29 نومبر 2022ء کو کسانوں میں کھاد تقسیم کرنے کے لئے دعوت اسلامی کے شعبہ FGRFکے زیر اہتمام راجن پور پنجاب میں کسان اجتماع کا انعقاد کیا گیا جس میں ہزاروں عاشقان رسول نے شرکت کی۔

رکن شوریٰ مولانا حاجی عبد الحبیب عطاری نے سنتوں بھرا بیان کیا اور شرکا کو ہرحال میں اپنے رب کا شکر ادا کرتے ہوئے زندگی گزارنے کی ترغیب دلائی۔

آخر میں سردی سے حفاظت کے لئے سیلاب زدگان کے چار ہزار گھروں میں کمبل (blankets) ، گرم بستر اور کسانوں کو فصلیں اُگانے کے لئے دوہزار افراد میں کھاد اور بیج تقسیم کئے گئے۔

اجتماع کے بعد رکن شوریٰ نے اطراف کے بستیوں کا دورہ کیا اوراس موقع گفتگو کرتے ہوئے کہاکہ دعوت اسلامی ایف جی آر ایف کے تحت سیلاب زدگان پہلے دن سے ہی متاثرین کی مدد کی جارہی ہے۔ ضلع راجن پور کی حدود میں اب تک تقریباً 30 گھروں کی بحالی کا کام مکمل ہوچکا ہے جبکہ مزید بستیوں میں بھی گھروں کی تعمیرات کا آغاز کردیا گیا ہے کوشش ہے کہ متاثرین کی ہر ممکنہ مدد کی جائے۔ شعبہ فیضان گلوبل ریلیف فاؤنڈیشن پاکستان بھر کے سیلاب زدگان میں کاکھانے، پینے، دواؤں دیگر امدادی سرگرمیوں کی مد میں تقریباً ڈھائی ارب روپے خرچ کرچکی ہے جبکہ یہ سلسلہ آگے مزید بھی جاری ہے۔

دعوت اسلامی کے زیر اہتمام 30 نومبر 2022ء کو چیمبر آف کامرس نواب شاہ سندھ میں تاجر اجتماع کا انعقاد کیا گیا جس میں کاروباری حضرات اور مقامی تاجروں نے شرکت کی۔

نگران مجلس شعبہ پروفیشنلز محمد ثوبان عطاری نے ”حلال زرق کمانے“ کے موضوع پر سنتوں بھرا بیان کرتے ہوئے شرکا کو اسلامی اصول اور سنت نبوی صلَّی اللہ علیہ واٰلہٖ وسلَّم کے مطابق تجارت کرنے کی ترغیب دلائی۔ اس کےعلاوہ محمد ثوبان عطاری نے تاجروں کو اپنے مال میں کچھ نہ کچھ حصہ راہِ خدا میں خرچ کرنے کا ذہن بھی دیا۔

دعوت اسلامی کے زیر اہتمام 30 نومبر 2022ء کو قائد عوام یونیورسٹی کالج آف انجینئرنگ، سائنس اینڈ ٹیکنالوجی نواب شاہ سندھ کیمپس میں سیمینار کا اانعقاد کیا گیا جس میں یونیورسٹی کی انتظامیہ، ٹیچرز، پروفیسرز اور اسٹوڈنٹس نے شرکت کی۔

نگران مجلس شعبہ پروفیشنلز محمد ثوبان عطاری نے ” Learner's Psychology“ کے موضوع پر سنتوں بھرا بیان کیا اور شرکا کودنیاوی تعلیم کے ساتھ ساتھ دینی تعلیم بھی حاصل کرنے کی ترغیب دلائی۔

29نومبر 2022ء بروز منگل دعوت اسلامی کے زیر اہتمام نواب شاہ سندھ میں عظیم پروفیشنلز اجتماع کا انعقاد کیا گیا جس میں ڈاکٹرز، انجینئرز، فنانس آفیسرز، آئی ٹی پروفیشنلز،تاجران اور یونیورسٹی کے پروفیسرز نے شرکت کی۔

نگران مجلس شعبہ پروفیشنلز محمد ثوبان عطاری نےسنتوں بھرا بیان کرتے ہوئے شرکا کو دین و شریعت کےمطابق اپنی زندگی گزارنے اور اپنے دوست احباب کو بھی اس کی دعوت دینے کی ترغیب دلائی۔

