پچھلے دنوں دعوت اسلامی کے زیر اہتمام  مدنی مرکز فیضانِ مدینہ جوہر ٹاؤن میں دینی حلقے کا انعقاد کیا گیا جس میں چائنیز لینگویج ڈیپارٹمنٹ کے اسلامی بھائیوں سمیت اسٹوڈنٹس نے شرکت کی۔

نگران ایسٹ ریجن محمد توصیف عطاری نے بذریعہ انٹرنیٹ ”کامیاب مبلغ کیسے بنا جائے؟“ کے موضوع پر سنتوں بھرا بیان کیا اور نیکی کی دعوت دینے کی فضیلت، مثالیں اور انداز وغیرہ کے حوالے سے تربیت فرمائی۔ بیان کے بعد اسلامی بھائیوں نے اپنی اچھی اچھی نیتوں کا اظہار بھی کیا۔ 

دعوتِ اسلامی کے شعبہ جامعۃ المدینہ بوائز کے تحت 15 دسمبر 2021ء بروز بدھ بذریعہ زوم مدنی مشورے کا انعقاد ہوا جس میں معاون نگران شعبہ تعلیمی امور(مولانا اعظم سکندری عطاری مدنی)سمیت اراکینِ زون نے شر کت کی۔

اس موقع پر نگرانِ شعبہ تعلیمی امور حاجی محمد گل رضا عطاری مدنی نے اسلامی بھائیوں سے گفتگو کرتے ہوئے تعلیمی نظام میں مزید بہتری لانے کے حوالے سے اہم نکات پر مشاورت کی اور سالانہ رزلٹ کے سلسلے میں بھی تبادلۂ خیال کیا۔

اس کے علاوہ کنزالمدارس بورڈ دعوتِ اسلامی کے سالانہ امتحانات کے پیپر پیٹرن کے مطابق جامعۃ المدینہ میں ماہانہ ٹیسٹ کے ذریعے پریکٹس کروانے پرگفتگو کا سلسلہ رہا۔

گزشتہ دنوں دعوتِ اسلامی کے شعبہ جامعۃ المدینہ بوائز کے تحت مرکزی مجلسِ شوریٰ کے رکن حاجی محمد اسد عطاری مدنی نے دینی کاموں کے سلسلے میں لاہور کا دورہ کیا۔

اس دوران رکنِ شوریٰ نے نگرانِ شعبہ مولانا ظفر عطاری مدنی اور نگرانِ شعبہ تعلیمی امور حاجی محمد گل رضا عطاری سمیت ملکی سطح کے اہم ذمہ داران کے ہمراہ رکنِ مرکزی مجلسِ شوریٰ حاجی یعفور رضا عطاری کے گھر پر اُن کے والدسے عیادت کی اور اُن کے لئے دعائے صحت کروائی جس پر انہوں نے اظہارِ تشکر کیا۔

دعوت اسلامی کے زیر اہتمام  لاہور شمالی زون کے نگران نعیم عطاری، مقامی تاجران اور دیگر ذمہ داران کے درمیان لاہور میں دینی حلقہ ہوا۔

مولانا مہروز عطاری مدنی نے ماہنامہ فیضان مدینہ کا مطالعہ کرنے، اس کی سالانہ بکنگ کروانے، ماہنامہ فیضان مدینہ کی سرکولیشن، سبسکرپشن اور اس کی سیل بڑھانے کے حوالے سے گفتگو کرتے ہوئے اہداف طے کئے۔ دینی حلقے میں ایک تاجر اسلامی بھائی نے اپنے پلّے سے 526 ماہنامہ فیضان مدینہ لگوانے کی نیت کی جبکہ آخر میں شرکا نے ماہنامہ فیضان مدینہ کے ہوم ڈیلیوری سسٹم کو خوب سراہا اور اطمینان کا اظہار کیا۔

دعوت اسلامی کے شعبہ ماہنامہ فیضان مدینہ کے نگران مولانا مہروز عطاری مدنی اور نگران شعبہ سید حسنین عطاری شعبہ رابطہ برائے تاجران کے ذمہ دارن کے ہمراہ رائیونڈ مصطفٰے آباد پہنچے جہاں انہوں نے مختلف مارکیٹوں کا دورہ کیا۔

