص اسپیشل پرسنز ڈیپارٹمنٹ کا تعارف کروایا جس پر اسکول اسٹاف نے دینی و فلاحی خدمات کو سراہتے ہوئے اپنی نیک خواہشات کا اظہار کیا۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

حیدرآباد، سندھ  3 ستمبر 2025ء:

شعبہ فیضان آن لائن اکیڈمی بوائز دعوتِ اسلامی کے تحت 3 ستمبر 2025ء کو حیدرآباد ڈویژن کے شفٹ تعلیمی ذمہ دار اسلامی بھائیوں کا ماہانہ مدنی مشورہ منعقد ہوا جس میں ڈویژن تعلیمی امور ذمہ دار مولانا غوث عطاری مدنی کی بھی شرکت ہوئی۔

اس موقع پر ماہانہ میٹنگ کے مدنی پھول، تجوید کلاسز اور دیگر تعلیمی معاملات بالخصوص ماہِ ستمبر کے تعلیمی اہداف مقرر کئے ۔ اس موقع پر حیدرآباد ڈویژن کے ذمہ دار مولانا عابد حسین عطاری مدنی بھی موجود تھے۔(رپورٹ:وقار یعقوب عطاری مدنی، برانچ منیجر فیضان آن لائن اکیڈمی بوائز ، کانٹینٹ:غیاث الدین عطاری)

پچھلے دنوں Hesco کے CEO فیض اللہ دھری نے اپنے وفد کے ہمراہ مدنی مرکز فیضانِ مدینہ آفندی ٹاؤن، حیدرآباد میں واقع فیضان آن لائن اکیڈمی بوائز کی برانچ کاوزٹ کیا۔

رابطہ برائے شوبز ڈیپارٹمنٹ دعوتِ اسلامی کے تحت گزشتہ روز فیصل آباد، پنجاب کے مدنی مرکز فیضانِ مدینہ میں شوبز سے تعلق رکھنے والے عاشقانِ رسول کے لئے ایک میٹ اپ ہوا جس میں ذمہ دار اسلامی بھائیوں کی بھی شرکت ہوئی۔

اس دوران عاشقانِ رسول کی رکنِ شوریٰ و نگرانِ پاکستان مشاورت حاجی محمد شاہد عطاری سے ملاقات ہوئی جس میں انہوں نے حاضرین کو آخری نبی صلَّی اللہ علیہ واٰلہٖ وسلَّم کی سیرت پر عمل کرنے اور دعوتِ اسلامی کے دینی ماحول سے منسلک رہنے کی ترغیب دلائی۔

علاوہ ازیں نگرانِ پاکستان مشاورت حاجی محمد شاہد عطاری نے دعوتِ اسلامی کے تحت ہونے والے دینی و فلاحی کاموں کے بارے میں شرکا کو بریفنگ دی جس پر انہوں نے دعوتِ اسلامی کی خدمات کو سراہا۔

سرکارِ دو عالم صلَّی اللہ علیہ واٰلہٖ وسلَّم کی ولادتِ باسعادت کی خوشی میں دعوتِ اسلامی کے ایجوکیشن ڈیپارٹمنٹ کے تحت مدنی مرکز فیضانِ مدینہ فیصل آباد میں میلاد اجتماع کا انعقاد کیا گیا جس میں دارالمدینہ اسلامک اسکول سسٹم سمیت دیگر اسکولوں کے اسٹوڈنٹس، ٹیچرز، اسٹاف اور پرنسپلز نے شرکت کی۔

معمول کے مطابق اجتماع کا آغاز تلاوتِ قراٰن و نعت شریف سے ہوا جس کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”آقا کریم صلَّی اللہ علیہ واٰلہٖ وسلَّم کی سیرت، ہمارے نبی اور سچے نبی“ کے موضوعات پر بیان کرتے ہوئے اسٹوڈنٹس کو نبی کریم صلَّی اللہ علیہ واٰلہٖ وسلَّم کی سنتوں پر عمل کرکے زندگی گزارنے کا ذہن دیا۔

