عالمی سطح کی دینی تحریک دعوتِ اسلامی کے تحت ہونے والے مختلف دینی ایکٹیویٹیز کے سلسلے میں  01 اکتوبر 2024ء کو شعبہ مدرسۃ المدینہ بالغان اور پاکستان مشاورت کے ذمہ دار اسلامی بھائیوں کی میٹنگ مدنی مرکز فیضانِ مدینہ فیصل آباد میں منعقد ہوئی جس میں شعبے کے متعلقہ رکنِ شوریٰ مولانا حاجی عقیل عطاری مدنی، صوبائی نگران و ذمہ داران اور نگرانِ شعبہ قاری غلام عابد عطاری نے شرکت کی۔

تفصیلات کے مطابق دورانِ میٹنگ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے جنوری تا اگست 2024ء تک شعبے کے تحت ہونے والے دینی کاموں کی کارکردگی کا جائزہ لیا اور درپیش تنظیمی مسائل کا حل بتایا۔

اس موقع پرنگرانِ پاکستان مشاورت نے اسلامی بھائیوں کی تربیت و رہنمائی کرتے ہوئے انہیں قیمتی مدنی پھولوں سے نوازا جس پر انہوں نے اچھی اچھی نیتیں کیں۔آخر میں نگرانِ پاکستان مشاورت نے دعا کروائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کے دینی کاموں کا جائزہ لینے کے لئے 30 ستمبر 2024ء کو مدنی مرکز فیضانِ مدینہ فیصل آباد میں شعبہ اصلاحِ اعمال اور پاکستان مشاورت کے ذمہ دار اسلامی بھائیوں کی میٹنگ ہوئی جس میں شعبے کے متعلقہ رکنِ شوریٰ حاجی منصور عطاری، صوبائی نگران  و ذمہ داران کی شرکت ہوئی۔

ابتداءً میٹنگ میں موجود رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے جنوری تا اگست 2024ء تک شعبے کے تحت ہونے والے دینی کاموں کی کارکردگی کا جائزہ لیا اور درپیش تنظیمی مسائل کا حل بتایا۔

اسی طرح نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت و رہنمائی کرتے ہوئے انہیں دیگر مدنی پھولوں سے بھی نوازا جس پر انہوں نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

30 ستمبر 2024ء کو دعوتِ اسلامی کے تحت مدنی مرکز فیضانِ مدینہ فیصل آباد میں شعبہ مدنی قافلہ اور پاکستان مشاورت کے ذمہ دار اسلامی بھائیوں کا مدنی مشورہ منعقد ہوا جس میں صوبائی نگران و ذمہ داران، نگرانِ شعبہ مدنی قافلہ حاجی مشکور عطاری، نگرانِ شعبہ رمضان اعتکاف حاجی ساجد عطاری اور شعبے کے متعلقہ رکنِ شوریٰ حاجی امین قافلہ عطاری شریک ہوئے۔

معلومات کے مطابق اس مدنی مشورے میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف اعتبار سے شعبے کی موجودہ اور سابقہ تمام کارکردگیوں کا جائزہ لیا نیز تنظیمی مسائل کا حل بھی بتایا۔

اس کے علاوہ نگرانِ پاکستان مشاورت نے نمایاں کارکردگی پر ذمہ دار اسلامی بھائیوں کی حوصلہ افزائی کرتے ہوئے انہیں مدنی پھولوں سے نوازا اور تحائف بھی دیئے۔بعدازاں ذمہ دار اسلامی بھائیوں نے نگرانِ پاکستان مشاورت سے ملاقات کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

29 ستمبر 2024ء کو عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ فیصل آباد میں اسپیشل پرسنز ڈیپارٹمنٹ کے صوبائی ذمہ داران کا مدنی مشورہ ہوا جس میں نگرانِ ڈیپارٹمنٹ اور رکنِ مرکزی مجلسِ شوریٰ حاجی منصور عطاری نے شرکت کی۔

مدنی مشورے کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ڈیپارٹمنٹ کی مختلف سابقہ کارکردگی کا جائزہ لیا نیز جنوری تا اگست 2024ء تک دینی کاموں کی کارکردگی کا تقابل بھی کیا۔

اس کے علاوہ نگرانِ پاکستان مشاورت نے خصوصی طور پر صوبائی ذمہ داران کے بعض دینی کاموں کی انفرادی کارکردگی پر گفتگو کی جبکہ نیک اعمال کا رسالہ جمع کروانے، مدنی قافلے میں سفر کرنے، ہفتہ وار سنتوں بھرے اجتماع سمیت ہفتہ وار مدنی مذاکرے میں شرکت کرنے کا ذہن دیا جس پر انہوں نے اچھی اچھی نیتیں کیں۔

اختتام پر نگرانِ پاکستان مشاورت حاجی محمد شاہد عطاری نے دعا کروائی اور وہاں موجود تمام ذمہ دار اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

