سینئر صحافی اور معروف اینکر پرسن مبشر لقمان نے دعوتِ اسلامی کے عالمی مدنی مرکز فیضان مدینہ کراچی کا دورہ کیا۔اس موقع پر ان کی ملاقات نگران شوریٰ مولانا حاجی محمد عمران عطاری مُدَّ ظِلُّہُ العالی سے ہوئی۔ ملاقات میں ڈائریکٹر پبلک ریلیشن اور نگران مجلس میڈیا ڈیپارٹمنٹ بھی شریک تھے۔

دورانِ ملاقات دعوتِ اسلامی کی دینی، تعلیمی و فلاحی کاموں پر گفتگو ہوئی۔نگرانِ شوریٰ نے مبشر لقمان کو مدنی چینل کے ڈیپارٹ کا وزٹ کرواتے ہوئے انہیں اردو، انگلش اور بنگلہ زبان میں نشر ہونے والے پروگرام سے آگاہ کیا۔ مبشر لقمان نے مدنی چینل کی خدمات کو سراہتے ہوئے کہا کہ یہ دینی خدمات معاشرے کے لئے ایک روشن مثال ہیں۔وزٹ کے دوران مبشر لقمان کی نگران مجلس مدنی چینل سے بھی ملاقات ہوئی جس میں مختلف امور پر تبادلۂ خیال ہوا۔

نگرانِ شوریٰ سے ملاقات سے قبل مبشر لقمان کو عالمی مدنی مرکز فیضان مدینہ میں قائم مختلف ڈیپارٹمنٹ کا وزٹ کروایا گیا اور FGRF کے فلاحی کام بالخصوص شجرکاری کے حوالے سے بریفنگ دی گئی۔

بغداد کے مسافروں اور عاشقان ِغوثِ اعظم کے لئے خوشخبری!

21 ستمبر 2025ء بروز اتوار بمطابق 28 ربیع الاوّل 1447ھ بعد نماز عشاء رات تقریباً 9:00 بجے دعوتِ اسلامی کے عالمی مدنی مرکز فیضانِ مدینہ کراچی میں عظیم الشان محفلِ بغداد کا انعقاد ہونے جارہا ہے۔

تلاوتِ قرآن پاک، بارگاہِ رسالت صلَّی اللہ علیہ واٰلہٖ وسلَّم میں ہدیۂ نعت اور بارگاہِ غوث الوریٰ میں منقبت پیش کرنے سے محفل کا آغازکیا جائے گا۔ محفلِ بغداد میں مدنی مذاکرے کا سلسلہ ہوگا جس میں شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ سفر بغداد پر گفتگواور شانِ غوث پاک رحمۃُ اللہِ علیہ بیان کرتے ہوئے عاشقان رسول کی جانب سے ہونے والے سوالات کے جوابات ارشاد فرمائیں گے۔

تمام عاشقان رسول سے اس محفل پاک میں شرکت کرنے کی درخواست ہے۔

14 ستمبر 2025ء کو دار الافتاء اہلسنت اور مجلس تحقیقات شرعیہ کے مفتیانِ کرام کا شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ کے ساتھ مدنی مشورہ ہوا۔

اسی سلسلے میں امیر اہلسنت دامت بَرَکَاتُہمُ العالیہ کی رہائش گاہ پر شیخ الحدیث والتفسیر مفتی محمد قاسم عطاری مُدَّ ظِلُّہُ العالی ، مفتی فضیل عطاری مُدَّ ظِلُّہُ العالی ، مفتی محمد حسان عطاری مدنی مُدَّ ظِلُّہُ العالی ، مفتی محمد سجاد عطاری مدنی مُدَّ ظِلُّہُ العالی ، مفتی جمیل عطاری مدنی مُدَّ ظِلُّہُ العالی ، مفتی کفیل عطاری مدنی مُدَّ ظِلُّہُ العالی اور دیگر مفتیانِ کرام کی تشریف آوری ہوئی جہاں امیر اہلسنت دامت بَرَکَاتُہمُ العالیہ کی جانب سے معزز مہمانوں کے لئے ضیافت کا اہتمام کیا گیا۔اس موقع پر مرکزی مجلس شوریٰ (دعوتِ اسلامی) کے نگران مولانا حاجی محمد عمران عطاری بھی موجود تھے۔

