پنجاب پاکستان میں ہونے والے دعوتِ اسلامی کے دینی کاموں کے سلسلے میں 29 ستمبر 2024ء کو فیصل آباد میں شعبہ تحفظِ اوراقِ مقدسہ کے ڈویژن ذمہ دار اسلامی بھائیوں کا مدنی مشورہ منعقد ہوا جس میں صوبائی ذمہ دار محمد فہیم عطاری بھی شریک تھے۔

شعبے کی ترقی کے حوالے سے گفتگو کرتے ہوئے نگرانِ شعبہ مولانا افضل عطاری مدنی نے ڈویژن ذمہ داران سے شعبے کی سابقہ کارکردگی کا جائزہ لیا اور آئندہ کے اہداف طے کئے۔

نگرانِ شعبہ نے اسلامی بھائیوں کی ذہن سازی کرتے ہوئے دینی کاموں میں نمایاں کارکردگی کے حامل اسلامی بھائیوں کو تحائف دیئے اور دعوتِ اسلامی کے دینی و فلاحی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتیں کیں۔ (رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ ، کانٹینٹ:غیاث الدین عطاری)

پچھلے دنوں عاشقانِ رسول کی دینی تحریک دعوتِ اسلامی کے دینی کاموں کے سلسلے میں مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی پنجاب پاکستان کے دورے پر تھے۔

معلومات کے مطابق 26 ستمبر 2024ء کو ڈسٹرکٹ کھڑیانوالہ ، فیصل آباد میں ہفتہ وار سنتوں بھرے اجتماع کا انعقاد کیا گیا جس میں رکنِ شوریٰ نے سنتوں بھرا بیان کیا اور اسلامی بھائیوں کی دینی و اخلاقی اعتبار سے تربیت کی نیز اسلامی بھائیوں نے سنتِ رسولِ صلَّی اللہ علیہ واٰلہٖ وسلَّم پر عمل کرتے ہوئے داڑھی شریف رکھنے اور اپنے سروں پر عمامہ شریف سجانے کی اچھی اچھی نیتیں کیں۔

اسی طرح 27 ستمبر 2024ء کو رکنِ شوریٰ نے ضلع چنیوٹ میں نمازِ جمعہ سے قبل سنتوں بھرا بیان کیا جبکہ نمازِ جمعہ کے بعد صوبائی ذمہ دار محمد فہیم عطاری، مولانا امان اللہ ہاشمی صاحب (خطیب جامعہ مسجد فاروقیہ محلہ عثمان آباد)، ڈسٹرکٹ نگران چنیوٹ مولانا عمران عطاری مدنی اور تحصیل نگران محمد اعظم عطاری کے ہمراہ رکنِ شوریٰ نے جامعہ قمر الاسلام میں نیوڈرم کا افتتاح کیا۔

اس موقع پر مولانا امان اللہ ہاشمی صاحب (خطیب جامعہ مسجد فاروقیہ محلہ عثمان آباد)نے دعوتِ اسلامی کے دینی کاموں کو سراہا اور مل کر دینی کام کرنے کی نیتیں کیں۔(رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ ، کانٹینٹ:غیاث الدین عطاری)

دارالمدینہ انٹرنیشنل اسلامک ایجوکیشن سسٹم (دعوتِ اسلامی) کے ہیڈآفس میں ”اعتماد سازی“ کے عنوان پر ایک تربیتی نشست کا انعقاد کیا گیاجس کے ٹرینر دعوت اسلامی کے ہیڈآف ریسرچ، ٹریننگ اینڈ ڈویلپمنٹ ڈیپارٹمنٹ فرید احمد عطاری تھے۔

دورانِ ٹریننگ فرید احمد عطاری نے شرکا کو پیشہ ورانہ، ذاتی اور سماجی شعبوں میں مؤثر تعاون کے لئے اعتماد سازی کی اہمیت پر روشنی ڈالتے ہوئے شخصیت میں اعتماد پیدا کرنے اور اسے بحال کرنے والے عوامل کی خصوصیات سے آگاہ کیا۔

اس تربیتی نشست میں دارالمدینہ انٹرنیشنل اسلامک ایجوکیشن سسٹم کے اسٹریٹجک بورڈ کے اراکین،ڈائریکٹرز،ہیڈآف ڈیپارٹمنٹس، منیجرز اور کوآرڈینیٹرز نے شرکت کی۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈسک رائٹر:غیاث الدین عطاری)

گزشتہ دنوں دارالمدینہ انٹرنیشنل اسلامک ایجوکیشن سسٹم (دعوتِ اسلامی) کے CEO ڈاکٹر دانش اقبال عطاری نے واہ کینٹ اور راولپنڈی میں قائم دارالمدینہ کے کیمپسز کا دورہ کیا۔

اس دوران CEO ڈاکٹر دانش اقبال عطاری نے تعلیمی اور انتظامی اُمور کے ساتھ ساتھ طلبہ اور اساتذہ کی کارکردگی کا جائزہ لیتے ہوئے مختلف امور پر تدریسی عملے کی تربیت و رہنمائی کی۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈسک رائٹر:غیاث الدین عطاری)

