صوبۂ پنجاب  پاکستان کے شہر فیصل آباد میں قائم دعوتِ اسلامی کے مدنی مرکز فیضان مدینہ میں شعبہ فیضان مرشد کے ذمہ داران کا مدنی مشورہ منعقد کیا گیا جس میں شعبے کے متعلقہ رکنِ شوریٰ حاجی محمد اطہر عطاری، نگران شعبہ، صوبائی اور اوورسیز کے اسلامی بھائیوں نے شرکت کی۔

دعوتِ اسلامی کی مرکزی مجلس ِشوریٰ کے رکن و نگرانِ پاکستان مشاورت حاجی محمد شاہد عطاری نے اس مدنی مشورے شعبے کے دینی کاموں کے حوالےسے گفتگو کرتے ہوئے مختلف موضوعات پر کلام کیا۔

دورانِ مدنی مشورہ کچھ اہداف طے ہوئے جن میں سے بعض درج ذیل ہیں:

1:شعبہ فیضان مرشد کے تحت عاشقانِ رسول میں نیکی کی دعوت عام کی جاتی ہے، ذمہ داران عاشقان رسول کی چھٹیوں سے فائدہ اٹھائیں اور انہیں مدنی قافلوں میں سفر کروائیں۔

2:عاشقانِ رسول کو دعوتِ اسلامی کے تحت ہونے والے کورسز کروائے جائے جن ميں فیضانِ نماز کورس، قرأت کورس اور فرض علوم کورس سمیت دیگر کورسز شامل ہیں۔

3:ذمہ داران عاشقان رسول کے بچوں کو دعوتِ اسلامی کے اداروں میں ایڈمیشن لینے کی ترغیب دلائیں تاکہ کثیر عاشقانِ رسول کے بچے ان اداروں میں داخلہ لیکر دین و دنیا میں ایک کامیاب انسان بن سکیں۔

4:عاشقان رسول کو امیر ِاہلِ سنت دامت بَرَکَاتُہمُ العالیہ کے مدنی مذاکروں میں شرکت کروائیں نیز وہ عاشقان ِرسول جو دعوتِ اسلامی کے دینی ماحول سے منسلک ہیں ان کو 12 دینی کام کرنے کے حوالے سے ذہن دیا جائے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد میں موجود دعوتِ اسلامی کے مدنی مرکز فیضان مدینہ میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے رابطہ برائے شوبز ڈیپارٹمنٹ اور رابطہ برائے اسپورٹس ڈیپارٹمنٹ کے ذمہ داران کا مدنی مشورہ کیا جس میں شعبے کے متعلقہ رکنِ شوریٰ حاجی محمد اطہر عطاری، نگران شعبہ، صوبائی اور اوورسیز کے اسلامی بھائیوں نے شرکت کی۔

دورانِ مدنی مشورہ شعبے کی صوبہ وائز کارکردگی مع تقابلی جائزہ سمیت مختلف اہم امور کے بارے میں گفتگو ہوئی نیز مدنی مشورے میں طے پایا کہ شوبز سے وابستہ فنکاروں اور اسپورٹس سے وابستہ کھلاڑیوں کو دعوتِ اسلامی کے تحت مدرسۃالمدینہ آن لائن میں پڑھایا جائے گا۔

اس کے علاوہ شوبز سے وابستہ فنکاروں اور اسپورٹس سے وابستہ کھلاڑیوں کے مدنی قافلے سفر کریں گے جس میں ڈائریکٹر ز، پروڈیوسرز، اداکاروں، گلوکاروں، ایکٹرز اور کومیڈین شامل ہوں گے۔

اسی طرح نگرانِ پاکستان مشاورت نے شوبز اور اسپورٹس سے وابستہ لوگوں کو امیرِ اہلِ سنت دامت بَرَکَاتُہمُ العالیہ کے مدنی مذاکروں میں شرکت کروانے کی ترغیب دلائی اور انہیں کورسز کروانے کا ذہن دیا جن میں نماز کورس، قرأت کورس اور فرض علوم کورس وغیرہ شامل تھے۔