مدنی مشورے میں امت محمدیہ صلَّی اللہ علیہ واٰلہٖ وسلَّم کو درپیش جدید شرعی مسائل اور ان کے حل پر گفتگو ہوئی اور دیگر امور پر تبادلۂ خیال ہوا۔

علمِ دین ایک ایسا نور ہےجو دل و دماغ کو کشادہ کرتا اور جہالت کے اندھیرے کو دور کرتا ہے۔علمِ دین کو دنیابھر میں عام کرنے کے جذبے کے تحت دعوتِ اسلامی نے ”ٹرانسلیشن ڈیپارٹمنٹ“ کا قیام عمل میں لایا ہے۔

دعوتِ اسلامی کا یہ ادارہ ”ٹرانسلیشن ڈیپارٹمنٹ“دعوتِ اسلامی کے تحت لکھی جانے والی کتابوں سمیت دیگر لیٹریچر (Literature) کو مختلف لینگویجز میں ترجمہ کرکے دینِ متین کی خدمت میں ایک اہم کردار ادا کرتا ہے۔

دعوتِ اسلامی کی ان خدمات کی بدولت دنیا کی مختلف زبانیں بولنے والے مسلمان باآسانی علمِ دین حاصل کرسکتے ہیں اور احسن انداز میں اپنے بچوں کی تربیت و رہنمائی کر سکتے ہیں۔

دعوت اسلامی کے ”ٹرانسلیشن ڈیپارٹمنٹ“ نے اگست 2025ء کے لئے اپنی ”Progress Report “ جاری کی ہے۔اس رپورٹ کے مطابق ڈیپارٹمنٹ نے اگست 2025ء میں ٹوٹل 115 نئے اہم کام مکمل کئے ہیں جن میں کُتُب و رسائل اور بیانات کے ترجمے شامل ہے۔

ان کُتُب و رسائل کے نام درج ذیل ہیں:

اگست 2025ء میں ”ٹرانسلیشن ڈیپارٹمنٹ“ سے شائع ہونے والے کُتُب و رسائل کے نام

ڈیپارٹمنٹ کے کارنامے:

اگست 2025ء میں ”ٹرانسلیشن ڈیپارٹمنٹ“ نے چند خاص منصوبے مکمل کئے

٭انگریزی(English): ”اے لوگو!“ اور ”نصابِ توقیت“کتاب پرنٹنگ کے لئے مکتبۃالمدینہ کو دی گئی ۔( پہلا ایڈیشن)

٭ البانی (Albanian): ”550 سنتیں اور آدب“ اور”آخری نبی کی پیاری سیرت“پرنٹنگ کے لئے مکتبۃالمدینہ کو دی گئی ۔

٭ سندھی (Sindhi): ”تفسیر تعلیمُ القرآن پہلا پارہ“ کی ڈیزائننگ مکمل کی گئی۔ دوسرے اور تیسرے پارے کی ڈیزائننگ جبکہ چھٹے پارے کا ترجمہ جاری ہے ۔

٭ ناروے (Norway): ”Welcome to Islam “ کتاب کا نارویجن زبان میں ترجمہ مکمل ہو کر ویب سائٹ پر اپ لوڈ کر دیا گیا ۔

کُتُب کے اہم نکات:

چند اہم کُتُب جن پر کام ہو رہا ہے یامکمل ہو چکا ہے

٭”اسلام کی بنیادی باتیں (حصہ 1)“ (Albanian)، ”550 سنتیں اور آداب“ (Albanian)، ”نصابِ توقیت“ (English)، ”آخری نبی کی پیاری سیرت“ (Albanian)، ”اےلوگو!“ (English)، ”فرمانِ اعلیٰ حضرت“ (Pashto) اور ”نور العرفان Ep-06“ (Sindhi) آن لائن دستیاں ہیں جبکہ ”ماہنامہ فیضانِ مدینہ بنگلہ“(بنگلہ) پرنٹنگ میں موجود ہے۔

ڈیپارٹمنٹ کی جھلکیاں

لاڑکانہ ، سندھ 10 ستمبر 2025ء :

شعبہ معاونت برائے اسلامی بہنیں دعوتِ اسلامی کے تحت لاڑکانہ ،سندھ کے مدنی مرکز فیضان مدینہ میں ایک میٹنگ کا انعقاد کیا گیا جس کا مقصد دینی کاموں کا فالو اپ لینا اور شعبے کو مزید ترقی دینا تھا۔

معلومات کے مطابق نگران شعبہ غلام الیاس عطاری نے میٹنگ کے دوران ذمہ دار اسلامی بھائیوں سے گفتگو کرتے ہوئے مختلف موضوعات پر تبادلۂ خیال کیا جن میں سے بعض یہ ہیں:٭گلی گلی مدرسۃالمدینہ کا آغاز کرنا٭فیضانِ صحابیات کا آغاز کرنا٭ہفتہ وار سنتوں بھرے اجتماعات کروانا٭ شعبے کے دینی کاموں میں ترقی کیسے کی جائے؟٭ شعبے کے دینی کاموں کو بڑھانے کے لئے تجاویز ۔

جیک آباد، سندھ 10 ستمبر 2025ء :

شعبہ معاونت برائے اسلامی بہنیں دعوتِ اسلامی کے تحت جیک آباد سندھ کے مدنی مرکز فیضان مدینہ میں ایک اہم مدنی مشورے کا انعقاد کیا گیا جس کا مقصد دینی کاموں کو فروغ دینا اور شعبے کو مزید ترقی دینا تھا۔

اس موقع پر نگران شعبہ غلام الیاس عطاری نے مدنی مشورے میں شریک ذمہ دار اسلامی بھائیوں سے گفتگو کرتے ہوئے مختلف موضوعات پر تبادلۂ خیال کیا جن میں سے بعض درج ذیل ہیں:

٭گلی گلی مدرسۃالمدینہ کا آغاز کرنا٭فیضانِ صحابیات کا آغاز کرنا٭ہفتہ وار سنتوں بھرے اجتماعات کروانا٭ شعبے کے دینی کاموں میں ترقی کیسے کی جائے؟٭ شعبے کے دینی کاموں کو بڑھانے کے لئے تجاویز ۔

اس مدنی مشورے میں صوبائی ذمہ دار، ٹاؤن نگران، ڈویژن ذمہ دار اور ڈسٹرکٹ ذمہ دار شامل تھے جنہوں نے شعبے کے دینی کاموں میں مزید بہتری لانے کے لئے اچھی اچھی نیتیں کیں۔(رپورٹ: محمد نوید عطا ری صوبائی آفس ذمہ دار شعبہ معاونت برائے اسلامی بہنیں، کانٹینٹ:غیاث الدین عطاری)

پشاور، صوبہ KPK کے ڈسٹرکٹ چار سدہ میں اسپیشل پرسنز ڈیپارٹمنٹ دعوتِ اسلامی کے تحت اجتماعِ میلاد کا انعقاد کیا گیا جس میں اسپیشل پرسنز سمیت دیگر اسلامی بھائیوں نے شرکت کی۔

