30 اگست 2025ء بمطابق06 ربیع الاوّل شریف 1447ھ کو بعد نمازِ عشا دعوتِ اسلامی کے عالمی مدنی مرکز فیضانِ مدینہ کرچی میں ہفتہ وار مدنی مذاکرے کا انعقاد کیا گیا جس میں براہِ راست اور بذریعہ مدنی چینل عاشقانِ رسول کی کثیر تعداد نے شرکت کی۔

تلاوت و نعت سے شروع ہونے والے اس مدنی مذاکرے میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے حاضرین و ناظرین کی جانب سے ہونے والے مختلف سوالات کے جوابات ارشاد فرمائے۔

مدنی مذاکرے میں ہونے والے بعض سوال و جواب

سوال: کیا یہ بات درست ہے کہ دنیاوی معاملات میں اختلاف جتنا بھی ہوجائے تو دوحدیں پارنہ کریں (1):کسی کے رزق پروارنہ کریں (2):کسی کی عزت کو نشانہ نہ بنائیں ؟

جواب: یہ بات درست ہے ،ان دوچیزوں پروارنہ کریں اوربھی بہت کچھ ہے جن پر وارنہیں کرنا چاہئے ،اختلاف ہو یا موافقت، کسی مسلمان کی عزت پرحملہ کرنے کی اجازت نہیں ۔رزق پر حملہ کرنا مثلاً دونوں دوکاندارہیں۔ ایک دوسرے کے گاہک نہ توڑیں،کسی کی بے عزتی کرنا یا کسی کی روزی کے لیے رکاوٹ پیداکرنا دونوں بُری حرکتیں ہیں ،ان سے ہرایک کوبچنا ہے ۔

سوال: عموماً سوشل میڈیا کا استعمال غلط اندازسے بھی ہورہا ہوتاہے ،اس بارے میں آپ کیافرماتے ہیں ؟

جواب: عموماً اس کا درست استعمال بہت کم ہے ،کسی کو اجاڑنا ہوتو اسے سوشل میڈیا کا عادی بنادیا جائے ۔بندہ اس کے استعمال میں اس طرح گم ہوجاتاہے کہ دِین اور دنیا دونوں کے کام کانہیں رہتا ،یہ بھی نشے کی طرح ہے ،بندہ آگے ہی آگے بڑھتاچلاجاتاہے کہ بعض اوقات کھانے پینے کا ہوش بھی نہیں رہتا۔ اس کے ذریعے لوگ گناہوں میں پڑجاتے ہیں ۔

سوال: نبیِ کریم صلی اللہ علیہ والہ وسلم کے درازگوش (گدھے)اور اُونٹنی کا نام کیا ہے؟

جواب : دراز گوش کا نام یعفوراوراُونٹنی کا نام قصویٰ تھا ،دونوں کو نبی کریم صلی اللہ علیہ والہ وسلم سے عشق تھا ۔

سوال: 5ربیع الاول شریف کن کا یوم شہادت ویوم عرس ہے ؟

جواب: 5ربیع الاول نواسۂ رسول، حضرت امام حسن مجتبیٰ رضی اللہ عنہ کایوم شہادت ہے، یہ نبی کریم صلی اللہ علیہ والہ وسلم کے نواسے ،حضرت امام حسین رضی اللہ عنہ کے بڑے بھائی ،جنتیوں کے سردار،سخی الاسخیا(یعنی سخیوں کے بھی سردار)مسلمانوں کی دوبڑی جماعتوں میں صلح کروانے والے اوربڑی شان والے ہیں ۔

سوال: مریضوں کے لیے خون کا عطیہ دینے کا کیا فائدہ ہوتاہے ؟

جواب: دعوت اسلامی کے شعبے FGRF کے تحت مریضوں کے لیے Blood کیمپ لگائے جاتے ہیں ،جس کو کوئی بیماری یا پرابلم نہ ہوتو تو پیارے آقاصلی اللہ علیہ والہ وسلم کی دُکھیاری اُمّت کے لیے ضرور خون کا عطیہ دیں ۔مردہر 3مہینے کے بعد خون دے سکتاہے ۔خون دینا دل کے لیے بھی مفیدہے ،آپ خون دیں گے تو بدن میں اورخون بنناشروع ہوجائے گا۔بلڈ پریشربھی کنٹرول رہتاہے اوراس سے ہارٹ اٹیک (Heart Attack)کا خطرہ کم ہوجاتا ہے ۔