شعبہ مدنی کورسز  دعوت اسلامی کے زیر اہتمام 24ستمبر2024ء کو شفاقت اکیڈمی مالی پورہ نزد کریم پارک لاہور میں غسل کورس ہوا جس میں اکیڈمی کے اسٹوڈنٹس نے شرکت کی ۔

کاشف علی عطاری ، شعبہ مدنی کورسز ٹاؤن ذمہ دار نے غسل کورس کروایا جس میں غسل فرض ہونے کی صورتیں ، غسل کے فرائض اور مکمل طریقہ بتایا گیا ۔(رپورٹ:محمداحمدسیالوی عطاری رکن مجلس مدنی کورسز ،کانٹینٹ:محمد شعیب احمد عطاری)

دارالمدینہ انٹرنیشنل اسلامک اسکولنگ سسٹم کے تحت جشنِ ولادت کے موقع پر خصوصی پروگرامز کا انعقاد کیا جاتا ہے ۔ان پروگرامز کے ذریعے نبی کریم صلی اللہ تعالی علیہ وآلہ وسلم کی اطاعت اور فرماں برداری کرنے کے حوالے سے ذہن سازی کی جاتی ہے۔ اجتماع میلاد کے یہ پروگرامز طلبہ کو اسلامی اقدار، اخلاقیات اور معاشرتی ذمہ داریوں سے روشناس کرانے کا موثر ذریعہ ہیں۔

دارالمدینہ بوائز ہائی اسکول ، کراچی ریجن کے 9thاور10th کلاسز کے طلبہ اور اُن کے سرپرستوں کا ’’اجتماع ِ میلاد‘‘دعوت ِ اسلامی کے عالمی مدنی مرکز فیضان مدینہ،کراچی میں منعقد ہوا ۔

اجتماع میلاد کا آغاز تلاوت کلام پاک سے ہوا۔ اس کے بعد طالب علم نعت خواں نے بارگاہ رسالت صلی اللہ تعالی علیہ وآلہ وسلم میں عقیدت کے پھول پیش کیے ۔اجتماع میلاد میں طلبہ نے تقاریربھی کیں ۔اس اجتماع میلاد میں مدنی چینل کے نگران اسد عطاری مدنی نے اپنے بیان میں کیریئر کونسلنگ کے حوالے سے طلبہ کی تربیت کی ۔نگران مدنی چینل نے طلبہ کو فزیکل ایکٹیویٹیز اور دینی کام کرنے کی ترغیب بھی دلائی ۔ اجتماع میں طلبہ، اساتذہ اور ان کے سرپرستوں کی ایک تعداد شریک تھی۔ طلبہ کو فیضان مدینہ کے مختلف ڈیپارٹمنٹس کا دورہ بھی کروایا گیا۔(غلام محی الدین ترک ،اردو کانٹینٹ رائیٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)

شعبہ معاونت برائے اسلامی بہنیں دعوت اسلامی کے تحت ڈسٹرکٹ گجرات میں 1اکتوبر بروزمنگل 2024ء کو مدنی مشورہ ہوا جس میں ڈویژن ذمہ دار، ڈسٹرکٹ ذمہ داران اور ناظمین کی شرکت ہوئی ۔

نگران شعبہ غلام الیاس عطاری نے مشورے میں تقرری اور نیو فیضان صحابیات کو خود کفیل کرنے جیسے کئی امور کے متعلق گفتگو کی۔(رپورٹ:محمد علی رفیق صوبہ پنجاب آفس ،کانٹینٹ:محمد شعیب احمد عطاری)

شعبہ معاونت برائے اسلامی بہنیں دعوت اسلامی کے تحت2اکتوبر2024ء کو گجرات میں مدنی مشورہ ہوا جس میں ڈویژن ذمہ دار اور  ڈسٹرکٹ ذمہ داران سمیت ناظمین کی شرکت ہوئی ۔

نگران شعبہ غلام الیاس عطاری نے مشورے میں تقرری اور نیو فیضان صحابیات کو خود کفیل کرنے جیسے کئی امور کے متعلق گفتگو کی۔(رپورٹ:محمد علی رفیق صوبہ پنجاب آفس ،کانٹینٹ:محمد شعیب احمد عطاری)

شعبہ معاونت برائے اسلامی بہنیں دعوت اسلامی کے تحت 29ستمبر2024 ء کو فیصل آباد میں مدنی مشورہ ہوا جس میں صوبائی ذمہ داران اور ذیلی شعبہ ذمہ داران سمیت پاکستان سطح ذمہ داران نے شرکت کی۔

رکن شوری ابو ماجد شاہد عطاری مدنی اور نگران مجلس غلام الیاس عطاری نے تقرری مکمل کرنے ، گلی گلی مدرسہ بڑھانے اور نیو فیضان صحابیات کے قیام کے حوالے سے گفتگو کی ۔(رپورٹ:محمد علی رفیق صوبہ پنجاب آفس ،کانٹینٹ:محمد شعیب احمد عطاری)