دعوت اسلامی کے زیر اہتمام 29 نومبر 2022ء کو قائد عوام یونیورسٹی کالج آف انجینئرنگ، سائنس اینڈ ٹیکنالوجی لاڑکانہ سندھ کیمپس میں سیمینار کا اانعقاد کیا گیا جس میں یونیورسٹی کی انتظامیہ، ٹیچرز، پروفیسرز اور اسٹوڈنٹس نے شرکت کی۔

نگران مجلس شعبہ پروفیشنلز محمد ثوبان عطاری نے ” Time Management “ کے موضوع پر سنتوں بھرا بیان کیا اور شرکا کو کچھ نہ کچھ دینی تعلیم بھی حاصل کرنے کی ترغیب دلائی۔

30نومبر 2022ء کو ضلع جیکب آباد ، تحصیل ٹھل میں دعوتِ اسلامی کا فلاحی شعبہ FGRF کے تحت کسانوں میں بیج تقسیم کی گئی ، اس موقع پر دعوتِ اسلامی ڈسٹرکٹ جیکب آباد کے نگران مولانا عبدالوحید عطاری مدنی نے سنتوں بھرا بیان کیا اور شرکا کو دعوتِ اسلامی کا تعارف کرایا ، اجتماعات میں شرکت کرنے اور دعوت اسلامی کے دینی کاموں میں حصہ لینے کاذہن دیا مزید اپنے بیان میں کہا کہ دعوتِ اسلامی نیکی کے کاموں کے ساتھ ساتھ فلاحی کاموں میں بھی مصروف عمل ہے۔

اس اجتماع میں تحصیل ٹھل کے نگران ہدایت اللہ عطاری اور دیگر عاشقان رسول نے بھی شرکت کی۔(کانٹینٹ: محمد مصطفیٰ انیس) 

30نومبر 2022ء کو عالمی مدنی مرکز فیضانِ مدینہ کراچی میں شعبہ کفن دفن دعوتِ اسلامی کے تحت غسلِ میت کورس کا اہتمام کیا گیا جس میں امامت کورس کے اسلامی بھائیوں نے شرکت کی۔

ایسٹ ڈسٹرکٹ شعبہ کفن دفن کے ذمہ دار مولانا عزیر عطاری نے شرکا کو کو غسلِ میت کے حوالے سے اہم بنیادی مسائل سے آگاہ کرتے ہوئے میت کو غسل دینے کی فضیلت واہمیت بیان کیں نیز کفن کاٹنے اور پہنانے کا شرعی طریقہ بتایا۔ (رپورٹ: عزیر عطاری شعبہ کفن دفن / کانٹینٹ: محمد مصطفیٰ انیس) 

شعبہ  اسپیشل پرسنز دعوتِ اسلامی کے زیرِ اہتمام فیصل آباد ڈسٹرکٹ تحصیل جڑانوالہ میں گیارہویں شریف کے سلسلے میں اجتماع کا انعقاد کیا گیا جس میں کثیراسپیشل پرسنز نے شرکت کی۔

نعمان عطاری نے اشاروں کی زبان میں ’’سیرت ِغوث پاک رحمۃُ اللہِ علیہ ‘‘ کے موضوع پر سنتوں بھرا بیان کیا اور شرکائے اجتماع کو اپنی زندگی کے شب و روز غوثِ پاک کے فرامین پر عمل کرتے ہوئے گزارنے کا ذہن دیا نیز ہفتہ وار سنتوں بھرے اجتماع میں شرکت کرنے کی ترغیب بھی دلائی جس پر اسلامی بھائیوں نے نیک جذبات کا اظہار کیا۔

بعدازاں ڈیف اسلامی بھائیوں کا مدنی مشورہ ہوا جس میں صوبائی ذمہ دار محمد وقاص عطاری نے اسپیشل پرسنز میں دینی کام کرنے کے حوالے سے ذہن سازی کی۔

اس موقع پر ڈسٹرکٹ ذمہ دار محمد نعمان بدر عطاری،ڈیف ذمہ دار محمد ارسلان عطاری اورفیصل آباد ڈویژن ذمہ دار محمد شاہد عطاری بھی مشورے میں موجود تھے ۔(رپورٹ: شعبہ اسپیشل پرسن فیصل آباد ڈویژن، کانٹینٹ: رمضان رضا عطاری) 

