پرتھ، آسٹریلیا میں دینی و تعلیمی امور کو مزید منظم اور وسیع کرنے کے لیے 23 مئی 2026ء کو  نگران اسلامی بہنوں کی اہم میٹنگ منعقد ہوئی جس میں مقامی سطح پر دینی کاموں کی کارکردگی اور مختلف شعبہ جات کی بہتری کے لیے اہم امور پر گفتگو کی گئی۔

میٹنگ کے بعض نکات:

٭نئے علاقے Atwell میں دینی سرگرمیوں کو فروغ دینے اور دعوتِ اسلامی کا کام شروع کرنے پر تفصیلی تبادلہ خیال ٭ماریشس کی اسلامی بہنوں کی کریول زبان کے اجتماع میں شرکت اور اس زبان میں نئی مبلغات تیار کرنے پر کلام٭گجراتی زبان کے اجتماع میں آسٹریلیا کی مبلغہ کے بیان کی اپڈیٹس ٭شعبہ مدرسۃ المدینہ بالغات میں ذمہ دار اسلامی بہن کی نئی تقرری ٭انگلش تفسیر کلاسز میں جوان بچیوں (Young Girls) کی شرکت کو یقینی بنانا اور انہیں کلاسز جوائن کروانا٭ پرتھ میں بچوں کی دینی تعلیم و تربیت کے لیے فیضان ویک اینڈ اسلامک اسکول شروع کرنا٭ پرتھ میں مقیم فجی کی اسلامی بہنوں کو فجی میں جاری دینی کاموں کی تفصیل۔

وکٹوریا ، آسٹریلیا میں دعوتِ اسلامی کی دینی سرگرمیوں کو مزید فعال بنانے کے لیے نگران اسلامی بہنوں کا ایک اہم مدنی مشورہ 21 مئی 2026ء کو منعقد کیا گیا جس میں دعوتِ اسلامی کے تحت جاری دینی امور کا فالو اپ اور آئندہ کے لائحہ عمل پر تفصیلی گفتگو کی گئی۔

اسلامی بہنوں کے تعاون سے دینی کاموں میں وسعت:

فیضانِ مدینہ سینٹر (Reservoir) میں اسلامی بہنوں کے تعاون سے دینی کاموں کا دائرہ کار بڑھانے کا ذہن دیا گیا۔ اس کے علاوہ ہدف دیا گیا کہ اسلامی بہنوں کی تربیت اور تعلیم کے لیے ہر ماہ کم از کم 90 منٹ کا ایک خصوصی سیشن باقاعدگی سے منعقد کیا جائے گا۔

اہم تقرری کا اعلان:

ملک بھر میں تعلیم و تربیت کا نظام مضبوط بنانے کے لیے بنتِ اکرم باجی کو ملک سطح پر ” شعبہ سیکھنے سکھانے کے حلقہ“کا ذمہ دار مقرر کیا گیا۔

اسٹیٹ وائز شیڈول(Schedule) کی تیاری:

نئی تقرری کے ساتھ ہی تمام States میں شعبہ جات کی کارکردگی اور حلقوں کے انعقاد کو منظم کرنے کے لیے اسٹیٹ وائز شیڈول (Schedule) تیار کرنے پر مشاورت کی گئی۔

دعوتِ اسلامی کے شعبے "مدنی چینل عام کریں" کے تحت پاکپتن شریف میں واقع مدنی مرکز فیضانِ مدینہ میں پرائیویٹ اسکول ایسوسی ایشن کے ایک اعلیٰ سطح وفد نے حاضری دی۔

اس موقع پر نگرانِ مجلس مدنی چینل عام کریں انجم رضا عطاری، صوبائی ذمہ دار غلام مرتضیٰ عطاری، ڈویژن ساہیوال ذمہ دار محمد ذیشان عطاری، نگرانِ ڈسٹرکٹ مشاورت پاکپتن طارق عطاری اور نگرانِ تحصیل مشاورت پاکپتن حافظ محمد امین عطاری نے وفد کا پرجوش استقبال کیا۔ ذمہ داران نے شرکاء کو دعوتِ اسلامی کی جدید ڈیجیٹل سروسز اور تعلیمی و دینی شعبہ جات سے متعلق تفصیلی آگاہی فراہم کی اور انہیں فیضانِ مدینہ کا تفصیلی وزٹ بھی کروایا۔