اختتام پر نگرانِ پاکستان مشاورت نے دعا کروائی جبکہ وہاں موجود اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

اللہ تعالیٰ فرماتا ہے: اَرَءَیْتَ الَّذِیْ یُكَذِّبُ بِالدِّیْنِؕ(۱) فَذٰلِكَ الَّذِیْ یَدُعُّ الْیَتِیْمَۙ(۲) (پ 30، الماعون: 1، 2) ترجمہ: کیا تم نے اسے دیکھا جو دین کو جھٹلاتا ہے؟ وہی ہے جو یتیم کو دھکے دیتا ہے۔

یہ آیت واضح کرتی ہے کہ یتیم کو دھکے دینا، اس سے بدسلوکی کرنا، دین کے انکار کی نشانیوں میں سے ہے۔ دین کا تقاضا ہے کہ یتیم کو پیار، محبت اور سہارا دیا جائے۔

رسول اللہ ﷺ نے فرمایا: جس نے کسی یتیم کے ساتھ سختی کی، اللہ قیامت کے دن اس سے سختی کرے گا۔

نبی کریم ﷺ نے یتیم کے ساتھ حسن سلوک کو جنت کا ذریعہ بتایا اور بدسلوکی کو ہلاکت کا راستہ۔

یتیم کا مال کھانا:

اِنَّ  الَّذِیْنَ  یَاْكُلُوْنَ  اَمْوَالَ  الْیَتٰمٰى  ظُلْمًا  اِنَّمَا  یَاْكُلُوْنَ  فِیْ  بُطُوْنِهِمْ  نَارًاؕ-وَ  سَیَصْلَوْنَ  سَعِیْرًا۠(۱۰) (پ 4،النساء: 10) ترجمہ: جو لوگ ناحق ظلم سے یتیموں کا مال کھاتے ہیں تو وہ اپنے پیٹ میں نری آگ بھرتے ہیں اور کوئی دم جاتا ہے کہ بھڑکتے دھڑے(بھڑکتی آگ) میں جائیں گے۔

حضرت سفیان ثوری رحمۃ اللہ علیہ فرماتے ہیں: ایک شخص یتیموں کی جائیداد کا سرپرست بنا۔ اس نے کچھ مال خود پر خرچ کیا، یتیموں سے سختی کی۔ کچھ عرصہ بعد وہ فالج میں مبتلا ہو گیا، اس کا مال برباد ہو گیا، بیٹے نافرمان ہو گئے۔ مرتے وقت سخت تکلیف میں تڑپتا رہا اور زبان پر صرف یہ الفاظ تھے کاش! میں یتیموں کے مال میں خیانت نہ کرتا۔

یتیم وہ ہوتا ہے جس کا دنیا میں کوئی سہارا نہیں، یتیم کی آہ عرش تک پہنچتی ہے، یتیم کے ساتھ نرمی، شفقت، محبت اور عدل فرض ہے، جو یتیموں پر ظلم کرے، وہ اللہ کے قہر سے بچ نہیں سکتا۔

نبی کریم ﷺ کی یتیم نوازی: آپ ﷺ خود یتیم تھے، مگر آپ نے کبھی کسی یتیم کو رنج نہیں دیا۔ بلکہ فرمایا: جس نے یتیم کے سر پر ہاتھ پھیرا، اللہ تعالیٰ اس کے ہربال کے بدلے نیکی لکھے گا۔

ہم کیا کریں؟ یتیم بچوں سے حسن سلوک کریں، ان کی تعلیم و تربیت کا بندوبست کریں، ان کے چہروں پر مسکراہٹ لائیں، ان کے مال میں خیانت نہ کریں، انہیں احساس محرومی نہ ہونے دیں۔

یا اللہ! ہمیں یتیموں سے حسن سلوک کرنے والا بنا اور ان کی دعائیں پانے والا بنا۔ یا رب! ہمیں یتیموں کا سہارا بنا، نہ کہ ان کا غم!

