دعوتِ اسلامی کے تحت پچھلے دنوں پاکستان کے شہر لاہور میں قائم مدنی مرکز فیضانِ مدینہ جوہر ٹاؤن لاہور میں مدنی مشورے کا انعقاد ہوا جس میں ضلع قصور کے ڈسٹرکٹ اور تحصیل نگران کے ذمہ دار اسلامی بھائیوں نے شرکت کی۔

اس مدنی مشورے میں رکنِ مرکزی مجلسِ شوریٰ حاجی یعفور رضا عطاری نے دعوتِ اسلامی کے 12 دینی کاموں کے حوالے سے اہم نکات پر مشاورت کی اور ذمہ داران کو احسن انداز سے دینی کام کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوت اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری دیگر ذمہ داران کے ہمرہ پچھلے دنوں دینی کاموں کے سلسلے میں مظفر آباد کے جدول پر تھے۔

اس دوران نگرانِ پاکستان مشاورت نے رکنِ شوریٰ حاجی محمد وقارالمدینہ عطاری کے ہمراہ حضرت سائیں سخی سہیلی کے مزار پرحاضری دی۔بعدازاں نگرانِ پاکستان مشاورت حاجی محمد شاہد عطاری سمیت دیگر اسلامی بھائیوں نےفاتحہ خوانی پڑھی اور صاحبِ مزار کے لئے ایصالِ ثواب کیا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پچھلے دنوں حاجی محمد افضل عطاری کے والدِ محترم کا رضائے الٰہی سے انتقال ہو گیا جس پر دعوتِ اسلامی کے ذمہ دار اسلامی بھائیوں نے اُن سے تعزیت کرتے ہوئے اہلِ خانہ کو صبر کی تلقین کی۔

تفصیلات کے مطابق مرحوم کی نمازِ جنازہ دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دارالعلوم محمدیہ غوثیہ داتا نگر المعروف خان محمد قادری والی مسجد میں پڑھائی۔

بعدازاں رکنِ شوریٰ نے مرحوم کے لئے دعا و فاتحہ خوانی کروائی اور مرحوم کے گھر والوں کو زیادہ سے زیادہ ایصالِ ثواب کرنے کا ذہن دیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِا ہتمام پاکستان کے شہر لاہور میٹروپولیٹن میں واقع نشتر ٹاؤن کے علاقے اٹاری سروبہ نزد دربار بابا برکت شاہ میں جامعۃ المدینہ و مدرسۃ المدینہ گرلز ’’فیضانِ فاطمۃ الزہرہ رضی اللہ عنہا‘‘ کا افتتاح کیا گیاجس میں اہلِ محلہ کی کثیر تعداد نے شرکت کی۔

اس موقع پر رکنِ مرکزی مجلسِ شوریٰ حاجی یعفور رضا عطاری نے مساجد و مدارس بنانے کے متعلق سنتوں بھرا بیان کیا اور وہاں موجود عاشقانِ رسول کو راہِ خدا عزوجل میں اپنا مال خرچ کرنے کے فضائل بیان کئے جس پر انہوں نے اچھی اچھی نیتیں کیں۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پنجاب پاکستان کے شہر لاہور میں قائم  مدنی مرکز فیضانِ مدینہ جوہر ٹاؤن میں دعوتِ اسلامی کے تحت ایک میٹنگ ہوئی جس میں لاہور سٹی کے نگران ڈسٹرکٹ مشاورت، نگران ٹاؤن مشاورت اور نگران کابینہ کے اسلامی بھائیوں نے شرکت کی۔

دورانِ مدنی مشورہ مرکزی مجلسِ شوریٰ کے رکن حاجی یعفور رضا عطاری نے شرکا کی تربیت کرتے ہوے دعوتِ اسلامی کے 12 دینی کاموں کے متعلق گفتگو کی اوردینی کاموں کے سلسلے میں ماہانہ شیڈول بنانے سمیت امامت کورس کروانے کے حوالے سے اہداف دیئے۔

آخر میں رکنِ شوریٰ نے نمایاں کارکردگی والے اسلامی بھائیوں کے درمیان امیرِ اہلِ سنت دامت بَرَکَاتُہمُ العالیہ کی جانب سے عطا کردہ تحائف تقسیم کئے۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری پاکستان کے شہر کراچی کے دورے پر تھے۔

تفصیلات کے مطابق نگرانِ پاکستان مشاورت نے دورانِ دورہ صحرائے مدینہ کراچی میں واقع مفتیِ دعوتِ اسلامی مرحوم مفتی محمد فاروق عطاری مدنی اور مرحوم رکنِ شوریٰ حاجی زم زم عطاری کے مزار پر حاضری دی۔

بعدازاں رکنِ شوریٰ نے مزار پر فاتحہ خوانی پڑھی نیز دعا کا بھی سلسلہ رہا۔اس موقع پرنگرانِ پاکستان مشاورت کے ہمراہ مرکزی مجلسِ شوریٰ کے رکن حاجی محمد امین عطاری سمیت دیگر ذمہ دار اسلامی بھائی بھی موجود تھے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