وفد میں ساہیوال ڈویژن پرائیویٹ اسکول ایسوسی ایشن کے پریذیڈنٹ ملک افتخار احمد اعوان، پاکپتن آل پرائیویٹ اسکول ایسوسی ایشن کے جنرل سیکرٹری فیض الحسن بودلہ، سرپرست اسحاق بدر عطاری سمیت مختلف اسکولوں کے پرنسپلز اور اساتذہ کرام نے شرکت کی۔

وفد کے اراکین نے دعوتِ اسلامی کی دنیا بھر میں جاری دینی، تعلیمی اور فلاحی خدمات کو زبردست الفاظ میں سراہا اور شعبہ مدنی چینل عام کریں کی کاوشوں کو سراہتے ہوئے اپنی نیک خواہشات کا اظہار کیا۔(رپورٹ: محمد ذیشان عطاری، ڈویژن ذمہ دار "مدنی چینل عام کریں" کانٹینٹ:محمد شعیب شاہ عطاری)

شعبہ روحانی علاج دعوتِ اسلامی کے تحت  بھزاد مسجد سخی حسن نارتھ ناظم آباد کراچی میں10اگست2026ءکو بستہ ذمہ داران کا تربیتی مدنی مشورےکا انعقاد کیا گیا جس میں ڈسٹرکٹ کے بستہ ذمہ داران نے شرکت کی۔مدنی مشورے کا مقصد شعبہ روحانی علاج کے بستوں کو مضبوط بنانا اور شرعی تقاضوں کے مطابق عمل پیرا ہونے کے حوالے سے رہنمائی کرنا تھا۔

ذرائع سے ملنے والی معلومات کے مطابق مولانا انور عطاری نگران مجلس شعبہ روحانی علاج نے شرکا سے کلام کرتے ہوئے بستوں کو مضبوط کرنے اور انہیں ممتاز کیفیت میں لانے ذہن دیا ۔

اسی طرح مدنی مشورے میں آنے والے شرکا کو اپنے علاقے میں جا کر بستوں کو مضبوط کرنے اور شرعی ہدایات کے مطابق مریضوں سے اچھے انداز میں گفتگو کرنے کے بارے میں رہنمائی کی گئی۔

دعوتِ اسلامی کے شعبہ روحانی علاج کے تحت سخی حسن نارتھ ناظم آباد کراچی میں 3 دن (یکم ،3،2 اگست 2026ء) کے” استخارہ کورس“ کا انعقاد کیا گیا جس میں کراچی سٹی کے بستہ ذمہ داران تعلق رکھنے والے عاشقانِ رسول نے شرکت کی۔

معلومات کے مطابق یکم تا 03 اگست 2026ءتک جاری رہنے والے اس کورس میں شعبے کے سٹی ذمہ دار روحانی علاج محمد طارق عطاری نے مختلف موضوعات پر حاضرین کی رہنمائی کی جن میں سے بعض درج ذیل ہیں:

٭ استخارے کا طریقہ ٭ ضروری احتیاطیں ٭شعبے کی نئی اپڈیٹس سے متعلق گفتگو کی۔

اس کے علاوہ محمد طارق عطاری نے کورس میں شریک عاشقانِ رسول میں امت کی غمخواری کا جذبہ بیدار کرتے ہوئے انہیں دعوتِ اسلامی کے 12 دینی کاموں میں عملی شمولیت کی ترغیب دلائی۔(رپورٹ: سمیر علی عطاری اسسٹنٹ منیجر شعبہ روحانی علاج ، کانٹینٹ:محمدشعیب شاہ عطاری)

دارالمدینہ انٹرنیشنل یونیورسٹی، اسلام آباد میں تعلیمی معیار کو بلند کرنے، ادارہ جاتی گورننس کو مضبوط بنانے اور جدید دور کی ضروریات کے مطابق تعلیم کی فراہمی کے لیے بورڈ آف ایگزیکٹوز کی تیسری میٹنگ منعقد ہوئی۔

یہ میٹنگ یونیورسٹی کے چانسلر محمد جنید عطاری مدنی کی نگرانی میں منعقد ہوئی جس میں یونیورسٹی کے مختلف مالیاتی، تعلیمی اور انتظامی امور پر تفصیل سے غور کیا گیا اور کئی اہم ترین فیصلوں کی توثیق کی گئی۔

میٹنگ کے اہم فیصلے اور منظوریاں:

٭سالانہ بجٹ: مالیاتی سال 2026/27ء کے لیے یونیورسٹی کے سالانہ بجٹ کی منظوری دی گئی۔