مزید نگرانِ پاکستان مشاورت حاجی محمد شاہد عطاری کا کہنا تھا کہ شوبز اوراسپورٹس سے وابستہ عاشقانِ رسول جو دینی ماحول کے ساتھ اٹیچ ہیں ان کو 12 دینی کام کرنے کا ذہن دیا جائے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

صوبۂ پنجاب پاکستان کے شہر فیصل آباد میں موجود دعوتِ اسلامی کے مدنی مرکز فیضان مدینہ میں مرکزی مجلسِ شوریٰ کے رکن حاجی محمد اطہر عطاری نے پاکستان مشاورت آفس کے ذمہ داران کا مدنی مشورہ کیا جس میں نگران پاکستان مشاورت آفس اور شعبہ جات کے اسلامی بھائیوں کی شرکت رہی۔

دورانِ مدنی مشورہ ذمہ دار اسلامی بھائیوں نے رکن ِشوریٰ کو پاکستان مشاورت آفس کا تعارف کروایا نیز انہوں نے اپنے اپنے شعبہ جات کے حوالے سے رکن شوریٰ کو بریفنگ دی۔

اس کے علاوہ ذمہ داران نے رکنِ شوریٰ کو بتایا کہ کس طرح یہ شعبہ تقرری کے کاموں کو انجام دیتا ہے،کیسے اس شعبے کے ذریعے دیگر شعبہ جات کی کارکردگی جمع کی جاتی ہے اور شعبہ جدول کے ذریعے کس طرح ذمہ داران کا جدول بنایا جاتا ہے۔

بعدازاں رکنِ شوریٰ حاجی محمد اطہر عطاری نے ذمہ داران کی تربیت کرتے ہوئے انہیں مدنی پھولوں سے نوازا اور نظام کو مزید بہتر بنانے کے حوالے سے اپنی آراء پیش کیں جس پر ذمہ داران نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دنیا بھر میں مسجدیں بنانے اورانہیں آباد کرنے والی عاشقانِ رسول کی دینی تحریک دعوتِ اسلامی کے زیرِ اہتمام پچھلے دنوں لاہور کے علاقے شفیق آباد بند روڈ میں ”جامع مسجد فیض القدس“ کا افتتاح کیا گیا جس میں کثیر عاشقانِ رسول سمیت دیگر اسلامی بھائیوں نے شرکت کی۔

اس افتتاحی تقریب میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے”مسجدیں بنانے اور آباد کرنے“ کے موضوع پر سنتوں بھرا بیان کیا اور وہاں موجود اسلامی بھائیوں کو اُس مسجد میں دعوتِ اسلامی کے 12 دینی کاموں کو شروع کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

پچھلے دنوں پاکستان کے شہر فیصل آباد میں واقع دعوتِ اسلامی کے مدنی مرکز فیضان مدینہ میں شعبہ رابطہ برائے شخصیات اور رابطہ برائے خصوصی شخصیات کے ذمہ داران کا مدنی مشورہ منعقد ہوا جس میں شعبے کے متعلقہ رکنِ شوریٰ حاجی محمد اطہر عطاری، نگران شعبہ، صوبائی اور اوورسیز کے اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نےاس مدنی مشورے میں شعبےکی سابقہ کارکردگی کا جائزہ لیتے ہوئے شعبے کے دینی کاموں کے حوالے سے مختلف موضوعات پر کلام کیا۔

دوران ِمدنی مشورہ نگرانِ پاکستان مشاورت نے زیادہ سے زیادہ شخصیات کو مدنی قافلے میں سفر کروانے اور ان کو دعوت اسلامی کے تحت ہونے والے آن لائن کورسز میں داخلے کروانے کے بارے میں ذمہ داران کی ذہن سازی کی اور انہیں مدنی پھولوں سے نوازا جن میں بعض یہ ہیں:

1)شعبہ فیضان آن لائن اکیڈمی کی صورت میں مختلف کورسز (جس میں عالم کورس، تجوید کورس، طہارت کورس، فیضان نماز کورس) کروائے جاتے ہیں یہ بھی کسی کی اصلاح کا ایک طریقہ ہے ان میں شخصیات کے داخلے کروائے جائیں۔

گزشتہ روز مدنی مرکز فیضان مدینہ راولپنڈی میں مرکزی مجلس شوری کے رکن حاجی وقار المدینہ عطاری نے راولپنڈی کے اسلامی بھائیوں کے ساتھ مدنی مشورہ کیا ۔

رکنِ شوریٰ حاجی وقار المدینہ عطاری نے مدنی مشورے کے دوران اسلامی بھائیوں سے دعوتِ اسلامی کے 12 دینی کاموں کے متعلق گفتگو کی اور محرم الحرام کے مدنی قافلوں میں سفر کرنے کے حوالے سے ذہن سازی کی۔

مزید رکنِ شوریٰ نے ذمہ داران کو اخلاص کے ساتھ دعوتِ اسلامی کے دیگر دینی کاموں کو کرنے کا ذہن دیا جس پر انہوں نے اچھی اچھی نیتیں کیں۔ ( کانٹینٹ: محمد مصطفی انیس) 

پچھلے دنوں دعوت اسلامی کے مدنی مرکز فیضان مدینہ اسلام آباد میں معروف عالم دین  مولانا عمر فیض قادری صاحب دامت بَرَکَاتُہمُ العالیہ نے وزٹ کیا اور مرکزی مجلس شوری کے رکن حاجی وقار المدینہ عطاری ودیگر ذمہ داران سے ملاقات کی ۔

رکن شوری نے مولانا عمر فیض قادری صاحب دامت بَرَکَاتُہمُ العالیہ کو دعوت اسلامی کی دینی و سماجی کاموں کے بارے میں بریف کیا اور دیگر شعبہ جات کے بارے میں بھی آگاہی دی نیز فیضان مدینہ میں قائم شعبہ جات بھی دکھائے ۔( کانٹینٹ: محمد مصطفی انیس)

پاکستان کے شہر لاہور میں واقع مدنی مرکز فیضانِ مدینہ میں جوہر ٹاؤن میں دعوتِ اسلامی کے تحت ایک میٹنگ منعقد کی گئی جس میں فنانس ڈیپارٹمنٹ، شعبہ مدرسۃ المدینہ بوائز و گرلز، شعبہ جامعۃ المدینہ بوائز و گرلز، شعبہ ڈونیشن بکس اور شعبہ گھریلو صدقہ بکس کے ذمہ دار اسلامی بھائیوں نے شرکت کی۔

دورانِ میٹنگ دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے شعبہ جات کے دینی کاموں کے حوالے سے اہم نکات پر کلام کیا اور شعبہ جات کے اخراجات و آمدن کا جائزہ لیا نیز ذمہ داران کو آمدن بڑھانے کے سلسلے میں اہداف دیئے جس پرانہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

صوبۂ پنجاب پاکستان کے شہر ملتان میں قائم دعوتِ اسلامی کے مدنی مرکز فیضان مدینہ شاہ رکن عالم کالونی میں شعبہ مدنی کورسز و امامت کورس سمیت ان شعبہ جات کے معلمین کےلئے مدنی مشورے کا اہتمام کیا گیاجس میں ملک بھر کے امامت کورس و مدرس کورس کرنے والے طلبۂ کرام نے بھی شرکت کی۔

تفصیلات کے مطابق مرکزی مجلسِ شوریٰ کے رکن حاجی محمد عقیل عطاری مدنی نے ”رزقِ حلال اور اس کی برکت“ کے موضوع پر سنتوں بھر ابیان کرتے ہوئے رزق حلال کمانے کی اہمیت اور اس کے تقاضوں کو بیان کیا نیز کمانے کے حوالے سے اہم ترین جزئیات کو اعلیٰ حضرت امام احمد رضا خان بریلوی رحمۃ اللہ علیہ کی کتاب ”فتاویٰ رضویہ“ سے بیان کیں۔