18 مئی 2022ء  بروز بدھ کی شب عالمی مدنی مرکز فیضانِ مدینہ کراچی میں دنیا بھر کے امام صاحبان کے لئے خصوصی مدنی مذاکرےکا انعقاد کیا گیاجس میں دور و نزدیک سے کثیر عاشقان رسول نے شرکت کی۔

شیخِ طریقت امیر اہل سنت مولانا محمد الیاس عطار قادری نے سنتوں بھرا بیان فرمایاجس میں عاشقان رسول کومسجدوں کی آباد کاری اور لوگوں کے ساتھ حسن سلوک کرنے نیز امامت کرنے کے حوالے سے قیمتی مدنی پھول عطا فرمائے۔

مزید امیر اہل سنت دامت برکاتہم العالیہ نے عاشقان رسول کو اللہ و رسول کی رضا کو پیش نظر رکھنےاورصحابہ کرام سے محبت رکھنے کا ذہن دیا ۔ آپ نے اپنے جذبات کا اظہار کرتے ہوئے اپنے مریدین کو یہ وصیت فرمائی کہ میرے جنازے کو ایسا شخص کندھا نہ دے جو صحابی رسول ، کاتب وحی امیر معاویہ رضی اللہ عنہ سے چِڑتا ہو۔ اس بات کااظہار آپ نے ان الفاظ میں فرمایا کہ مجھے مدینہ کے کتے کھا جائیں لیکن ایسے کندھے نہیں چاہئیں جو گستاخ رسول ہو، گستاخِ صحابہ و اہلِ بیت ہو،ایسا کندھا کسی کام کا نہیں ہے۔آپ نے فرمایا: اگر اپنا باپ بھی ایسا ہو تو وہ کسی کام کا نہیں ،حضرت امیرمعاویہ رضی اللہ عنہ جنتی صحابی ہیں ،ایسے جنتی صحابی کہ خود سرکار ﷺ نے جنت کی بشارت دی۔ اس پر کئی احادیث موجود ہیں۔

اس موقع پر امیر اہل سنت نے یہ بھی ارشاد فرمایا کہ حضرت علی کرم اللہ وجہ الکریم کی شان امیرمعاویہ رضی اللہ عنہ سے بہت درجہ بلند ہے۔ کروڑوہا درجے بلند بھی کہوں تو کم ہے لیکن اس کا مطلب یہ نہیں کہ امیر معاویہ صحابی نہیں ہیں۔ آپ رضی اللہ عنہ صحابی رسول ہے آپ کا اپنا ایک مقام ہے، کچھ لوگ آپ کو برا کہتے ہیں اس حوالے سے آپ کی مظلومیت ہے۔

اس کے علاوہ آپ نے حضرت امیر معاویہ رضی اللہ عنہ سے محبت کا اظہار کرتے ہوئے ارشاد فرمایا: میں دعوت اسلامی کے بہت پہلے سے اس معاملے میں جذباتی ہوں اور مجھے حضرت امیر معاویہ رضی اللہ عنہ سے بہت پُرانا پیار ہے۔ اللہ پاک ان کے صدقے میری آنے والی نسلوں کو بخشے اور میری نسلوں میں کوئی بھی صحابہ اور اہل بیت کا گستاخ نہ ہو۔  ’’ اَلْمَرْءُ مَعَ مَنْ اَحَبَّ ‘‘ ۔ یعنی جو جس کے ساتھ محبت رکھے گا اس کا حشر اس کے ساتھ ہوگا۔ ( مسلم ، کتاب البر۔ ۔ ۔ الخ ، باب المرء مع من احب ، ص ۱۰۸۸ ، حدیث : ۶۷۱۸) گستاخانِ صحابہ کے ساتھ اٹھائے گئے تو ہو گا کیا؟ ملے گا کیا ؟۔آپ نے فرمایا : اپنے بھلے، عاشقان رسول بھلے، عاشقان صحابہ و اہل بیت بھلے (یعنی اچھے)۔

امیر اہل سنت دامت برکاتہم العالیہ نے شرکا کو جو امیر معاویہ کے بارے میں اچھی رائے نہیں رکھتے ایسوں کو نہ سننے کی ترغیب دیتے ہوئے ارشاد فرمایا : جب قراٰن و حدیث میں ان کی فضیلتیں آگئیں اب کسی ہسٹری کا حوالہ، تاریخ کا حوالہ دینا درست نہیں۔ قراٰن و حدیث کے مقابلے میں کسی ہسٹری اور تاریخ کا حوالہ نہیں چلتا۔ یہ بالکل اصول کے ہی خلاف ہے۔کسی صحابی ،امام اور اولیاء کرام کے خلاف ہمیں کسی سے سننا ہی نہیں ہے جو وسوسہ آئے۔ ان کو سنے وہ جس میں لچک ہو ، دیوار جو نرم ہو کیل وہاں گَڑھ جاتی ہے۔اپنے کو نرم دیوار نہیں بننا۔ ہمیں سیسہ پِلائی ہوئی دیوار بننا ہے کہ بم بھی ٹکرائے تو ہم پر نہ پھٹے،ٹکرا کر دشمن کے کلیجہ پر جاکے پھٹے ،ہم پر نہ پھٹے۔