٭جدید تعلیمی نصاب: شعبہ منیجمنٹ سائنسز اور شعبہ ایجوکیشن کے لیے نئے تدریسی خاکوں (اسکیم آف اسٹڈیز) کے ساتھ ساتھ اسلامک اسٹڈیز، عربی، ایجوکیشن اور منیجمنٹ سائنسز کے ایم فل پروگرامز کے ترمیم شدہ نصاب کی منظوری دی گئی۔

٭ہنر مندانہ تعلیم (Skill-based Education): طلبا کی عملی صلاحیتوں کو نکھارنے کے لیے مختلف اسکل بیسڈ ڈپلومہ اور سرٹیفکیٹ کورسز شروع کرنے کا فیصلہ کیا گیا۔

٭بین الاقوامی و قومی معاہدے (MoUs): پیشہ ورانہ تربیت فراہم کرنے والے قومی اداروں اور مصر کے مشہور جامعہ الازہر (Al-Azhar University) کے ساتھ تعلیمی و تحقیقی تعاون کی یادداشتوں پر توثیق کی گئی۔

٭دیگر منظوریات: ہائر ایجوکیشن کمیشن (HEC) کی جدید پالیسیوں کے نفاذ اور سلیکشن بورڈز کی سفارش کردہ نئی تقرریوں کی منظوری دی گئی۔

دارالمدینہ انٹرنیشنل یونیورسٹی کے تعلیمی، قومی اور مذہبی اقدامات کو مؤثر انداز میں عوام کے سامنے پیش کرنے کے لیے ایک اہم میٹنگ منعقد ہوئی۔ اجلاس کا بنیادی مقصد یونیورسٹی کی سرگرمیوں کو واضح مقاصد، منظم کمیونیکیشن اور ڈیجیٹل میڈیا کے ذریعے بڑے پیمانے پر اُجاگر کرنا تھا۔

میٹنگ میں مارکیٹنگ اینڈ کمیونیکیشن ڈائریکٹوریٹ اور ایجوکیشن کونسل کے نمائندوں نے شرکت کی جبکہ یونیورسٹی کی جانب سے چند شخصیات شریک ہوئیں جن کے نام یہ ہیں:

٭بریگیڈیئر پروفیسر ڈاکٹر محمد طاہر نواز (پرو وائس چانسلر) ٭ڈاکٹر معین اعوان (ڈائریکٹر اسٹوڈنٹس افیئرز) ٭یونیورسٹی کے فاضل فیکلٹی ممبران

میٹنگ کے اہم نکات اور فیصلے:

1.پوسٹر پریزنٹیشن اینڈ انوویشن گالا (Poster Presentation & Innovation Gala):

٭طالب علموں کی تخلیقی اور تحقیقی صلاحیتوں کو اجاگر کرنے کے لیے اس نمائش کی بھرپور میڈیا کوریج اور مواصلاتی انتظامات طے کیے گئے۔

2.آنے والے اہم پروگرامز کی پروموشن:

٭محفل میلاد: اسلامی اقدار کی پاسداری کرتے ہوئے محفلِ میلاد کی مناسب تشہیر اور کوریج کا منصوبہ تیار کیا گیا۔

3.ڈیجیٹل میڈیا اور کنٹینٹ اسٹریٹجی:

٭یونیورسٹی کے تعلیمی، قومی اور دینی اقدامات کو ڈیجیٹل پلیٹ فارمز (سوشل میڈیا اور ویب سائٹ) پر با مقصد انداز میں پیش کرنے کے لیے منظم کوریج اور مؤثر کنٹینٹ پلاننگ پر اتفاق کیا گیا۔

میٹنگ کا بنیادی مقصد:

اجلاس میں اس بات پر زور دیا گیا کہ جدید دور میں ”اسٹریٹجک کمیونیکیشن“ (حکمتِ عملی مواصلات) کا کردار نہایت اہم ہے۔ تعلیمی و ادارہ جاتی سرگرمیوں کو مؤثر انداز میں پیش کرنے سے نہ صرف عوام میں بیداری پیدا ہوتی ہے بلکہ وسیع تر کمیونٹی اور طلبہ یونیورسٹی کے مثبت اقدامات سے مستفید ہو سکتے ہیں۔