اس کے علاوہ رکنِ شوریٰ نے وقتِ اجارہ میں منصب کے مطابق کاموں کی تکمیل، تدریس و تفتیش کے دوران اچھے انداز میں تربیت کرنے اور دورانِ وقت اجارہ ذاتی امور سے بچنے کی ترغیب دلائی۔(غیاث الدین عطاری)

رکن شوریٰ حاجی ابو ماجد محمد شاہد عطاری مدنی حج کی ادائیگی کے بعد 23 جولائی 2022ء کو اپنے وطن پاکستان واپس پہنچ گئے۔

وطن واپسی پر رکن مجلس شعبہ معاونت برائے اسلامی بہنیں نعمان عطاری اور فیضان صحابیات و دار السنہ کے نگران حماد عطاری نے کراچی ائرپورٹ پر ان کا استقبال کیا اور مبارکباد پیش کی۔

شعبہ دعوت اسلامی کے شب و روز کے اراکین بھی حج کی ادائیگی پر رکن شوریٰ کو مبارکباد پیش کرتے ہیں اور دعاگو ہے کہ اللہ پاک ہمیں بھی آئندہ سال حج ادا کرنے کی سعادت عطا فرمائے۔اٰمین

دعوتِ اسلامی کے تحت پاکستان کے شہر لاہور میں قائم مدنی مرکز فیضانِ مدینہ جوہر ٹاؤن میں ایک میٹنگ ہوئی جس میں ڈسٹرکٹ نگران، ٹاؤن نگران، تحصیل نگران اور ڈویژن کے مختلف شعبہ جات کے ذمہ دار اسلامی بھائیوں نے شرکت کی۔

تفصیلات کے مطابق اس میٹنگ میں رکنِ مرکزی مجلسِ شوریٰ کے رکن حاجی یعفور رضا عطاری نے ذمہ داران کی تربیت کرتے ہوئے دعوتِ اسلامی کے 12 دینی کاموں کے متعلق گفتگو کی۔

رکنِ شوریٰ نے اسلامی بھائیوں کو محرم الحرام میں ایک ماہ کے مدنی قافلے میں سفر کرنے اور 12 دینی کاموں میں مزید بہتری لانے کا ذہن دیا جس پر انہوں نے اچھی اچھی نیتیں کیں۔

بعدازاں رکنِ شوریٰ نے دینی کاموں میں نمایاں کارکردگی والے ذمہ دار اسلامی بھائیوں کو تحائف بھی دیئے۔(رپورٹ:محمد آفتاب عطاری شعبہ تحفظ اوراق مقدسہ گوجرانوالہ ڈسٹرکٹ ،کانٹینٹ:غیاث الدین عطاری)

پچھلے فیضان صحابیات لاہور میں دعوتِ اسلامی کے تحت ہونے والے جامعۃ المدینہ گرلز کے 3 دن پر مشتمل تربیتی اجتماع کے انتظامات کے سلسلے میں میٹ اپ ہوا جس میں مرکزی مجلسِ شوریٰ کے رکن حاجی یعفور رضا عطاری کی آمد ہوئی۔

اس میٹ اپ میں رکنِ شوریٰ نے تربیتی اجتماع کے انتظامات کا جائزہ لیتے ہوئے اس کے تحت کام کرنے والے ذمہ داران کی حوصلہ افزائی کی اور نمایاں کارکردگی کے حامل اسلامی بھائیوں کو تحائف بھی پیش کئے۔

اس کے علاوہ رکنِ شوریٰ نے ذمہ داران کو اخلاص کے ساتھ دعوتِ اسلامی کے دینی کاموں کو کرنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)