دعوتِ اسلامی کے زیرِ اہتمام شعبہ فیضان آن لائن اکیڈمی  بوائزکی برانچز راولپنڈی، اسلام آباد اور میرپور کشمیر کے مدنی عملے کا تربیتی اجتماع منعقد ہوا۔

دورانِ اجتماع نگرانِ شعبہ مولانا یاسر عطاری مدنی اور اراکینِ شعبہ نے حاضرین کی تعلیمی، انتظامی اور تنظیمی معاملات پر اسلامی بھائیوں کی تربیت کرتے ہوئے انہیں شعبے کے دینی کاموں میں ترقی کے لئے اہم نکات بتائے۔

اس موقع پر اراکین شعبہ سیّد غلام الیاس شاہ عطاری، مولانا نعیم بابر عطاری مدنی، مولانا عرفان عطاری مدنی اور صوبائی ذمہ دار مولانا عامر سلیم عطاری مدنی موجود تھے۔(رپورٹ:محمد وقار یعقوب مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

27 نومبر 2022ء کو فیضانِ انصاری چوک ، ملتان میں شعبہ روحانی علاج دعوتِ اسلامی کے تحت مدنی مشورہ ہوا جس میں ملتان ڈویژن شعبہ روحانی علاج کے ڈسٹرکٹ و تحصیل ذمہ داران نے شرکت کی ۔

نگرانِ شعبہ روحانی علاج محمد انور رضا عطاری نے شرکا کو تعویذات دینے کی اہمیت بیان کی ، خالی یوسی میں بستے کھولنے کا ہدف دیا ، آئمہ کرام کو روحانی علاج کا کورس کروانے اور ہفتہ وار اجتماعات میں روحانی علاج کے بستے لگانے کا ذہن دیتے ہوئے شعبہ کے حوالے سے اپڈیٹس بیان کی ، ساتھ ہی ساتھ 12 دینی کاموں کا ذہن دیا اور امت کی غمخواری کا جذبہ دلایا۔( رپورٹ: سمیر علی ، آفس ذمہ دار / کانٹینٹ: محمد مصطفیٰ انیس) 

پچھلے دنوں دعوتِ  اسلامی کے شعبہ اسپیشل پرسنز کے تحت جھنگ ڈسٹرکٹ شہر میں قائم غوثیہ مسجد میں اسپیشل پرسنز نے تین دن کے مدنی قافلے میں سفر کیا جس میں ڈیف اور نابینا اسلامی بھائیوں نے شرکت کی۔

مدنی قافلہ میں اسپیشل پرسنز کوفرض علوم میں مفسداتِ نماز کی معلومات دی گئیں اورنماز کے عملی طریقہ کا پریکٹیکل کروایا گیا نیز فاتحہ کا طریقہ بھی بتایا گیا۔ مزید اسپیشل پرسنز کی دینی و اخلاقی اعتبار سے تربیت کا سلسلہ بھی ہوا۔

اس کے علاوہ اسلامی بھائیوں نے ڈویژن ذمہ دار برائے ڈیف ارسلان عطاری ، محمد شاہد عطاری اور ڈسٹرکٹ ذمہ دار محمد سلطان عطاری کے ہمراہ علاقائی دورہ کیا جس میں مقامی عاشقانِ رسول کو بعد نمازِ مغرب ہونے والے سنتوں بھرے بیان میں شرکت کرنے کی دعوت دی۔(رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوتِ اسلامی، کانٹینٹ: رمضان رضا عطاری)

27 نومبر 2022ء کو عالمی مدنی مرکز فیضانِ مدینہ ، کراچی میں شعبہ فیضان آن لائن اکیڈمی گرلز  دعوتِ اسلامی کا سالانہ تربیتی اجتماع ہوا جس میں شعبے کے ذمہ دار اسلامی بھائیوں نے شرکت کی ۔

دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری نے ذمہ داران کی شعبے کے حوالے سے تربیت کی اور بذریعہ انٹرنیٹ شریک اسلامی بہنوں میں ”ایک ذمہ دارن کو کیسا ہونا چاہیئے “ کے موضوع پر گفتگو کی ۔

اجتماع کے اختتام پر پاکستان بھر سے آئے ہوئے اسلامی بھائیوں نے نگرانِ شوریٰ سے ملاقات کی۔( رپورٹ: مبارک علی عطاری ، آفس ذمہ دار/ کانٹینٹ: محمد مصطفیٰ انیس)