دارالمدینہ انٹرنیشنل یونیورسٹی اسلام آباد کا عربی ڈیپارٹمنٹ، اسلامیہ یونیورسٹی بہاولپور کے Associate پروفیسر ڈاکٹر حافظ محمد اکرم الازہری نے خصوصی دورہ کیا۔ اس موقع پر انہوں نے یونیورسٹی کے تعلیمی و تدریسی شعبہ جات کا تفصیلی جائزہ لیا۔

دورے کے دوران معزز مہمان نے مختلف سطحوں کی کلاسز میں جا کر تدریسی عمل کا مشاہدہ کیا اور تعلیمی ماحول کو سراہا۔ بعد ازاں انہوں نے ڈی این فیکلٹی آف لینگویجز و فیکلٹی آف شریعہ اینڈ اسلامک اسٹڈیز ڈاکٹر ممتاز احمد سدیدی اور دیگر اساتذہ کے ساتھ ایک اعلیٰ سطحی تعلیمی نشست میں شرکت کی۔ اس ملاقات میں باہمی دلچسپی کے امور، تدریسی طریقہ کار اور نصابی بہتری پر تفصیلی تبادلہ خیال کیا گیا۔

یونیورسٹی انتظامیہ کے مطابق اس نوعیت کی علمی و تدریسی سرگرمیاں مختلف اداروں کے درمیان تعلیمی مہارتوں کے تبادلے اور باہمی تعلقات کو مضبوط بنانے میں اہم کردار ادا کرتی ہیں۔ اس سے بالخصوص عربی زبان اور اسلامی تعلیمات کے شعبے میں تعلیمی معیار کو مزید بہتر بنانے میں مدد ملے گی۔

اسلام آباد میں دارُالمدینہ انٹرنیشنل یونیورسٹی کے زیر اہتمام ایک شاندار” Poster Presentation & Innovation Gala “ کا کامیاب انعقاد کیا گیا جس میں شعبہ مینجمنٹ سائنسز اور شعبہ ایجوکیشن کے طلبہ و طالبات نے اپنے تحقیقی پراجیکٹس اور جدید خیالات پیش کیے۔

اس موقع پر ماہرین کا کہنا تھا کہ طالبات و طلبہ کی تعلیمی و تربیتی صلاحیتیں اس وقت مزید بہتر ہوتی ہیں جب انہیں اپنا کام پیش کرنے، تجربہ کار ماہرینِ تعلیم کے ساتھ تبادلۂ خیال کرنے اور تعمیری تجاویز حاصل کرنے کے مواقع فراہم کیے جائیں۔

نمائش کے دوران طلبہ نے تحقیقی پوسٹرز اور بصری پریزنٹیشنز (Visual Presentations) کے ذریعے اپنی علمی سمجھ بوجھ، تخلیقی صلاحیتوں، تجزیاتی سوچ اور نظریاتی معلومات کو عملی زندگی سے جوڑنے کی شاندار مہارت کا مظاہرہ کیا۔

اس تقریب کو کامیاب بنانے میں یونیورسٹی کی اعلیٰ انتظامیہ، اساتذہ اور طلبہ و طالبات نے باہمی تعاون کے ساتھ اہم کردار ادا کیا۔ تقریب کی خاص بات دیگر ممتاز جامعات کے ڈیپوٹیشنز، ڈیپوٹیشن سربراہان (Deans) اور سینئر پروفیسروں کی شرکت تھی، جنہوں نے نمائش کا دورہ کر کے پراجیکٹس کا باریک بینی سے جائزہ لیا اور طلبہ کی کاوشوں کو خوب سراہا۔

سینئر اساتذہ اور ماہرینِ تعلیم کے علمی مشاہدات اور بہتری کے لیے فراہم کردہ تجاویز نے طلبہ کو اپنے خیالات میں مزید نکھار لانے، تحقیق کو مضبوط بنانے اور پیشکش کی صلاحیتوں (Presentation Skills) کو زیادہ موثر بنانے میں قیمتی رہنمائی فراہم کی۔

یونیورسٹی انتظامیہ کے مطابق اس نوعیت کے اقدامات عملی تعلیم (Experiential Learning)، علمی مکالمے اور مسلسل بہتری کے عمل کو فروغ دیتے ہیں جس سے طلبہ کو کلاس روم کے روایتی ماحول سے باہر نکل کر سیکھنے اور مستقبل کی تعلیمی و پیشہ ورانہ ذمہ داریوں کے لیے زیادہ اعتماد کے ساتھ تیار ہونے کا موقع ملتا ہے۔

