19 ستمبر 2025ء کو شعبہ کفن دفن دعوتِ اسلامی کے تحت کورنگی ڈسٹرکٹ، کراچی کے علاقے ابراہیم حیدری ٹاؤن میں  سیکھنے سکھانے کا حلقہ لگایا گیا جس میں علاقے کے اسلامی بھائیوں نے شرکت کی۔

کراچی سٹی ذمہ دار مولانا یاسر عطاری مدنی نے غسلِ میت دینے کے حوالے سے شرکا کی تربیت کی اور انہیں کفن کے متعلق شرعی احکام بتاتے ہوئے اس کا پریکٹکل کرکے بتایا۔

اس دوران سٹی ذمہ دار نے وہاں موجود اسلامی بھائیوں کو دعوتِ اسلامی کے دینی کاموں میں حصہ لینے کی بھی ترغیب دلائی جس پر انہوں نے اچھی اچھی نیتیں کیں۔(رپورٹ: عزیر عطاری ڈسٹرکٹ ذمہ دار شعبہ کفن دفن، کانٹینٹ:غیاث الدین عطاری)

پیارے آقا، مدینے والے مصطفیٰ صلَّی اللہ علیہ واٰلہٖ وسلَّم کے 1500 واں جشنِ ولادت باسعادت کے موقع عاشقان رسول کی دینی تحریک دعوتِ اسلامی کے تحت اسپیشل پرسنز(گونگے اور بہرے اسلامی بھائیوں) کے لئے چکوال میں اجتماعِ میلاد کا انعقاد کیا گیاجس میں بڑی تعداد میں اسپیشل پرسنز نے شرکت کی۔

اس موقع پر خصوصی شرکت نگران اسپیشل پرسنز ڈیپارٹمنٹ سید عمیر ہاشمی عطاری، نگرانِ چکوال ڈسٹرکٹ محمد لیاقت عطاری اور نگرانِ تحصیل تجمل عطاری کی ہوئی۔

نگرانِ چکوال ڈسٹرکٹ محمد لیاقت عطاری نے ”پیارے آقا صلَّی اللہ علیہ واٰلہٖ وسلَّم کے معجزات اور نماز کی اہمیت“ کے موضوع پر سنتوں بھرا بیان کیا جس کی اشاروں کی زبان میں مبلغِ دعوتِ اسلامی نے ترجمانی کی ۔

دعوتِ اسلامی کے زیرِ اہتمام دارالسلام شہر، تنزانیہ کے علاقے چنیکا کی جامع مسجد بلال میں 3 دن کا ”شارٹ ٹائم قراٰن ٹیچنگ کورس“ منعقد کیا گیا جس میں ذمہ داران اور مقامی اسلامی بھائیوں نے شرکت کی۔

کورس کے پہلے دن 16 ستمبر 2025ء کو مرکزی مجلسِ شوریٰ کے رکن مولانا حاجی محمد عقیل عطاری مدنی نے مدرسۃالمدینہ بالغان میں قراٰنِ پاک پڑھانے، سبق دینے/ سننے، نصاب کے مطابق تدریس کرنے، طلبہ کی سنتوں کے مطابق تربیت کرنے اور انہیں دعائیں سکھانے کا عملی طریقۂ کار سمجھانے کے حوالے سے تربیت و رہنمائی کی۔

کمپالا شہر، یوگنڈا (Uganda) کے مقامی نگران و ذمہ دار اسلامی بھائیوں کی تربیت کے لئے دعوتِ اسلامی کے شعبے مدنی کورسز کے تحت ”شارٹ ٹائم معلم کورس“ اور شعبہ مدرسۃالمدینہ بالغان کے تحت ”قراٰن ٹیچنگ کورس“ کا انعقاد کیا گیا۔

دورانِ کورسز مرکزی مجلسِ شوریٰ کے رکن مولانا حاجی محمد عقیل عطاری مدنی نے بطورِ معلم / استاذ طلبہ کو پڑھانے، انہیں سکھانے اور اُن کی عمر و عقل کے مطابق نصاب سمجھانے / یاد کروانے/ عملی مشق کروانے کے حوالے سے شرکا کی ذہن سازی کی۔

اس کے علاوہ رکنِ شوریٰ نے تعلیم و تعلّم کا انداز سہل و آسان رکھنے ، طلبہ کو متوجہ رکھنے کے لئے حکایات اور اس سے ملنے والے اسباق کے متعلق نگران و ذمہ دار اسلامی بھائیوں کی تربیت کی۔

رکنِ شوریٰ نے معلم کورس اور قراٰن ٹیچنگ کورس کی اہمیت بیان کرتے ہوئے کہا کہ درس سننے میں صرف ایک نیکی ہے جبکہ درس دینے میں جتنے شرکا نے درس سنا اور اس پر عمل کیا اُن تمام کا ثواب بھی درس دینے والے کو ملے گا ۔