شہنشاہِ بغداد حضور غوثِ پاک شیخ عبدالقادر جیلانی رحمۃ اللہ علیہ کی فضیلت و اہمیت لوگوں کے دلوں میں اجاگر کرنے اور آپ رحمۃ اللہ علیہ کے مقام و مرتبے سے آگاہ کرنے کے لئے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے اس ہفتے عاشقانِ رسول کو رسالہ ”غوثِ اعظم رحمۃ اللہ علیہ کا مقام و مرتبہ“ پڑھنے / سننے کی ترغیب دلائی ہے اور پڑھنے / سننے والوں کو اپنی خصوصی دعاؤں سے نوازا ہے۔

دعائے عطار

یا اللہ پاک جو کوئی 14 صفحات کا رسالہ ” غوثِ اعظم رحمۃ اللہ علیہ کا مقام و مرتبہ “ پڑھ یا سُن لےاسے بروز قیامت غلامانِ غوثِ اعظم میں اُٹھا اور اس کو ماں باپ سمیت بخش دے۔ اٰمین

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اولیائے کرام رحمۃ اللہ علیہم کی شان و عظمت لوگوں کے دلوں میں اجاگر کرنے والی عاشقانِ رسول کی دینی تحریک دعوتِ اسلامی کے زیرِ اہتمام 29 ستمبر 2024ء بروز اتوار کی شب عالمی مدنی مرکز فیضانِ مدینہ کراچی میں ”محفلِ بغداد “کا انعقاد کیا گیا۔

اس ”محفلِ بغداد “میں خصوصی شرکت شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہکی ہوئی جبکہ نگرانِ شوریٰ مولانا حاجی محمد عمروان عطاری، مرکزی مجلسِ شوریٰ کےداراکین، مبلغینِ دعوتِ اسلامی اور مختلف شعبہ ہائے زندگی سے تعلق رکھنے والے عاشقانِ رسول بھی موجود تھے۔

تلاوتِ قراٰنِ پاک سے محفل کا آغاز ہوا اور نعت خواں اسلامی بھائیوں نے مدینے کے تاجدار، دوعالم کے مالک و مختار، حضور خاتم النبیین صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

”محفلِ بغداد “میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نےاسلامی بھائیوں کو مدنی پھولوں سے نوازتے ہوئے فرمایا:کہ اولیائے کرام رحمۃ اللہ علیہم کی صحبت بڑی اہمیت رکھتی ہے، مزارات پر حاضری دینا یقیناً اولیاء اللہ کی صحبت حاصل کرنا ہے، بزرگانِ دین کا احترام کریں گے تو برکتیں ملیں گی۔

اس دوران نگرانِ شوریٰ مولانا حاجی محمد عمران عطاری نے ”محفلِ بغداد “ میں سنتوں بھرا بیان کیا جس میں انہوں نے بغداد شریف کے متعلق گفتگو کرتے ہوئے پیرانِ پیر غوثِ اعظم دستگیر شیخ عبد القادر جیلانی رحمۃ اللہ علیہ کی شان و عظمت بیان کی۔

دعوتِ اسلامی کے پروفیشنلز ڈیپارٹمنٹ کے تحت 2 دن پر مشتمل(28 اور 29 ستمبر 2024ء کو) سنتوں بھرا اجتماع عالمی مدنی مرکز فیضانِ مدینہ کراچی میں منعقد ہوا جس میں پروفیشنل ڈیپارٹمنٹ سے تعلق رکھنے والے کثیر عاشقانِ رسول نے شرکت کی جن میں انجینئرز، آئی ٹی پروفیشنلز، پرنسپلز، پروفیسرز، ڈاکٹرز اور دیگر اسلامی بھائی شامل تھے۔

اجتماع کا آغاز معمول کے مطابق28 ستمبر 2024ء کو تلاوتِ کلامِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے ہوا جس کے بعد مبلغینِ دعوتِ اسلامی کے سنتوں بھرے بیانات ہوئے نیز دارالافتاء اہلسنت کے مفتی محمدشفیق عطاری نے ضروریاتِ دین کے حوالے سے پروفیشنلز کی تربیت ورہنمائی کی۔

بعدازاں پروفیشنلز حضرات نے عالمی مدنی مرکز فیضانِ مدینہ کراچی میں ہونے والے مدنی مذاکرے میں شرکت کی جس میں انہوں نے مختلف سوالات کئے جس کے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے علم و حکمت بھرے جوابات دیئے اور انہیں مدنی پھولوں سے نوازا۔

اجتماع کے دوسرے دن 29 ستمبر 2024ء کو مرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کرتے ہوئے پروفیشنل حضرات کی مختلف امور پر رہنمائی کی جبکہ رکنِ شوریٰ مولانا حاجی عبد الحبیب عطاری نے بھی شرکا کو اپنے مدنی پھولوں سے نوازا اور انہیں دعوتِ اسلامی کے مختلف ڈیپارٹمنٹس کا تعارف کروایا۔(کانٹینٹ:غیاث الدین عطاری)