یتیم کے چہرے پہ ہنسی لا کے تو دیکھو

خدا خود تیرے لبوں کو مسکرا دے گا

اسلام ایک مکمل ضابطہ حیات ہے جو انسان کو زندگی کے ہر شعبے میں راہنمائی فراہم کرتا ہے۔ وہ نابالغ بچے جن کے والد دنیا سے رخصت ہو جائیں ان كو یتیم کہتے ہیں۔ یتیم معاشرے کا نہایت کمزور طبقہ ہوتے ہیں۔ ان کے ساتھ حسن سلوک کرنا ایمان کا حصہ اور ان کے ساتھ بدسلوکی کرنا بہت بڑا گناہ ہے۔

الله تعالی نے قرآن پاک میں کئی مقامات پر یتیموں کا ذکر فرمایا، چنانچہ ایک جگہ فرمایا گیا: اَرَءَیْتَ الَّذِیْ یُكَذِّبُ بِالدِّیْنِؕ(۱) فَذٰلِكَ الَّذِیْ یَدُعُّ الْیَتِیْمَۙ(۲) (پ 30، الماعون: 1، 2) ترجمہ: کیا تم نے اسے دیکھا جو دین کو جھٹلاتا ہے؟ وہی ہے جو یتیم کو دھکے دیتا ہے۔

یعنی دین کو جھٹلانے والے شخص کا اخلاقی حال یہ ہے کہ وہ یتیم کو دھکے دیتا ہے۔ اس آیت میں کفار کا یتیموں کے سا تھ سلوک بیان کیا گیا جبکہ اس کے مقابلے میں یتیموں کے بارے میں اسلام کی تعلیمات ملاحظہ کیجئے۔

چنانچہ الله تعالی یتیموں کے سرپرستوں سے ارشاد فرماتا ہے:

وَ  اٰتُوا  الْیَتٰمٰۤى  اَمْوَالَهُمْ  وَ  لَا  تَتَبَدَّلُوا  الْخَبِیْثَ  بِالطَّیِّبِ   ۪-  وَ  لَا  تَاْكُلُوْۤا  اَمْوَالَهُمْ  اِلٰۤى  اَمْوَالِكُمْؕ-اِنَّهٗ  كَانَ  حُوْبًا  كَبِیْرًا(۲) (پ 4، النساء: 2) ترجمہ: یتیموں کو ان کے مال دے دو اچھے مال کو خراب مال سے تبدیل نہ کرو اور ان (یتیموں) کام مال اپنے مال کے ساتھ ملا کر مت کھاؤ بے شک یہ بڑا گناہ ہے۔

احادیث کی روشنی میں:

حضرت ابو ہریرہ رضی الله عنہ سے روایت ہے کہ رسول کریم ﷺ نے ارشاد فرمایا: مسلمانوں میں بہترین گھر وہ گھر ہے جس میں یتیم ہو اور اس کے ساتھ اچھا سلوک کیا جاتا ہو اور مسلمانوں میں بدترین گھر وہ گھر ہے جس میں یتیم ہو اور اس کے ساتھ برا سلوک کیا جاتا ہو۔ (ابن ماجہ، 4/193، حدیث: 3679)

حضور ﷺ خود بھی یتیم تھے، اس لیے آپ کا دل یتیموں کے لیے بہت نرم تھا۔ آپ نے ہمیشہ یتیموں کے حقوق کی پاسداری کا حکم دیا۔

اسلام کا پیغام: اسلام صرف یتیموں سے ہمدردی کا نہیں بلکہ ان کی محبت سے پرورش کرنے، ان کا حق دینے اور انہیں معاشرے کا باعزت فرد بنانے کا حکم دیتا ہے۔

یتیم بچے ہماری توجہ، محبت اور تعاون کے مستحق ہیں۔ ان کے ساتھ بدسلوکی کرنا نہ صرف گناہ ہے بلکہ معاشرے میں ظلم، ناانصافی اور بربادی کا سبب بنتا ہے۔ ہمیں چاہیے کہ ان کی کفالت کریں، ان کی دلجوئی کریں اور انہیں وہ محبت دیں جو وہ اپنے ماں باپ سے حاصل کرنے کے خواہشمند ہوتے ہیں۔