سوال:آپ نےپہلابیان کہاں اورکب کیا ؟

جواب:مَیں نےدعوتِ اسلامی کے شروع ہونے سے بہت پہلے اپنی زندگی کا پہلابیان مبارک مسجد،اولڈ سٹی کراچی میں کیا ۔

سوال: اِس ہفتے کارِسالہ”محبتِ رسول صلَّی اللہ علیہ واٰلہٖ وسلَّم“ پڑھنے یاسُننے والوں کوامیراہل سنت دامت برکاتہم العالیہ نے کیا دُعا دی ؟

جواب: یاربِّ کریم! جو کوئی 17 صفحات کا رسالہ ”محبتِ رسول صلَّی اللہ علیہ واٰلہٖ وسلَّم“ پڑھ یا سُن لے، اُسے حقیقی مُحبَّتِ رسول نصیب فرما اور اُسے ماں باپ اور خاندان سمیت بے حساب بخش دے۔اٰمِیْن بِجَاہِ خاتم النَّبیین صلَّی اللہ علیہ واٰلہٖ وسلَّم

عالمی سطح کی دینی تحریک دعوتِ اسلامی کے دینی کاموں کے سلسلے میں مرکزی مجلسِ شوریٰ کے رکن مولانا حاجی محمد عقیل عطاری مدنی فیصل آباد انٹرنیشنل ایئرپورٹ سے بیرونِ ملک ایسٹ افریقہ  کے سفر پر روانہ ہو چکے ہیں۔

معلومات کے مطابق رکنِ شوریٰ کا یہ سفر 2 ستمبر تا 3 اکتوبر 2025ء تک جاری رہے گا جس دوران یوگنڈا، کینیا اور تنزانیہ کے مختلف دینی کاموں میں شرکت کرنا (مثلاً مدنی کورسز، معلم کورس اور امام صاحبان سمیت ذمہ داران سے ملاقات کرنا) رکنِ شوریٰ کے شیڈول میں شامل ہے نیز دیگر تنظیمی ایکٹیویٹیز بھی سرانجام دیں گے۔(رپورٹ: مولانا عابد عطاری مدنی معاون رکنِ شوریٰ مولانا حاجی محمد عقیل عطاری مدنی ، کانٹینٹ:غیاث الدین عطاری)

شعبہ مدنی کورسز دعوتِ اسلامی کے تحت 24، 25 اور 26 اگست 2025ء کو مدنی مرکز فیضانِ مدینہ جبی جاتلاں کشمیر  میں معلم کورس کا انعقاد کیا گیا جس میں صوبائی نگران و ذمہ داران، ڈویژن نگران و ذمہ داران اور ڈسٹرکٹ و تحصیل نگران شریک ہوئے۔

اس 3 دن کے کورس میں شعبے کے پاکستان سطح کے اراکین مولانا اعجاز عطاری مدنی، حافظ محمد اویس عطاری، قاری محمد ندیم عطاری، مولانا محمد احمد سیالوی عطاری مدنی اور معلم محمد بلال منیر عطاری نے شرکا کی مختلف امور پر رہنمائی کی۔

دورانِ کورس جو ایکٹیویٹیز ہوئیں اور جن موضوعات پر شرکا کی تربیت کی گئی اُن میں سے بعض درج ذیل ہیں:

٭ نمازِ تہجد٭تلاوتِ قراٰن٭معلم کو کیسا ہونا چاہیئے؟٭کلاس کو کامیاب کیسے کریں؟ ٭لیڈر کی خصوصیات٭ڈیٹا انٹری٭کورس کی اختتامی نشست کیسی ہو؟٭مسکرائے اور غم دور کیجئے٭فیضانِ نماز کورس کا مکمل شیڈول٭پڑھانے کا طریقۂ کار۔معلم کورس کے اختتام پر اسلامی بھائیوں سے ٹیسٹ بھی لیا گیا ۔(رپورٹ: محمد خورشید رضا عطاری صوبائی ذمہ دار شعبہ مدنی کورسز کشمیر ، کانٹینٹ:غیاث الدین عطاری)