شعبہ تحفظ اوراق مقدسہ دعوت اسلامی  کےتحت15ستمبر2024ء کو کوٹ رادھا کشن پاکستان میں مدنی مشورہ ہوا جس میں صوبائی ذمہ دار محمد فہیم عطاری اور ڈویژن ذمہ دار محمد رضا عطاری سمیت شعبےکے ذمہ داران نے شرکت کی ۔

محمد افضل عطاری نگران مجلس شعبہ تحفظ اوراق مقدسہ اور ڈسٹرکٹ نگران محمد منہال عطاری نے اوراق مقدسہ کے کام کو ڈسٹرکٹ قصور میں کس انداز میں بہتر بنایا جا سکتا ہے کے متعلق ذمہ داران کی تربیت فرمائی۔(رپورٹ: محمد ناصر عطاری ڈسٹرکٹ ذمہ دار،کانٹینٹ: محمد شعیب احمد رضا عطاری)

اسپیشل پرسنز ڈیپارٹمنٹ دعوت اسلامی کے زیر اہتمام پچھلے دنوں اسپیشل ایجوکیشن ا سکول خانیوال میں سائن لنگویج میں ایک سیشن منعقد ہوا جس میں ڈیف اسٹوڈنٹس نے شرکت کی ۔

مبلغ دعوت اسلامی نے میلاد النبی صلی اللہ علیہ وسلم کے متعلق گفتگو کرتے ہوئے ربیع الاول کے مہینے میں درود شریف کی کثرت کرنے اور والدین کا ادب و احترام کرنے کے موضوع پر بیان کیا جبکہ ا سکول اسٹاف کے درمیان شعبہ اسپیشل پرسنز ڈیپارٹمنٹ کا تعارف پیش کیا۔

اس موقع پر اسٹاف نے دعوت اسلامی کے اس کام کو پسند کرتے ہوئےاپنے اچھے اچھے تاثرات دیئے ۔(رپورٹ:محمد یوسف عطاری اسپیشل پرسنز ڈیپارٹمنٹ خانیوال،کانٹینٹ:محمد شعیب احمد رضا عطاری)

دعوت اسلامی  کے تحت 17ستمبر2024ء کو سیال موڑ موٹر وے پولیس کے آفس میں اجتماع میلاد منعقد ہوا جس میں موٹر وے پولیس کے افسران سمیت دیگر عاشقان رسول نے شرکت کی ۔

شعبہ ایف جی آر ایف کے ڈسٹرکٹ ذمہ دار محمد ہارون عطاری نے حضور صلی اللہ علیہ وآلہ وسلم کی سیرت کے موضوع پر گفتگو کرتے ہوئے حاضرین کو دعوت اسلامی کے دینی ماحول سے وابستہ ہونے کی ترغیب دلائی اور ہفتہ وار سنتوں بھرے اجتماع میں پابندی سے شرکت کرنے کا ذہن دیا۔(کانٹینٹ:محمد شعیب احمد عطاری)

دارالمدینہ انٹرنیشنل اسلامک اسکول سسٹم ، حیدرآباد میں سرپرست اسلامی بھائیوں کے لیے اجتماع میلاد کا انعقاد کیا گیا ۔ اس اجتماع میں صوبائی ذمہ دار نے سنتوں بھرا بیان کیا۔

اجتماع میں طلبہ نے مختلف سرگرمیوں میں حصہ لیا ۔ طلبہ نے اپنے ہاتھوں میں جشن ولادت سے متعلق مختلف چارٹس بھی اٹھارکھے تھے۔ اس اجتماع میں کثیر تعداد میں طلبہ اور سرپرست اسلامی بھائیوں نے مرحبایا مصطفی صلی اللہ علیہ وسلم کی صداؤ ں کے ساتھ شرکت کی۔ (غلام محی الدین ترک ،اردو کانٹینٹ رائیٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)

اسپیشل پرسنز ڈیپارٹمنٹ دعوت اسلامی  کے زیر اہتمام22ستمبر2024ء کو سٹی شیخوپورہ میں گونگے اور بہرے اسلامی بھائیوں کا عالیشان اجتماع ہوا جس میں اسپیشل پرسنز ڈیپارٹمنٹ کے ذمہ داران اور ڈسٹرکٹ شیخوپورہ کے گونگے اور بہرے اسلامی بھائیوں سمیت دیگر عاشقان رسول نے شرکت کی ۔

اس اجتماع میں رکن شوری حاجی یعفور رضا عطاری نے سنتوں بھرا بیان کیا اور ڈویژن ذمہ دار محمد سہیل رضا عطاری نے اشاروں کی زبان میں بیان کی ترجمانی کی۔

رکن شوریٰ حاجی یعفور رضا عطاری نے سنتوں بھرے بیان میں گونگے اور بہرے اسلامی بھائیوں کو اپنی دنیا اور و آخرت کو بہتر بنانے کے لیئے دعوت اسلامی کے دینی ماحول سے وابستہ رہنے کا ذہن دیتے ہوئے مدنی پھولوں سے نوازا جبکہ امیر اہل سنت دامت برکاتہم العالیہ کے تحائف بھی پیش ۔