اس پر رکن شوریٰ حاجی امین سمیت دیگر عاشقان رسول نے ہر صحابی نبی۔۔۔۔۔۔ جنتی جنتی کے نعرے لگائے ۔ 

17مئی 2022ء کو  بحرین کے علاقے منامہ میں واقع پاکستانی سفارت خانے میں مفتی علی اصغر عطاری مدنی نے پاکستانی سفیر (Ambassador) محمد ایوب سے ملاقات کی۔

اس موقع پر مختلف موضوعات کے ساتھ ساتھ دعوت اسلامی کی دینی خدمات اور پاکستانی کمیونیٹی کی بہتری کے تعلق سے گفتگو ہوئی۔ خصوصاً کردار سازی اور اخلاقی امور میں سوسائٹی میں کیسے بہتری آسکتی ہےاس پر تبادلہ خیال ہوا۔آخر میں مفتی صاحب نے سفیر محمد ایوب کو مکتبۃ المدینہ کی مطبوعہ سیرت نبوی اور تصوف پر شائع کردہ کتب پیش کیں۔ 

15 مئی 2022 ء  کو بحرین میں فندق خلیج Gulf Hotel میں منعقد ہونے والی ایفوفی AAOIFI ادارے کی عالمی کانفرنس میں دنیا کے متعدد ممالک سے آئے ہوئے ماہرین اسلامی بینکاری کے اجتماع کا انعقاد ہوا۔

بحرین، شام، فلسطین، سوڈان،عرب شریف،افغانستان،عرب امارات اوردیگر ممالک کے ماہرین سے مفتی علی اصغر عطاری مدنی نے تبادلہ خیال فرمایا اور مختلف ایشوز پر بات چیت کی نیز آئندہ رابطے میں رہنے اور مختلف دینی مسائل پر تبادلہ خیال کرتے رہنے پر اتفاق کیا۔

آج 19 مئی 2022ء بروز جمعرات بعد نماز عشاء  دعوت اسلامی کے عالمی مدنی مرکز فیضان مدینہ باب المدینہ کراچی میں ہونے والے ہفتہ وار سنتوں بھرے اجتماع میں نگرانِ پاکستان مشاورت رکن شوریٰ حاجی محمد شاہد عطاری سنتوں بھرا بیان فرمائیں گے ۔

دوسری جانب19 مئی 2022ء بروز جمعرات بعد نماز عشاء رات 9:30 بجے’’ سبحانی مسجد اورنگی ٹاؤن کراچی‘‘ میں ہونے والے ہفتہ وار اجتماع میں رکنِ شوریٰ حاجی محمد اطہر عطاری سنتوں بھرا بیان فرمائیں گے ۔

بیانات کا موضوع ’’ فیضانِ امیر حمزہ رضی اللہ عنہ ‘‘ ہوگا۔

عالمی مدنی مرکز کے قریبی عاشقانِ رسول اسلامی بھائیوں سے اس میں شرکت کی مدنی التجاء ہے جبکہ دیگر مقامات و شہروں کے اسلامی بھائی اپنے قریبی ہونے والے دعوت اسلامی کے ہفتہ وار سنتوں بھرے اجتماع میں شرکت فرمائیں۔

گزشتہ دنوں اسلام آباد میں سیکرٹری مذہبی امور پاکستان سردار اعجاز جعفر کے گھر پر جانشین امیر اہل سنت مولانا حاجی عبید رضاعطاری مدنی دامت بَرَکَاتُہمُ العالیہاور رکن شوریٰ و نگران اسلام آباد (سٹی ) مشاورت حاجی وقار المدینہ عطاری کی آمد ہوئی۔

تفصیلات کے مطابق سردار اعجاز نے جانشین امیر اہل سنت کا استقبال کیا اور ان سے ملاقات کی، دوران ملاقات جانشین امیر اہل سنت نے گفتگو کرتے ہوئے اُن کی دینی و اخلاقی اعتبار سے تربیت کی اور انہیں مدنی پھولوں سے نوازا ساتھ ہی مکتبۃ المدینہ کی شائع کردہ کتاب ”صراط الجنان“ تحفے میں پیش کی۔( کانٹینٹ:محمد مصطفی انیس انصاری) 

پاکستان کے شہرلاہور میں قائم دعوتِ اسلامی کے مدنی مرکز فیضانِ مدینہ جوہر ٹاؤن میں ایک نشست کا انعقاد کیا گیا جس میں جامعۃ المدینہ بوائز کے دورۂ حدیث شریف میں پڑھنے والے اور تخصص فی الفقہ سمیت دیگر کورسز کرنے والے طلبۂ کرام نے شرکت کی۔

اس نشست میں مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے شرکا کی دینی، اخلاقی اور تعلیمی اعتبار سے تربیت کی اور اُن کی 12 ماہ کے مدنی قافلوں میں سفر کرنے کے حوالے سے ذہن سازی کی جس پر انہوں نے اچھی اچھی نیتوں کا اظہا ر کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)