2 ستمبر 2025ء کو عاشقانِ رسول کی دینی تحریک دعوتِ اسلامی کے ٹرانسلیشن ڈیپارٹمنٹ کا مدنی مشورہ ہوا جس میں رکنِ شوریٰ مولانا حاجی محمد  جنید عطاری مدنی نے اسلامی بھائیوں کی رہنمائی کی۔

ابتداءً مرکزی مجلسِ شوریٰ کے رکن مولانا حاجی محمد جنید عطاری مدنی نے ٹرانسلیشن ڈیپارٹمنٹ کی موجودہ کارکردگی کا جائزہ لیتے ہوئے اس میں مزید بہتری لانے کے حوالے سے مدنی پھول بیان کئے۔

دعوتِ اسلامی کے کُتُب و رسائل کو دنیا بھر کی مختلف زبانوں میں ٹرانسلیٹ کرنے والے ٹرانسلیشن ڈیپارٹمنٹ کے تحت 1 ستمبر 2025ء کو عالمی مدنی مرکز فیضانِ مدینہ کراچی میں ایک ٹریننگ سیشن ہوا جس میں کراچی کے اسلامی بھائیوں نے براہِ براست جبکہ دنیا بھر سے ٹرانسلیشن ڈیپارٹمنٹ سے منسلک اسلامی بھائیوں نے بذریعہ انٹرنیٹ شرکت کی۔

اس ٹریننگ سیشن میں UK کے انگلش ٹرانسلیشن ذمہ دار محمد وسیم عباس عطاری نے مندرجہ ذیل موضوعات پر شرکا کی رہنمائی کی اور سوال و جواب کا سیشن بھی ہوا۔

علم (KNOWLEDGE):

ٹریننگ کے دوران KNOWLEDGE (علم) کی اہمیت کو سمجھایا گیا خاص طور پر Field of study (مطالعہ کا میدان)، Work facts (کام سے متلق حقائق)، Principles (اصول)، Theories (نظریات) اور Practices (مشقیں)۔

ہنر (SKILLS):

سیشن میں شریک اسلامی بھائیوں کو چند Abilities (صلاحیتوں) کے بارے میں بتایا گیابالخصوص ٹرانسلیشن کو ایک بہترین skill کے طور پر بتایا گیا۔

زبان کی درجہ بندی (LANGUAGE RANKS):

زبان کے مختلف درجات ہیں جیساکہ Words (الفاظ)، Phrases (جملے)، Clauses (شقیں) اور Discourse (گفتگو) کے بارے میں تفصیلی معلومات دی گئیں تاکہ مزید بہتر ٹرانسلیشن کی جاسکے۔

زبان کے افعال (LANGUAGE FUNCTIONS):

بانیٔ دعوتِ اسلامی شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ وقتاً فوقتاًاسلامی بھائیوں اور اسلامی بہنوں کو دینی کام کرنے پرتحریری طور پر دعائیں دیتے ہیں جن سے اسلامی بھائیوں اور اسلامی بہنوں کی حوصلہ افزائی ہوتی ہے اور ان کے اندر دینی کام کرنے کا جذبہ بڑھتا ہے۔

اسلامک ریسرچ سینٹر (المدینۃ العلمیۃ) کےذیلی شعبہ ”ہفتہ وار رسالہ“ نے ان دعاؤں کو یکجا کرکے33 صفحات پر مشتمل ایک نہایت ہی خوبصورت رسالہ بنام ”امیر اہل سنت کی دُعائیں“ تیار کیا ہے جسے خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے اس ہفتےعاشقانِ رسول کو پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں بھی سے نوازا ہے۔

دعائے خلیفۂ امیر اہلسنت

یا اللہ پاک! جو کوئی 33 صفحات کا رسالہ ” امیر اہل سنت کی دُعائیں “ پڑھ یا سن لے اُس سے اپنے پیارے حبیب صلَّی اللہ علیہ واٰلہٖ وسلَّم کے دین کی خوب خدمت لے اور اُس کا خاتمہ ایمان پر فرما کر اُسے ماں باپ اور خاندان سمیت بے حساب بخش دے۔ اٰمین بجاہِ خاتَم النبیّن صلی اللہ علیہ و سلم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