اُن کا مزید کہنا تھا کہ بلاتمثیل قراٰن سکھانے والے اور کورس کروانے والے کو صدقہ جاریہ والے کاموں کی طرح کثیر ثواب ملے گا نیز معاشرے کے افراد کی اصلاح اور علمِ دین کی ترویج کا ثواب بھی ملے گا۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

افریقی ملک یوگنڈا (Uganda) کے شہر کمپالا میں عالمی سطح کی دینی تحریک دعوتِ اسلامی کے تحت ”فرض علوم کورس“ کا انعقاد کیا گیا جس میں مقامی ذمہ دار اسلامی بھائی شریک ہوئے۔

اس کورس میں رکنِ مرکزی مجلسِ شوریٰ مولانا حاجی محمد عقیل عطاری مدنی نے ابتداءً شرکا کو فرض علوم کی پہچان و اہمیت کے بارے میں بتایا اور ذمہ دار اسلامی بھائیوں کو فرض علوم سیکھنے کا ذہن دیا۔

عاشقانِ رسول کی دینی تحریک دعوتِ اسلامی کے تحت یوگنڈا (Uganda) کے شہر کمپالا سے بذریعہ انٹرنیٹ مدنی مشورہ ہوا جس میں نگرانِ مدرسۃالمدینہ بالغان (پاکستان) اور صوبائی ذمہ دار اسلامی بھائیوں نے شرکت کی۔

اس مدنی مشورے میں دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے مدرسۃالمدینہ بالغان کی تعداد بڑھانے، مدرسین و معلمین سمیت دیگر اسلامی بھائیوں کو اخلاقِ کریمہ کورس کروانے اور شعبے کی ترقی و بہتری کے لئے مدارس و طلبہ کا ڈیٹا جلد از جلد سافٹ ویئر میں اپڈیٹ کرنے کی ترغیب دلائی۔

علاوہ ازیں رکنِ شوریٰ مولانا حاجی محمد عقیل عطاری مدنی اور نگرانِ شعبہ قاری غلام عابد عطاری نے صوبائی ذمہ داران کو اپنے نگران اور رکنِ شوریٰ کی مشاورت سے مدرسۃالمدینہ بالغان کے نظام کو مزید بہتر و مضبوط کرنے کا ذہن دیا۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں افریقی ملک یوگنڈا (Uganda) کے شہر کمپالا میں عظیمُ الشان 1500 واں جشنِ میلاد اجتماع کا انعقاد کیا گیا جس میں طلبۂ کرام، اساتذۂ کرام اور شخصیات سمیت دیگر عاشقانِ رسول نے شرکت کی۔

اجتماع کے آغاز میں تلاوتِ قراٰن کی گئی اور نعت خواں اسلامی بھائی نے پیارے آقا صلَّی اللہ علیہ واٰلہٖ وسلَّم کی بارگاہ میں نعت شریف کا نذرانہ پیش کیا جبکہ پاکستان سے آئے ہوئے مرکزی مجلسِ شوریٰ کے رکن مولانا حاجی محمد عقیل عطاری مدنی نے سنتوں بھرا بیان کیا۔

رکنِ شوریٰ نے اپنے بیان کے دوران حاضرین کو سیرتِ مصطفیٰ صلَّی اللہ علیہ واٰلہٖ وسلَّم کے بارے میں بتایا اور حضور صلَّی اللہ علیہ واٰلہٖ وسلَّم کی تعلیمات کے مطابق زندگی گزارنے کا ذہن دیا۔آخر میں ذکر و دعا کا سلسلہ بھی ہوا۔(رپورٹ:مولانا محمد عابد عطاری مدنی، کانٹینٹ:غیاث الدین عطاری)

9 ستمبر 2025ء کو دعوتِ اسلامی کے شعبہ ایجوکیشن ڈیپارٹمنٹ کے زیر اہتمام مسلم یوتھ یونیورسٹی اسلام آباد میں سنتوں بھرے اجتماع کا انعقاد کیا گیا جس میں یونیورسٹی کے وائس چانسلر، رجسٹرار اور ڈینز سمیت فیکلٹی ممبران، انتظامیہ اور اسٹوڈنٹس نے شرکت کی۔

اجتماع میں نگران شوریٰ مولانا حاجی محمد عمران عطاری مُدَّ ظِلُّہُ العالی نے”The Holy Prophet As a Teacher“ کے موضوع پر سنتوں بھرا بیان کیا۔ بیان میں نگرانِ شوریٰ نے فرمایا کہ ہر اُستاد کوچاہیئے کہ وہ آقا کریم صلَّی اللہ علیہ واٰلہٖ وسلَّم کی زندگی سے درس حاصل کرے کہ کس طرح آپ صلَّی اللہ علیہ واٰلہٖ وسلَّم نے امت کی تربیت فرمائی ہےکیونکہ آپ صلَّی اللہ علیہ واٰلہٖ وسلَّم کائنات کے سب سے بہترین معلم ہیں۔