دعوتِ اسلامی کے زیرِ اہتمام آج مؤرخہ 20 اگست 2026ء کو دنیا بھر میں قائم مدنی مراکز فیضانِ مدینہ اور مختلف مساجد میں ہفتہ وار سنتوں بھرا اجتماع منعقد کیا جا رہا ہے۔ یہ اجتماع مسلمانوں کی اخلاقی، دینی اور باطنی اصلاح کے لیے ایک اہم ترین عالمی پلیٹ فارم سمجھا جاتا ہے۔

تقریب کا آغاز تلاوتِ قرآنِ پاک اور بارگاہِ رسالت میں نعتِ رسولِ مقبول سے ہوگا جس کے بعد مرکزی مجلسِ شوریٰ کے اراکین، علمائے کرام اور مبلغین دعوتِ اسلامی مختلف شرعی و اخلاقی موضوعات (نماز کی پابندی، حقوق العباد، اور سنتِ نبوی پر عمل) پر اصلاحی بیانات فرمائیں گے۔ اجتماع کے اختتام پر حلقۂ ذکر اور امتِ مسلمہ کی خیر و عافیت کے لیے خصوصی رقت انگیز دعا کی جائیگی۔

تفصیلات کے مطابق آج رات عالمی مدنی مرکز فیضان مدینہ کراچی سے مدنی چینل پر براہِ راست (Live) نشر ہونے والے ہفتہ وار اجتماع میں دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔

اس کے علاوہ مدنی مرکز فیضان مدینہ شاہ رکن عالم کالونی ملتان میں رکن شوریٰ مولانا حاجی عبد الحبیب عطاری، مدنی مرکز فیضان مدینہ علی ٹاؤن سرگودھا میں رکن شوریٰ حاجی وقارالمدینہ عطاری، مدنی مرکز فیضان مدینہ مرید کے میں رکن شوریٰ حاجی منصور عطاری، بہزادلکھنوی مسجد سخی حسن کراچی میں رکن شوریٰ حاجی محمد علی عطاری اور مدنی مرکز فیضان مدینہ 42-48Cannon Street Bolton BL3 5APمیں رکن شوریٰ حاجی محمد خالد عطاری سنتوں بھرا بیان فرمائیں گے۔

تمام عاشقانِ رسول سے گزارش ہے کہ آج رات اپنے قریب ترین فیضانِ مدینہ یا دعوتِ اسلامی کے اجتماع میں خود بھی شرکت فرمائیں اور دوسروں کو بھی ساتھ لانے کی نیت کریں۔

سرورِ کائنات، فخرِ موجودات حضرت محمد مصطفٰی صلی اللہ علیہ واٰلہٖ وسلَّم کی ولادتِ با سعادت کی خوشیاں منانے کے لئے عالمی مدنی مرکز فیضانِ مدینہ کراچی میں تیاریاں عروج پر ہیں۔ اس سلسلہ میں 13 اگست 2026ء کو لاہور ریلوے اسٹیشن سے ایک خصوصی ٹرین ”جشن ولادت ایکسپریس“ روانہ ہوئی جس میں کثیر تعداد میں عاشقانِ رسول اور دعوتِ اسلامی کے مبلغین سوار ہوئے۔

13 اگست کو لاہور اسٹیشن سے روانگی کے وقت عاشقانِ رسول کے چہروں پر سُرور اور زبانوں پر دُرود و سلام کا نذرانہ جاری تھا۔ رائیونڈ ریلوے اسٹیشن پہنچنے پر دعوتِ اسلامی کی مرکزی مجلسِ شوریٰ کے رکن مولانا حاجی یعفور رضا عطاری نے ٹرین کا شاندار استقبال کیا۔انہوں نے مسافر اسلامی بھائیوں سے ملاقات کی، سفر کے حوالے سے تربیتی مدنی پھول عطا فرمائے اور راہِ خدا کے اس مسافر قافلے کی حوصلہ افزائی کرتے ہوئے دعاؤں کے ساتھ رخصت کیا۔

یہ ٹرین مختلف اسٹیشن سے مزید عاشقانِ رسول کو اپنے ساتھ ملاتی ہوئی کراچی کی جانب گامزن رہی۔ دورانِ سفر ٹرین کے اندر سنتوں بھرے بیانات، درود و سلام کی صدائیں اور ”آقا کی آمد مرحبا“ کے پرجوش نعرے گونجتے رہے جس سے پورا سفر عشقِ رسول کے رنگ میں رنگا رہا۔

