اسلامی بہنوں کی مجلس مکتبۃ المدینہ کے زیر اہتمام پچھلے دنوں ملتان زون  کی مکتبۃ المدینہ و تقسیمِ رسائل کی ذمہ دار اسلامی بہنوں نے کابینہ ملتان مکی کامدنی مشورہ لیا۔

مدنی مشورے میں موجود ڈویژن نگران اور مکتبۃ المدینہ کی ڈویژن ذمہ داران کو مدنی پھول دئیےاور اپنے شعبے کی ترقی کے حوالے سے کلام کیا ۔ تقرریوں کا ہدف لیا گیا آخر میں شعبہ ذمہ داران کی کام کے حوالے سے تربیت کی گئی اور کارکردگی وقت پر دینے کاذہن دیا گیا ۔

(یہ مضمون امیراہلسنت اورمفتی فضیل صاحب کے پیغام کی روشنی میں ضروری ترمیم کے ساتھ تیارکیاگیاہے)

عاشقانِ رسول کی مدنی تحریک،”دعوتِ اسلامی“ کے اہم ترین شعبے”دارالافتاء اہلسنت“کے مفتی فضیل عطاری صاحب مَدَّظِلُّہُ الْعَالِی نے امیراہلِ سنت دَامَتْ بَرَکَاتُہُمُ الْعَالِیَہ کو16جُمادی الاولیٰ 1442ھ یہ خوشخبری سُنائی کہ دار الافتاء اہلسنت(حیدر آباد،سندھ)کے ناظم، مولانا محمد سرفراز مدنی گزشتہ چھ سال سے اپنی خدمات پیش کررہے ہیں، اَلْحَمْدُ لِلّٰہ!اِن کی بہترین کارکردگی پر اِن کو سینئرمتخصص (مُتَ۔ خَصْ۔ صِصْ) کا درجہ (گریڈ)دے دیا گیاہے۔شیخِ طریقت،امیراہلِ سنت حضرتِ علامہ مولانا محمد الیاس عطارقادری رضوی ضیائی دَامَتْ بَرَکَاتُہُمُ الْعَالِیَہ نے اپنے ”مدنی بیٹے“کومبارکباد اوردُعاؤں سے نوازتے ہوئے کچھ یوں نصیحتیں اِرشادفرمائیں:

اللّٰہ کرے!آپ کے ذریعے اُمت کی خوب خدمت سر انجام پائے۔پیارے بیٹے!لوگوں سے اُن کی عقلوں کے مطابق آسان اَنداز میں گفتگو فرمائیے،یہ ذہن بنائیے کہ ہمارا مقصد لوگوں کے دِلوں میں اپنی علمیّت کا رُعب جمانا نہیں صِرف دینی ”بات“سمجھانا ہے،دارالافتاء اہلسنت میں جو لوگ آپ سے شرعی مسائل پوچھنے آئیں گے،آپ اُن سے ایسی گفتگو کیجئے جس سے اُن کو وحشت نہیں، اُنسیت حاصل ہواوروہ عُلَماءِ کرام کے مزید قریب آئیں۔ اللّٰہ پاک آپ کو خوب برکتیں عطافرمائے۔

پیارے بیٹے! چونکہ آپ کی ذمہ داری مزید بڑھ گئی ہے، اِس لئے اَب اپنا نجی مطالعہ(Personal Study)اوربڑھائیے،جتنا مطالعہ کرتے رہیں گے، اُتنے فقہی اُصول وقواعداورشرعی مسائل پختہ (یعنی مضبوط)ہوں گے۔ اَلْحَمْدُ لِلّٰہ!میں نے فتاویٰ رضویہ اور بہارِ شریعت کے کئی ایسے صفحات ہوں گے جن کے متعلق اگر مبالغہ کروں توشاید سوسوبار پڑھے ہوں گے،آپ بھی بار بار شرعی مسائل کا مطالعہ کرتے رہیے۔ میرے لئے بھی دُعائے برکت کیجئے، میں بھی آپ کے لئے دُعائے برکت کرتاہوں،اَلْحَمْدُ لِلّٰہ!آپ کی ترقی سے مجھے خوشی ہوئی، اللّٰہ پاک آپ کو جنت الفردوس میں بے حساب داخلہ دے کر خوش کردے۔ اپنی دعوتِ اسلامی کا دینی کام بھی کرتے رہئے گا۔