امیرِ اہلِ سنت دامت بَرَکَاتُہمُ العالیہ فرماتے ہیں کہ ”امامت کورس دعوتِ اسلامی کا امتِ مسلمہ پر بہت بڑا احسان ہے“ ۔

اسی سلسلے میں گورنمنٹ سے الحاق شدہ کنزالمدارس بورڈشعبہ امامت کورس دعوتِ اسلامی کے تحت امامت کورس بی لیول میں داخلے جاری ہیں جس کا آغاز 15 ستمبر 2025ء کو مرکزی جامعۃالمدینہ فیضان مدینہ سیم نالہ لاہور روڈ شیخوپورہ لاہور میں ہوگا نیز اس کورس کا دورانیہ تقریباً 5 ماہ کا ہوگا۔

کورس میں داخلے کی شرائط

٭میٹرک/مساوی تعلیم ٭ قرآن مجید درست مخارج کے ساتھ پڑھنا آتا ہو٭ عمر 18سال سے کم اور 45 سال سے زیادہ نہ ہو٭ اردو لکھنا پڑھنا جانتاہو۔

کورس کی خصوصیات

وضو، غسل، تیمم ، نماز، نمازِ جنازہ، عیدین کی نماز، امامت کے ضروری مسائل، فنِ تجوید، فن تدریس، قراٰنِ مجید (ترتیل، تدویر، حدر) مشق، سیرت، عقائد اور تنظیمی تربیت۔(رپورٹ:مولانا محمد شاہد محمود عطاری مدنی، معلم شعبہ امامت کورس، کانٹینٹ:غیاث الدین عطاری)

مزید معلومات کے لئے ان نمبرز پر رابطہ کریں!

0310-0002526/ 0317-6027967/ 0301-3665238

دعوتِ اسلامی کے اسپیشل پرسنز ڈیپارٹمنٹ کے تحت دینی کاموں کے سلسلے میں 1 ستمبر 2025ء کو وفاقی دارالحکومت اسلام آباد میں قائم HASSAN ACADEMY SPECIAL EDUCATION کا دورہ کیا۔

اس موقع پر صوبائی ذمہ داران کامران عطاری اور بدر شفیق عطاری نے اکیڈمی اسٹاف سے ملاقات کرتے ہوئے انہیں اسپیشل پرسنز ڈیپارٹمنٹ سمیت دعوتِ اسلامی کی دینی و فلاحی ایکٹیویٹیز کے بارے میں بتایا۔

ذمہ دار اسلامی بھائیوں نے اسٹاف کے اسلامی بھائیوں کو دعوتِ اسلامی کے تحت ہونے والے 1500 سالہ اجتماعِ میلادالنبی صلَّی اللہ علیہ واٰلہٖ وسلَّم میں شرکت کرنے کی دعوت دی نیز دعوتِ اسلامی کے مدرسۃالمدینہ و جامعۃالمدینہ برائے نابینا افراد کے حوالے سے بریفنگ بھی دی جس پر انہوں نے خوشی کا اظہار کیا اور اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ، کانٹینٹ:غیاث الدین عطاری)

1 ستمبر 2025ء کو اسپیشل پرسنز ڈیپارٹمنٹ کے ذمہ دار اسلامی بھائیوں نے دعوتِ اسلامی کے مختلف دینی کاموں کے سلسلے میں وفاقی دارالحکومت اسلام آباد میں واقع DEWA Institute of Special Education کا وزٹ کیا۔

دورانِ وزٹ صوبائی ذمہ داران کامران عطاری اور بدر شفیق عطاری نے اسکول اسٹاف سے ملاقات کرتے ہوئے انہیں اسپیشل پرسنز ڈیپارٹمنٹ سمیت دعوتِ اسلامی کی دینی و فلاحی ایکٹیویٹیز کے بارے میں بتایا۔

ذمہ دار اسلامی بھائیوں نے اسٹاف کے اسلامی بھائیوں کو دعوتِ اسلامی کے تحت ہونے والے 1500 سالہ اجتماعِ میلادالنبی صلَّی اللہ علیہ واٰلہٖ وسلَّم میں شرکت کرنے کی دعوت دی نیز دعوتِ اسلامی کے مدرسۃالمدینہ و جامعۃالمدینہ برائے نابینا افراد کے حوالے سے آگاہی دی جس پر انہوں نے خوشی کا اظہار کیا اور اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ، کانٹینٹ:غیاث الدین عطاری)

