پچھلے دنوں مدنی مرکز فیضان مدینہ کا ایڈیشنل ڈپٹی کمشنر جنرل فیصل سلطان اور انچارج کنٹرول روم پروٹوکول آفیسر صادق صواتی نے وزٹ کیا   اور رکن شوری و نگران صوبائی مشاورت حاجی محمد اسلم عطاری اور نگران ڈویژن مشاورت حاجی محمد سلیم عطاری سے ملاقات کی۔

رکن شوری حاجی محمد اسلم عطاری نے دعوت اسلامی کی ڈاکومنٹری دکھائی اور مختلف شعبہ جات کا تعارف پیش کیا اس موقع پر دعوت اسلامی کے شعبہ ایف جی آر ایف کے تحت 12 گاڑیاں بلوچستان اور خیبرپختونخوا کی طرف گرم بستر اور کمبل لے کر روانہ کی گئی جس پر فیصل سلطان نے دعوت اسلامی کی خدمات کو خوب سراہا اور مدنی چینل پر اپنے تأثرات بھی دیئے۔ (رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد / کانٹینٹ : محمد مصطفیٰ انیس) 

گزشتہ روز لودہراں میں دعوت اسلامی کے ذمہ داران نے نیشنل پریس کلب (لوہراں) کا وزٹ کیا اور سینئر صحافی  و امیدوار قومی اسمبلی ، نیشنل پریس کلب کے بانی عمران علی اعوان سے ملاقات کی۔

دوران ملاقات ذمہ داران نے دعوت اسلامی کا تعارف کروایا اور مختلف شعبہ جات کی خدمات بیان کیں نیز فیضان مدینہ لودہراں وزٹ کرنے اور ہفتہ وار اجتماع میں شرکت کرنے کی دعوت پیش کرتے ہوئے امیر اہل سنت دامت بَرَکَاتُہمُ العالیہکے کتب و رسائل تحفے میں پیش کئے۔(رپورٹ: کانٹینٹ : محمد مصطفیٰ انیس) 

گزشتہ روز اوکاڑہ میں ایک اسلامی بھائی کے گھر شخصیات مدنی حلقے کا اہتمام ہوا جس میں  شخصیات و تاجران کے علاوہ دیگر ذمہ داران دعوت اسلامی نے بھی شرکت کی ۔

مدنی حلقے میں نگران پاکستان مشاورت حاجی محمد شاہد عطاری کی آمد ہوئی اور ” نیکیوں میں سستیاں کیسے ختم کی جائیں “ کے بارے میں مدنی پھول ارشاد فرمائے نیز نیکی کرنے ، نیکی کے کاموں میں حصہ لیتے رہنے اور دعوت اسلامی کے دینی کاموں میں شامل ہونے کے ساتھ ساتھ نماز روزے کی پابندی کرنے اور آخرت کی تیاری کرنے کے بارے میں ذہن دیا ۔ (رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس) 

13 جنوری 2023ء بروز جمعہ پاکستان کے شہر سیالکوٹ میں  واقع رنگ پورہ ٹاؤن میں دعوتِ اسلامی کے تحت ڈسٹرکٹ سیالکوٹ اور میٹروپولیٹن سیالکوٹ تا یوسی نگران کی اسلامی بہنوں کا مدنی مشورہ منعقد ہوا جس میں شعبہ مدرسۃالمدینہ بالغات و کفن دفن کی ذمہ داران نے شرکت کی۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نے مختلف اہم امور پر تبادلۂ خیال کرتے ہوئے پلاننگ کے ساتھ کام کرنے اور گناہوں سے بچنے کا ذہن دیا۔

اس کے علاوہ نگرانِ عالمی مجلسِ مشاورت نے زیادہ سے زیادہ گھریلو صدقہ بکس لگانے اور سالانہ ڈونیشن کی تعداد بڑھانے کی ترغیب دلائی جس پر انہوں نے اچھی اچھی نیتیں کیں۔