دعوت اسلامی کے شعبہ تعلیم کے تحت 10 جنوری 2021ء دوپہر 2:00 بجے مدنی چینل لائیو Facebook Pageپر اسٹوڈنٹس،ٹیچرز اور ایجوکیشن ڈیپارٹمنٹ سے وابستہ افراد کے لئے آن لائن سنتوں بھرے اجتماع کا انعقاد ہونے جارہا ہے۔

اس اجتماع میں نگران پاکستان انتظامی کابینہ حاجی محمد شاہد عطاری خصوصی بیان فرمائیں گے

شعبہ تعلیم کے تمام افراد سے اس اجتماع پاک میں شرکت کرنے کی درخواست ہے۔

دعوت اسلامی کے زیر اہتمام لیسٹر برطانیہ میں دار المدینہ کے قیام کے لئے تعمیراتی کام جاری ہے۔

اسی سلسلے میں نگران برمنگھم یوکے ریجن سید فضیل رضا عطاری نے اس ادارے کا دورہ کیا اور وہاں جاری تعمیراتی کاموں کا جائزہ لیتے ہوئے کام کے متعلق اپڈیٹ حاصل کی۔

عاشقان رسول سے درخواست ہے کہ اس ادارے کےتعمیراتی کاموں میں بڑھ چڑھ کر حصہ لیں۔

تعاون کرنے کے لئے اس نمبر پر رابطہ کریں

447886023575+

دعوت اسلامی کی مجلس مدنی قافلہ کے زیر اہتمام رکن شوریٰ حاجی محمد اسلم عطاری نے نگران زون رحیم یار خان احمد رضا عطاری، ریجن قافلہ ذمہ دار محمد زاہد عطاری اور رحیم یار خان کے 7 نگران کابینہ کے ہمراہ تین دن کے مدنی قافلے میں رحیم یار خان پہنچے۔

دوران قافلہ علاقائی دورے کا سلسلہ ہوا جس میں رکن شوریٰ نے علاقے کے عاشقان رسول کو نیکی کی دعوت پیش کی اور دینی کاموں میں حصہ لینے کا ذہن دیا۔ (محمد حارث عطاری، شعبہ مدنی قافلہ)

دعوت اسلامی کی مجلس مدنی قافلہ کے زیر اہتمام 31 دسمبر 2020ء سے 2 جنوری 2021ء تک تین دن کا تربیتی سیشن ہوا جس میں 12 ماہ کے عاشقان رسول نے شرکت کی۔

اراکین شوریٰ حاجی امین قافلہ عطاری، حاجی محمد امین عطاری اور حاجی سید لقمان عطاری، حاجی ابوماجد محمد شاہد عطاری مدنی سمیت کراچی ریجن 12 ماہ مدنی قافلہ ذمہ دار عثمان واجہ عطاری اور کراچی ریجن مدنی قافلہ ذمہ دار ساجد عطاری نے وقتاً فوقتاً شرکا کی تربیت کی اور 12 ماہ کے عاشقان رسول سے قافلے کی کارکردگی کا جائزہ لیتے ہوئے اخراجات کے حوالے سے معلومات حاصل کی۔(محمد حارث عطاری، شعبہ مدنی قافلہ)

دعوت اسلامی کے شعبہ مدنی قافلہ کے زیر اہتمام 3 جنوری 2021ء کو نیو کراچی کابینہ میں علاقائی دورہ کا سلسلہ ہوا جس میں نگران شعبہ مدنی قافلہ حاجی مشکور عطاری، کابینہ اور ڈویژن ذمہ داران نے شرکت کی۔

نگران شعبہ مدنی قافلہ نے اطراف کے عاشقان رسول کو نیکی کی دعوت پیش کی اور انہیں ایک ماہ کے مدنی قافلہ میں سفر کرنے کی ترغیب دلائی۔(محمد حارث عطاری، شعبہ مدنی قافلہ)