تلاوت و نعت کے بعد مبلغِ دعوتِ اسلامی مولانا بخت شیر عطاری مدنی نے حضور صلَّی اللہ علیہ واٰلہٖ وسلَّم کی ولادت سے پہلے اور آپ صلَّی اللہ علیہ واٰلہٖ وسلَّم کی دنیا میں تشریف آوری کے بعد کے واقعات بیان کرتے ہوئے حاضرین کو دعوتِ اسلامی کے دینی کاموں میں حصہ لینے کا ذہن دیا نیز اسپیشل پرسنز کی آسانی کے لئے مولانا ہدایت اللہ جنیدی عطاری مدنی نے بیان کی ترجمانی کی ۔

آخر میں اسپیشل پرسنز نے دعوتِ اسلامی کے تحت سفر کرنے والے قافلوں اور سنتوں بھرے اجتماعات میں شرکت کرنے کی اچھی اچھی نیتیں کیں۔ (رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

ساہیوال، پنجاب 17 ستمبر 2025ء :

اسپیشل پرسنز ڈیپارٹمنٹ دعوتِ اسلامی کے تحت فرید ٹاؤن، ساہیوال میں واقع گورنمنٹ اسپیشل ایجوکیشن ہائر سیکنڈری اسکول میں ایک ٹریننگ سیشن کا انعقاد کیا گیاجس میں اسٹوڈنٹس اور اسکول عملے نے شرکت کی۔

اس ٹریننگ سیشن میں اسٹوڈنٹس کو نماز اور درود و سلام کی پابندی کرنے کے ساتھ ساتھ قراٰنِ کریم کی زیارت کرنے کی ترغیب دلائی گئی نیز دعوتِ اسلامی بالخصوص اسپیشل پرسنز ڈیپارٹمنٹ کا تعارف بھی کروایا گیا۔

اس موقع پر ڈویژن ذمہ دار اسپیشل پرسنز ڈیپارٹمنٹ مولانا محمد ندیم عطاری مدنی اور ڈسٹرکٹ ذمہ دار اسپیشل پرسنز ڈیپارٹمنٹ راؤ محمد زبیر عطاری نے اسٹوڈنٹس کو اپنےوالدین اور اپنے اساتذہ کا ادب و احترام کرنے کا ذہن دیا۔ علاوہ ازیں اسکول اسٹاف نے دعوتِ اسلامی کی دینی خدمات کو سراہتے ہوئے اپنی نیک خواہشات کا اظہار کیا۔ (رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

لاہور، پنجاب پاکستان 9 ستمبر 2025ء :

9 ستمبر 2025ء کو مرکزی مجلسِ شوریٰ کے نگران مولانا حاجی محمد عمران عطاری ، رکنِ شوریٰ و نگرانِ پاکستان مشاورت حاجی محمد شاہد عطاری اور رکنِ شوریٰ حاجی یعفور رضا عطاری کی پنجاب SPU ہیڈکوارٹر مناواں لاہور آمد ہوئی۔

اس موقع پر نگرانِ شوریٰ و اراکینِ شوریٰ کو ڈی آئی جی SPU پنجاب غازی صلاح الدین اور دیگر سینئر افسران کی جانب سے خوش آمدید کہا گیا جس کے بعد ایک میٹ اپ ہوا جس میں نگرانِ شوریٰ نے خصوصی بیان کیا۔

نگران شوریٰ مولانا حاجی محمد عمران عطاری نے سینئر افسران کے درمیان بیان کرتے ہوئے انہیں قراٰن و حدیث کی تعلیمات سے آگاہ کیا اور دعوتِ اسلامی کی دینی و فلاحی ایکٹیویٹیز کے بارے میں بتایا۔

فیصل آباد، 9 ستمبر 2025ء :

لوگوں کو قراٰن و حدیث کی تعلیم دینے والے دعوتِ اسلامی کے شعبے فیضان آن لائن اکیڈمی بوائز کے تحت 9 ستمبر 2025ء کو ڈویژن فیصل آباد کے مفتشین کا ماہانہ مدنی مشورہ منعقد ہوا جس میں مختلف تعلیمی و دینی امور پر تبادلۂ خیال کیا گیا۔