صوبہ خیبرپختونخوا کے شہر پشاور میں دعوتِ اسلامی کے شعبہ مدرسۃالمدینہ شارٹ ٹائم کے تحت 3 ستمبر 2025ء کو ”اجتماعِ میلاد و اجتماعِ تقسیمِ اسناد “ کا انعقاد کیا گیا جس میں سیّد صاحبان، علمائے کرام، سرپرست حضرات اور دیگر عاشقانِ رسول نے شرکت کی۔

اس موقع پر شعبے کے ڈویژن ذمہ دار عبد الباسط عطاری نے ”شانِ مصطفیٰ صلَّی اللہ علیہ واٰلہٖ وسلَّم اور ختمِ قراٰن“ کے حوالے سے بیان کیاجس میں انہوں نے پیارے آقا صلَّی اللہ علیہ واٰلہٖ وسلَّم کی شان و عظمت کے بارے میں شرکا کو بتایا۔بعدازاں قراٰنِ پاک مکمل کرنے والے بچوں کے درمیان اسناد تقسیم کی گئیں اور اُن کی حوصلہ افزائی بھی کی گئی۔(رپورٹ: شعبہ مدرسۃالمدینہ شارٹ ٹائم ، کانٹینٹ:غیاث الدین عطاری)

دعوتِ اسلامی کے تحت 1500 سالہ جشنِ میلاد النبی صلَّی اللہ علیہ واٰلہٖ وسلَّم کی خوشی میں عاشقانِ رسول نے ماہِ اگست 2025ء میں زمین کے ساتھ ساتھ سمند میں بھی جلوسِ میلاد صلَّی اللہ علیہ واٰلہٖ وسلَّم نکالا ۔

اسی طرح عاشقانِ رسول کی دینی تحریک دعوتِ اسلامی کے تحت راوں سال 2025ء میں 1500 سالہ جشنِ میلاد النبی صلَّی اللہ علیہ واٰلہٖ وسلَّم کا شاندار استقبال کرتے ہوئے ایک منفرد انداز میں پہلی بار England اور Wales UK کی فضاؤں میں ہوائی جہاز کے ذریعے جشنِ میلاد منایا گیا۔

12 ربیع الاول وہ عظیم دن ہے جس میں ہمارے پیارے نبی محمدِ عربی صلَّی اللہ علیہ واٰلہٖ وسلَّم کی دنیا میں تشریف آوری ہوئی، آپ صلَّی اللہ علیہ واٰلہٖ وسلَّم سارے جہان کے لئے رحمت بن کر تشریف لائے۔

رواں سال 2025ء میں سرورِ کونین، حضور خاتم النبیین صلَّی اللہ علیہ واٰلہٖ وسلَّم کی ولادت کو 1500 سال مکمل ہو رہے ہیں جس کی خوشی میں دعوتِ اسلامی کے تحت 31 اگست 2025ء کو Cardiff Wales UK کی تاریخ میں پہلی مرتبہ ”بوٹ جلوسِ میلاد صلَّی اللہ علیہ واٰلہٖ وسلَّم “ کا اہتمام کیا گیا۔

عاشقانِ رسول نے کروز بوٹ (کشتی) میں سوار ہوکر دریا کنارے اور فضاؤں میں درود و سلام کی صدائیں بلند کرتے ہوئے مرحبایا مصطفیٰ صلَّی اللہ علیہ واٰلہٖ وسلَّم کے نعروں سے اپنی محبت کا والہانہ اظہار کیا۔

دعوتِ اسلامی Wales UK کے تحت پہلی مرتبہ کشتیوں میں جلوس نکالنا میلادِ مصطفیٰ صلَّی اللہ علیہ واٰلہٖ وسلَّم منانے کا ایک انوکھا انداز میں جو حضور صلَّی اللہ علیہ واٰلہٖ وسلَّم سے عقیدت و محبت کو ظاہر کرتا ہے۔(کانٹینٹ:غیاث الدین عطاری)