دعوت اسلامی کی مجلس شعبہ مدنی قافلہ کے تحت بحریہ ٹاؤن کراچی میں 2 جنوری 2021ء کو مدنی مشورہ ہوا جس میں بحریہ ٹاؤن کابینہ مشاورت کے ذمہ داران نے شرکت کی۔

رکن شوریٰ حاجی محمد امین قافلہ عطاری نے12 دینی کاموں کو مزید آگے بڑھانے کے والے سے اہداف طے کئے اور کابینہ ذمہ داران کو فعال کرنے کا ذہن دیا جبکہ ذمہ داران نے بڑھ چڑھ کر دینی کام کرنے کی یقین دہانی کروائی۔(محمد حارث عطاری، شعبہ مدنی قافلہ)

پچھلے دنوں دعوت اسلامی کی مجلس مدنی قافلہ کے زیر اہتمام گجرات شاہ جہانگیر روڈ میں مدنی حلقہ ہوا جس میں کابینہ سطح کے قافلہ ذمہ داران نے شرکت کی۔

مدنی قافلہ ذمہ دار محمد عرفان عطاری نے پیشگی جدول اور ایک ماہ کے قافلے کے حوالے سے گفتگو کی۔(محمد حارث عطاری، شعبہ مدنی قافلہ)

عاشقان رسول  کی دینی معلومات میں اضافہ کرنے اور انہیں علمِ دین سے فیض یاب کرنے کے لئے امیرِ اہلِ سنت دَامَتْ بَرَکَاتُہُمُ الْعَالِیَہ ہر ہفتے ایک رسالے کے مطالعے کی ترغیب دلاتے ہیں اور رسالہ پڑھنےیاسننے والوں کو اپنی دعاؤں سے بھی نوازتے ہیں۔

اس ہفتے امیرِ اہلِ سنت نے عاشقانِ رسول کو رسالہ ” شانِ حافظِ مِلّت رحمۃ اللہ علیہ “ پڑھنے / سننے کی ترغیب دلائی ہے اور پڑھنے /سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک! جو کوئی 17 صفحات کا رسالہ ” شانِ حافظِ مِلّت رحمۃ اللہ علیہ “ پڑھ یا سُن لے اس کو اپنے نیک بندےحافظ ملت کی برکتیں عطاکر اور اس کی بے حساب بخشش فرما۔امین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

دعوتِ اسلامی کے زیر اہتمام پچھلے دنوں  4 جنوری 2021ء کو کابینہ ذمہ دار اسلامی بہن نے ڈویژن و علاقہ سطح کی ذمہ داران کامدنی مشورہ کیا جس کے بعد معروف ٹی وی ڈارمہ ایکٹر سے انکے والد کے انتقال پر تعزیت کی۔ انہیں صبر کرنے، اپنی موت کو یاد کرتے ہوئے موت کی تیاری کرنے کا ذہن دیا۔ دوسروں کو دین کی دعوت دینے کے لئے گھر میں درس اجتماع رکھنے کی ترغیب دلائی جس پر انہوں نے چالیسوے میں اپنے گھر محفل رکھنے کی اجازت بھی دی۔ بعد ازاں تحفے میں انہیں رسائل و تسبیح کاؤنٹر بھی دی گئیں۔

اسلامی بہنوں کے شعبہ فنانس ڈیپارٹمنٹ کے زیر اہتمام 4 جنوری 2021 ء کو کورنگی ساڑھے 3 میں کابینہ مشاورت اسلامی بہن نے ماہانہ مدنی مشورہ لیا۔

مبلغہ ٔدعوتِ اسلامی نے شیڈول کو مضبوط کرنے اور کارکردگی کو بہتر بنانے پر کلام ہوا ۔ سابقہ رسیدوں کی وصولی بھی کی گئی مزید شخصیات سے رابطہ مضبوط رکھنے کے حوالہ سے بھی توجہ دلائی تاکہ دین کے کام میں معاونت و آسانی ہو ۔