اس موقع پر عمر رضا عطاری کے اہل خانہ سے فوت شدہ افراد کے لیئے دعائے مغفرت کی گئی ۔(رپورٹ:ڈسٹرکٹ شیخوپورہ اور ڈسٹرکٹ ننکانہ ذمہ دار محمد مبشر رضا عطاری اسپیشل پرسنز ڈیپارٹمنٹ ،کانٹینٹ:محمد شعیب احمد عطاری)

گوجرانوالہ پولیس لائن میں  دعوتِ اسلامی کے زیرِا ہتمام 26 ستمبر 2024ء کو ”میلاد اجتماع“ کا انعقاد کیا گیا جس میں پولیس آفیسرز، ایلیٹ فورس، ڈولفن آفیسرز اور دیگر جوانوں کی کثیر تعداد نے شرکت کی۔

اجتماع کے آغاز میں تلاوتِ قراٰن کی گئی اور نعت خواں اسلامی بھائی نے پیارے آقا مکی مدنی مصطفیٰ حضور خاتم النبیین صلَّی اللہ علیہ واٰلہٖ وسلَّم کی بارگاہ میں نعت شریف کا نذرانہ پیش کیا۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن حاجی محمد اظہر عطاری نے ”شانِ مصطفیٰ صلَّی اللہ علیہ واٰلہٖ وسلَّم“ کے موضوع پر بیان کیا اور وہاں موجود آفیسرز کو سیرتِ مصطفیٰ اپنانے اور رزقِ حلال کمانے سمیت ایمانداری کے ساتھ ڈیوٹی سرانجام دینے کا ذہن دیا۔

رکنِ شوریٰ نے دورانِ بیان حاضرین کو امن کے قیام اور منشیات کے خاتمے کے لئے بھرپور کوشش کرنے کے حوالے سے مدنی پھولوں سے نوازا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری) 

11 ستمبر   2024ء کو عالمی سطح کی دینی تحریک دعوت اسلامی کے تحت پاکستان کے صوبائی دارالحکومت لاہور میں لاہور سٹی کی ذمہ داران کا مدنی مشورہ منعقد کیا گیا جس میں لاہور سٹی کی نگران و شعبہ ذمہ داران ، ڈسٹرکٹ ، ٹاؤن اور سب ٹاؤن نگران اسلامی بہنوں نے شرکت کی ۔

دعوتِ اسلامی کی نگرانِ پاکستان مجلسِ مشاورت اسلامی بہن نے” احساسِ ذمہ داری و ٹائم مینجمنٹ“ کے موضوع پر بیان کرتے ہوئے اسلامی بہنوں سے سابقہ مہینوں کی کارکردگیوں کا جائزہ لیا اور سالانہ اہداف پورا کرنے کی ترغیب دلائی۔

علاوہ ازیں نگرانِ پاکستان مجلسِ مشاورت نے اسلامی بہنوں سے تقرر ی کے حوالے سے اہداف لئے جس پر انہوں نے اچھی اچھی نیتیں پیش کیں۔اختتام پر وہاں موجود اسلامی بہنوں میں نمایاں کارکردگی کی حامل اسلامی بہنوں کے درمیان تحائف تقسیم کئے گئے ۔

دعوتِ اسلامی کے  تحت 10 ستمبر 2024ء کو صوبۂ پنجاب پا کستان کے شہر شیخوپورہ میں شیخوپورہ ڈویژن کی ذمہ داران کا مدنی مشورہ ہوا جس میں شیخوپورہ ڈویژن کی نگران و شعبہ ذمہ داران ، شیخوپورہ ، ننکانہ ،قصور کی ڈسٹرکٹ،تحصیل اورسب تحصیل نگران اسلامی بہنوں نے شرکت کی ۔

نگرانِ پاکستان مجلسِ مشاورت اسلامی بہن نے” دعوتِ اسلامی اور تحفظِ عقائد“ کے موضوع پر بیان اور اور اسلامی بہنوں کو نیکی کی دعوت عام کرنے، گناہوں سے بچنے، دینی ماحول کی برکتیں حاصل کرن، رب کی رضا پر راضی رہنے اور اپنا محاسبہ کرتے رہنے کا ذہن دیا۔

اس کے علاوہ اسلامی بہنوں سے تقرر کے حوالے سے اہداف لئے گئے اور نگرانِ پاکستان مشاورت مجلسِ مشاورت نے سنتوں بھرے اجتماعات منعقد کرنے، علاقائی دورہ برائے نیکی کی دعوت میں شرکت کرنے اور سیکھنے سکھانے کے حلقہ میں شرکت کرکے اپنی تقرریاں مکمل کرنے کی ترغیب دلائی ۔

بعدازاں ڈسٹرکٹ و تحصیل نگران اور ڈویژن شیخوپورہ کی شعبہ ذمہ داران نے دینی کاموں میں درپیش مسائل بتائے جس کے نگرانِ پاکستان مجلسِ مشاورت اسلامی بہن نے احسن انداز میں اُن کا حل بتایا جبکہ اختتام پر اسلامی بہنوں میں تحائف بھی تقسیم کئے گئے۔