مولانا مہروز عطاری مدنی نے مارکیٹس میں مختلف تاجران اور یونین کے اسلامی بھائیوں سے ملاقات کیں اور انہیں ماہنامہ فیضان مدینہ کی سالانہ بکنگ کروانے کا ذہن دیتے ہوئے اہداف دیئے جس پر تاجر اسلامی بھائیوں نے اپنی اپنی نیتوں کا اظہار کیا جبکہ کچھ تاجروں نے ہاتھوں ہاتھ ماہنامہ کی بکنگ بھی کروائی۔

بعد ازاں رائیونڈ میں ہی ایک اسلامی بھائی کی رہائش گاہ پر دینی حلقے کا انعقاد کیا گیا جس میں مقامی اسلامی بھائیوں کو ماہنامہ فیضان مدینہ کا مطالعہ کرنے اور اس کی سالانہ بکنگ کروانے کا ذہن دیا۔

دعوت اسلامی کے شعبہ ماہنامہ فیضان مدینہ کے نگران مولانا مہروز عطاری نے مدنی مرکز فیضان مدینہ جوہر ٹاؤن لاہور میں اراکین شوریٰ حاجی محمد اسد عطاری مدنی اور حاجی محمد جنید عطاری مدنی سمیت جامعۃ المدینہ کے سینئر اساتذۂ کرام سے ملاقات کی۔

مولانا مہروز عطاری نے جامعۃ المدینہ بوائز/ گرلز میں طلبہ و طالبات کو ماہنامہ فیضان مدینہ کی سالانہ بکنگ کروانے کی ترغیب دلانے اور عشرہ ماہنامہ میں بھر پور تعاون کرنے کی درخواست کی۔

پچھلے دنوں دعوتِ اسلامی کے شعبہ جامعۃ المدینہ کے زیرِ اہتمام لاہور میں قائم مرکزی جامعۃ المدینہ فیضانِ مدینہ کے میٹنگ روم میں مدنی مشورے کا انعقاد ہوا جس میں اراکینِ شعبہ اور آئی ٹی ڈیپارٹمنٹ سمیت ملکی سطح کے اہم ذمہ داران نے شرکت کی۔

اس دوران رکنِ مرکزی مجلسِ شوریٰ حاجی محمد اسد عطاری مدنی، نگرانِ شعبہ مولانا ظفر عطاری مدنی اور نگرانِ شعبہ تعلیمی امور حاجی محمد گل رضا عطاری نے ذمہ داراسلامی بھائیوں کی دینی، اخلاقی اور تنظیمی اعتبار سے تربیت و رہنمائی کرتے ہوئے شعبے سمیت تنظیمی سیٹ اپ کے حوالے سے اہم نکات پر تبادلہ ٔ خیال کیا ۔

اس مدنی مشورے میں شعبہ جامعۃ المدینہ کے تمام اراکین، آئی ٹی ڈیپارٹمنٹ سے انجینئر محمد امیر حمزہ عطاری(پاکستان ذمہ دار)، فنانس ڈپارٹمنٹ سے حافظ دلاور عطاری، اجارہ و گریڈنگ شعبہ جامعۃ المدینہ(بوائز)کے نگران اسماعیل عطاری مدنی اور دیگر اہم ذمہ داران شریک تھے۔

بعدازاں مرکزی مجلسِ شوریٰ کے رکن حاجی یعفور رضا عطاری نے بھی ذمہ داراسلامی بھائیوں کی تربیت فرمائی اور اپنے قیمتی مدنی پھولوں سے نوازا۔ (رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوت اسلامی کے شعبہ ماہنامہ فیضان مدینہ کے نگران مولانا مہروز عطاری مدنی اور نگران شعبہ تقسیم رسائل سید حسنین عطاری ان دنوں پنجاب کے دورے پر ہیں۔

دوران دورہ دونوں ذمہ داران مدنی مرکز فیضان مدینہ جوہر ٹاؤن لاہور پہنچے جہاں انہوں نے مختلف کورسز کے شرکا کے درمیان دینی حلقے کا انعقاد کیا۔ دینی حلقے میں مولانا مہروز عطاری مدنی نے شرکائے کورس کو ماہنامہ فیضان مدینہ کا مطالعہ کرنے اور اس کی سالانہ بکنگ کروانے کی ترغیب دلائی۔