اس اہم مدنی مشورے میں رکن شعبہ غلام عباس عطاری نے 12 دینی کاموں کو پابندی سے کرنے کے حوالے سے مفتشین کی ذہن سازی کی اور کراچی امیرِ اہلِ سنت دامت بَرَکَاتُہمُ العالیہ کی بارگاہ میں حاضری کے متعلق گفتگو کی۔

اسی طرح رکن شعبہ تعلیمی امور سید انس عطاری نے تجوید وقرأت کورس، حسن قرأت کورس اور جدید ٹولز کے مطابق تدریس کرنے کے بارے میں حاضرین کی رہنمائی کی۔

ڈویژن تعلیمی امور ذمہ دار محمد عباد رضا عطاری نے شیئر پوائنٹ، ٹیمز لسٹ، گوگل شیٹ پر ورکنگ کے احتیاطی اقدامات اور چیکنگ کے طریقوں پر مشاورت کی۔ آخرمیں حاضرین کی جانب سے ہونے والے سوالات کے تفصیلی جوابات بھی دیئے گئے۔ (رپورٹ:وقار یعقوب عطاری مدنی، برانچ منیجر فیضان آن لائن اکیڈمی بوائز ، کانٹینٹ:غیاث الدین عطاری)

راولپنڈی، پنجاب 12 ستمبر 2025ء :

عاشقانِ رسول کی دینی تحریک دعوتِ اسلامی کے تحت 12 ستمبر 2025ء کو شعبہ فیضان آن لائن اکیڈمی بوائز کے راولپنڈی برانچ میں شفٹ مدنی کے مدرسین کا ماہانہ مدنی مشورہ منعقد کیا گیا۔

اس ماہانہ مدنی مشورے میں ڈویژن کے تعلیمی امور ذمہ دار حافظ جواد عطاری نے مدرسین کے تدریسی انداز میں بہتری لانے اور اسٹوڈنٹس کی رہنمائی و تعلیمی امور کے مختلف پہلوؤں پر تبادلہ خیال کیا ۔

اسلام ایک ایسا دین ہے جو زندگی کے ہر پہلو میں رہنمائی فراہم کرتا ہے۔ سورج اور چاند کا گرہن بھی ایک قدرتی مظہر ہے جسے اسلام نے محض سائنسی یا اتفاقی عمل قرار نہیں دیا بلکہ اس کے ساتھ ایک روحانی پیغام بھی وابستہ فرمایا ہے۔

اسلام نے گرہن کے وقت ہمیں غفلت میں رہنے یا خرافات میں پڑنے سے منع فرمایا ۔ سورج اور چاند گرہن ہمیں یہ یاد دلاتے ہیں کہ کائنات کا نظام اللہ پاک کے قبضے میں ہے۔ وہ جب چاہے معمولات میں تبدیلی لا سکتا ہے۔ یہ مظاہر انسان کو اپنی عاجزی، فنا ہونے والی زندگی اور اللہ کی کبریائی پر غور کرنے کا موقع فراہم کرتے ہیں۔

سورج اور چاند گرہن سے متعلق معلومات حاصل کرنے کے لئے شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے عاشقانِ رسول کو اس ہفتے 21 صفحات کا رسالہ ”سورج اور چاند گرہن“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

دعائے عطار

یااللہ پاک! جو کوئی 21 صفحات کا رسالہ ”سورج اور چاند گرہن“ پڑھ یا سن لے اُسے خواب میں جناب رسالت مآب صلَّی اللہ علیہ واٰلہٖ وسلَّم کا دیدار نصیب کر اور اُس کو ماں باپ سمیت بے حساب بخش کر جنت الفردوس میں اپنے پیارے حبیب صلَّی اللہ علیہ واٰلہٖ وسلَّم کا پڑوسی بنا۔اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download