بالآخر 14 اگست 2026ء کو ”جشن ولادت ایکسپریس“ کراچی ریلوے اسٹیشن پہنچی۔ کراچی پہنچتے ہی تمام اسلامی بھائیوں نے عالمی مدنی مرکز فیضانِ مدینہ کا رخ کیا۔ اس وقت فیضانِ مدینہ کراچی میں برقی قمقموں کی زبردست سجاوٹ، مدنی مذاکروں اور علمِ دین سکھانے کے حلقوں کی وجہ سے ہر سو روحانی خوشیوں کی بہار ہے۔ تمام عاشقانِ رسول سرکارِ مدینہ صلی اللہ علیہ واٰلہٖ وسلَّم کی ولادت کا جشن منانے کے لیے بے حد پرجوش اور متحرک ہیں۔

28 صفر المظفر 1448ھ مطابق 12 اگست 2026ء بروز بدھ کو کراچی سندھ، پاکستان میں مرکز الاقتصاد اسلامی اور حلال اکانومی ایڈوائزری سینٹر (HEAC) کی نئی بلڈنگ کا شاندار افتتاح کردیا گیا۔خوشی کے اس موقع پرافتتاحی تقریب کا انعقادکیاگیا۔

افتتاحی تقریب اور اہم نکات:

تقریب کا آغاز: تلاوتِ قرآن پاک اور نعتِ رسولِ مقبول صلَّی اللہ علیہ واٰلہٖ وسلَّم سے پروگرام کا بابرکت آغاز ہوا۔

بنیادی مقاصد: ماہر امور تجارت /ہیڈ آف مرکز الاقتصاد اسلامی مفتی علی اصغر عطاری مُدَّ ظِلُّہُ العالی نے سینٹر کے بنیادی مقاصد اور اہمیت پر مختصر و جامع گفتگو فرمائی۔

نصیحت آموز کلمات: خلیفہ امیرِ اہل اہلسنت مولانا حاجی عبید رضا عطاری مدنی مُدَّ ظِلُّہُ العالی نے تاجروں اور کاروباری شخصیات کے لیے قیمتی اور نصیحت آموز ملفوظات ارشاد فرمائے۔

نئی بلڈنگ کی خصوصیات و سہولیات:

یہ عمارت فیضانِ مدینہ کراچی سے متصل پلاٹ پر واقع ہے جہاں پہلے مرکز الاقتصاد اسلامی محدود جگہ پر قائم تھا۔

وسیع گنجائش: نئی بلڈنگ میں دونوں اداروں کی مختلف خدمات کے لیے وسیع جگہ فراہم کی گئی ہے۔

پبلک ڈیلنگ و آن لائن میٹنگز: عوامی معاملات، مشاورت اور آن لائن میٹنگز کے لیے مخصوص و جدید شعبے قائم کیے گئے ہیں۔

تحقیقی لائبریری: تحقیقی شعبے اور علماء کے لیے ایک بہت بڑی اور جامع لائبریری قائم کی گئی ہے۔

ورک اسٹیشن: فتاویٰ نویسی اور مختلف علمی و معاشی پروجیکٹس پر کام کرنے والوں کے لیے پُرکشش اور جدید ورک اسٹیشن مہیا کیے گئے ہیں۔

تقریب میں علماء، معاشی ماہرین اور تنظیم کے اہم ذمہ داران نے شرکت کی، جن میں شامل ہیں:

علماء و مفتیانِ کرام: مفتی سجاد عطاری مدنی، مفتی محمد حسان عطاری مدنی، مفتی محمد کاشف عطاری، مفتی محمد شفیق عطاری اور مفتی کفیل عطاری مدنی۔

اراکینِ شوریٰ: حاجی محمد امین عطاری، حاجی فضیل عطاری، حاجی محمد شاہد عطاری مدنی اور حاجی برکت علی عطاری۔

دیگر شخصیات: حلال اکانومی ایڈوائزری سینٹر کے ڈائریکٹر / ماہرِ معیشت اور دارُالمدینہ یونیورسٹی کے وائس چانسلر ڈاکٹر دانش، متعدد علمائےکرام، کاروباری اور سماجی شخصیات۔

پروگرام کے اختتام پر مفتی علی اصغر عطاری مُدَّ ظِلُّہُ العالی اور ادارے کے دیگر افراد نے تمام معزز مہمانوں کا شکریہ اداکیا۔