علاوہ ازیں اسی مقام پر رکن شوریٰ حاجی یعفور عطاری کے ساتھ شعبہ گھریلو صدقہ بکس کے ذمہ داران کا مدنی مشورہ جاری تھا۔ مدنی مشورے میں رکن شوریٰ اور نگران شعبہ ماہنامہ فیضان مدینہ مولانا مہروز عطاری مدنی نے اسلامی بھائیوں کو ماہنامہ فیضان مدینہ کی سالانہ بکنگ کروانے کی ترغیب دلائی۔ 

شعبہ علاقائی دورہ  )اسلامی بہنیں )کے تحت 11 دسمبر 2021ء بروز ہفتہ ہالینڈ میں بذریعہ انٹر نیٹ کال مدنی مشورے کا انعقاد ہوا جس میں ہالینڈ کے مختلف علاقوں کی4 اسلامی بہنوں نے شرکت کی ۔

ریجن نگران اسلامی بہن نے مقامی اسلامی بہنوں کو نیکی کی دعوت دینے کے فضائل اور طریقہ کار بتایا نیز جوائن کال کے ذریعے ہالینڈ کے مختلف علاقوں میں ہفتہ وار سنتوں بھرے اجتماع کرنے کا ہدف دیا۔

دعوت اسلامی کے شعبہ ماہنامہ فیضان مدینہ کے نگران مولانا مہروز عطاری مدنی نے نگران شعبہ تقسیم رسائل سید حسنین عطاری کے ہمراہ لاہور میں نگران شعبہ پروفیشنلز محمد ثوبان عطاری اور شعبہ FGRFکے محمد افضل عطاری سے ملاقات کی۔

مولانا مہروز عطاری نے انہیں پروفیشلز اور تاجران سمیت دیگر اسلامی بھائیوں میں ماہنامہ فیضان مدینہ عام کرنے کا ذہن دیا اور اس کی پلاننگ کے حوالے سے گفتگو کرتے ہوئے تبادلۂ خیال ہوا۔ 

دعوت اسلامی کے شعبہ ماہنامہ فیضان مدینہ کے نگران مولانا مہروز عطاری مدنی اور نگران شعبہ تقسیم رسائل سید حسنین عطاری نے جامعہ ہجویریہ لاہور کے مہتمم و پرنسپل مولانا بدر الزمان قادری صاحب،  استاذ العلماء مفتی صدیق ہزاروی صاحب، شیخ الحدیث مولانا خلیل قادری صاحب، مولانا زوار بہادر امجدی صاحب اور دیگر علمائے کرام اور مدرسین سے ملاقاتیں کیں۔

مولانا مہروز عطاری نے انہیں ماہنامہ فیضان مدینہ کا تعارف پیش کیا اور ان سے درخواست کی کہ اپنے جامعہ کے طلبہ کو بھی اس کا مطالعہ کرنے کی ترغیب دلانے اور اس کی سالانہ بکنگ کروانے کا ذہن دیں۔

بعد ازاں نگران شعبہ ماہنامہ فیضان مدینہ مولانا مہروز عطاری مدنی، نگران شعبہ تقسیم رسائل سید حسنین عطاری اور شعبہ رابطہ بالعلماء کے ذمہ دار مولانا طیب عطاری مدنی نے جامعہ نظامیہ لاہور کے سینئر مدرس علامہ عبد الشکور صاحب سے ملاقات کی اور ماہنامہ فیضان مدینہ کا تعارف پیش کیا۔

جامعہ ہجویریہ اور جامعہ نظامیہ کے تمام علمائے کرام کو ماہنامہ فیضان مدینہ اردو، انگلش اور عربی تحفۃً پیش کیا گیا جس پر علمائے کرام نے اس کاوش کو سراہا اور اس کی اہمیت و افادیت بتاتے ہوئے دعاؤں سے نوازا۔

دعوت اسلامی کے شعبہ ماہنامہ فیضان مدینہ کے نگران مولانا محمد مہروز عطاری مدنی نے نگران شعبہ تقسیم رسائل اور لاہور ریجن کے ذمہ دار شکیل عطاری کے ہمراہ نگران کابینہ واپڈا ٹاؤن محمد ندیم عطاری، دیگر ذمہ داران اور مقامی تاجروں سے ملاقات کی۔

مہروز عطاری مدنی نے انہیں ماہنامہ فیضان مدینہ کا مطالعہ کرنے، اس کی سالانہ بکنگ کروانے، ماہنامہ فیضان مدینہ کی سرکولیشن، سبسکرپشن اور کابینہ میں اس کی سیل بڑھانے کے حوالے سے گفتگو کرتے ہوئے اہداف طے کئے۔