اسی طرح شرکا کو سیرت النبی صلَّی اللہ علیہ واٰلہٖ وسلَّم سے سبق حاصل کرتے ہوئے اپنے زندگی بہتر بنانے اور معاشرے کا اچھا فرد بننے کا ذہن دیا گیا۔ اس موقع پر نگران پاکستان مشاورت حاجی محمد شاہد عطاری، اراکین شوریٰ حاجی وقار المدینہ عطاری، عبد الوہاب عطاری بھی موجود تھے۔ سنتوں بھرا اجتماع صلوۃ و سلام اور دعاؤں پر اپنے اختتام کو پہنچا۔

اجتماع میں یونیورسٹی کے ممبران نے نگران شوریٰ کے ساتھ ملکر ادارے کے احاطے میں شجر کاری کرتے ہوئے پودے لگائے۔

دعوتِ اسلامی کے شعبہ ایجوکیشن ڈیپارٹمنٹ کے زیر اہتمام18 ستمبر 2025ء کو  محمد نواز شریف یونیورسٹی آف ایگریکلچر ملتان میں ”سیرت النبی صلَّی اللہ علیہ واٰلہٖ وسلَّم کانفرنس “ کا اہتمام کیا گیا جس میں یونیورسٹی کے پرنسپل، پروفیسرز، ممبران اور اسٹوڈنٹس شریک ہوئے۔

نگران شوریٰ مولانا حاجی محمد عمران عطاری مُدَّ ظِلُّہُ العالی نے ”Solutions To Social Evils And Intolerance In Light Of Seerah-e-Tayyabah “ کے موضوع پر سنتوں بھرا بیان کیا اور شرکا کو دینی تعلیم کے ساتھ ساتھ دنیاوی تعلیم حاصل کرکے معاشرے کی برائیوں کو ختم کرنے میں اپنا کردار ادا کرنے اور اپنے اندر برداشت کی قوت پیدا کرنے کا ذہن دیا۔

بیان میں نگران شوریٰ نے طلبہ و اساتذہ کو نبی کریم صلَّی اللہ علیہ واٰلہٖ وسلَّم کی سیرت اور سنت پر عمل کرنے کی ترغیب دلائی اور اخلاقی تربیت کی اہمیت پر روشنی ڈالی۔

اس موقع پر اراکین شوریٰ حاجی یعفور رضا عطاری، قاری سلیم عطاری، عبد الوہاب عطاری اور دیگر ذمہ داران دعوتِ اسلامی بھی موجود تھے۔

دعوتِ اسلامی کے زیر اہتمام D.C آفس کورنگی کراچی میں محفل میلاد کا انعقاد کیا گیا جس میں آفس کے ذمہ داران و عہدیداران شریک ہوئے۔

محفل میں رکن شوریٰ حاجی فضیل رضا عطاری نے ”سیرت مصطفٰے صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا اور شرکا کو اخلاق مصطفٰے صلَّی اللہ علیہ واٰلہٖ وسلَّم اپنانے اور سنت نبوی کی تعلیمات کے مطابق زندگی گزارنے کی ترغیب دلائی۔

محفل کا اختتام صلوۃ و سلام پر ہوا۔

پچھلے دنوں دعوت اسلامی کے شعبہ ایجوکیشن ڈیپارٹمنٹ کے وفد نے کوالالمپور (Kuala Lumpur) یونیورسٹی آف ٹیکنالوجی ملائیشیا کے وائس چانسلر ڈاکٹر محمد شافری سے ملاقات کی۔

ملاقات میں طلبہ کی کردار سازی، اساتذہ کی رہنمائی اور مستقبل میں مذہبی و تعلیمی منصوبوں پر تبادلۂ خیال کیا گیا۔ اس کے علاوہ تعلیمی میدان میں دعوت اسلامی کی خدمات پر بھی گفتگو ہوئی۔

1500 جشن ولادت مصطفےٰ کے موقع پر 13 ستمبر 2025ء کو دعوت اسلامی کے شعبہ ایجوکیشن ڈیپارٹمنٹ کے تحت Kipsکالج حافظ آباد میں محفل میلاد کا انعقاد کیا گیا جس میں کالج کے ڈائریکٹر، پرنسپل، اساتذۂ کرام اور بڑی تعداد میں اسٹوڈنٹس نے شرکت کی۔

محفل میں رکنِ شوریٰ عبد الوہاب عطاری نے ’’نبیِ کریم صلی اللہ علیہ واٰلہ وسلم کے عظیم اخلاق‘‘ کے موضوع پر ایمان افروز بیان فرمایا۔ انہوں نے سیرتِ مصطفیٰ ﷺ کے روشن پہلوؤں پر روشنی ڈالتے ہوئے طلبہ و شرکا کو سنتِ نبوی صلَّی اللہ علیہ واٰلہٖ وسلَّم اپنانے کی ترغیب دلائی۔

محفل کا اختتام درود و سلام اور امتِ مسلمہ، طلبہ اور ادارے کی ترقی کے لئے دعاؤں پر ہوا۔