پچھلے دنوں نگران پاکستان مشاورت حاجی محمد شاہد عطاری کی رکن شوریٰ حاجی محمد اسلم عطاری و دیگر ذمہ داران کے ہمراہ مرحوم مبلغ دعوت اسلامی حاجی خالد عطاری کی قبر پر تشریف آوری ہوئی اور مرحوم کے ایصال ثواب کے لئے فاتحہ خوانی و دعائے مغفرت کی ۔

اس دوران نگران پاکستان مشاورت نے مرحوم کے اہل خانہ سےملاقات و تعزیت کی اور لواحقین کو اللہ تبارک و تعالیٰ کی رضا پر راضی رہنے کے مدنی پھول دیئے ۔ (رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس) 

عاشقانِ رسول کی دینی تحریک دعوتِ اسلامی کے زیرِا ہتمام پاکستان کے شہر گجرات میں واقع دارالسنہ کالرہ خاصہ  میں ڈویژن تا یوسی نگران کی ذمہ دار اسلامی بہنوں کا مدنی مشورہ ہوا جس میں شعبہ روحانی علاج کی ذمہ داران بھی شریک تھیں۔

اس دوران نگرانِ عالمی مجلسِ مشاورت اسلامی بہن نے سنتوں بھرا بیان کیا اور مدنی مشورے میں شریک اسلامی بہنوں کو احساسِ ذمہ داری کے ساتھ دینی کام کرنےکا ذہن دیا۔

علاوہ ازیں نگرانِ عالمی مجلسِ مشاورت نے زیادہ سے زیادہ گھریلو صدقہ بکس لگانے اور سالانہ ڈونیشن کی تعداد بڑھانے کی ترغیب دلائی نیز انہیں آئندہ کے اہداف بھی دیئے۔

مدنی مشورے کے اختتام پر اسلامی بہنوں نے نگرانِ عالمی مجلسِ مشاورت سے ملاقات کی جبکہ نگرانِ عالمی مجلسِ مشاورت اسلامی بہنوں کے درمیان تحائف تقسیم کئے۔ 

دعوتِ اسلامی کے تحت بیرونِ ملک میں ہونے والے دینی کاموں کے حوالے سے بذریعہ انٹرنیٹ مدنی مشورہ ہواجس میں برتھ (Australian city) نگران اسلامی بہن کی شرکت ہوئی۔

تفصیلات کے مطابق اس مدنی مشورے میں دعائے حاجات اجتماع، محفل نعت کے شیڈول، فنانس ڈیپارٹمنٹ ٹیسٹ دینے اور ماہنامہ فیضانِ مدینہ کی بکنگ کروانے کے علاوہ دیگر مختلف اہم نکات پر کلام کیا گیا۔

اس کے علاوہ برتھ میں قائم مکتبۃالمدینہ میں تنظیمی طریقۂ کار کے نفاذ کے بارے میں گفتگو کی گئی نیز آن لائن گجراتی اجتماع میں شرکت کرنے اور گجراتی لینگویج میں سنتوں بھرے بیانات کرنے کے مدنی پھول بیان کئے گئے۔

پنجاب پاکستان کے شہر گجرات میں گزشتہ روز دعوتِ اسلامی کے زیرِ اہتمام (رکنِ عالمی مجلسِ مشاورت اسلامی بہن کی سنتِ نکاح کے سلسلے میں) محفلِ نعت کا انعقاد کیا گیا۔

اس محفلِ نعت کی ابتداء تلاوتِ قراٰن اور نعتِ سولِ مقبول صلی اللہ علیہ و سلم سے کی گئی جبکہ نگرانِ عالمی مجلسِ مشاورت اسلامی بہنوں نے سنتوں بھرا بیان کرتے ہوئے اللہ عزوجل کی نعمتوں پر شکریہ ادا کرنے کے متعلق اسلامی بہنوں کو مدنی پھول دیئے۔

اسلامی بہنوں کی تربیت کرنے اور انہیں  علمِ دینِ سے آراستہ کرنے والی عاشقانِ رسول کی دینی تحریک دعوتِ اسلامی کے زیرِ اہتمام پچھلے دنوں صوبۂ پنجاب پاکستان کے شہر گجرات میں ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔

اجتماعِ کا آغاز تلاوتِ کلامِ پاک سے کیا گیا اور مبلغۂ دعوتِ اسلامی نے پیارے آقا صلی اللہ علیہ و سلم کی بارگاہِ اقدس میں نذرانۂ عقیدت پیش کیا۔

دعوتِ اسلامی کی نگرانِ عالمی مجلسِ مشاورت اسلامی بہن نے ”اللہ کی رضا پر راضی رہنے کا طریقہ“ کے موضوع پر سنتوں بھرا بیان کیااور وہاں موجود اسلامی بہنوں کو مصیبت و پریشانیوں میں صبر کرنے کی ترغیب دلائی۔

قراٰنِ پاک کی تعلیمات دینے والی عاشقانِ رسول کی دینی تحریک دعوتِ اسلامی کے شعبہ مدرسۃ المدینہ گرلزکے زیرِ اہتمام پاکستان کی صوبائی، سٹی اور  ڈویژن ذمہ داران اسلامی بہنوں کا آن لائن مدنی مشورہ ہوا۔

اس مدنی مشورے میں رکنِ عالمی مجلس مشاورت اسلامی بہن نےشرکا کی تربیت کرتے ہوئے مختلف امور پر مشاورت کی نیز امتحان نمبر1 ، سالانہ عطیات سیزن، لرننگ سیشن کی سمری، دعائے حاجات اجتماع، شعبے کے تحت ہونے والے دینی کام، نیو اجاروں اور شعبے کے دیگرکئی اہم نکات پرتبادلۂ خیال کیا گیا۔

بعدازاں رکنِ عالمی مجلسِ مشاورت اسلامی بہن نے نمایاں کارکردگی پراسلامی بہنوں کی حوصلہ افزائی اورانہیں مزید اہداف دیئے۔

دعوتِ اسلامی کے تحت عالمی سطح پر ہونے والے دینی کاموں کے حوالے سے کراچی سندھ میں قائم فیضانِ صحابیات میں  مدنی مشورے کا انعقاد ہوا جس میں اراکینِ عالمی مجلسِ مشاورت اور بین الاقوامی امور کی ذمہ دار اسلامی بہنوں نے شرکت کی جبکہ بیرونِ ملک و بیرونِ شہر سےاسلامی بہنیں بذریعہ انٹرنیٹ شریک ہوئیں۔

اس مدنی مشورے میں نگرانِ عالمی مجلسِ مشاورت اسلامی بہن نے دینی کاموں کے متعلق گفتگو کرتے ہوئے کہا کہ ہمیں سختی اور شدت پسندی سے خود کو محفوظ رکھنا چاہیئے کہ یہ چیزیں دیگر لوگوں کو دور کرتی ہیں۔

مزید نگرانِ عالمی مجلسِ مشاورت کا کہنا تھا کہ وسعتِ نظری پید اکی جائے لیکن جو بات شریعتِ مطہرہ سے ٹکڑائے اسے ہرگز قبول نہ کیا جائے۔

16 جنوری 2023ء بروز پیر ذمہ دارانِ دعوتِ اسلامی نےلودہراں میں مختلف شخصیات سے ملاقات کی جن میں سابق وفاقی وزیر مرزا محمد ناصر بیگ، سینئر رہنما پی ٹی آئی و صوبائی ٹکٹ ہولڈر ڈاکٹر شیر محمد اعوان، سابق ٹکٹ ہولڈر قومی اسمبلی رانا محمد طفیل ٹھاکر، سابق ناظم ڈاکٹر مظہر امیر غوری، سابق چیئر مین بیت المال پنجاب ملک سلطان منگلا، ڈی ایس پی صدر سرکل خالد جاوید جوئیہ اور ضلعی جنرل سیکریٹری پی ٹی آئی رانا شہزاد انور سمیت دیگر شخصیات شامل تھیں۔

اس موقع پر ذمہ دار اسلامی بھائیوں نے شخصیات سے مختلف امور پر گفتگو کرتے ہوئے انہیں دعوتِ اسلامی کے تحت 19 اکتوبر 2023ء بروز جمعرات کو لودہراں میں ہونے والے ہفتہ وار سنتوں بھرے اجتماع میں شرکت کرنے کی ترغیب دلائی۔